Bulldog Hotdog (永勝大廈) (Closed)

喺銅鑼灣行街行到夜晚九點幾冇啦啦想食熱狗，一搵就搵到呢間舖💛仲要係黃店💛，見款式都多，價錢都好合理，一於就食呢間💛松露蛋熱狗 Truffle Scrambled Egg💛因為本人好鐘意食松露，所以一見menu有松露熱狗諗都唔洗諗就揀左呢個🤤食落啲蛋好滑，熱狗腸都好脆好好食，份量都幾大🤤松露味如果再重啲就完美💛加左18蚊轉做套餐，跟左薯角(細)同汽水，薯角嘅量比想像中多，炸得好脆好好食💛朋友叫左兩隻香草芝士雞翼，覺得幾好食💛之後真係要試其他味嘅熱狗同小食先得🤤推薦💛💛

有日行過見到新開咗間熱狗店都唔為意係黃店🙊 然後有日碌碌吓IG竟然見到佢係！ 唔理咁多，梗係要幫襯吓佢❣️-💛 櫻花蝦熱狗 ($55)睇相睇唔睇得出佢有滿滿嘅餡料呢😝😝 呢個櫻花蝦熱狗好有fusion嘅感覺！ 熱狗腸上面有櫻花蝦乾、明太子醬、蟹柳絲、蟹籽同埋蛋黃醬🤤 本身都會驚一大個陣味好快食到悶，答案係唔！會！嘅！ 我鍾意佢個熱狗包會微微嘅甜，可以中和到唔會好膩🤪 仲有個熱狗唔會係「圖片只供參考」嗰種，餐牌見到咁，出到嚟都係咁😍 下次要試埋其他味先得😤-

近來網上唔知點解紅起呢間熱狗店，好多人都話好食，於是特地去一試。6點幾去到，冇人食店內有三張枱，可以企係度食收銀處位置有醬可以自己添加MENU，選擇都算多，亦有小食可以加食左個招牌熱狗，+$18配埋小食同汽水，揀左薯角其實想食芝士薯波不過佢冇晒 熱狗熱辣辣，好香，個皮熱辣辣好好食唔會淋晒條腸都幾香D醬都好味熱狗上既牛肉都好味薯角就還好啦唔算特別好味整體上熱狗都唔錯，小食還好，但價錢略貴，五六十蚊一個熱狗，食落又唔算好值，不過味道不錯一試無妨

行過好多次都想入去試…但係因為店家只收現金, 而我每一次經過都係返緊工 冇cash係身……到今日…記得帶現金， 終於可以去試到佢😁店內有幾張高枱for堂食， 當然我見大部分都係買來外賣食🤭 佢都有足夠嘅空間， 俾客人額外加一啲sauce， 唔怕整到周圍都係今次先試咗最愛嘅芝士😋 料好足， 個包要俾贊👍🏻好鬆軟好香口， 店員主動詢問加錢要個set (洋蔥圈/薯角＋汽水)，揀咗洋蔥圈， 洋蔥圈唔會太油🤭 咁樣成個餐其實已經好飽。可以再返去試下其他

聽説這店由大埔殺入嚟銅鑼灣嘅熱狗🌭️店，於開幕當天嘗試了招牌熱狗，麵包真的外脆內軟，微辣牛肉醬與脆皮香腸味道超夾，還有粟米脆片，口感一流👍🏼😋加$18變套餐，有汽水及小食，抵吖😍年青人之用心食店，值得支持💪🏼🥳

銅鑼灣近Sogo新開熱狗店，響大埔好似好出名。熱狗好大隻飽到嘔，黑啤肉醬幾特別，menu話可加錢轉腸，下次問下店員有乜分別先。洋蔥圈炸得啱啱好入面仲好juice, 下次試Fat Chesse!

之前試過佢係大埔既總店 ，知道佢係銅鑼灣開就立刻去試下 睇水準做唔做到一樣 位置就係 Sogo 後面 好方便銅鑼灣店比大埔好 因為佢有幾張枱可以企 （之前大埔得外賣 食得有少少論盡）今次試左美式風味 ，有jalapeño , relish ,onion , 不過我走olive . 完全拍得住以前係加拿大既 hotdog stand！ 好懷念既味道 ！佢個包即叫即烤，熱狗用既腸又好食 簡直係一流 ！ （我試過同類型既係葵廣食仲要加10蚊先有唔似脆皮腸既脆皮腸 😭😭）終之依個價錢有咁好既質素 冇得頂 ！！下次我要試芝士 再轉腸