麵包秀

Open Now

Now Closed

今日屋企人去買咗兩個酸種包，買到返屋企我已經問點解會係深啡色，我之前都在這間舖頭買個酸種包，並唔係咁深色的。家人既然買咗返嚟，我就當係佢今次買嘅係全麥酸種包，大麥粉焗完會咁深色，點知切開嘅時候見到，啲麵包根本就係焗燶咗。亦都因為燶咗所以啲皮好硬好難切，最後要促進九牛二虎之力，至可以切曬個底啲燶到好似炭咁嘅邊。我上個月都幫襯過呢間舖頭，當時買嘅酸種包並唔係呢種顏色，所以今日啲麵包燶曬，間舖頭冇可能唔知，但係都仲可以拎出嚟賣，真係非常冇道德。老老實實以後都唔敢幫襯呢間舖頭。

兩三年前經常買呢個芝士包，嗰陣粒粒芝士多到覺得漏，荃灣，旺角同灣仔每次經過一定幫襯，直到旺角執埋就冇再去搵其他芝士包，尋晚經過等車有時間入去行下，淨係買了呢包今朝做早餐，打開之後以為淨係第一片冇乜芝士，結果拆開曬真係好失望，以後都唔會再幫襯

疫情之前成日食，覺得啲包好足料，最近行過又走去買。法式焦糖蛋撻見到個酥皮撻外型好吸引，買咗一個，可能已經係下午，啲酥皮已經唔太脆，皮底有啲厚，入面啲蛋漿比想像中少，不過唔會太甜，加返少少分～特價面包睇返唔特價時，要$10一個，而家特價$20/4。以特價黎睇都還可以，如果原價買，真係餡少咗啲，味道都普通～

母親節正日趕唔切陪媽媽食飯🥲所以諗住買甜品返去同去share 慶祝下咁岩位於灣仔呢間甜品有人氣大熱的熱壓Croissant 🥐見佢幾特別 唔係淨係壓扁咁簡單 仲有唔同味道 所以買左幾個番去試下😋雪糕🍧就自己加上去因為怕原味個邊好乾點知出奇地原來個牛角包就焗到好酥脆 而且因為另一邊比較甜 岩岩好中和番另一面 可以唔使加雪糕都得👍🏼👍🏼 比較可惜係佢雪左係凍櫃入面 另到有糖個邊硬左少少呢個母親節壓軸很可以！！