珍多美

Open Now

Now Closed

難得來土瓜灣試左個布丁包開心果布丁包$26 都食到有開心果味布丁包 $16 2個法包都好軟熟好容易咬開 呢個質感很不錯之前食過幾間布丁包 個法包都好韌 要力度咬開 呢個輕鬆咬開 仲要餡料好豐滿個法包仲可承托住個餡雖然比其它店舖貴dd （以為土瓜灣區價格相宜d)如平返d會更吸引🤪可一試

布甸包外面嘅麵包食落好煙韌，原味布甸包嘅布甸好滑好香、而開心果布甸包嘅開心果味唔夠濃。凍食應該係再好味啲。而店內有個蕃薯包真係成舊蕃薯加麵包😂純粹比佢咁搞笑既賣相吸引，味道完全無特別。

由入伙開始，每次有朋友，都會嗌佢哋嘅布甸包做甜品。十六蚊大大個，蛋味 超 級 香，好滑溜，啖啖濃郁，包皮軟硬適中，兩歲姪仔都鍾意食。有次叫咗開心果味，貴成十蚊，反而有啲失望。

Bookmark咗好耐要嚟試嘅珍多美！✧ 意大利開心果布甸（$26）雖然望落好綠但食落開心果味並冇想像中咁濃不禁懷疑啲咁綠係溝咗色素…不得不提係布甸包好少凍serve（除咗傳奇烘焙個麻糬版本）所以雪到個包身偏硬🍞而且餡做唔到流心效果🫗比較似係硬嘅custard漿唔知叮一叮會唔會好啲但assume店舖點樣俾你就點樣即刻食先係正路另外topping嘅開心果碎少都算唔知係咪擺太耐腍咗食落有少少似南瓜籽🌱首選推薦暫時都係北角嘅初麥～

之前食過佢既開心果味同原味布甸包，覺得無乜特別，可能我自己本身覺得法包同燉蛋本身兩者係唔多夾。個燉蛋似custard，開心果味有dd但唔算好dominant，加上佢個包又比較韌，如果係脆法包會好d?!反而燉蛋配酥皮先襯！所以今次行過，見到有新品就買來試下。佢個葡撻係用蛋白做的，所以蛋味不算太濃。但酥皮as you can see係多層勁酥脆flakey! 比bakehouse的更脆，因為無左層焦糖，而且不油膩，唔會好似kfc既成個撻底浸油，整體食落比較清新，幾有驚喜！松露巧克力撻上面既朱古力幾軟滑，有點生巧既感覺，七蚊雞來講性價比高！

珍多美麵包舖嘅布丁包，外觀金黃酥脆，散發著誘人嘅香氣。一咬落去，麵包酥脆嘅外層同柔軟嘅內餡完美結合，口感好豐富。布丁內餡濃郁滑嫩，入口即化，帶嚟一陣濃濃嘅牛奶香氣。甜度適中，令人欲罷不能🤪珍多美麵包舖精心揀選優質嘅食材，每一口都充滿住精心製作嘅美味。唔論係早餐定係下午茶，布丁包都係絕佳嘅選擇。如果你鍾意甜品，絕對唔可以錯過珍多美嘅包😍另外，佢嘅麻糬波波都一樣咁好食☺️香脆嘅菠蘿皮配上好煙韌嘅麻糬波波，勁正！

嚟到土瓜灣諗起早前嘅珍多美麵包店，店子提供麵包布甸，仲有少見嘅開心果變奏版而聞名。入門口就見到早利亞幾鍾意嘅脆皮雞批，比餅皮雞批多一點層次。今次吸引早利亞係另一款係麻糬系列，顏色鮮艷嘅拔絲紫薯及採用靜岡縣抹茶嘅紅豆抹茶麻糬包，返屋企入爐焗數分鐘，回復些少剛出爐外香脆內軟嘅狀態，唔錯嘅下午茶～臨走仲見到有些鮮果撻、朱古力松露、栗子撻及紫薯撻等，款式靚顏色繽紛，$7件好抵，若果開party 或探朋友都係唔錯嘅 party food 分享～早利亞廚房早利亞的美食感覺

放半日假 特登去土瓜灣揾野食 見呢間餅店好似幾好評價 我又中意食包食餅 就黎睇下 買左兩個開心果布甸包同一個原味布甸包 開心果味真係好好味好濃厚又唔係好甜唔貴 而且店員咁忙都好有禮貌 有機會經過一定要買

其实香港有很多好吃的布甸包，隐藏在居民区，不一定要挤网红店。这家布甸包随时都有，不用排队，不用等出炉时间，即来即买～～-🥤珍多美👣土瓜湾 土瓜湾道283号地铺（港铁土瓜湾站A出口，步行6分钟左右）-我最喜欢意大利开心果布甸包，26hkd一个，内料满满，超级好吃！不甜不腻，对我来说刚刚好～平时我还会给孩子买一些mini鲜果挞，7hkd一个，孩子很喜欢。-如果来香港旅行或者住土瓜湾附近的朋友可以试试这家布甸包～

開心果控注意‼️｜📍珍多美♡意大利開心果布甸♡｜💰$26麵包皮偏韌但麵包肉食落仍舊軟熟，開心果布甸漿份量超多💚明明開心果成本高但布甸漿嘅份量居然仲俾其他麵包店多🤩真係超驚喜！第一啖食個布甸嘅時候會食到蛋同奶味比較重，不過食多幾啖個開心果味就變得越嚟越突出🥳而且口感偏向杰身滑口💓係我私心鐘意嘅口感💚仲要有開心果碎作為點綴，連打卡都特別靚❤️‍🔥而且值得讚嘅係布丁漿份量多、而且唔會過甜，成個食哂都唔會涸喉💚♡意大利開心果慕斯♡｜💰$28🥹呢個開心果慕斯好重味，食得出係真材實料💚仲要cp值極高，絕對唔係好似東海堂咁三百幾蚊賣舊垃圾俾客😤除咗開心果味濃郁抵讚之外，蛋糕由原味cream、開心果慕斯、海綿蛋糕、朱古力味嘅脆脆（呢個唔太肯定，因為開心果味太濃😂）同埋底層嘅餅乾組成，層次超豐富🫶🏻估唔到$28仲可以買到呢啲心思之作💚不過亦因為開心果味比較濃郁，所以都會比較甜腬🥹如果可以沖杯熱茶邊飲邊食就完美了💚🧏🏻‍♀️總結一下：呢間麵包店嘅開心果產品真心值得一試，始終價錢平味道好🫶🏻真係好少見到開心果產品咁平🥹而且店員姐姐都好nice👍🏻同埋如果想即買即食嘅話同店員姐姐講聲就會提供埋餐具🫶🏻❤️‍🔥有興趣睇

土瓜灣開心果法式布甸💚法式布甸稍早前掀起一股熱潮，不少麵包店推出不同味道的法式布甸。剛好路經此麵包店，一試其開心果法式布甸$26。布甸不是新鮮出爐，店員從保冷櫃中拿出。在沒有翻焗下，麵包稍硬帶咬勁，內餡十分滑溜，但嚐不出是開心果味🥲To Kwa Wan’s Pistachio French Pudding 💚French pudding has recently become a popular trend, with many bakeries introducing different flavors of French pudding. Happening to pass by this bakery, I decided to try their pistachio French pudding priced at $26. The pudding was not freshly baked and was taken out from the refrigerated display case by the staff. The pastry was slightly har

某天路過，見到出爐蛋撻，雖然相比同區附近店鋪貴少少，但新鮮超想試試，可惜.......蛋撻個蛋太甜，失去了蛋撻的真味，no good,唔敢再試其他麵包了，擔心太甜哦

佢個名叫意大利開心果布甸,其實佢賣相真心好靚,上面仲有啲開心果粒。早排好食布甸包,今日咁啱去土瓜灣順便買咗,因為聽聞幾好食。● 依個布包係要凍食嘅個包比較硬身,咬落去就煙煙韌韌。不過一開始有啲懷疑自己味覺有啲問題了,我唔係好食得出有開 心果味。佢嘅開心果味真係好淡。但真係幾creamy 同好順滑。至於size其實幾大個,食完飯再食佢真係幾飽。(^▽^)價錢就$26 一個。賣相 5 out of 5味道 3 out of 5

開開土瓜灣一定要去珍多美開心果布甸包 $26每一間賣布甸包嘅舖頭，都一定會試原味同特別味作為唔太喜歡甜嘅人反而鍾意佢嘅開心果味多個原味淡淡的開心果味、當佢布甸咁食🤭食到膩咗就可以咬少少包但通常個包我都唔會食晒因為法包質地偏硬同靭

住喺土瓜灣咁耐，今次終於去咗下路試吓土瓜灣名物 珍多美🍞🥐🥖之前都知有好多foodie 推介過佢嘅開心果布甸包，我又試吓先👇🏻👇🏻首先覺得賣相好靚🤤綠綠地，上面仲有啲開心果碎，而個包都焗得幾厚實。個布甸味道係偏向雲呢拿忌廉香味，開心果味係有嘅，但唔算好岀有啲可惜🥺不過雲呢拿味都幾香濃，凍凍地食落好似食緊好creamy嘅雪糕咁，口感都OK，如果食得晒成個係勁飽肚，都幾滯吓㗎！價錢係$26 覺得有啲偏貴，不過未食過都可以試試嘅，係個幾好打卡嘅甜品嚟。