留白

Open Now

Now Closed

當日好彩都算唔太晏去到 未要排隊等入面已經都坐滿人咁濟見幾特別 伯爵蘋果bageltry try雖然睇落唔算打卡靚野但整體上碟都整齊利落伯爵茶cream cheese唔算超濃厚 但一食落 好食伯爵茶香 加上 有青蘋果片 有焦糖 燒烤過好香甜 食完都唔會覺好膩 😋👍🏻Egg benedict一上菜 擺盤都靚嘅 可以打卡 佢整得都好好食 份量都算足兩個人share食 兩樣野 都夠飽rose latte正常賣相 但飲落都有feel到有玫瑰味但唔係濃厚 唔會似藥水味整體黎講 都吸引一試或再幫襯但可惜 鋪位好細 同埋枱位 以及走出入都窄

今次已經係第二次食2年前食過之後一直念念不忘果陣覺得係我食過最好食嘅bagel 今次難得嚟開荃灣同朋友見面（本身好少黎開呢邊）就建議再食，點知原來佢都好鍾意食呢間，一拍即合🥰我同朋友叫咗🥯一個蛋沙律bagel🥯一個煙三文魚bagel🥃一杯Dirty🥤一杯火龍果乳酪今次食得有d辛苦因為bagel個皮太硬又難切又難咬我仲以為自己啲牙弱咗點知原來我朋友都咁樣覺得呢個位扣好多分🥺令我覺得就算下次黎開都可以試其他餐廳，畢竟荃灣有勁多選擇唔使特登再嚟又要等位又要限時食🫠

⬜位於荃灣荃昌中心昌寧商場（荃豐/餃子屋嗰串商場）地下嘅留白，一向係我愛店之一💛推介過好多朋友嚟食，全部都冇失望。呢度大部份菜式我都試過，最推薦嘅鹹食係🐟煙燻三文魚bagel🥯，$55，份量十足，啲煙三文魚多到飛哂出嚟，配上忌廉芝士⬜、波菜🥗同蕃茄，經典嘅美味😋店長每日從麵包廠訂製獨特配方新鮮Bagel🥯表面有罌粟籽，增強口感。餐廳提供三款甜品，分別係“蛋”🍳、“蕉”🍌同“石”🪨，三款都係充滿玩味嘅甜品，每一款都會帶畀食客驚喜。當中我最最最最最推介嘅係🍌“蕉”，$55，上半段嘅蕉肉🍌係真係蕉，表面有燒過脆卜卜嘅焦糖。下半段🍌蕉皮部份其實係香蕉味白朱古力脆皮包住雲尼拿雪糕（aka鳳仙）。旁邊再有🍫朱古力crepe，上面灑上威化餅碎。另外，再有朱古力脆脆粒件酸味味嘅小紅梅同橙皮碎，解膩開胃，令整個甜品酸甜平衡。呢個甜品嘅複雜程度同層次感真係酒店級質素，但呢度$55仲要免加一就食到，而且食咗好多年質素依然保持得好好，不得不愛🤍

留白 @blank_cafe 📍：荃灣西樓角路202-216號荃昌中心昌寧商場地下12號舖🚗：荃灣地鐵B出口 步行6分鐘💲：~HKD140/head for dinnerFood quality✔️：粟米芫茜青醬意粉 、君度橙酒朱古力、香蕉 👌🏼：Beef Bagels、檸檬青檸苦酒總結：😋荃灣一間自成一角嘅cafe 食物唔錯 價錢亦比正常cafe平 係間抵食值得試試嘅小店😋意粉🍝都係$78一碟 係出面cafe 一半嘅價錢 粟米芫茜嘅份量好多 配埋啲青醬出奇地㚒 不過可惜唔夠熱 但味道係唔錯好食嘅😋佢啲飲品🍸又靚打卡又好飲 同埋價錢算比較合理啲 君度橙酒朱古力嘅橙酒好濃 同朱古力融為一體 係好討喜啱女仔飲嘅飲品😋最驚喜係佢嘅甜品 賣相睇係一隻香蕉🍌其實係分子料理嚟 朱古力仿蕉皮包住一半嘅雪糕 而露出嘅另一半用焦糖係表面微微燒過嘅香蕉果肉 拌碟有朱古力pancake同脆脆 好有創意 以$55/碟計非常滿意👍🏼🤔Beef Bagels非常出名 可能有期望值所以有點失望 但佢味道唔差 好足料 不過bagel本身有點略硬🙊🤔檸檬青檸苦酒就一上枱漸變色好夢幻 飲落就正常😨位置有點難揾 嗰商場又成個

平日lunch time 想幫襯下小店，落雨又唔想行咁遠，就去左留白食bagel。今日食左beef bagel慢煮牛，個bagel一樣好煙韌，一樣咁出色，慢煮牛個邊邊位有啲overcooked,，洋蔥太生，搞到有啲辣同嗆喉，如果再多啲菜就更加好了，但整體都okay。雖然店員已經將個bagel一開二，但要自己再切開細舊啲食，就會有啲困難。唔太大食嘅人，一個人食晒一個就岩岩好。另外今日無叫野飲，之後飲過啲coffee,都唔錯架。

🤍慢煮雞胸Bagel $62個Bagel有接近成隻手掌咁大一打開已經知道好足料🤩包體係罌粟籽Bagel 口感煙韌雞肉有用香料醃製過 夠滑嫩🐥忌廉芝士醬都唔少🧀加埋番茄🍅菠菜🥬洋蔥🧄令味道層次更豐富 食落都冇咁滯係健康美味飽肚嘅一餐😋-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌗🌑

每次一來到荃灣，就會想去留白，因為覺得地點很自成一角，地方細細但環境舒適，而且食物十分有水準，不論是Bagel, Benedict ，沙律同咖啡都十分出色，希望多d人可以認識呢間有heart 小店。

位於荃灣的咖啡小店，餐廳空間唔係好大，室內有10多個座位，冷氣充足。室外就係吧枱位，戶外有蓋落雨☔️都唔怕。由於位置唔多，公眾假期12點到好在有位，4個人可以即時入座。店面就好似店名「留白」，係搵唔到店舖招牌嫁。餐廳以工業風設計，以深色木系🪵配上暗黑風格🖤。店舖雖小，但食物選擇除左有bagels🥯，仲有意粉🍝、特色甜品、咖啡☕️同特飲。煙熏三文魚bagels $55大大個bagel外面痴滿粒粒poppy seed🖤，再加埋烘烤過，令到bagel🥯外脆內軟，仲有啲煙韌的口感。配上煙三文魚、番茄🍅、洋蔥🧅、忌廉芝士同沙律菠菜，令整體清新，入口有多重口感，食到好滋味😋。慢煮牛bagels $65慢煮的牛肉，生熟度煎得啱啱好，外面焦香，內裏有肉汁，軟硬度適中。配埋沙律菠菜、忌廉芝士、車打芝士同洋蔥作配料，非常惹味滿足🥰。凍美式咖啡 $35易入口的咖啡，味道不苦澀熱拿鐵咖啡 $36香濃的牛奶配上咖啡，融合得很好熱焙茶鮮奶 $38焙茶香氣撲鼻，入口回甘，淡淡焙茶香與奶融合

之前到這間隱世cafe 食 bagel ,叫咗smoked salmon bagel （走cream cheese ）好好食。Smoked salmon 的份量都多，而且新鮮。沙律菜也很新鮮，也很希望再落多少少。重點是個bagel 烘得夠熱，夠chewy，而且上面有些poppy seed 增加口感，只是可能記得吃完要飲水，除非啲poppy seed 可能涉在牙縫裏😅總括依然，這間cafe cp 值很高，大約$55 左右，而且好食，絕對recommend

聽荃灣朋友推介呢間小店好汁，唔係住荃灣嘅我咁啱要去荃灣買嘢順路就試試佢。星期日中午十二點幾，已經九成滿。小店唔大，室內大約有八張枱，門口有吧檯坐到三四個人。朋友推介食Bagel，當然要試吓。- 伯爵蘋果Bagel ⁴⁵伯爵茶控的我，見到伯爵茶嘅食物都係必試的。Bagel煙煙韌韌軟硬適中，表面舖滿黑芝麻，一啖咬落去，伯爵茶忌廉芝士同焦糖青蘋果原來可以咁夾，伯爵茶味好濃配上青蘋果嘅清新，甜甜酸酸好開胃。- 拿鐵咖啡³⁶咖啡醇香，奶泡綿滑。

聽朋友話呢邊有間bagel好正，咁啱行開荃灣諗住試下，但餐廳位置唔算易搵，係商場行咗幾圈先搵到，想食既朋友記住開google map 行😂😂✨蕉甜品好有創意，喜歡食蕉既人真係要嚟試下，層次好豐富，有蕉有雪糕，連蕉皮都食得，配埋啲莓果，酸酸甜甜不會太膩😋😋😋同埋呢條蕉最啱打卡😚✨bagelBagel 好有咬口， 入面沙律菜都好新鮮好fresh，作為輕食真不錯👍🏻餐廳性價比貴，價錢不貴，而且高水準，大推❤️❤️❤️

[✨留白·隱世又寧靜小店🥯]#留白 #荃灣🥯慢煮雞胸Bagels $62▫️沙律菠菜、忌廉芝士、雞胸、洋蔥▫️慢煮烹調，可以鎖住肉汁，雞胸嫩滑Juicy😋配上沙律菠菜、忌廉芝士、洋蔥，令到成件事好Fresh🤩🤤雖然有忌廉同芝士，但係一啲都唔膩😚加上Bagels外型吸引🥯上面有黑芝麻點綴，口感好之餘又岩打卡📸💕☕️ Cappuccino $36咖啡味香濃，泡沫打得香滑🫧襯上靚靚嘅咖啡杯，好有心思💖————————♡♡♡♡♡♡————————✨總結輕食版Bagels，加上環境寧靜又隱世，適合Me time。自己一個嘆杯咖啡咁放鬆下係唔錯嘅選擇🥰🥰💞

心血來潮想搵間小店嘆下chill 下，所以走左去留白，留白個位都真係好隱世，係個商場地下，人影唔多個巷仔到，平時飲開Americano 的我，今日唔知點解好想飲個奶啡，所以都叫左個熱Cappuccino， 雖然Cuppuccino係冇拉花，但宜到d 杯真係好靚，我再加多左個蘋果伯爵忌廉bagel，宜到個bagel 係韌韌地個款，但唔講得笑係入面d餡，伯爵茶cream 真係勁香，個蘋果係青蘋果上面再燒左d 燒焦糖，脆焦糖好香，青蘋果中和返個甜味，真係好夾好食

已經係二訪嘅留白，餐廳座位唔算多，但枱同枱之間唔會太迫，好適合一個人去享受自己me time嘅café😌佢哋最出名嘅係bagels🥯，今次我揀咗慢煮牛🐮，個餡包咗沙律菠菜、忌廉芝士、車打芝士同埋牛肉。舊bagel好煙韌，上面仲有黑芝麻調一調味，慢煮牛齋食嘅話係冇乜調味，但係配埋cream cheese同車打芝士一齊食成件事係啱啱好！ 其實除咗bagels之外，我覺得佢哋嘅意粉都好值得推介👍🏻✨上次試咗黑松露雜菌意粉，一上枱就好香黑松露味，同埋睇樣都已經feel到佢好重料，結果越食係越多雜菌係底😂鍾意食黑松露嘅朋友，食完依碗意粉一定會覺得好滿足🤤飲品方面，分別試過latte同matcha latte，可以見到佢哋嘅奶泡打得好smooth，拉花拉得好靚好細緻😍下次三訪要試埋佢哋嘅甜品先得！😆😆

荃灣真係好多好食既餐廳，每次都會有意外驚喜😏伯爵蘋果Bagel $45身為伯爵茶迷既我，見到呢個伯爵蘋果Bagel，必叫！一啖食落去，Earl grey cream cheese 同焦糖蘋果原來係咁夾！好有驚喜♥️ 伯爵茶味好濃，超級推薦！三文魚忌廉菠菜意粉 $65忌廉汁同意粉既比例調得岩岩好，三文魚同菠菜既份量都好足，性價比好高👍🏻橙酒朱古力 $38一見到就心心眼😍 好少地方會有供應橙酒朱古力，淡淡橙酒香，朱古力味濃少少會更好飲呢間cafe 性價比超高！一碟意粉$100都唔洗！Bagel 仲要$50內有交易！味道仲要好出色！極力推薦！