麵包新語 (Closed)

見到推薦， 法式牛角包與港式奶黃的混合體「流心牛角包」。下午返回公司經過買來試下， 佢用熱盤熱住， 所以我食既時候都好彩仲暖暖地有流心， 奶黃好甜，好cream，細細隻三啖食完， ８蚊個十五蚊兩個 ，買五送一，太好味道！

近年，「流心」大熱，連鎖麵包店 - 麵包新語Breadtalk 也捉緊這股潮流，引入新加坡大賣的「流心牛 」，推出法式牛角包與港式奶黃的完美結合「流心牛角包」。流心牛角包$8/個，牛角包以安佳Anchor 牛油製成，中間乃包著流心的甘香流心奶皇餡，頗香噴噴的，頗吸引！八元一個的牛角包體積不大，存放在熱櫃中，拿在手中仍帶溫熱。咬一口，牛角包酥香帶脆口，然，始終存放了一段時間，口感稍稍失色了不少，傾向硬脆多於清脆。說好了的「流心奶黃餡」，份量不多，且早已凝固了，與牛角包融為一體。咬兩口，牛角包如風般，消失了。。。。。。

小熊貓 $10.5以其趣緻外型為賣點。內裡一大餅軟朱古力做芯。買過幾次，質感都不是很一致。做得香軟的芯是不錯的，不過要考你運氣。芝士萬人迷 $12.5是有名的"鬆鬆"的變奏。"鬆鬆" 是以其香口的肉鬆配合鬆軟的包中間夾著一層很薄很滑的奶油而聞名。"芝士萬人迷 " 則以一層香脆的芝士夾在肉鬆與包之間。個人來說這個新嘗試並不成功。因為"芝士"和"肉鬆"唔夾。而且兩者都是乾身，咬下去的口感沒有很特別。Oreo 芝味 $25太甜。沒有 oreo味。也沒有很芝味。就是太甜。香軟牛奶吐司 $10.5頗香，頗軟，沒有很重牛奶味，只是一袋不錯的包。

早餐我食左bread talk既多士。望落平平無奇既芝士煙肉多士$10。但最特別既係多士上面真係有全隻太陽蛋！感覺很神奇～煙肉同芝士都好香。整體都很好食而新穎，下次都會再買。難得只係食一個麵包做早餐都覺得滿足同飽～

四月，有點忙，有點累﹗今日是Happy Friday，突發奇想，為自己準備一份豐富的早餐。早餐，要吃得像個乞丐，咁先有力量的﹗沙鍋雞包$11是友人買給小妹的，是麵包新語之力作。沙鍋雞包造形模仿沙鍋的模樣，黑古勒突且微微拱起的圓形麵包，以條條芝士細條圍邊綑綁，賣相既獨特又吸引。沙鍋雞包乃由醬油、米酒和麻油三味燉雞，加上法國九層塔香葉炮製而成，陣陣香氣不甘寂寞，急不及待地從膠袋中溢出。吃前，先把隔夜、包身略為乾硬的沙鍋雞包放入微波爐返叮分半鐘。頓時，一陣濃烈的香味源源不絕地湧出。拿在手裏，熱辣辣且香噴噴的包，教人垂涎三尺。切開一看，麵包中間空心，一半的空間塞滿了三味燉雞。咬下，包身鬆軟具彈性，濃香惹味且嫩滑誘人的三味燉雞份量恰到好處，夾雜了鮮香九層塔在其中，教人吃得舔舔脷，誠意推介﹗圍邊香脆芝味的芝士條，除了增加視覺效果外，也大大地提升了麵包的口感和味道，激讚﹗

不只一次光顧「麵包新語」，喜歡小店造形可愛的麵包。是日，見到店外張貼了一張「春風羊溢好運咩咩來」的宣傳海報，知道又有新作了﹗果然，小店推出了五款與羊年有關的麵包 - 招財進寶、柚子吉祥、黃金滿屋、金銀包和喜氣洋洋。「喜氣洋洋」$13個，羊咩頭的造形蠻生動有趣，以肉鬆模擬羊咩的毛髮，兩小塊脆餅為羊角，朱古力醬畫上眼睛和嘴巴，還有兩隻凸出的耳仔，麵包內則以蜜汁叉燒為餡料。為了迎合客人的口味，肉鬆分別有原味和辣味可供選擇。適時，只剩下數個辣味喜氣洋洋。咬下，麵包因不是新鮮即製，故口感味道稍遜。辣味肉鬆帶少許辣勁，然香脆度則屬一般。麵包內的蜜汁叉燒，夠濃香惹味，惜稍欠一點兒的熱度，總差一點點，略感可惜。

朋友咁岩黎太古做test, 特登約食lunch加慶生~好似特登買4隻唔同色咁~ 夠colourful賣相唔錯, 不過我覺得蛋糕稍甜, 綠茶mousse都唔夠滑, 朱古力就夠濃幾好食, 橙有d澀麻麻地breadtalk都係鬆鬆最好食! 蛋糕都係有待改善 xd

食完LUNCH行下先..經過<麵包新語BREADTALK>又入去八卦下..見到有出番<金瓜之戀>啊!!!之前尼搵過幾次都冇可能賣哂啦~即刻買尼食~!金瓜之戀....即係南瓜包...只要$8...算平喇!Donq個南瓜包都要$10仲冇呢個咁多餡添!外表好似平平無其，但其實咬落去每一啖都有南瓜餡係到，完全唔會有空洞，好滿足啊!加上甜度適中，不會太淡或太甜!之前都有食過佢個芋泥格格，但呢排好少見到有出呢個包，係咪唔出喇?呢個都好食架!

我很喜歡吃麵包，喜歡其軟糯，變化多端，味道有鹹有甜，飽肚，而且豐儉由人，肚餓時吃固然實惠，作為茶點，也是很好的選擇。這天來到太古城，雖然已吃過午餐，但看見款式日新月異的麵包品種，很想買幾個作下午茶，選了黃金甲，抹茶丹麥棒和麻糬小子。先試一個叫黃金甲的，包子約手掌般大，包面用糖霜黏滿杏仁片，包身鬆軟，內裏有一層薄薄的牛油忌廉，加上杏仁片香脆，滿意。我愛抹茶產品，數款丹麥棒中，我選了抹茶丹麥棒，丹麥包做成棒狀，外面塗上抹茶糖漿，乾了便成一個糖霜殼，抹茶的味道甘甜，有我喜歡茶的青澀味，而丹麥包棒做得外香內軟，與抹茶的味道很夾。麻糬小子外表像個芝麻餐包，內裏是紅豆蓉餡，香甜而有些豆的質感，中心處還有一小團麻糬，煙煙韌韌，像是吃紅豆湯丸，麵包裏包著湯丸，幾特別，口感和味道都不錯。$27/3個

又黎試左兩個包火腿蔥蔥蔥睇落好多料好濃味好多肉鬆，有火腿夾係入面面頭有蔥同紅既碎碎佢個包都幾油下，其實幾唔健康既一款包但真係好好食，好豐富既肉鬆，又有火腿啖啖都好咸香又有口感唔會有一種捱麵包既感覺仲有就係個朱古力小巨蛋個外形好吸引，脹卜卜咁佢有朱古力粒食落好甜好似蛋糕咁面頭有層糖，而個皮係挺身脆脆的入面就係鬆軟既海綿質地，十分好食

花多眼亂試左兩個覺得最盞鬼既包叫做沙鍋雞同黑珍珠咁岩兩個都係黑麻麻的沙鍋雞個外表幾型，食落就係有好香濃既雞粒係個包入面其實我唔係好知佢算唔算正宗沙鍋雞味個味怪怪地好彩夠濃同濕潤令到個包好食Ｄ雞粒份量都多黑珍珠就係睇見食評時已經好想試先買入面有好正既麻糬同紅豆理應好好食既但我有Ｄ失望出到黎既口感同效果冇想像中咁正第一佢紅豆唔係用最香軟糯身大大粒果隻係長而窄身果隻，扣左唔少分而同麻糬既ＣＨＥＭＩＳＴＲＹ又做唔到出黎成個包好普通，同個樣一樣平平無奇勝在唔太甜但冇驚喜不過我欣賞依間ＢＡＫＥＲＹ有新意既創新麵包，會再黎試埋其他

中午時份經過, 一盤盤麵包相繼出爐, 款式比前多了很多..見到muffin 也有3-4 款,其中一款是至愛的綠茶味,當然沒半點猶疑便選了它..摸上手還暖暖的...看來是在店內焗製綠茶味算濃, 可惜甜度還是重了點..內裡有4-5 顆原粒紅豆作點綴蛋糕少少濕潤, 不油膩, 不乾身..$9 絕對是一個好選擇..

Avocado is classified as a savory fruit and used mostly for salads and guacamole.The only time I have had it sweet was the Indonesian Apokat drink which is avocado and syrup.When I saw this cake, I initially thought it was Green tea or pistachio because of the green colour, however when I saw the label Avocado lush, I was quite surprised and I wonder how the locals will react to it.I wasn't quite sure how this was going to taste because Avocado itself it quite heavy and rich alone.For fun, I hav

來自新加坡的BreadTalk, 麵包的款式很特別, 味道亦非常好, 我間中也會到來買麵包... 光潔明亮的店面, 經常擠滿客人... 排隊付款時, 可透過玻璃窗看到廚房內的師傅正在制造新鮮麵包...每次路過廚窗, 都被這個麵包人吸引住, 想買來試試很久...但今天發現更可愛的...小熊貓 $9-- 太可愛了!!! 都不知是什麼味道, 便買了!!!切開看看, 原來是朱古力餡, 口感像Brownie但比較軟一點, 香濃的朱古力味, 甜甜的, 麵包很柔軟, 很美味呀... 耳朵和眼睛是竹炭麵包來吧...班蘭咖椰吐司 $15 -- 麵包滲出班蘭葉的香, 咖椰醬帶出的甜及椰香, 吐司的軟, 天衣無縫的組合... 如咖椰醬多一點更好...待星期日天再來, 多買幾個小熊貓, 給小朋友們一個驚喜!!!.

食完晚飯後來此店買左個麵包作明早早餐每款包點都有一張紙板介紹, 最後我選左內裡有咖央既麵包.初時以為這個包外層係酥皮來, 點知食落一點牛油酥皮香都沒有.最令人失望係明明話內有咖央, 但原來內裡有一大埋CREAM再加入少少咖央基本上太多CREAM既關係蓋過咖央味道