賓墟冰室

Open Now

Now Closed

【葵青區】【賓墟冰室】之前喺啲 post 入面將我上司春哥上司嘅身份講咗出嚟，攪到佢略顯不悅，始終佢係一位唔擺款嘅好上司。咁同得一位咁平易近人嘅上司食飯，梗係去返啲平易近人嘅餐廳食。嚟咗青衣呢間茶餐廳食飯，初初都驚唔知叫咩嘢食好，點知去到又好快揀得掂喎。先試小菜，試咗個 $81 嘅「啫啫雞煲」，熱辣辣，好似樣。而佢裡面唔止啲雞同配菜，仲有豬肚，令到食起上嚟成個感覺好好。加 $12 轉套餐仲有埋「白飯」同飲品，飲品之後再講。因為呢個時候見到 $82 嘅鐵板餐「香煎美國西冷牛扒」，仲咋咋聲咁上。個扒本身幾好味，仲好大塊，配「炸薯條」份量都好多，跟「蒜茸汁」，都好香濃。兩份都有餐飲，我試「凍檸茶走甜少冰」，佢試「凍奶茶」，兩者都係加 $3，充滿茶餐廳風味。大杯嘢飲大塊肉之下，埋單都只係 $181，果然係做街坊生意嘅，係有啲料到。。。（地址：青衣牙鷹洲街8號灝景灣購物中心地下1號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodies

港式鐵板餐西冷牛扒配炸薯條 89HKD牛扒我選擇配洋葱汁，好大分量同埋完全無雪味，單獨有一碗汁，可以自己將汁淋落去，牛扒我叫左7分熟，唔會乾爭爭，肉質軟嫩，啖啖肉，好食！配左波浪薯條，都好足分量。另外我地嗌左鷄煲，熱辣辣既啫啫煲，鷄肉好嫩滑入味，配料有洋葱青椒，都有小小脆感，唔會太淋，用D汁撈飯好好味。野飲我地叫左紅豆咖啡，好特別係茶餐廳都好少見！咖啡唔會另外落糖，紅豆沙本身甜度已經足夠，飲落口有D似鴛鴦既味道~都OK

做完運動已經去到下午茶時間，去咗附近嘅茶餐廳食返個靚靚下午茶茶餐嘅價錢介乎$30至$60左右，份量都幾大，可以當晏晝食脆炸雞髀配薯條$38炸雞髀有手掌心咁大，滿滿嘅蛋白質，食落啖啖啖肉炸完嘅外皮非常之酥脆，入邊嘅肉依然鮮嫩薯條用咗波浪薯條，薯仔肉會多點叫咗一杯熱朱古力亦都相當夠味，唔會淡茂茂鐵板巨人豬扒配薯條$58食個鐵板先50幾蚊，茶餐先做到呢個價錢豬扒都有成兩大塊，本身配咗薯仔同埋雜菜另外再比多一碟波浪薯條，份量比起正餐唔輸蝕

青衣商場呢間冰室，平日6點多D就已經坐滿人，食物質素高，唔怪得咁受街坊歡迎啦。餐牌有好多款式，可以据扒，又有各式小菜，豉汁蒸倉魚叫左呢個蒸倉魚既晚巿套餐，有例湯送，佢個例湯非常非常足料，好濃豬骨味，唔係平時飲開既味精加水，有要另外加錢既湯既質素！條倉魚等左一陣，好野當然要等，絕對值得等待！倉魚好大條，好夠鮮味，好新鮮，完全無腥味！食個魚頭就知呢條魚新鮮，真心正!!!海鮮雜菜煲呢個雜菜煲都好夠份量，個湯奶白色，好夠味！海鮮都唔HEA，有蝦、魷魚、青口，菜吸哂湯既精華，唔想太油膩，食呢個就岩哂

周末，我和太太一起去了青衣賓墟冰室共享晚飯。我們點了以下兩道小菜作為晚餐：1. 豉汁蒸白鱔（$88）：這道菜是以鱔魚蒸製而成，並配以豉汁調味。鱔魚肉質鮮嫩，搭配豉汁的鹹香味道，非常美味。2. 鳳梨蜜桃甜酸肉（$77）：這道菜的特色在於將鳳梨和蜜桃與肉類結合，形成了甜酸的口感。肉質鮮嫩，皮脆，展現了廚師的好廚藝。每道小菜都包一碗西洋菜、紅蘿蔔煲豬骨湯和一碗白飯，這樣的搭配使得晚餐更加豐富和均衡。至於餐飲，我點了凍奶茶，而太太則選擇了凍㗎啡。這兩種飲品都具茶餐廳的奶香茶濃特色。在青衣賓墟冰室共享晚飯是一個美好的經歷，我們品嚐了美味的地道小菜。

周末我與阿仔逛青衣商場，然後在附近地舖的賓墟冰室享用了一頓茶餐廳晚餐。阿仔點了一份香煎西冷黑椒汁牛扒配意粉~$68。他還升級餐飲，加$8選擇了芒果鳳仙特飲。而我也點了一份香煎西冷黑椒汁牛扒配薯菜，加$8元點了紅荳冰。香煎西冷黑椒汁牛扒是用鐵扒上的菜，牛扒經過香煎，外表金黃酥脆，內部嫩滑多汁。黑椒汁淋在牛扒上，散發著濃郁的香氣及微辣的刺激口感。芒果鳳仙特飲是結合了新鮮芒果和鳳梨的鮮甜風味，帶有濃郁的果香和微微的酸味，喝起來既解渴又開胃。我點的紅荳冰是一道經典的港式甜品。紅豆經過熬煮，口感軟糯，散發出濃郁的甜香。港式茶餐價格夠親民，不用$70元即可享用鐵拉板扒晚餐。

☕️抵食焗飯鐵板下午茶😙-有時唔知晏晝食咩好 都會諗諗吓諗到下午茶時段先出發😂 所以周不時最後都會係幫襯番專做街坊生意嘅茶記🤪 因為價錢夠親民之餘又多款㨂 仲有港味奶茶😎-🐣鐵板巨人雞扒 配 薯條 $50下午茶都有鐵板餐 仲要大大份真係買少見少😂 雞扒都好大塊 外面煎到好脆 黑椒汁係另上 有一大碗自己淋 唔驚唔夠味😌 薯條份量好多好驚人 呢個份量做午餐都冇問題😂-🐷芝士焗茄汁豬扒飯 $47豬扒都大塊架 切開有三件 而且都係厚切😋 焗飯嘅飯底係炒飯底 乾身得嚟都粒粒分明 撈埋個汁啱啱好 唔會太濕😆 而芝士都多 拉絲冇難度😎-📍賓墟冰室 (青衣)青衣牙鷹洲街8號灝景灣商場地下1號舖

賓墟餐廳有兩間分店一間係長沙灣幸福邨商場地下另一間係青衣灝景灣地下鄰近青衣城同長發商場賓墟餐廳有各類小菜煲仔有沙爹肥牛金菇，枝竹班腩，魚香茄子等等常見粟米班腩，鹹蛋蒸肉餅，西檸雞等等家常小菜，非常送飯今日我叫左魚香茄子煲 $71加$12轉做小菜套餐有飲品同白飯魚香茄子煲仔熱辣辣份量十足少辣口味人人愛鹹魚味勁香是整個菜香味來源豬肉碎份量多係伴住每條茄子咁多五柳班塊$71班塊炸到脆卜卜每一塊都勁厚肉五柳汁中瓜英非常爽脆酸甜開胃特飲菠蘿橙汁冰菠蘿椰果加芬達雜果賓治原粒咸柑橘加七喜下火又清爽

｛食盡青衣之港式 — 賓墟冰室｝————————————————呢間賓墟冰室唔係位於青衣城內， 不過只需步行數分鐘就能夠搵到， 都算係近港鐵站， 尤其青衣城都比較少呢類型嘅地道港式茶餐廳， 想食嘅話不妨去呢間睇下🫡🔸 瑤柱菜膽雞因為朋友最近有幾聲咳所以想食啲冇咁熱氣嘅餸， 就叫咗半隻瑤柱菜膽雞， 如果想食多啲佢都有一隻可以選擇😁， 佢嘅菜係菜心， 啱啱上枱既時候以為冇湯汁，但係原來啲湯汁全部喺底度比菜遮住咗呀，大家食之前記得撈勻佢😆， 雞肉嫩滑唔會太老， 味道啱啱好😁🔸 魚香茄子煲每次去親茶記都會對魚香茄子煲有特別感興趣， 因為用汁去送飯真係一流！ 今次嘅魚香茄子煲外表睇落去以為佢比較淡口味，但係個人其實好想要多重口味多d😂，點知食落又好夠鹹香喎！ 佢有大量肉碎亦都睇到有啲鹹魚碎， 食到個底就越食越滋味🥰Overall comment: 侍應會主動關心客人詢問食物質素， 餐廳環境上算乾淨， 得閒經過不妨試下😄

今次嚟嘅呢間餐廳真係充滿港式☕️茶餐廳嘅風情，無論環境裝修同味道都係香港🇭🇰懷舊冰室嘅風格，原本以為食嘅係情懷，點知都有啲小驚喜🤭🐥咖喱巨人雞扒飯巨人雞扒飯真係好巨量，上枱嘅時候已經見到兩塊大大嘅雞扒🍖🍖。雞扒嘅質素都仲要幾唔錯添，外層香脆得嚟，裏面都仲幾嫩滑🤤，小編最怕嘅就係揸到乾爭爭嘅雞扒，但呢度嘅就唔係，絕對係有冰室嘅水準👍🏻。咖喱就有少少辣，係港式咖喱汁嘅味道，冰室嚟講都算嘅惹味😋🐷🍳乾炒豬扒公仔麵呢個下午茶餐份量真係不得了🙉一個乾炒豬扒公仔麵，入面有成4-5塊嘅豬扒🧆 份量嚟講已經好抵食☺️豬扒亦都幾有水準，而且炒公仔麵🍜味道夠、份量多亦都唔會好油，冰室嚟講係合格之上架😋

今日約左去睇牙醫，先食左早餐再整牙。青衣地鐵站，步行距離中5 分鐘就到。經營多年的街坊茶餐廳。早餐好多選擇，由$27 起至$59 的全日早餐。朋友點歐陸早餐4號餐吉列魚柳，魚柳炸得脆卜卜。配香脆牛油後多士，煎蛋，午餐肉$41 包熱飲，價錢好抵食。仲可以加$8, 加一碗迷你湯通粉或者無糖牛奶麥皮，真係夠曬飽肚。沙爹牛肉公仔麵，配炒蛋腸仔,仲可以轉奶油豬仔包，真係好吸引。價錢黎講係非常抵食，午餐晚餐選擇好多，係街坊之選。

今日難得去左青衣，就決定係呢到食埋中午飯先，路邊見到賓墟冰室呢間餐廳，見到d野食都幾吸引，就入來試試。呢到服務員唔多，但係佢哋個個都好好禮貌，雖然都差不多坐滿客，但係都唔會話超級嘈吵，就係街坊茶餐廳嘅感覺。個重量級香煎紐西蘭牛柳配意粉真係重量級，份量超級大！牛柳唔會好鹹，意粉個蒜蓉汁都夠濃，唔使叫多汁都足夠。嘢飲就叫咗茶餐廳必備嘅特檸茶，茶底夠濃又唔會苦澀。另外個焗芝士番茄豬扒飯都好好食，雖然要等一陣，但係焗飯都係必然㗎啦，熱辣辣咁出嚟，超級好味！嘢飲就叫咗凍奶茶，夠滑夠濃，不錯。

今日黎呢頭做野，放工已經係20:30……餓到唔餓，所以求其見到餐廳就入~點知好有驚喜!好多選擇，連煲仔飯都有!即刻有返食慾~🔹重量級香煎紐西蘭牛柳配意粉🔹 有令人驚艷嘅感覺~因為牛柳比我預期中大塊~肉質淋得黎有咬口，又好juicy~塊鐵板都夠熱，牛扒表面煎到少少酥脆，入面都保持到啲肉汁~揀左黑椒汁配意粉夠哂香辣，係茶餐廳嘅味道~🔹臘腸滑雞牛肉煲仔飯🔹雖然話連鎖快餐店都食到，但風味就係唔同，喺呢到都食到香噴噴熱辣辣嘅地道風味，唔駛去廟街就食到~臘腸的鹹香同滑雞嘅嫩滑，加上牛肉嘅鮮嫩，好好味~粒粒飯香同煲底嘅飯焦，再加上煲仔飯豉油，絕對值得一試

用餐時間（10:03am breakfast）follow@wojengyea/@wo!正嘢 for more food info🐒 支持我哋發掘更多美食 😋平時都喺屋企食早餐，今朝遲咗起身好趕，係青衣食個肥仔早餐。🐽例牌叫沙嗲牛肉麵，餐肉炒蛋，油多。落單時叫爽麵，夥記做到嘢👍🏽因為好多時都會煮到淋一淋。沙嗲夠濃味，麵夠爽🍜 。可惜個炒蛋凍嘅🍳 超失敗。午餐肉煎得唔夠耐，淋身又晤夠燶，迫唔出啲香味。嚿多士有一浸怪怪的大陸奶油味（喺大陸麵包舖會聞到嗰隻）。最後點埋杯茶☕️🥛，好彩杯奶茶幾好飲，係茶同奶比例適中嘅一杯。

今日去朋友屋企玩，上去之前先喺樓下嘅冰室食個lunch先。呢度嘅裝修都幾特別，有塊牆係display緊啲舊式廣告，都幾有feel。鐵板美國西冷牛扒（配意粉蒜蓉汁）牛扒完全沒有雪味，而且入口鮮嫩多汁，生熟程度亦煎得啱啱好，而且鐵板燒得十分之熱，所以一路食都feel到熱辣辣。意粉軟硬適中，連埋個蒜蓉汁一齊食十分match同掛汁。芝士肉醬雞扒焗飯一上枱已經俾佢厚厚嘅芝士同肉醬吸計，十分之香，熱辣辣咁。而且塊雞扒好厚好多肉，仲好香口。再打開就見到個飯，平時出面食焗飯好多時都一係太乾又或者一係啲飯黐埋一舊。呢度好明顯粒粒分明，食落口又唔會乾爭爭，配合埋個汁勁juicy勁入味。凍華田夠凍之餘味道又十分之濃，絕對無吝嗇。紅豆冰紅豆冰大大杯又足料，紅豆煮得又綿又清甜，唔會有太硬嘅情況，解渴又滿足。