118
10
6
| Restaurant: | Bun Hui Restaurant |
|---|---|
| Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Video
2-min walk from Exit B, Cheung Sha Wan MTR Station
continue reading
Telephone
22041318
22041183
Opening Hours
Today
06:00 - 23:00
Mon - Sun
06:00 - 23:00
Above information is for reference only. Please check details with the restaurant.
471 views
週末是工作天， 一大早便來到長沙灣， 正所謂「早起的鳥兒有蟲吃」， 便來到同事推介的賓墟餐廳食個靚早餐先。最初聽到「 賓墟」 這名字還以為是舊區茶記，卻原來是茶餐廳連鎖店，就在幸福商場之內， 裝潢跟別的茶餐廳沒兩樣， 但由於環境幾開揚， 充滿日光的茶記感覺都幾舒服。時間無多只有十數分鐘用餐， 立刻選了個E餐($42)， 有香煎牛扒、 腸仔、 火腿、 煎蛋、 牛油多士， 陣容猶如中式茶記 All Day Breakfast， 看似不便宜但製作認真都幾值回票價。最欣賞嘅係香煎牛扒， 雖然係普通茶記嘅貨色， 但牛扒的份量很多， 發粉落得很輕手口感幾嫩， 質素一定好過連鎖大家樂大快活， 而且還有港式口味牛扒汁伴吃， 茶記式儀式感都幾令人驚喜。牛油多士是整片的方包，牛油塗得相當認真， 把生菜蕃茄火腿還有煎蛋配方包吃， 就是豐富的open sandwich了， 而且值得一讚是煎蛋是半熟蛋， 外脆內嫩的， 好有以前細個食茶餐廳的風味。凍奶茶方面， 茶底都幾香濃， 但黑白奶奶味太重幾乎蓋過了完美， 要等冰化一點才能嘗出茶香， 但茶記來說算是合格有餘了。這間茶餐廳服務都幾好， 能感受到滿滿的人情味， 阿姐會為送貨員送上冰凍奶茶， 說是客人點多了， 在這個世代真的少見了。下次若然要來這邊工作， 又有一個落腳點了。＊＊＊後記：「賓墟」這個名字對霖迪來說份外有親切感， 事緣先父在生前常提到「賓墟」 這齣電影，那是1959年上映的美國電影， 那是一套取得多項奧斯卡的大製作。 後來「賓墟咁嘅場面」 就成了地道的香港俚語， 代表「大製作」咁嘅意思。未知背後的典故不打緊， 但凡冠以這個名字的餐廳， 大抵都是上世紀的產物， 希望這家也能保存昔日的情懷吧。#加班都要好好吃飯#吃飯是一種人權#文迪漫遊慢生活
continue reading
幾個老死晌長沙灣球場睇完波，原本打算行過去青山道嗰邊搵食，因為嗰邊選擇多，但喺大家都話好耐無踢，踢完成個人散散哋，故此就過咗對面「幸福商場」嘅「賓墟」食就算，好彩間餐廳收十點，我哋仲有大半個鐘頭嘅時間食飯吹水，又懷緬下昔日晌場上嘅風姿。基本上呢啲餐廳都喺做街坊客，所以，過咗8:00pm已經唔多會有新客，何況，我哋成九點幾先嚟，變相包場，侍應阿姐一對一貼身招呼。環境都喺一般茶記格局，餐具、糖包、牙籤……等等都喺例牌擺喺枱側嘅抽櫃中，自己招呼自己。嚟茶記多選擇，不過，小弟都一樣踢到榭晒，都無咁有心情慢慢影餐牌，只喺影咗自己所揀嘅泰式粉麵一版。溫馨提示，店家只收現金，呢樣就有啲唔方便。魚蛋魚片湯河 $50啱啱踢完波，唔算話好胃口，食啲湯粉麵就最好㗎喇。原本揀咗鮮味手撕雞湯河，可能真喺太夜，已經買晒，所以，求其揀魚蛋魚片湯河。當然，啲魚蛋魚片都喺嚟貨，不過，食落個質量都唔錯，有魚肉嘅鮮味，幾彈牙，河粉爽滑，份量十足，個湯底亦都唔太差，啱胃口。熱奶茶雖然踢完波，但我哋坐低涼咗好耐冷氣，個人都想飲番熱奶茶，最有風味。佢哋杯熱奶茶飲落算有水準，茶底幾幽香，茶奶比例都適中，只喺個人覺得唔算話好滑，但都收貨架喇。魚片頭湯河 $50另一個老友都同我一樣揀湯粉麵，不過，佢就鍾情於魚片頭，同樣都喺大大碗，魚片頭嘅份量都多，佢就話質素唔錯，又伴有少少蘿蔔、芽菜，算喺咁啦！香煎美國西冷牛扒鐵板餐 $65最估唔到嘅喺有位死佬原本都喺跟我哋食湯粉麵，不過，佢見到個鐵板餐只喺賣65蚊，覺得超好抵，就轉軚揀咗份西冷牛扒，當喺補充體力。唔喺講笑，唔知喺臨收工賣大包定喺點，塊牛扒超大件之餘，唔單止鐵板有薯菜，另外老細再整多碟曲紋薯條，搞到我哋都要幫下手一齊食。至於件西冷扒喺點？老友話當然唔可以同啲扒房比，但咁嘅價錢絕對喺性價比高。我哋幾個食完，當然繼續坐喺度打躉涼量冷氣，攤抖下，難得個老細都話唔介意，隨便坐，不過，都費事阻人收工啦，老闆無所謂啫，下面做細嘅啲阿姐阿叔梗喺想早啲收工啦。
continue reading
去了朋友屋企懶得落街食飯，便叫了附近分區餐廳的下午茶。一向好鍾意食酸菜魚的我見到呢間餐廳下午茶有酸菜魚米線當然要一試。送到上嚟嘅時候仍然係熱辣辣！酸菜魚唔算好滑，但係好爽口！米線軟腍腍係我鍾意的！酸菜都好出色！ 40幾蚊一碗都送外賣，值得一讚👍🏻
continue reading
內有牛腩，牛肚，牛筋每樣都有四舊要求瘦腩真係有俾🤟🏻牛腩肥膏唔多，食落啖啖肉而且都係厚切牛腩炆到好淋食落肉質軟淋淋唔痴牙牛肚食落唔腥肉質好軟熟牛筋好淋唔硬食落滿滿骨膠原嘅口感
continue reading
點了一個午餐，紅酒甘筍牛尾飯，送例湯和飲品，飲品選了熱檸檬茶。例湯裏有豬骨和青紅蘿蔔等食材，湯味濃，好喝。飯送上，牛尾和甘筍很多，米飯也很多，汁帶點甜，味道不錯。另外點了一個下午茶，炸雞髀沙律，飲品點了凍檸檬茶。這炸雞髀實在值得大推，皮脆肉嫩味道好，那皮脆得吃的時候卡卡作響，更重要的是，這炸雞髀不算油膩，吃完了，碟上也沒有什麼油剩下來。沙律以薯仔為主，還有蘋果、罐頭菠蘿和木瓜等，沙律醬味道也不錯，但是沙律醬下得太多。凍檸檬茶和熱檸檬茶的茶味不太突出，比較一般。環境就比較一般，是茶餐廳的佈局。服務算是可以，剛坐下，就有侍應走到桌旁準備為我們下單，食物也很快送上。
continue reading