C2 Kitchen (Closed)

今天食咗個慢煮雞胸，原本想食非常好吃的pizza ，可惜賣晒，咁試吓雞胸肉，原本不想食雞胸，因為其他餐廳的雞胸多數''鞋"口。我吃了一口後，嘩!味道一流，C2KITCHEN 雞胸非常之嫩滑，簡直喜出望外! 魚也很鮮甜，我們兩人埋單才一百多元，值得一試再試! 食得出他們的廚師是很用心去煮好每道食物! 還有其他肉類、意粉、甜品…都值得一試。C2KITCHEN 開的分店在深水埗附近，C2LAB ~原本想試吓，但太多人我又無訂位，仲未試到新店美食，過對佢有信心，一定會令人失望，努力呀大廚們，推出多些新鮮美食給為食客人啊!

見某明星推介既一間餐廳，就特登抽時間過黎試下佢，本身係朝住手工意粉而來，但竟然午市無我想食既野，咁就唯有試下佢個牛扒先。店員有禮貌，環境都唔錯，不過有蚊咬，影響左心情。個套餐跟沙律，又有野飲，牛扒份量適中，叫左五成，肉質都幾軟冧，有少少筋，不過牛味無乜，不過不失。沙律有橘子肉，非常清新，飲品叫左latte，竟然有糖，頂頭唧左cream，太過甜，飲左兩啖就停，唔太出色，但係整體性價比都算高既，一來食得飽，二來唔係貴，下次有機會再試手工意粉🍝

C2 Kitchen📍 長沙灣深水埗保安道1號寶安閣地下1號📅星期一至日（12:00-16:30, 18:00-23:00）呢間西餐廳好似話棵美都有介紹過，一間好有心的小店西餐廳。🍽黑松露薯條$38薯條係幼身薯條，熱辣辣新鮮上，份量都幾多。黑松露味無想像中咁重，但配合忌廉醬好吃。🍽鮮海膽西蘭花海膽忌廉汁扁意粉🍝$72呢間既意粉係手工意粉，食落軟硬適中，仲覺得有d彈牙既口感。🍽澳洲肉眼扒配黑松露燒汁$1685成熟，個邊少少脆，煎得岩岩好。🍽跟餐既意大利風乾火腿脆青瓜沙律呢個食落有驚喜，個沙律汁好好食，酸酸甜甜好開胃，有幾舊好似橙既生果，好新鮮！🍽心太軟配雪芭呢個甜品好窩心，雪芭用個小鐵兜裝住，唔會比心太軟既熱氣令到佢好快溶。心太軟入面好流心，一啖甜甜的心太軟，一啖檸檬味雪芭中和返，唔覺意就食晒成個了🤭💡店員服務態度好😊💡佢既2人套餐其實都幾吸引$398兩個人唔想諗食乜，都係一個唔錯既選擇。😋食物：️7.5/10🤵🏽‍♂️服務：9/10🍴環境：8/10💰人均消費：$170🤩性價比：7.5/10#picoftheday #delicious #instagood #foodphotography

有個同事就last day，所以我早啲同佢食last day飯，上星期一食，懶呀，依家先寫OpenRice搵左呢間位於深水埗嘅C2 kitchen ，有個朋友話呢間出名，出名抵食又好食閒日夜晚去都未滿座，唔駛等位，太好了。佢都幾多野食揀，當然手工意粉應該最出名，我地都有叫，意粉軟硬度啱啱好，唔會煮到過哂龍水牛城雞翼都好味Pizza好大份，其實食一兩件都飽黑松露薯條，同事鍾意食黑松露所以我叫埋，都好大份，正常水準我自己加多杯巨峰爆珠，好飲咁樣先二百幾蚊，啲野又好食，都推介的

其實好耐之前食過一次，即疫情前，覺得都算OK，但未之於想成日黎食。後來疫情後就多左黎幫襯，品質好似有改善左，而且多左好多人添呀（不過個場都唔係大），所以如果週末冇訂檯的話，就比較難食到。我知道週末就一定多人所以一早6點就黎睇下有冇位，侍應話淨得Bar檯available，咁冇所謂啦，照食可也。幸運地，侍應後來通知有張2人檯可以安排我地坐，所以就可以轉（我地唔係西客，冇要求轉嫁，冇俾面色嫁，好似侍應話個訂檯客比較晏先黎到）。我地叫左2人餐刺身盤有生蠔4隻；紅蝦2隻2樣都好新鮮，特別係紅蝦，估唔到同牡丹蝦有得揮，2隻真係唔多夠喉。頭盤：揀左鵝肝多士及脆青瓜沙律其實鵝肝都算大塊，出面個d分量仲少，配埋好清新嘅沙律可減去油膩。餐湯：有2個揀，一個蕃茄湯，一個係圖中嘅黑松露蘑菇湯。係真係有細細粒嘅蘑菇粒，唔似罐頭個Ｄ咁稀，濃濃地唔錯～手造意粉或意大利飯－燒雙海蝦野菌忌廉汁闊條麵海蝦比較脢左d，但闊條麵就好好食，每條都掛到汁，d汁又好濃郁，果然佢地手工麵好出色。主菜：碳燒美國黑安格斯西冷牛扒配黑松露燒汁 (Medium)今次有點overcook左，似7成熟 ，所以有點嚡。不過我欣賞佢嘅黑松露燒汁，

有一次無意中睇到有報道森美介紹呢間餐廳，見佢地主打手工意粉，價錢實惠，就即刻bookmark咗呢一間😉呢一間餐廳唔近地鐵站，行過黎都要10分鐘，但都唔難搵，所以都好易由地鐵站行過黎😊原來諗住試吓佢地個海膽意粉，但原來好多都係dinner先叫得，同埋餐廳會不定期轉menu，所以選擇唔係好多，今次我地嗌咗一個意粉lunch set、一個手工意粉同一份青口，意粉方面分別係溫泉蛋卡邦尼扁意粉同櫻花蝦冬陰功意粉🍝。Lunch set會送埋餐湯同埋沙律，忌廉湯都重幾cream味，反而沙律幾surprise到我地🤣佢地唔係普通Caesar salad，有大大個蜜桃做配料，沙律醬方面用咗honey mustard sauce，配埋沙律菜，食落好開胃👍🏻［白酒香草煮鮮藍青口 $58］至於佢地個藍青口，佢地加咗昆布同香草落白酒汁到，白酒味唔重，反而有好大陣香料味，呢個味道大家鍾唔鍾意就見仁見智啦🙈食食下唔知點解個湯愈黎愈黑，唔知係唔係因為啲昆布..？數量方面唔算少，但唔算好大隻，偶爾一兩隻都食到有殼，以$58黎講對比出面餐廳都幾抵食嘅🙈不過我自己個人覺得用呢個價錢試佢其他小食會更好😬［櫻花蝦冬陰功意粉］至

位置係幾唔就腳，不過喺附近多人住，唔煮飯落嚟食都係幾ok佢有常用menu 同個即興餐牌板 ，即興既就會定時改，同會有個like  社交平台 優惠，之前係蟹蓋沙律，最近就係呢個松葉蟹膏伴赤蝦刺身加8蚊一件食下新野都唔錯既今日餐湯係黑松露忌廉湯，個人覺得個黑味唔出，忌廉同厚度ok沙律揀左parma ham ，正路Main 黎左個燒羊架跟薯角個羊好淋軟熟，好pinkpink面既rosemary 好足好夾不過薯未夠脆面，用氣炸可能係幾好既choice另外加左個carbonara 佢地既pasta份量係女仔量，唔大架但野食係講質多過講量既個汁每次都好夠好啱味重點係個粉，佢既口感真係無得彈，每次上枱都要食左佢先，怕遲左就無咁彈牙😂會浪費左所以外賣個人會覺得口感爭啲啲，但個味影響不大Overall 佢唔係話好精緻既西餐，但係味道高質同性價比高既一間小店，不妨一試

餐廳座落在人煙不算稠密的街道上，從長沙灣港鐵站大概要步行5分鐘才到。鄰近樂年花園附近。室內裝修十分普通，不算十分華麗。是一間以實力為主的餐廳。餐牌上的主食可以跟餐，也有一個廚師推介的。跟餐有湯和飲料。餐湯是蟹肉忌廉粟米湯，真的是有真蟹肉來。再來主菜今次食黑松露燒雞，本身以為是很大隻，原來只係法國春雞來。雞肉入口香及嫩滑，而且燒得十分香口。黑松露一點也不hea，是幾乎整隻雞都有。另外朋友點的黑毛豬扒十分出色，入口超多汁，幾乎噴了出來。價錢屬於中位，但相當滿意。看客人絡繹不絕的進來，就知口碑相當好。也有看到應該有些是街坊常客和店員都有交談，看似與鄰近街坊不錯，人情味甚濃。這些都是大街店舖難以做到的。

我 order 咗炭燒澳洲肉眼牛扒配陳醋燒汁，飲品則是巨峰提子星星梳打，七成熟的牛扒仍然入口接近即溶，老闆明顯就係小店嘅隱世廚神喇！飲品蠻好喝, 蒟蒻造的星星很有口感！ ⭐️⭐️🍹朋友點了鮮法國藍青口微辣香蒜橄欖油煮意大利粉，青口不帶腥味，加上各種調味料，為意大利粉增加了幾分鮮味！ 🍝🍝🍝煙肉露荀茴香酒蕃茄忌廉汁濶條麵，整體感覺很好味，但略為有點油膩飽滯感，所以朋友吃不完全碟。她的餐飲熱玫瑰咖啡也只是不過不失而已！ ☕️🌹值得一提的是跟餐的免費洋蒽湯，相當清香，佐以麵包，實在是一流的美食！ 🥖🥐🥯😄😄😄

朋友推介這間餐廳的意粉，故意約我來試試。我進入餐廳除感覺整間餐廳整潔舒適外，午餐價單也相對地便宜。午餐包括沙律、餐湯、主菜和飲品，沙律、餐湯和飲品沒有什麽特色，不過真的值得推薦是主菜那碟手工意粉，雖然我那碟的茄醬不夠多汁、不夠茄酸及茄鮮，但意粉的材質吃上去十分煙韌，這餐令我十分滿意。

疫情期間好少出門，今日破例朋友邀請，飛的過嚟呢間什麼kitchen，因為唔近地鐵站，一入到去侍應叫我企喺度唔好郁，揸住支類似手槍⋯⋯向我開咗幾槍，應該冇發燒🤒️見佢都冇望我，講返重點叫咗個牛扒餐應該唔會差，其他朋友都有叫漢堡包，Pizza，意大利飯，男士應服務態度有少少問題，本人一睇就知係好瘦削，佢話我做咩事一個人錯兩張凳，叫我坐入少少，前後講咗兩次即係話我肥啫，唔緊要我乖乖就範牛扒冇問我幾成熟，食落去比較筋，牛扒太鹹，什麼酸醋燒汁冇味，完全同個名好大出入，所以賣唔起價錢，整體兩個字形容：失敗。望個朋友個漢堡包🍔賣相完全係失望，M記最平嗰個包都好過佢賣相。嚴格來講建議（關門）唔好浪費大家時間，無論鋪面裝修，員工要求，食物質素，一個字形容：差。已經盡晒力啦用我部iPhone張相影到靚啲嘅。

之前成日經過保安道，知道依間餐廳都一段時間，今日終於可以去試下個晚餐。環境一眼睇晒，可以坐廿幾人，如果坐滿都真係幾迫幾嘈。睇完個餐牌，發覺唔算多野揀。如果想叫Ｄ特別食物，例如Seafood Platter同扒類食品，就要睇出餸位上面塊版或牆上塊版。但係塊版好細塊Ｄ字又好細粒，而且又反光，睇得好辛苦。我地order左前菜－香蒜芝士焗法式田螺($32)薯蓉好滑，係油左d但整體唔錯～跟餐加$28嘅是日湯－黑松露忌廉湯黑松露嘅味唔會太搶，Good~煙三文魚，菠蘿芝士千島汁薄餅($76)可切到6塊，2個人食岩岩好。唔知係把刀太鈍定餅底太難切，一直都切唔到，所以要用手嘶開佢。我個人鐘意薄餅底嘅，所以見到都心心眼，個餅皮都脆脆地，而且都多芝士，係好味嘅。鮮蟹肉明太子忌廉汁扁意粉($66)講到明手工意粉，點都要試下佢地個主打。扁意粉係幾正，而且份量都唔少，可惜我覺得蟹肉只係罐頭貨色，並唔係新解拆出黎個d，不過幾十蚊都預左唔會係新鮮嫁啦。加多$10叫嘅熱情果菠蘿星星梳打，依個非常普通。不過有點小插曲，就係我地碟意粉俾左隔離個檯，我見隔離檯影下相咁，隔左一陣先同侍應講話黎錯左。咁侍應即check單同拎返入

星期五又係同朋友lunch嘅日子，我哋都鍾意捐窿捐罅喺深水埗長沙灣一帶搵嘢食。前排見到有報導森美都嚟C2 Kitchen食，見價錢又ok就一於試下啦😄。餐廳位置其實都幾隱世，喺樂年花園對面，一堆車房之中，普通行街一定唔會經過。話雖如此，食客源源不絕，好彩我啱啱好一點鐘嚟到，遲多五分鐘都要等位！我哋2個人坐咗喺chill chill的窗口bar枱位，無咩風景但街道人少少，幾舒服😌。餐廳座位唔多又唔少，坐到2x-30人啦，枱同枱之間空間較窄，不過勝在環境光猛，裝修簡約！聽聞呢到出名手工意粉🍝，lunch menu有唔少pasta揀，亦有扒餐供應，而牆上就另外貼出2款是日午市推介。價錢由$52至$82不等，包沙律、餐湯同飲品，再收加一服務費。最平嗰款計落都算幾抵，食牛扒就貴啲，豐儉由人。我同朋友就叫咗一碟pasta同一個main dish share嚟食😋。首先係甜粟米焙煎芝麻醬田園沙律🥗同粟米忌廉湯🥣，兩樣都有唔少粟米🌽粒，所以我都幾like。份量適中，唔會俾人有孤寒嘅感覺。麻醬沙律幾開胃好食，菜亦都新鮮。湯就正正常常啦，個味道都幾熟悉。主角一出場啦，雞柳西蘭花黑松露忌廉汁尖通粉($52)

鮮蝦明太子忌廉汁意大利粉 意粉質感較煙韌🍤蝦都幾大隻, 煎得外脆內軟,仲有蝦膏tim個明太子醬配意粉係一流,不過可以將個醬減番少少個份量就fit晒,會無咁流 😝😝

一直都很喜歡尋找不同款式的餐廳，這次在網上看到有位名人在網絡上介紹這間位於深水埗的西餐廳，推介他們的手製意粉，也提及可以以很經濟的價錢享用高質的食品。聽到這推介，就很快相約了男朋友到這餐廳試試！由於當時快到聖誕節，到處的聖誕氣氛也很濃，大家都紛紛到外面預祝聖誕。等候的人也不少，我們大概等了30分鐘才能入座。店內的員工不多，看得出有點忙亂。我們就點了在網上被推介的溫泉蛋卡邦尼扁意粉沙律，三文魚pizza和水牛城雞翼。所有食品的價錢真的不貴，但可能我有點期待的關係，覺得推介的意粉並沒有太大的特式，味道偏淡。但以這個價錢($45)來說已是不錯。三文魚pizza不錯，熱呼呼的，芝士也很香。整體來說也是可接受的，如經過深水埗也可以再試試！😊