不倒翁中日火鍋料理 (Closed)

材料新鮮 年糕袋有口感、外皮香軟 龍躉片都正、皮有2cm厚; 脆腩真脆,不過有少許泥味; 水餃皇就一般,欠缺香味; 日式野菜籃個樣幾靚、料足; 炸腐皮就好脆、油不多、做得幾好; 涼瓜排骨鍋 + 牛利托 + 手切肥牛 可以一試、相當唔錯但招呼一般 有啲失望

上星期六女友要打邊爐, 見雜誌寫不倒翁好好食就walk-in去試下.去到問reception要等幾耐, 佢話已經有客比左錢, 好快就有位...好啦, 我等啦.20分鐘後, 再問reception要等幾耐, 佢話D客比左錢,應該 好快就有位...好啦, 我再等啦.再20分鐘後, 我發脾氣問reception仲要等幾耐, 佢話再要等下...我話, 甘一開始就唔好話比我知好快有位啦, 可能因為我發脾氣關係, 係冇客人離開間餐廳情況之下佢係5分鐘後比左張枱我...佢地好出名個個番茄龍蝦湯底真係一絕, 只係得番茄水味, 係番茄水, 唔係番茄湯...成百幾蚊比個茄水湯底我? 是晚兩個人食左千幾蚊, 食到中間個時女朋友已經問轉頭不如去第二度食...好似我女朋友甘講, 請都唔要再黎食呀!

我地四人行諗住去食嘢啦!我有兩個朋友未去過,所以我再試多次,點不知啲伙計態度一樣照舊非常惡劣+勁差+黑面,嘢食一般冇咩特別, (冇咩嘢好講, 因為太普通)(*阿蘇講到好得, 可能佢去食嗰餐一定比好嘢佢啦!)手切本地肥牛脊就真係好軟, 但係牛味唔夠濃,食啲咁普通嘅嘢得個貴字+食裝修囉+食態度勁差惡劣+黑面囉!

I am the first time write comment on web. This restaurant is so worst that motivate me to say something here. Same situation as the previous comment from other "離譜的是有一位更未問已一手收起我們的筷子, 當時桌上雖已沒生料, 但鍋中還有食物" , We just asked them to switch off the hotpot, then they didn't say anything and then they instantly put the chopsticks to the hotpot such that you can not stop his action. From the comment here, I found they did not serve us with dessert also.VERY VERY WORST !!!!

大除夕去試下同事推介嘅不倒翁火煱.3個人,點了芫茜皮蛋湯底,貪佢清清哋;火鍋料 : 大嘅手切肥牛脊、日式野菜籃、韮菜餃、鮮枝竹和炸魚皮。佢個電池爐幾好用, 容易教大細火,教到最大20度,啲湯好快就滾.混完醬後, 火鍋料陸續到.手切肥牛脊 : 起雙飛切法,厚薄適中,幾大塊,滿佈雪花.侍應話係本地牛,原來本地牛都可以咁多雪花! 急不及待試下,嘩!入口甘香軟滑,勁好味!日式野菜籃 : 唔係用籃上,係用盤上;有津白、生菜、西洋菜、金菇和秀珍菇,排得好靚,份量唔少,全部都好新鮮.韮菜餃 : 朋友唔食得蝦,所以唔點招牌水餃($88)而點韮菜餃($48),一碟8隻,大大隻,滾完唔會穿,好食又抵啲!鮮枝竹和炸魚皮 :份量足,好OK.汽水比較貴,$16一罐重要加一,不過我打邊爐一定要好似阿Sa咁飲可樂,無辨法!餐後有甜品送,每位兩片哈蜜瓜加一件紅豆糕.哩度枱與枱距離唔近,坐得幾舒服. 服務OK, 值得一提係食食下侍應會幫客人撈走鍋料滾出嚟啲泡,幾細心.埋單$585,食得好開心,Happy New Year!

a group of 6 people going . i feel is a bit over price. The food are all ok. but can have the same quality food at some other hot pot place. Service is so so. here's what we order n u can compare. 冬瓜拼沙嗲 $88手切肥牛 $188 x 2雪花肥牛 $ 98Shrimp ball $68 ( have 16 pieces but very small size)squid ball $68手打魚滑 $68貢丸 $68炸腐皮 $48珊瑚蚌 $88scallop $88黑柏葉 $58mix vegetable basket $68 ( all common vegetable) sweet corn $35苦瓜 $35鵝粉腸 $58炸魚皮 $38水餃 8 pieces $88魚腐 $48豬天梯 $48竹庶水 $48 (1 jar)汽水 $16 (

之前去過飲茶已經覺得環境很舒服D椅子夠大空間足不會跟隔離檯太近點心雖然選擇不多都是傳統款但已經很足夠最後亦送甜品服務員也很多一定有一個在身邊今晚再去宵夜HOT POT服務跟飲茶一樣好食物方面金牌牛很出色餃類也很出色只是丸類很差魚滑更要退只是價錢較貴但是一分錢一分貨要享受就要付出

之前係度讚過佢D食物, 向老友們推介, 於是一行6人正價時段殺去; 訂枱時已問明有否交枱時限, 店方回答沒有, 所以我們放心食, 雖有8時半前埋單優惠也不為所動, 因在座一位老友遠渡重洋回來, 大家很久沒見, 大伙打算好好聚一聚; 誰知到了8時半便有不同職員埋身, 重覆詢問是否已進食完畢, 離譜的是有一位更未問已一手收起我們的筷子, 當時桌上雖已沒生料, 但鍋中還有食物如花膠筒, 我們立時請她放回筷子, 但換來的下場是疑似經理的男士, 拿著抺布往我們的桌上左抺右抺, 一班友好心知肚明, 但氣憤他們的態度, 故此我們乾坐至十時許才離去, 老友們說原來那男經理還一直向我們瞪眼呢!甚實那天是星期五晚上, 9時後的消夜折扣吸引了很多食客等位, 店方如有心"返枱"應向食客明言, 不應讓我們失去預算, 更證明了他們的8時半前埋單的優惠不奏效, 應好好改善樓面管理和銷售策略.

上回來這裡已是個多月前，上回是和女友來的，而爸媽也在上月自己來過，大家也一致讚好，所以找了個晚上來吃一個抵吃的夜宵火鍋。預先訂了座，所以也能準時九時半入座。上次也提及過，此處九時半後的Menu是另設的，大部份的食物也是以原價的六折發售，所以更加是大吃特吃的時候了，首先選擇湯底，今回選了醉雞鍋湯底，貪佢夠抵，有半隻雞送也不用一百元，也算是很好的了，而火鍋配料則點了至尊肥牛火鍋船、招牌水餃、黑豚肉、鮮鵝腸、生菜、豆腐及金菇。先來的是混醬，醬油每位十五元，這費用也是無可避免的吧，醬料也如之前的介紹過，有山葵、XO醬、生蒜、熟蒜、辣椒、蔥花、辣椒油及麻醬，也算是足夠的。在調配醬油之間，醉雞鍋湯底及火鍋配料已相繼上桌，也慣性地先喝一口湯，也是有淮山、杞子及當歸等的藥材味，但肉味是等於零，似乎店家這個湯底也是旨意那半隻未煮的雞了，雞半隻也不小，浸在微量的花雕酒內，嗅起來也不太香。也先下點雞來替湯底提味吧，一下子已經下了半碟，雞肉吃起來嫩滑緊致而有咬感，當然酒香也如前所說，真的很少，當有半隻嫩雞來作火鍋料吧，這樣想的話是對版的。之後也先吃一點菜墊肚，金菇有咬口，煙煙韌韌的，不錯；生菜片片也是新鮮而色

同Ｄ同事打完麻雀，雀友Ａ老婆見到飲食男女提到呢間。就提議打邊爐。好啦，訂左10:30PM.6位我地準時到達.一入到去,WAH都幾闊落.我地6個坐低左,叫左D啤酒.同埋會擺低一盤SANCE俾我地自己.有驚喜,我既至愛XO醬.仲要係任你加.湯底就叫左麻辣拼豬骨.不消五分鐘就嚟啦.雀友Ａ一試就知OK.但我就覺得唔係咁夠味,(仲要我唔係食得咁鹹既人)料就叫左:牛肉,牛柳粒.:3.4分一般同凍肉舖差唔多豬天梯.豬潤.:4分豬天梯即係豬喉骨,第一次試下.都幾爽口.豬潤夠黃沙.VERY GOOD皇帝菜,四寶丸.等等(大概有廿幾樣).料就幾新鮮.不過份量就少D.都可以接受.TIME SQUARE MA!!!!臨尾都有生果.不過,我地一致認為.唔係咁啱我地！

宵夜時段火鍋配料六折, 加埋用雜誌$80coupon, 兩個人食左牛頸脊同牛肉粒雙拼(叫做至尊牛肉船), 水餃(8 隻), 4寶丸(16粒), 同埋唐生菜(小籃), 加埋天地一號陳醋飲品一枝, 埋單$420算ok啦, 都食得好飽似係無將貨就價, 但係正價的話就要八百幾埋單, 我本人覺得係非一般價錢.注意現場無啤酒妹, 細枝裝啤酒要成26蚊一枝, 汽水都要成十零蚊, 佢地亦都推介多種日本清酒, 所以我地兩公婆cheap cheap地叫左枝陳醋溝冰飲, 原來同食牛肉都好夾, 老公初初話陣味似食蟹點的醋, 點知食食下都添飲咗一杯.最後亦係最重要的, 食物真係好味架, 牛頸脊同牛肉粒各有風味, 重牛味又多肉汁, 牛頸脊係厚片雙飛但都好鬆化, 牛肉粒中間有小小根位, 如果鍾意有咬口啱哂, 結果老公食哂牛頸脊, 我就掃哂牛肉粒, 各取所需; 至於水餃入面d蝦好新鮮好彈, 四寶丸略細粒但牛有牛味蝦有蝦味, 唐生菜無一塊老葉, 所以全部野食哂, 好飽.

繼數月前美心MX的一個廣告內，阿蘇說肉餅也會彈牙，我已經忍俊不禁的笑了好久，今次見阿蘇又為此火鍋店賣廣告，雖然也抱着半信半疑的心態，但見老銅店新開張，而且爸媽也試過說好吃，加上又知道九時半後有折及在某雜誌內有Cash Coupon，所以就一於來小試牛刀，和女友預早訂了九時半，而我們準時來到，過了不久，也被安排入座了。此處九時半後的Menu是另設的，大部份的食物也是以原價的六折發售，例如原價一百八十八元一碟大的金牌手切肥牛，在宵夜時段只賣一百一十八元，很抵呢！怎抵也好，不好吃也是假的，首先選擇湯底，選了芫茜皮蛋湯底，貪佢清熱，而火鍋配料則點了一碟大的金牌手切肥牛、日式野菜籃、招牌水餃及蟹籽燒賣餃。先來的是混醬，醬油每位十五元，而茶芥及一碟魚仔花生也已計算在內，也可說是不陰乾食客，這點抵讚，而醬油底當然是普通的豉油，但其他的醬料有山葵、XO醬、生蒜、熟蒜、辣椒、蔥花、辣椒油及麻醬，也算是足夠的，山葵相信是供食客點刺身吃的，而值得一提的是XO醬內的瑤柱條條粗壯，絕不簡單。在調配醬油之間，芫茜皮蛋湯底及火鍋配料已相繼上桌，店家用的電池爐火力猛，不消一會，湯也幾乎被滾瀉了，慣性地先喝一口湯，芫茜