Bingo & Cook (Moved) New Location

自從九龍灣國際展貿中心裝潢後，開多了好多餐廳，在附近上班的人多了好選擇，其中最愛這間韓國餐廳。食物的味道跟韓國吃的一樣，而且價格也不貴，份量吃起來很足夠，所以不用特意去尖沙咀等地方都可以食到韓國菜了。基本上每次來都必點的，豆腐辣牛肉湯的辣味很夠，也很回味炸雞可選有骨/無骨，無骨的吃起來好方便，雞肉也很嫩飯卷也是必點，配上豆腐辣湯，一定會捧著肚子離開，而且才$25。整體來就，這裡價廉物美，值得一試！

如果各下都係喺九龍灣返工既朋友, 同時又搵緊九龍灣有咩地方食lunch係好食又抵食既朋友。恭喜你, 答案係可能哩世都搵唔到。究竟九龍灣工業區, 除咗金拱門, 仲有咩餐廳係人食架呢？對唔住, 我咁講好似扼殺咗好多潛在既好餐廳。EMAX既所有餐廳「係所有餐廳！」試過哂, 全部都垃圾以上、食物以下。今日要講既就係佢！Weekday+Lunch+同事, 食個飯姐, 洗唔洗咁hi貴呢？$50蚊係$50蚊！- 紫菜1片切條上- 蛋半隻切條上- 乾爆白飯1碗唔知有無- 腸仔半條1開4- 生菜1片碎上- 超市泡菜嗰少少犀利！堅想讚吓。佢可以將所有材料放埋一齊, 但係所有味道可以保持到佢既獨立性, 連白飯都保持到只有白飯既無味。你估人人都煮得出咩！哩盒飯, $15蚊都俾多咗, 除非佢連埋飯盒同啲枱凳俾你拎走。如果唔係請問你憑乜野值$50蚊呢？要食客幫你交租呀！？

今日行經呢一到叫到間食韓國野既餐廳 見呢到唔使點等位就即時入黎坐底食啦 當然要叫個韓式炸雞 雞雖然係炸 但唔係覺得好油 雞肉都嫩身既 口感十足 kimchi都好好食 辣又夠辣 整體黎講都唔錯 可以一試

6點幾黎到，見到個counter已close，傻眼，咁早已經關左，見佢有好多飯卷擺喺度，問一問原來仲可以賣，但就話得crab味，由於唔甘心想食beef，再問一問，個阿姐就喺袋度拎一條beef飯卷出黎，之後就拎走食，好味道，下次早啲黎再試其他野。

九龍灣國際展貿中心的食肆愈開愈多今天就來試試一家韓式餐廳甫入台內已聽到K-pop音樂店員都是韓國人笑容滿面新派韓國菜當然少不了炸雞原味炸雞可選有骨或無骨雞肉入味外皮脆槳鬆化肉質嫩滑多汁不柴口韓式豬蹄乃傳統韓食味道比我在韓國吃過的淡味豬蹄肉肥瘦相間很惹味另付有椰菜及蘿蔔佐食辣醬豬肉炒粉絲沒想像中的辣粗粉絲伴以豬肉及冬菇絲同炒惹味香口唯份量少了一點海鮮豆腐湯特別湯內有蝦仁青口蜆肉魷魚雖然份量有點少但也值得推薦飲品有多樣選擇大部分是韓國入口的罐裝

我差不多每個週末都會到九展的The Metroplex星影匯看電影，因為坐得舒服之餘，全景聲的音響設備亦富有包圍立體感。不過回想起當初戲院剛開業時，E-MAX的食肆就是少得可憐，幸好大半年前開了「食街」Very Food，看戲後都可立即醫肚，不用再趕去德福同人迫了，上星期看完戲後的晚飯時段，我就來到主打韓國菜的Bingo & Cook。餐廳面積廣闊，感覺開揚，看完電影只是六時正，所以人流未算很多，到我吃完離開都已八成滿座。雖然餐牌選擇未算很多，不過不收加一，價錢不貴，這裡是以自助形式點餐，先下單，然後再等螢幕顯示單號自行取餐，負責下單的店員均是韓籍OPPA，所以下單時最好轉英文台 XD韓式醬汁豆腐 $30單看賣相還以為辣到噴火，但原來這款韓式醬汁是偏酸甜的，拌以冰涼嫩滑的凍豆腐，清爽開胃。韓式煨雞湯 (原味) $58雞湯湯頭清淡，帶有胡椒香氣，不過喝多了就覺得稍為鹹了一點。雞肉份量亦不少，不過肉質就未算很嫩滑。蟹肉火腿紫菜飯團 $35紫菜飯卷包裹著蟹肉火腿，配合爽口的醃黃瓜、紅蘿蔔絲、青瓜絲等，材料豐富，輕盈口味，米飯壓得很實，帶來多元口感。烤牛肉芝士紫菜飯團 $35這款就比上面那款較

去開 emax 睇exhibition，諗住隨意搵間餐廳食埋 dinner，點知遇到呢間，性價比好高、食到要捧住個肚 dump 走嘅韓式食店！呢間餐廳自助買野食，自由揀位。注意係佢餐牌有分 lunch 同 dinner，唯一唔同嘅係，晚餐會貴少少，不過都依然係幾平。勁中意食韓壽司嘅朋友，一口氣叫哂兩隻口味－一隻係烤牛肉，一隻係蟹肉火腿。個人鐘意烤牛肉多 d，因為係食肉獸哈哈，不過中意食韓壽司嘅朋友，兩隻都可以試。之後，一定要叫炸雞啦，要左個甜無骨炸雞。個醬係甜甜地 OK！而雞又真係超級多，份量可以夠3－4個人食。泡菜煎餅，呢個我幾中意個味，而且一d都唔油，可以一個人食哂哈哈。至於飽肚食物，叫左辣豬肉炒粉絲。粉絲都係我至愛，配埋少少辣味，真係食唔停口！！！仲有冷盤－醫汁豆腐，我都係第一次食呢款菜色，幾得意。今餐飯，叫左六樣野加兩罐野飲都只係 $371，真心平！平時出面食叫 3 碟食物閒閒地都已經 300 蚊，所以呢度可以再黎食！總結，emax 九展做 exhibition，所以連帶周圍嘅餐廳都比較早收，所以如果諗住夜晚黎食嘅朋友，要留意關門時間呀！

下晝約咗個朋友去展貿中心買嘢.....順便睇返場戲....不過因為未夠鐘入場.....所以想搵間餐廳食個下午茶.....雖然展貿中心裡面都有好多唔同嘅食市...不過行行下竟然系二樓見到一間好抵食嘅韓式屋見佢價錢咁抵...一於走入去試一試尼間韓式屋....地方都好寬大...而且唔會有一種好急促嘅感覺.....令你可以休休閒閑咁品嚐美食首先我叫咗一個....海鮮蔥煎餅口感bob bob脆....而且唔太油膩....係一份值得推介嘅小食你一碗韓式芝士麵非常抵食....而且面質非常彈牙....我仲加咗20元年糕同魚餅之後我仲嗌多個主食.....韓式豬蹄你個豬蹄同一般豬手好唔同....佢哋嘅豬皮，肉，同埋小小肥膏，配合得恰到好處....仲食到有小小膠質添係時候要補補d骨膠原啦見到哩個配菜五顔六色....睇落去都好開胃食咗咁多嘢...兩個人都唔使350蚊...的確抵食

陪女朋友和朋友到 EMAX 逛 BB 展，原來 EMAX 經常有活動和不少 outlet，餐廳選擇也多。女朋友當然又選了韓國餐廳，哈哈！餐廳是開放式的，很有空間感。餐牌上每種食物都有照片，非常清晰。女朋友點的韓式豬蹄，她說有骨膠原可以養顏。不過韓式豬蹄的確美味，豬腳肉炆煮過後被細心片成一塊塊，肉質有彈性沒有油膩感。醬料是點韓式豬蹄的，很是惹味。其餘是前菜，比一般食到的有新鮮感。煎餅有泡菜、海鮮和烤牛肉韮菜三款，我們就試了泡菜煎餅。原個的泡菜煎餅樣子好有型，切開後有滿滿的爽脆泡菜。煎餅亦煎得頗香脆。嫩滑海鮮豆腐湯可以加配料，飯和魚餅各加 $5，更加豐富。海鮮有魷魚、青口、蝦、蜆一大堆的，還有嫩滑豆腐。雖然看起來好紅，但辣度剛好，配飯一流！還有不少較少見的韓式飲品。

9月初，一群朋友去看電影，之後到附近食韓國菜。其實睇戲後，除了可以去食飯，大概沒有其他活動了...侍應不懂中文，好彩他會英文，而且餐牌是圖文並茂，點菜不會有問題。我聽到他們講韓文，可惜我的韓文程度只係岩岩識曬韓國字母，根本不可能用到韓文點菜書到用時方恨少！食物方面，我們點了不少食物，味道都不錯，而且份量頗多。第一款是炸魷魚麵。醬汁味道偏辣，魷魚夠腍，不會韌；炸得很香脆！第二款是人蔘雞湯，雖然只有約1/4隻雞，而且沒有大大條人蔘，不過抵食又好味，及格！韓式豬手，必須指出韓式的烹調方式未能充份展現豬手的美味。不過，這味道雖不是我最喜愛的，但加上配料及生菜，韓式豬手亦不失美食之名。泡菜煎餅，脆脆的，味道不錯。韓式炸雞當然是不能錯過的，味道、肉質都有水準，而且是新鮮炸好的！最後，還有一份豬扒飯，我們將豬扒外的食材都撈在一起，我覺得太辣了。

女朋友係九展番工，為左比個驚喜佢，就去左接佢，本身仲煩緊食乜好，因為嗰到好似唔多餐廳，原來我都幾out 2/F開左好多餐廳，不嬲都中意食韓國野，見到呢間環境都幾開揚，睇完餐牌都岩食，就入去醫肚啦。 啲staff全部都係正宗韓國人，但都識少量既廣東話，落單完全無難度，落完單企係到等拎單，點知佢叫我番去坐係到等得 仲以為唔洗加一就會無乜服務添，又唔係喎，佢地仲幾friendly tim! 好啦到重點，食物方面，叫左人蔘雞湯，估佢唔到又幾有人蔘味，個湯唔算油，而且入面既雞都幾多，睇得岀個湯都幾足料，下面仲有啲泡飯，吸左人蔘味都幾正 飲完個湯，點可以唔食韓食既韓式豬手呢，啲豬手係無骨，無乜油，傾住計咁食好快食完，食完唔算1口渴，即係味精都唔算多，其實一份都幾大份，所以如果唔係咁肚餓，兩個人share 1份就ok，我見其他人都係咁最後叫左個韓式薄餅, 超香泡菜味, 食落唔會覺得太油膩既感覺, 正!!

估唔到B&K開到黎九龍灣收工可以搭SHUTTLE入去九展就有得食!!! 個舖位都幾易搵呢度同CWB個間都幾大分別有少少似係外賣店既感覺但係門口又有齊枱櫈咁仲要免加一變相D野食有個9折咁!!! 正 叫左份炸雞, 水準KEEP到, 都係外脆內軟, 仲要係等左15分鐘先有, 因為係即叫即炸, 相當有心機既餐廳!!最正既係佢個份量好似係比CWB店大, 但價錢就比佢平!!性價比極高!! 見到佢有一盒盒野擺左係收銀機側邊，原來係kimbap飯卷，平時成日睇韓劇啲主角係便利店買一條就一餐架啦，呢到點睇都唔只一條咁少 入面唔係話有咩好特別既材料，但每一啖都好滿足，材料好簡單，但每一樣都好夾，入面既蘿蔔酸酸地，令成舊飯卷生色不少 呢間餐廳性價比都幾高，啲野都好抵食，下次再試下個泡菜煎餅同豬蹄先🤣

去親Emax睇戲，都無乜野食，可以食既都已經食過，今次可以食新野了見到二樓開左好熟面口既bingo n cook, 原來係cwb之前食過個間，而且發現價錢平d原本揀好左食豬蹄，但去到落單時，竟然話賣哂，好失望呀，再重新揀過，要烤牛肉韮菜餅，韓式魷魚炸雞，同埋韓式飯卷呢到座位係任你坐，好似食快餐咁但侍應都會遞餐俾你首先上左韓式紫菜飯卷，因為已經預先整好，材料有午餐肉，蘿蔔，蟹柳，黃瓜，蛋等，表面撒上黑白芝麻，口感幾豐富，味道正常韓式魷魚炸雞，份量好多，係成桶咁上，比我預計中多，但炸雞多過魷魚，比例係8比2吧炸雞，雞脾，翼，胸位，每個部位都有d，雞件炸得好脆，本身都醃得幾好，已經有味，侍應仲俾左甜辣醬我地，點埋黎食，會更惹味因為炸雞係隻bb 雞，肉質就算係胸位都唔會太鞋口而炸魷魚本身應該都幾大隻，幾好脆口，可惜就係份量唔多烤牛肉韮菜餅，新鮮韮菜份量多，加上洋蔥絲等混合牛肉煎起，煎到外皮好脆口，少少焦香雖然食落有少少油，但口感同味道唔錯，令我地食唔停口

九龍灣嘅國際展貿中心可能對於我哋嚟講就偏遠左少少，又要轉車先可以到，如果唔係有啲乜嘢大型嘅展覽可能都比較少去。但係佢而家其實都幾多嘢行，係一個幾唔錯嘅outlet。最重要佢入邊係有一個大型嘅戲院，講真唔使同人迫，舒舒服服，泊車又有優惠都唔錯。睇完戲之後想去醫肚，其實依家嗰度都有好多唔同類型嘅餐廳。今日我就去搵左oppa 餐廳，呢一間韓國餐廳喺銅鑼灣都會有分店，但係我就係第一次食。雖然佢所有嘅食物都係用紙盒，但係咁樣反而顯得簡潔，食物嘅質素亦都非常之高。我特別就係愛惜佢呢一個泡菜煎餅，係即叫即整，所以食嗰陣時候熱辣辣，外層咬落去脆口，入邊有濃郁嘅泡菜香，麵粉亦都做得好煙韌。另一個要一提就係呢一個炸魷魚彈彈麵，初頭以為佢淨係一個好普通嘅韓國公仔麵，但係咬落去呢一個面十分之彈牙，比起公仔麵起碼彈牙兩三倍，而且佢唔係一個湯麵，佢係一個撈麵，所以食起上嚟個味道會比較淋，同埋比較辣。兩個人食嘅份量其實都有限，如果下次可以再食嘅話，我好想試一試佢嘅燒雞同埋炸雞，應該都十分之有水準嘅。

早幾日過黎九展睇show，朋友話呢度開左間好味嘅韓國菜（俏俏話：D韓國oppa店員又靚仔），佢食過銅鑼灣分店，於是開場前就過左黎試下是日炸雞已沽清，不過唔緊要，都仲有好多選擇豬蹄$170一盒係豬蹄，一盒就係生菜、泡菜、蒜頭、洋蔥、辣醬。用生菜包住所以料食就最正宗，滿滿的骨膠原 原隻炸魷魚彈彈麵$88嘩，估唔到隻魷魚大隻成咁！𠝹左一圈圈再去炸，炸得好香口，同埋又方便食，亦都可以再問店員借剪刀剪～墊底嘅彈彈麵口感同韓國粉絲差不多，但比粉絲更加彈牙，索晒辣汁咁食好正！參雞湯$88食完炸野同辣野，最好就叫返個參雞湯潤返下，有半隻雞嘅參雞湯，雞肉燉到好淋果然無介紹錯！記得練定英文/韓文同oppa溝通溝通