Bulldog's Bar & Grill (Closed)

一場戲碼不強的日本對巴拉圭,這間Bulldog也要收$100最低消費.小弟的世界杯旅程已完結,下班後過來不是來睇波,而是與友人F和家弟打個招呼,如非友人之面子,恐怕入一入去也硬性放下一百塊.來到已經下半場尾段,其後還有另一場要去,來到沒有理由"齋吹",加多一杯Kilkenny,也不過$60.入口冰凍香滑順喉.結果,忍不住一下子喝光.全場完仍未分勝負,坐在我們後面的Nippons,依然談笑風生.雖然後來在互射十二碼才敗陣,但眾日本人也對自己的球隊的表現滿意吧.

放咗工一齊睇波, 友人訂咗bulldog....一去到係門口巳經好多人. 無訂位的話, 入去企係度睇就收HKD 100 (好似係包一杯野飲.)同門口的Waiter 講, 我訂咗位, 佢就佢我入去, 唔駛出錢(都知無咁著數)....坐落就覺得唔對路, bar 枱上方有一部太約32吋的電視機....無人企都仲可以睇到下, 但係我地枱前面的人不下數十人囉...原全阻礙我的視線...天呀...好在朋友們黎到, 同waitress 再三要求下先可以同我地轉到一個可以睇到電視的位置, 一開波,大家都巳經好肚餓, 分別點咗d意粉, 小食, burger....點知等到差不多下半場先有得食, 質素就俾之前黎食既差....但份量都叫okay...算啦...因為有位坐, 人頭份一人HKD 200 , 包三杯啤酒或汔水, 食野就另外計...lee 場波真係睇得有點貴...

九月中旬‧晴跟朋友的一席話，選了來這裡，坐在外邊半露天的位置。來這裡多會飲啤酒，但是日還有工事要處理，不想是滿口酒氣的，就只要了威士忌。在酒牌上，單一麥芽的選擇不算多，就只有Glenlivet的12年，要straight up。色澤金黃，味道醇香，口感幼滑，結尾帶點甜味。不加冰其香味不會完全釋放，但就濃烈很多，感覺也不錯。談的話題也夠沉重，喝這個又正好。埋單65蚊，是歡樂時光的價錢。

雖然香港係一個集各國美食於一城既地方. 食既味道可能真可以好外國, 但係連外國氣氛都有埋既, 呢餐都算係第一餐. 可能咁啱我哋去嗰晚有好多外國人係到睇香港人唔係咁hit既欖球賽掛, 外國氣色特別強, 令我哋幾個都係係外國讀書既人特別感慨.我哋今晚叫左dog platter ($110): 即係 simpler. 有雞翼, 春卷, 薯條.... 不過我覺得overcook 左, 唔係咁吸引pork ribs ($130): 我最喜外既菜式之一. 去到邊都唔會食到差既ribs. 呢餐亦都唔例外. 跟rib一齊上既薯條好好味.gammon steak w/pineapple ($ 120): 用成塊波羅舖係塊steak上面煮. 不過塊steak我哋幾個女仔都覺得好"鞋", 但係男仔frd就大讚好味喎canterbury chicken alfredo ($ 95): 好好味呀個白汁, 絕對唔係罐頭貨可比呀.雖然酒吧既servic唔可以expect d 咩, 不過我見到有其中有個女待應, 隔離枱倒瀉野好耐先黎執, 又整跌隔離枱既sport equipment 對唔住都無聲. 呢d servic

本來去一間自己玩開的秘密架部, 但女仔唔鐘意, 便行番落黎. 尋尋覓覓之下, 又回到這家Bulldog. 這裡很有英國Pub feel, (當然不是傳統Pub果隻), 特別推介Sol 不錯. 惟喜歡拳戰朋友說, 欠了花生果仁.....

Bulldog's provides a great meeting place for happy hour and beer. However, Do NOT order their Nachos!!! They just use ready-to-eat Doritos from supermarkets and put some cheese , guacamole and some salsa on top of them... disappointing!!The apple crumble wasn't that good either...

一班相熟食友出來happy hour，談談動向，談談花邊新聞。選了在這英倫酒吧，安排在半圓型的大疏化，圍在一起，傾計最好。因為要遲到早退，跟著又是潮州私房菜，故只飲不吃。走去吧檯，拿了杯Holsten。口感爽口順喉，麥味淡淡的，泡沫不算豐富，勝在飲了也不覺太飽。歡樂時光，半品脫40蚊一杯，抵飲。當然在英倫吧飲德國啤，有點怪怪的。更怪的就是，飲到半飽，傾到面紅耳熱，熟悉的音樂，原來是Top Gun首theme song「Danger Zone」，Kenny Loggins絕對大美國，結合入型入格的英式裝修，仲怪。做戲做足全套丫，大佬！

四月二十五號星期二約o左祖少去蘭桂芳食晏上次去老虎狗係星期三,但去到先知道佢地逢禮拜三係自助餐日, 而對老虎狗既自助餐亦無乜興趣, 今次就去食佢地set lunch碗忌亷雜菜海鮮湯都好足料. 有一粒一粒魚響入面, 食完已經幾分飽牛扒上面有gravy同蔥, 下面有薯蓉. 牛扒火喉十足, 友好香炭燒味, 加埋o的蔥更加香口甜品的chocolate brownie都好濕亦無會太甜夠晒力量迎接下午的工作!

平日一定KO 哂佢成個巨型set lunch：個set 日日由頭到尾都唔同款之餘，仲好好食嘛；奇怪既係我成日幫襯倒反而無乜點寫過佢既食評。今日來個quick / light(er) lunch。吃的是Bulldogs The Plowman’s Lunch - 一酒吧速食類既午餐：有三個小法包、兩種切得好厚既cheese、兩款chutney、sour cream、醃小蔥頭同fresh garden salad。小法包烘得外脆內軟，好香；dippings 一隻酸酸o地，一隻似燒烤醬，好惹味；而o個兩款cheese 都好重味，唔係個個o岩。Garden salad 等同queen salad 加vinaigrette 是也，食物如其名：好fresh。推介$45 既Pie set （Lamb / Beef / Chicken pie 跟Fries / Garden salad）同Mars Bar Cheesecake。Set lunch $99 連湯/ salad，daily dessert 同餐飲就抵食好多，同埋佢D combinations 好正，service 也好。

FRIDAY與友人到LAN KWAI FONG HAPPY HOUR，因為之前有人話過LE間好，所以入左LE間﹗點知價錢比其他貴﹗成$70一杯DRINK﹗(HAPPY HOUR唔係落單計、係埋單計)下次都係去另外一間飲算LU﹗

習慣新年的第一個工作天會和同事出去飲杯，而星期一晚幾間蘭桂坊的食肆會將部份營業額做善事，如在附近開餐又實在沒有不來的道理，所以就上下場也在呢頭幫襯。上半場成棚人在2121 飲完，都無咩野落過肚，就同幾個舊部一起去開餐。有年青人想吃漢堡，加上有女士又唔想去烏煙瘴氣的地方，所以一行五人來了這裡，貪佢地方較大，又比較光猛，有音樂又不算大聲。星期一人例少，位任坐咁滯。來得當然一人先來杯生啤，鑑於頭先已飲不少，所以只要了較輕的Bulldog Brew，叫的時候仍然是八時前，勉強還可算入happy hour。先來點送酒的，叫了炸薯皮及薯條，這裡的薯條不錯，辣辣地又夠份量，送啤酒真的一流；其實到了此時在座的都飽了一半，加上這裡的食物幾夠份量，所以一致決定五個人只叫三味，分別是泰式雞沙律、Bulldog Burger同New York Steak Sandwiches。三碟野差不多同時上檯，果然是份量十足，我們亦慶幸沒有多叫。雞沙律其實不十分泰式，只是幾條煎雞肉加大量沙律菜、蕃茄、洋蔥等，加了醋汁，味道麻麻，但好受三位女士歡迎，瞬間搶購一空，我估佢地覺得健康卦；Bulldog Burger用得個舖頭名

今日下晝要應酬一個過境旅遊的朋友，大家在蘭桂坊認識，就約了在蘭桂坊。無見幾年，她樣子也沒有多變，變的只是蘭桂坊的市況。今日所見，不知怎的，蘭桂坊午市異常的冷清，除左California及Post 97叫多D人，其他食肆都在拍烏蠅，呢度咁大間吧都係得四個客咁大把，清一色全洋人。午市有套餐，一百蚊唔使有三道菜，好似幾抵食，就都要了這個。頭盤是湯或豆腐沙律，而大家都揀了沙律。沙律份量不少，但材料算簡單，除炸豆腐外，還有沙律菜及蕃茄等，淋上花生醬汁，幾泰式風味，如可以加一點酸味就更好了；主菜是牛及魚，一人選一樣。我的西冷牛扒要raw，煎出來都夠生，交到功課。當然肉質不算好，當是午餐填飽肚子還可以。伴碟有不少的炸薯塊及烚紅蘿蔔、西蘭花等，唔使驚唔夠飽。她的是魚柳，賣相麻麻，味道亦應好不到那裡，但鬼妹食慣，又唔覺有咩問題；甜品是雲呢拿雪糕或甜餅二選一，都選了雪糕。雪糕用個中裝玻璃杯上，意外地都幾認真，算是最好味的一道菜；幾位南亞裔女侍應，全程笑容滿面，服務唔錯。連凍飲兩杯，埋單二百蚊，不收加一。鬼佬菜色，味道普通，但地方幾好坐，同朋友見面都適合。

約左老婆飲蘿蔔湯又未夠鐘，同班同事去蘭桂坊飲杯野先。唔知係唔係自由行的同胞走晒，呢度比上星期冷清好多，5點三落到來鬼影都唔多隻。見自從老虎狗新張都未幫襯過，所以就來了。呢度分餐廳同酒吧兩部份，入面餐廳夜晚仲會變做小型舞池，幾次經過見到都幾好氣氛的。出面酒吧有露臺位，可以居高臨下的望到蘭桂坊外街，有得飲有野睇，我們當然是坐出面。呢度Happy Hour由5點至9點，大部份飲品都有得平，好似而家Corona就做緊特價30蚊，我們當然是飲生啤，價錢比一般吧稍貴，但地方好坐D，可以拉平番。如科士打30蚊，NZ Brown Ale 35蚊，Strongbow Cider就35蚊，還叫了個焗薯皮來送啤酒，幾大碟但亦幾貴，要七十幾蚊，以車打芝士同烟肉洋蔥等去焗，幾香口。飲到六點幾至開始多人，但清一色全是鬼佬。