Video
Telephone
36130622
Payment Methods
Other Info
Alcoholic Drinks
Live Sports Broadcast
Above information is for reference only. Please check details with the restaurant.
8 號波一落即刻飛返餐廳再落酒吧隊啤減壓！瘋師傅小食，薦行豬頸肉，順風咸豬手、等等等等，聽朝第 12 年到美國被勞役 3 個半星期。說好的花雕多春魚呢？德國脆皮咸雞腎呢？椒鹽炒出前一丁？避風塘薯條？黑松露茄子？黃金午餐肉？餐牌有吉列肉眼扒？下次可以試試喎，以前係茶樓食過炸南乳牛腩。巧遇心中雙子女神，鬧情緒要藥到病除！都話飲少少淺嚐咯，隊左成支紅酒再幾杯生啤，斷片早點歸家休息！House red wine Mayne，點解唔同味呢？舊那批已比我飲晒？依幾支新的嗎？厚身有少少果香，無難受苦澀味。酒精 16.5 的浪漫，初嚐無味，再嚐輕甜微香。House red wine corbieres，平平淡淡。House red wine，味道持久厚身味濃，紅酒用啤酒杯墊硬係怪怪的。炭燒豬頸肉，即叫即做絕不偷懶，絕不燒定翻熱乾硬鞋！新鮮碳燒出爐，半溶的油脂閃閃發光甘甜無比，燒烤香氣增進食欲，爽彈滑滑肉汁滴滴，滾埋酸甜汁停不下來地塞入嘴裡！德國脆皮咸豬手，真係德國？趣味閒豬首？深炸豬皮到酥脆，陣陣咸味不霸道。豬皮微脆帶黏帶油脂而膠膠的，不硬掘掘而香口過癮。肉質鬆化不乾硬，不屬軟綿炆豬肉類，陣陣咸香不過份，皮肉沾芥辣享用更立體，味道更多樣化。突想要片靚生菜夾點酸菜青瓜捲住食呢，想念英國舅父烹調的香酥羊生菜包。椒鹽多春魚，超高質彷如新鮮魚，使得我們驚嘆不已！肥美完整脹卜卜，所有魚春保存在內，甘香不澀索索聲，皮香肉嫩沾埋惹味香辣蒜酥，拍手叫好！串燒雞腎，薄薄微爽，如用新鮮雞腎就更加無得頂啦！金菇肥牛卷，捲得結實有誠意，牛甜菇甜爽夾嚥韌。雞軟骨，完成度極高，鳳脂甘甜幼滑，香噴噴而脆卜卜的口感，好野黎喎！蒜蓉辣燒茄子，半爽半濕未至軟腍一梳梳，連茄子皮都可以食，孜然粉辣椒粉蒜蓉辣椒蔥花。串燒牛柳粒，鬆化不乾硬，牛甜味濃烈可口。鹽燒牛脷心，牛舌心頂級招牌厚切激甜不羶，焦香爽彈噴汁！蒜片一口牛粒，鬆化有咬口，不乾不鞋吸盡醬油蒜味，甜味濃烈，蒜味微弱，濕潤品嚐可口滿意。滷水雞中翼，黏膠充滿彈性的雞皮包著白滑嫩肉，肉汁閃令令，滷味帶甜濃濃好味道，最緊要趁熱食，變凍變得偏咸。花雕雞翼拼溏心蛋，雞翼一開二，酒香微弱。溏心蛋，靚蛋質高，蛋黃濕潤半流，甘甜黏黏，酒味同樣薄弱。醬爆雞腎爽，大大片似火雞腎薄切，醬爆熱烘烘送到！厚厚醬汁包著每塊雞緊。蒜香牛柳粒，切得大舊夠豪氣，整粒塞入夠滿足，鬆軟質地趙得開心！牛味香甜，牛汁滲滲，蒜蓉辛甜惹味。XO 醬豬頸肉炒出前一丁，爽彈肥美焦香豬勁肉，邊趙邊溢出甘甜肉汁與油脂。重口味的烹調，不辣香口 XO 醬跟醬油混和再滲入每條丁麵中，乾身彈彈啜得暢快！竟然用上兩個麵底，落足料重份量，爽彈豬頸肉肥美不油膩，非常好不得不佩服。炒功了得！麵質乾爽無過腍過濕而粉口，豉油剛好包著每條麵條不誇張，香噴噴大口大口地品嚐，好味道但食唔出 XO 醬味。蒜香牛柳粒撈 XO醬豬頸肉炒出前一丁，味道非常之夾，提味提鮮！融合昇華至另一竟界，麵條捲著牛柳合體攻擊，我完全投降了！B仔雞翼尖，嫩滑的雞翼尖。炸魷魚鬚，鬆化炸粉不乾硬，先來脆卜卜再來咸鮮爽彈魷魚，好食喎！秘製無骨雞中翼，重南乳味，熱辣鬆化外層，鳳脂油潤。吉列肉眼扒，有創意牛肉眼做吉列？比朋友講中，只係普通吉列豬扒。上網睇睇豬肉眼是什麼，油脂豐富鬆軟甜美？算炸得鬆化脆口。芝士薯條，只用芝士粉撒係面？普通炸薯條。黃金雞翼，都估到係一開二所謂單骨雞翼，甘香油潤咸蛋黃讓炸雞翼吸收，肥美雞翼滑滑。我喜歡牛油咸蛋黃濕的造法，朋友較喜歡乾身更脆更香口。經典卡邦尼意大利粉，港味特濃，滑滑清爽芡汁，淡淡忌廉雞蛋味道，意粉彈彈。避風塘雞翼，炸完先剪開單骨保存肉汁，皮黏肥美搭著蒜酥，肉汁宜人醃味誘人，單骨一條一啖夠方便豪快，放進一出一入雞肉全收嘴仔裡。七味雞球，跟無骨釀雞翼一模一樣既？細味都食唔到七味粉味道，陣陣南乳味啖啖肉滿足。炸物拼盤，炸雞中翼肉質肥美皮彈帶油香半彈半黏，炸餃子雖然餡料空盪盪起碼有微量菜汁食其香口微脆。炸魚手指麵包糠，濃濃海鱸魚的味道，不錯不錯食得過。雞肉意粉，鮮煮意粉剛烚起，食得到的彈滑嫩嫩。鮮煮煎雞扒，皮香肉嫩富彈性，雞汁濕潤微滲。讓意粉捲著雞柳塞入品嚐，加倍的滋味，沒有辣椒仔汁出場的份兒。如果每一碟都做到煮比我食一樣就無得輸啦！雖然等待一點，絕對無緊要，驚喜的烹調！千島海鮮手拉薄餅加碼，千賭海鮮薄餅加碼要 $10 蚊，梗係無問題啦！豐厚的食材與滿滿濕潤茄汁融合，已分不清係什麼海鮮，搭配乾爽略脆餅底，不過不失滿意。烤雞泡魚乾，必須趁熱食！剛剛烤起還軟塾，放涼變硬變韌，正常甜醬油味道。我想食河豚刺身喎，唔係想食河豚乾呢。
continue reading