牛市 (Changed Hand)

最初係公司附近開嘅時候已經比個名吸引左😂上網睇先發現原來老闆本身係外匯經紀，因為非常熱愛牛腩已經鑽研多年，依加索性開鋪自己煮，難怪會改左呢個店名😆佢地嘅牛腩用上左新鮮騸牯牛，係向本地老字號牛肉商牛皇莫取貨。堂食嘅話座位不多，亦擺放得有啲密集，不過小店關係可以理解。係附近番工嘅話可以好似我咁外賣番去食，同樣保持到質素💯-🐮咖喱牛腩飯 $68呢個絕對係我嘅all time favourite😋咖哩味道超濃郁，唔係港式果種整法而係重椰汁比較似馬來西亞風味（？）不過呢個咖哩係有辣度唔係甜甜地果啲，如果唔食得辣嘅話就要留意下。牛腩每次食都勁足料，口感方面有啲會硬身啲比較有咬口，有啲就淋啲入味啲，配料仲有牛筋、紅蘿蔔、薯仔，煮到淋晒好入味😋-總結：份量加質素絕對對得住個價錢，老闆又好人🥺（事緣我對上一次去買冇帶現金，諗住有八達通都OK，點知壞咗機🤯跟住老闆零猶豫直接一句叫我後數，果下真係好感動🥺🥺點解可以無條件相信一個陌生人唔會走數🥺）希望大家都多多支持呢間小店🙏🏻特別係疫情關係生意真係難做左好多，衷心希望牛市可以長做長有❣️

🐂牛市睇到網媒介紹，牛係搵牛皇莫拎貨，加埋老闆既創業故事，決定去試下佢坐位大約8-10個，坐得有d逼，但都算乾淨牛筋米 $60牛筋未到入口即化個種，但軟硬適中崩沙腩米 $98好大件，老闆話係爽腩嚟，半肥瘦肉味濃，唔會韌個日河粉賣哂，所以叫咗米粉每碗麵都有配菜木耳同蘿蔔，蘿蔔大部分都甜既，但食到一舊好苦😭湯底同岀面唔同，比較清冇乜香料味，後尾越飲越清甜🤣枱面有其他汁醬葱蒜比你自己加👍🏼五香牛展+溏心蛋 +$30跟餐溏心蛋: 正常發揮🤫五香牛展:凍食既，勁淋，唔係岀面硬到擦膠個隻👍🏼配埋個啫喱汁好正🤤個汁老闆話係用佢煮牛腩個d汁整成，滿滿既骨膠原🤫洛神花雪梨茶 跟餐微酸，唔會太甜，正常發揮🤫咖哩三寶 $25魚蛋、豬皮、蘿蔔咖哩汁似茶餐廳咖哩雞個味，少少甜微辣🌶️應該就係烚完三寶再係面淋咖哩汁魚蛋:彈牙，但唔入味豬皮:爽口，但都唔入味蘿蔔:好入味，但苦既用個汁嚟撈米粉又幾好味😂蠔油生菜 跟麵 $10正常發揮🤫2個人埋單$223價錢唔算貴牛用靚料，味道係唔錯既，湯頭主要係清甜，可能有d人會唔鐘意咖哩三寶有少少失望，d料唔夠入味，但汁係正既睇得岀老闆係用心製作，希望下次再嚟會有驚喜💛推薦大家要+$

高質牛腩牛筋，誠意推介，俾老闆對牛腩嘅執著熱誠感動而食。老闆貌似有叫過人試食，可惜無我份…🤣-🍜 🐄 牛腩河 $60如果無判斷錯誤，老闆用了集爽腩和坑腩於一身的挽手腩。挽手腩是筋膜連軟膏都有的部位，層次分明，一層筋，一層肉，一層油花，四面都是軟膠質。加上老闆聲稱用🇭🇰本地牛，高質的肉自然收高質價錢，值不值得就見人見智了。肉好食，客覺得整體好食與否，分野就在湯底，特登叫咗吸汁嘅河粉。湯底並不是傳統的八角，味道比較清淡，配菜有木耳蘿蔔，若不是欣賞到牛腩嘅用心，的確會大大減分。🍜 🐮🦵🏻牛筋河套餐 $90牛筋炆得入口即融，無誇張，無牙都食到嗰種淋。我和陳AA覺得特別⭐️但若街坊食開有咬口的，未必會喜歡這種牛筋。陳AA作為一個二十幾歲麻甩佬，的確嫌清淡湯底到喉唔到肺，學媽媽咁講男仔就係鍾意食濃味野💁🏿‍♂️若湯底得唔到大眾嘅芳心，就有點kick手了。🍹跟餐 洛神花雪梨茶酸的🌸洛神花味，飲不到🍐雪梨味，唔知係唔係現成，但清熱解渴。💦🐄 跟餐 五香牛展，🥚滷水溏心蛋普通，和市面的牛展同雞蛋無太多分別，雞蛋的確係糖心。🥫枱面有好多調味料，有蔥有炸蒜有黑蒜油有鹽有豉油，可以自己調校味道。湯底加咗黑蒜油之後

湯底同出面好唔同好入味，但不會搶了牛肉的味道， 而且咖哩調教得好好牛肉完全入曬味😋 蘿蔔簡直係牛肉絕佳的配搭，再加埋自家製的花旗參飲品， 完全另一番風味， 雖然店舖細小，但整體環境及食物都抵讚！

是日同honey 去左灣仔的牛市食晚餐牛腩麵都系honey最愛的食物位置唔多 幸好都有枱坐除左牛腩麵，仲會有埋小食同埋咖哩同honey 叫左個牛坑腩河粉同埋崩沙腩河粉另外點左炸魚皮 上湯菜心同埋麻辣冷盤跟餐加錢有野飲，可樂同忌廉唔少得崩沙腩河粉崩沙腩都唔少，另外有埋木耳絲食落好重牛味，湯底唔會太濃，肉質爽口牛坑腩河粉牛坑腩河粉比較廋一點但都系肉質彈牙，另外有埋牛根邊位，蘿蔔一整碗食都唔會有肥利的感覺炸魚皮叫粉麵一定唔少得食落脆口，好大碟麻辣拼盤（豬耳，牛肚，豆腐）哩碟小食份量超多，豬耳爽口，牛肚琳身，加埋麻辣另一種享受上湯菜心食咁多肉，點都一定要d菜落肚哩餐牛餐真係食得好滿足！

上次經過時，此店正維修廚房，暫停營業。今日再臨，終於可以幫襯。典型香港街坊小店，推開趟門，只有不到20個座位，舖位後端就是開放式廚房，佔去超一半面積。牆上大大幅海報，寫明小店主打清湯牛腩汁及招牌咖喱三寶。小店店名「牛市」原來有段古。一來玩食字，小店賣牛，希望生意好似股市咁樣「牛氣沖天」。另一方面，原來老闆兼大廚以前係金融外匯經紀，可能係情意結，老闆曾經喺媒體訪問中提到，原本份工人工高、福利好，但想趁着還有魄力，挑戰自己，碰巧疫情下鋪租下跌，所以放膽一搏開牛腩店。落單全自助，剔好之後交由店員處理。陳大哥牛腩崩沙腩河（$98）係小店鎮店之作。先講湯底，味道同其他清湯牛腩店不盡相同：油份較少、更加健康，羅漢果、花椒、八角等等傳統炆牛腩所採用的香料味道亦唔算明顯，只有滲出的淡淡回甘牛味。正如牆上海報開宗明義：素人入廚，糅合傳統並加入自以為創新烹調手法。調味亦較為清淡，難怪每張枱上放了一樽粉紅岩鹽，方便客人按個人口味提味。每一件牛腩都係正宗崩沙腩，有肉又有軟膏。牛腩肉腍滑香軟；軟膏筋膜入口軟滑，充滿骨膠原，並非普通牛脂肥膏，沒有臊味，只有牛香。果然一分錢一分貨，較普通牛腩好食得多。特色牛腩濃湯拉

特色牛腩濃湯拉麵一碗$60，標榜冇味精但飲落同味精湯分別不大（可能係我木舌但個湯真心麻麻。）拉麵應該係平時超市一包$10有找嗰個質素嘅麵底，一樣麻麻地。本身見到牛肉拉麵以為會係蘭州拉麵嗰種拉麵結果真係諗多咗very muchButttttt啲牛腩真係幾好的👍🏼👍🏼成碗麵無論湯or麵我都覺得😥但唯獨啲牛腩真係食到😌👍🏼咁嘅表情。腩肉少少稔但唔過火，肉汁都濃味又juicy，有一兩舊牛筋都喺軟硬度之間攞到個很好的平衡可以打敗唔少本地魚蛋粉舖頭which is really good

見到媒體報道就去試吓，未坐低入到去間舖頭已經聞到好大浸牛肉味，佢唔係好香嘅牛肉味，而係一浸臭臭地嘅牛肉味，然後坐低發覺地板好「立」枱面好油，望一望個餐牌一碗牛腩河要成$60（咁老實講好唔好味又唔一定係睇個價錢嘅，平同貴都有嘢好食同唔好食嘅。）我去當日佢話乜嘢崩沙腩，咩特別嘢都賣晒，咁我就唯有叫碗普通嘅牛腩河，我見到啲牛腩嘅賣相我就心知不妙，首先見到啲牛腩肉有兩節色，同一舊肉有粉紅色仲有少少黑色，咁我以為佢係新鮮腩肉，一啖咬落去，佢嘅質感好似一啲鹹豬手經過處理過嘅肉咁，好乾好硬，我再飲一啖啲湯，冇牛肉味又鹹，碗野跟埋嘅嗰幾舊蘿蔔，冇味。跟住我就望下佢店入上面寫住嘅字，佢大概係話自己放棄高薪厚職，又話自己好鍾意食牛腩，最後我見到佢自稱素人⋯⋯睇返佢響媒體報道講嘅說話：「我敢說這店全部用最優質的食材，所有來貨我全部都食過、試過最好的才採用，就算是牛丸、魚蛋，也盡量是香港製造。如牛腩便是向提供全香港最靚牛肉的名店牛皇莫取貨，包括爽腩、 崩沙腩及牛坑腩等新鮮騸牯牛腩。老闆不是人人都肯賣貨，我都是經朋友介紹引薦、對方認同我的創業理念才取到靚貨。」唔知係咪因為我叫咗普通嘅牛腩所以係咁嘅質素，但係我想

看到一些食評，説灣仔有一小店，牛腩了得。今日中午在灣仔放學後，往牛氣試吓，$78 一碗坑腩，買相一般，湯及牛腩味道偏淡。味道一般！牛腩質感尚算OK。 可能希望越大，失望越大😞

見網媒介紹，試試崩沙腩米線＄98 ， 賣相可否排整齊點？！第一啖試湯頭，只嚐到牛味，配料不夠，欠層次.蘿蔔完全唔入味。知唔知華姐清湯腩既蘿蔔點解好味到可以獨立做小食賣？人地做到連蘿蔔都夠甜又有牛既清湯味！肥而不香有牛味，可惜肉太柴，浪費了食材半肥瘦部位有無好d? d 肉都係柴，可惜了咖喱牛腩河$68普通港式米粉，口感上本人喜歡台式幼身彈牙的新竹米粉，這款不是。感覺上咖哩膽是茶餐廳水準，有香料味，但沒有咖哩香料那種質感這款牛好像比崩沙腩更淋， so sad.知道店主有心，請做得更好，不要浪費食材。可試同行出名的清湯腩，再嘗自己店的水準，你會明白。

一入去見一個牛腩河$60已經覺得唔對路，但係一班人入到去就算啦諗住試下啦。首先個牛骨湯無咩味。d牛腩係同平時食開個d唔同，好特別，未食過咁難食。然後個河粉直頭食唔曬。絕對無下次

睇完某channel介紹，難得喺附近返工，一放lunch就以飛去食，行慢一分鐘都會撞正lunch煩忙時間而排隊。睇完menu，試下佢嘅炕腩河。湯底清，先飲一啖充滿牛骨味道同香氣。蘿白無根又夠淋。之後先食一塊坑腩，柔軟非常，唔駛考牙力，較為大塊嘅坑腩，當中嘅脂肪又淋又香，似食緊牛筯咁而比較細塊嘅有幾嚿，原先以為喺「搭」嘅，點知呢幾嚿先最正淋得嚟有咬口，而且充滿牛脂香氣，似食緊炆牛尾咁經過呢次後，下次一定要去食崩沙腩，相信唔會似坊間嘅咁，食到似橡筯嘅感覺

湯頭淡而無味，唔好話牛味， 連基本湯頭要有既底味都欠奉，飲落似生滾水加雞粉， 不知所謂。排隊等左半小時入座無晒崩沙腩所以嗌左坑腩河好老實 屋村 30 蚊碗都比你做得出色牛 太乾 太柴 太淡 失敗咖喱三寶 凍既 又淡 唔入味 7-11好味過你 個河粉普通，都算香，不過湯太淡都好難出色。食完一肚火見到蘋果個訪問老闆禁招積所以慕名而來，非常失望我相信你真係拎靚貨牛但好可惜浪費晒 完全唔合格建議不如去天后八寶試下人地個湯底先開門做生意

本身非常鍾意食牛腩麵，見到youtube出片介紹兼開返堂食就即時去試，去到先發現間舖唔喺軒尼詩道係喺灣仔道，不過地點唔重要最緊要係啲食物知道由金融外行人轉做飲食，我本身已經帶住包容嘅心去試，但一試真係忍唔住要開account寫一寫佢1. 清湯牛腩麵嘅靈魂個湯，唔清兼無味，隨便一間源記或香港仔魚蛋都好過佢，當然要做到湯頭清澈而濃郁係材料、時間、功夫、技巧，缺一不可，就算條件唔夠，但個湯首先要有味，可以試吓去群記、華姐、九記、八寶等等試吓其他出品，然後再努力吓2. 如果想做清湯牛腩，唔應該加炸蒜，黑蒜油，黑木耳，唔應該配拉麵同烏冬，應該要加返鹼水麵同伊麵，溏心蛋就......3. 諗清楚想做清湯牛腩定做日式拉麵，如果想溝埋嚟做本身要整體做得非常出色，否則只會不倫不類，唔好諗住做日式拉麵風格價錢可以賣貴啲，食物嘅味道先係最重要，只要做得夠好味，就算貴我相信好多香港人都會捨得食，而家嘅味道唔好話6-70蚊碗，賣普通潮州粉麵價3-40蚊碗都好難試第二次希望未來啲出品做返好，間舖排長龍時，我再嚟試過

I went there for lunch around 12:20’s. The restaurant have above 10 seats total and was all full. I order takeaway from one of the lady and 10mins lady I asked another lady to make sure the orders was placed. The 2nd lady told me the orders wasn’t put in. So, I ordered again. It took over 30 mins to make a 5 mins order. Most of the din in customers are already eating. So, it should never take that long. Each of the dishes on the menu the food are already cooked. All needed are cut and cook th