滾餃

Open Now

Now Closed

觀塘有名嘅餃子店我嗌咗蕃茄湯底嘅蒜心鮮蝦餃同埋黑松露芝士餃+蔥油拌麵湯底係典型嘅屋企蕃茄薯仔滾湯，飲完唔會口乾。餃子內嘅蝦都算大隻爽口彈牙，蒜芯爽脆清甜，豬肉+蝦+蒜芯三樣材料又出奇地夾，整體幾好味另外，黑松露配芝士食落去又唔會好油膩，反而黑松露味道香濃蔥油拌麵嘅上海麵略為煮過火淋咗啲，拌麵碗底有汁，所以呢個拌麵食落去唔會好乾，都好食另外仲有個加分位，一坐低嘅時候職員就會問你要唔要菜脯果然，菜脯好香不過都有d辣由於lunch時段去，而且鋪外都有長長人龍，店員都會會不斷比“暗示”你，我都體諒嘅，唯有下次過咗繁忙時間先再嚟慢慢食

餃子可以單款或者雙拼數量一份6／8／10隻 湯或者煎餃8隻蘑菇煙肉芝士豬肉煎餃煎得非常香又唔會太油 新鮮煎起熱辣辣估唔到咁嘅配搭味道出奇地好食個餃子皮幾煙韌 抵讚8隻蒜芯鮮蝦豬肉湯餃 (蕃茄湯)蒜芯切粒加左入餃餡料口感幾特別食落蒜芯爽口脆身 味道都幾夾同好味鮮蝦係成隻係個餃入面加$3就有個蕃茄湯 蕃茄薯仔湯味道啱啱好 飲得出冇味精飲完都幾舒服整體都幾好味！又平又抵食不過食嘅時間有啲趕 但係職員都非常好禮貌係咁同你講唔該晒 咁就算啦😂下次有機會再食過

被迫的味精光速餐，食物質素一般，有味精，吃了餃子之後，非常口渴，需要喝很多水。被迫的味精光速餐，短髪女子職員，從未入門口之前，不斷給你一種急速的氣氛，入坐之前可以先點餃子，一坐下，餃子就過來，然後職員在附近給你壓力，如果食物是很好吃的話，可能不介意，但是整體來說，除非你想感受光速及味精，否則，吃了的不是餃子，是一肚氣。如果從煎餃子及放湯餃子選擇，建議煎餃子，因為那個湯是味精湯，或許千言萬語也說不清楚，過去體驗一下吧

觀塘超高人氣餃子🥟今日同朋友特登過嚟駱駝漆食餃子 分別叫咗湯餃同煎餃韭菜豬肉餃每一粒韭菜同豬肉嘅比例都啱啱好，食落去好香，而且豬骨湯飲落去唔會口渴，食得出冇味精黑松露芝士豬肉煎餃黑松露同芝士勁match 兩者融合香氣十足 完全冇違和感😋煎餃煎得好香 每一隻又大又卜卜脆仲有份醉雞卷食落去冇雪味之餘，又有陣陣嘅酒香味總結小店人氣非常旺盛，我哋啱啱到步一陣就已經出面排晒長龍，建議lunch時間早少少過嚟，有機會下次一定再食

好耐之前已經有聽過滾餃好食 今次經過終於可以食到我叫左湯餃 朋友就叫煎餃 我覺得餃子係偏大隻嘅 湯底正常 好似煎餃好食過湯 因為個湯唔係話超熱 但都不過不失 👍🏻另外再叫左個蔥油麵 都係正常 可以試下

由於餐廳只得walk in, 無得book 位， 共2 人去食，我一人先到達餐廳囉位先，餐廳員工話要到齊人先俾入，所以我企門口等，2分鐘我朋友到達，員工話滿坐要我地再等，我地望入餐廳內見有張6人坐位只得1位客人坐低，於是同員工講話見到有位喎，對方話：人地6位呀，我地話：乜唔係齊人先俾入咩？點解佢一個都可以入去坐低？員工即刻唔出聲，唔知點解釋，無回應我地就行開咗...餐廳什麼準則？6人只有1人到就可以霸位2人只有1人到就要齊人先俾入座公平何在？做生意咁做法...以後唔會再幫襯...

今日自己一個喺觀塘有啲嘢做即刻搵咗呢間Bookmark咗好耐嘅滾餃嚟試吓我揀咗雙拼6隻餃子 加米線 （$55）Classic嘅 韭菜豬肉餃呢首咩歌？同埋 比較特別嘅黑松露芝士豬肉餃韭菜豬肉餃作為食餃子嘅最基本味道 所以我通常都一定會叫我覺得幾足料同埋都幾大隻 同埋都幾有鮮味不過最令我驚喜嘅係黑松露芝士豬肉餃食過類似嘅味道 我會覺得呢個配搭好漏但係呢度嘅黑松露芝士豬肉餃冇呢個感覺，而且黑松露味幾突出成個配搭好夾又唔會好heavy 大推！！不過我就覺得呢度嘅蕃茄湯比較淡下次會再返嚟試吓其他味嘅餃子同埋豬骨湯😚不過最好就避開啲高峰時間我入咗5分鐘後就已經排晒隊喺出邊～

睇OpenRice見佢好似好好味，幾乎每次去駱駝漆第一時間都會嚟呢間餃子店到睇吓有冇位，但係好可惜去六次都排隊，所以每次都冇緣份朝聖。今次下午茶時段去到好多位，滿心歡喜帶埋小朋友去食，叫咗醉雞卷，雞肉好食，酒味唔係好入味，普普通通再叫咗蘑菇芝士煙肉煎餃10隻，好足料脆口，小朋友話都唔係煎餃係炸餃，成隻碟油淋淋食到好漏跟住再嚟韭菜豬肉餃子10隻小朋友第一啖食落去拉咗條長長嘅頭髮出嚟我以為係佢自己跌落去，我再拉出嚟，攝實咗喺裏面！勁嘔心🤮🤮🤮我諗嚟幾次都食唔到真係有原因🤮🤮極度失望大家小心啲！！

主打十款不同口味的湯和煎餃，裡面有幾款特別少見，全人手包餃。✨蒜芯鮮蝦豬肉餃 & 香菇粟米豬肉餃（湯餃雙拼）鮮蝦餃用原隻的蝦仁，蒜芯切得剁碎，口感爽脆，整體散發著濃郁的蒜香。 粟米餃的粟米和冬菇味非常突出，粟米甜多汁。 豬骨湯清澈甘甜，喝起來十分清爽，不油膩。 轉咗蕃茄薯仔湯，湯裡有不少蕃茄皮和薯仔，味道甜而不酸。不過湯餃皮偏薄，像雲吞皮一樣，容易泡軟，建議上桌後趁熱吃。✨黑松露芝士豬肉餃 & 蘑菇煙肉芝士豬肉餃（煎餃雙拼）黑松露味恰到好處，不會太濃，仍能保留芝士和豬肉的風味，咬下去時滋汁四溢。 另一款似典型的白汁蘑菇煙肉芝士味，芝士半融，鹹香四溢，各種味道相當平衡。 煎餃的邊緣金黃酥脆，我個人喜歡煎餃，雖然稍微油了一點。

駱駝漆一向都多各形各樣嘅食肆，滾餃就係裡面嘅一間餃子專門店。工廈小店，但款式選擇多。有成十款唔同口味嘅餃子，湯餃煎餃任君選擇，仲有素食友好嘅素餃！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴▶ ∗︎*ﾟ 韮菜湯餃＋蔥油撈麵必試的經典口味～餃子上枱大大粒脹卜卜😍外皮夠薄得嚟完全唔爛，帶有少少咬口，好加分！！！內餡滿滿，調味剛好不過咸，食完好滿足！▶ ∗︎*ﾟ 泡菜餃拼蒜芯鮮蝦餃＋蕃茄薯仔湯泡菜味偏甜，唔酸唔辣。湯底清甜好飲，仲有好多蕃茄肉🍅😙個人最鍾意蒜芯鮮蝦餃，口味特別，蒜芯甜味突出🥰同蝦肉出奇地夾，而且真材實料粒粒都有蝦🦐！！！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴滾餃嘅餃子不論外皮定內餡都好出色！係觀塘區的輕食好選擇👍🏻✨

#pb食在觀塘 #pb中式系列 觀塘駱駝漆大大隻餃子🥟今次想介紹觀塘一間餃子店😋 佢位於駱駝漆第三座9樓 店內環境都幾大 有10張枱👍🏻 不過要注意佢平日淨係開到晚上8:30🤪 所有餃子都係每日新鮮製造 全部都大大隻😍 除左觀塘店 佢嘅生餃子亦有係唔同地方寄賣 大家不妨買返屋企試下🥰.佢有10款餃子口味選擇（煎餃 / 湯餃）份量有6隻 / 8隻 / 10隻 價錢$36-$68不等👍🏻 湯底有豬骨湯、蕃茄薯仔湯（另加$3）兩款😋 除左餃子 仲可以再加上海麵、米粉、米線、蔥油撈麵等🤪🔹香菇粟米豬肉餃🍄推介❤️ 同蕃茄薯仔湯底好夾😍 香菇、粟米都好足料 菇味好突出、好香😋🔹香茜豬肉餃🥟推介❤️ 一咬開芫荽味就好爆、好突出😍 反而豬肉份量唔多 食到咁啖啖都係芫荽🤪🔹泡菜豬肉餃🌶️本身覺得泡菜餃應該食煎會比較好 但估唔到湯都有驚喜😍 佢嘅泡菜餃唔會好辣 配埋蕃茄薯仔湯 同樣都係酸酸地 幾夾👍🏻.整體✨ 觀塘有幾間餃子店都好出名 今次試左呢間位於駱駝漆9樓嘅餃子店🤪 餃子有10款口味選擇 隻隻都大大隻 而且價錢幾抵食👍🏻 下次去觀塘諗唔到食咩都會想再食😋滾餃 (觀塘)觀塘開源道60號駱駝漆大廈第三座9樓

嗌咗黑松露餃子，個皮好硬，入邊嘅肉又少，得少少黑松露味。嗌咗上海麵，所謂豬骨湯只係一個好淡嘅粟米湯味道，麥當勞早餐個湯底最好食過佢朋友嗌咗個撈粗 麵質硬過石頭，完全冇煮過咁滯出面仲有15個人排隊 完全浪費時間

駱駝漆大廈附近有多種美食，經友人推介得來一試這間不錯的餃子店。每隻餃子都大大粒，餡料充足，餃皮的厚度恰到好處。這裡的餃子口味多樣，例如蒜芯鮮蝦豬肉和泡菜豬肉餃，在外面並不常見。蒜芯鮮蝦餃內含一隻鮮蝦，口感爽口，絕對是款用心之作。喜歡辣味的我特別喜歡泡菜豬肉餃，內含豐富的泡菜，吃起來有明顯的辣味。而辣菜脯則較平凡。香茜餃口味不錯，但類似的風味其他地方也有，沒有特別驚喜。這次點了湯餃加$3換成番茄湯，但略嫌茄膏味稍重，下次可能會試試豬骨湯。如果喜歡煎炸食物，可以嘗試他們的煎餃，煎得香脆多汁，不會太油膩，特別推薦芝士粟米豬肉餃。▪️ 香茜豬肉餃 $44▫️湯餃6隻|上海麵 +$8 | 蕃茄湯 +$3▪️ 湯餃（8隻雙拼）$52▫️蒜芯鮮蝦豬肉|泡菜豬肉餃|蕃茄湯 +$3▪️ 芝土粟米豬肉餃6隻 $47

好耐之前已經bookmark左觀塘呢間餃子舖，今日做完嘢終於有時間過嚟食。發覺原來佢有個好抵食嘅下午茶餐🤩記得係大概$36-$40 左右。同朋友一人嗌咗一份，下午茶餐包括4粒大餃子+ 湯麵 (好似有烏冬/ 上海麵/ 米線/ 米粉……)仲要有得揀蕃茄湯同豬骨湯😋食咗一啖之後，真係「嘩」話咗一聲，真心好好食😋佢個黑松露芝士餃同埋芝士粟米餃，簡直係驚為天人，好juicy呀！仲要個黑松露一食就知道唔係平價黑松露，平時出面個啲平價黑松露會有好大浸汽油味，呢個一食就知道係好嘢同勁足料🤩💯💯人均消費唔使$50嘅情況下，食到咁嘅質素真係好抵食，仲要好高質💯💯另外，啲侍應都好熱心，見到我哋個冷氣位好凍，即刻安排我哋調位，無論嘢食質素定係服務都非常唔錯，其實大家真係要繼續支持香港小店！#香港美食 #餃子 #觀塘美食 #餃子店 #foodie#FoodieLife #美食日記 #香港必食 #觀塘好東西 #觀塘午餐

第一次嚟食，未到門口已經聞到好香韭菜味，嚟到嘅時間六點多d，已經八成滿，果然人氣爆燈！！坐低之後用QR code落單，店員會問你要唔要菜脯，嗌咗雙拼韭菜同埋蒜芯鮮蝦加多$3轉蕃茄湯。餃子方面，韭菜豬肉餃同菜嘅比例啱啱好食落去真係好好味，至於蒜心鮮蝦係成隻蝦係餃子裏面，食落好新鮮而且非常彈牙仲好大隻添，食得出係誠意之作。另外，蕃茄薯仔湯好有家的味道配埋菜脯更加惹味，果然係幾好食，有機會實返兜😋注意：走嘅時候未夠七點已經人山人海，記得早啲嚟就唔使排隊啦