C3

Open Now

Now Closed

我係睇Openrice上面唔少正評，被吸引到，而且好似價格都幾抵，所以專門搵過黎食Lunch。價錢上意粉就52-62之間，Risotto就大概100，的確唔算貴。但係！！！但係呢間店係毫無性價比！！！呢個價錢我唔奢望特別好食，不過不失就可以，但係味道上呢間店真係差到爆，我40蚊都唔想比！！A. 龍蝦汁蟹肉意大利飯多水到我以為自己食緊粥，我未食過咁稀嘅Risotto，人生入面都未食過，味道好淡。我覺得味道唔得掂都算，但真係接受唔到食Risotto食到好似飲白粥，我唔知點解呢間店賣Risotto賣到宜家冇比人投訴死，Gordon Ramsay係唔會容忍呢啲嘢出現系呢個世界上。呢啲唔係味道問題，係技術問題，掛羊頭賣狗肉咁款！！B. 菠菜汁煙三文魚意粉淡到爆炸，完全冇任何菠菜汁嘅味道，我唔明點解可以整到咁淡，係咪溝咗水，整得出咁淡嘅意粉都係一種技術黎，三文魚應該係直接冰箱拎出黎擺落去，總嘅黎講好過個Risotto，如果上面嗰個係零分，咁呢個我可以比十分嘅，滿分一百，份量上算係咁。To conclude，我以後唔會再信曬Openrice，伏到傻，今日真心千里迢迢入元朗，結果心情極差！！

以前就住樓上老婆大肚有得優先入座 隔日就嚟幫襯搬咗屋之後已經好耐無嚟食好似無幾年前咁旺 唔洗等直入價錢依然親民抵食南瓜湯口感十足 真材實料蒜蓉包夠脆又薄易入口 會上癮黑椒牛柳絲意粉當年最愛就係佢💥依然keep到水準 夠香夠鑊氣足料！仲有嗌咗肉醬野菌俾個囡食又係100分 多菇好好味野飲一定要加呢20蚊白桃梳打世界第一！

佢以前有啲最平餐40蚊連野飲卡邦尼意粉呀，辣肉腸意粉嗰啲 覺得好抵食 我成日都去而呢個係 貴一倍架鵝肝飯同埋蟹肉飯 黎不過佢越嚟越細兜啦啲飯同埋個湯都係得一半 ……真心 食吾飽🥲🥲

對係大西北搵食仍然好陌生，來來去去淨係識幾間，而且週末食飯時間揸車去元朗完全係測試運氣😂不過都因為唔想煮飯所以出咗去🤪今次係社交平台group見到有鵝肝就去咗！6點幾去到已經有7-8成入座，係呢個環境下都好唔簡單。C3係平價西餐路線，食意粉同意大利飯，晚市最平$48已經有交易，真係仲想點！食物絕對對得住價錢。🍴龍蝦汁蟹肉蟹子意大利飯$98（+鵝肝$45）🍴墨汁魷魚圈蟹子意粉$68前菜有蘑菇湯/南瓜湯+蒜茸多士，不過不失，主菜等得比較耐，因為得一個人煮，質素係收貨嘅。無論飯麵口感都剛剛好，有味得黎唔會死鹹，又唔會食兩啖就滯，可以輕鬆食完，呢樣都係功力，唔係咁容易做到。我唔食鵝肝所以比唔到意見，不過同伴幾滿意，整體係我地會想返轉頭幫襯嘅餐廳。

好耐以前朋友帶過我黎食，印象中價格好親民。工作關係今日要係體育館附近搵野食，就諗起不如再試下佢。星期六嘅晏晝已經好多人，坐滿人出面仲有人等緊。好彩我去之前已經打左去外賣自取，職員話要等20分先攞得，咁我去到就已經即刻攞得。啲餐就分別分左3個range,平啲嘅就$48，中價位就$62，貴啲就$88-$108。打去個時職員話有1,2樣野都無晒，最後就叫左四川麻辣煙鴨胸意粉🍝($62)。$62呢個價錢已經包埋餐湯，蒜蓉包同埋飲品。🚩磨菇湯+蒜蓉包可能外賣左一段時間，蒜蓉包就已經唔係好脆磨菇湯就淡左少少🤏🚩四川麻辣煙鴨胸意粉💓外賣就自然賣相唔好架啦，食落去辣辣地又幾得意，煙鴨胸加埋啲濃味辣汁同意粉，呢個組合相當夾好有驚喜。

自從在七月份嚟過.已經分別咗三個幾月.元朗區實在太多美食.我哋係外區人進來.好難短時間內食暈晒咁多美食.必定會篩選.就算好食都要相隔一段時間才會回頭！今日一同我的家人再次踏足元朗美食之都低食嘅意粉店📌C3 (元朗)元朗鳳翔路1A-5L號偉發大廈地下13號舖點餐如下：1. 卡邦尼意粉套餐 X1 $48元2. 黑椒牛柳絲意粉套餐 X1 $48元3. 鮮白菌黑松露意粉套餐 X1 $62元4. 墨魚汁青口蟹子意粉套餐 X1 $62元5. 香煎鵝肝 X1 $45元所有套餐跟餐配：蒜蓉包一塊 X4 件磨菇湯 一碗X4 份凍檸茶 X3 杯凍咖啡 X1 杯套餐凍飲每杯加$2元X4 共$8元

🚇港鐵元朗站步行7-8分鐘☕️經濟抵食之選 平民之選❣️全日免加一🌼鮮野菌野松露意粉 ＄62- 廚師推介👨🏻‍🍳-一片又一片蘑菇鮮菌-配以黑松露意粉 味道濃郁🌼菠菜汁煙三文魚意粉 ＄62- 幾片煙三文魚砌成一朵花 放中間- 菠菜汁唔會好淡 仲好滑🙆🏻‍♀️跟餐可以揀蘑菇湯/南瓜湯＋蒜蓉包🧋🍹附送即磨咖啡/茶（凍飲+＄2）- 凍飲勁大杯 好巨型 仲要只係+＄2- 即磨咖啡 可以更好飲用餐期間 咁啱好大雨 聽到店員會主動問食客有冇需要借雨傘 好warm❣️

講到食.元朗區超多食肆.有平的又有貴的.任君選擇.還有元朗區啲居民.比較接受新事物.食店多咗.外區食客自然會多！ 我見過啲原居民公公婆婆.都好接受外區新食品.例如日式壽司等.佢哋會食好多.唔會因價格問題.而食少啲！今天我與家人一行三人又到元朗區覓食.喺鳯翔路附近見到一間叫C3嘅西餐廳.見啲價目都吸引.加上烈日高温下.我哋二話不說.供咗入去.嘆吓冷氣先.坐低咗.又在崩OpenRice搜尋這店的食評.當中評價都幾好.原來呢度都開業都多年.佢哋價錢都係幾吸引.食物品種選擇都多.當中有經典嘅卡邦尼意粉.期間都見好多學生哥到來幫襯！我哋點餐如下：1. 菠菜汁煙熏三文魚蟹肉意粉套餐$62元 X1 2. 卡邦尼意粉套餐$43元 X23. 一份（鵝肝）一塊 / 一份（帶子）兩片.合共$85元4. 一份廣島蠔（兩隻）$40元 註：店家加送（一隻)免費5. 所有套餐跟餐有蒜蓉包/蘑菇湯/餐飲/轉凍飲每杯加＄2元.餐飲凍檸茶比正常大杯.炎夏帶來透心涼！註：鵝肝/鮮帶孑/ 廣島蠔全部加錢附上.另外廣島蠔是＄20元一隻.第三隻是店家免費送上。

6月12日下午13點50分叫了個卡邦尼意粉，職員話等20分鐘，已經比左錢就算，到14點10分都未有，職員話等一陣，其間已經同位男職員講，你做唔切就退錢，佢話好快等一等，到14點30先有，一男一女態度惡劣，話等唔到唔好叫外賣，難道等唔到就堂食？香港人返工多數得一個鐘食飯，40分鐘先出到個意粉，做唔到未唔好接單。我唔一定要食呢間，隔離都有幾間餐廳。今次係想試下新野, 附上外賣意粉及咖啡圖，份量對我來說是足夠的，味道普通，麵條質地不硬不淋，都可以接受，但唔值得我等。

C3完全冇加到價🥹仲係中學個價錢$48跟餐送👍🏻蒜蓉包👍🏻餐湯👍🏻飲品🥤（凍飲加$2）嘢飲都仲係超量級😂勁大杯🍺不過食物味道好似冇之前咁好食🥲-😋黑椒牛柳絲意粉 $48 磨菇煎香😗加入醬油同黑椒牛柳絲炒至入味😍意粉炒得乾身食落香口😌牛柳絲份量都多🫶🏻維持到水準👍🏻好味指數：🌕🌕🌕🌖🌑-😋卡邦尼意粉 $48呢個就失咗準🤥有啲淡冇咩味🤔不過忌廉汁都多嘅🤐意粉唔會好乾🫣味道一般啦好味指數：🌕🌕🌕🌘🌑-😋蒜蓉包🧄比較薄身😗食落好香牛油🧈同蒜蓉味仲好脆添😍點湯食一流😋好味指數：🌕🌕🌕🌕🌘-😋蘑菇湯🥣好香蘑菇味😗仲飲到打碎咗嘅蘑菇蓉個人覺得$48黎講非常抵食🥹好味指數：🌕🌕🌕🌖🌑-😋南瓜湯🎃南瓜湯冇咁好飲有啲稀同埋淡🤥好味指數：🌕🌕🌕🌘🌑-💸人均消費：$50

去左試朋友話好平既意粉店。叫左一個黑椒牛柳絲炒意粉（$42）同墨汁魷魚圈蟹子意粉（$62）。跟餐有湯、麵包同飲品。湯有得揀磨菇湯或南瓜湯，我同男朋友各叫一款，覺得個湯有啲稀。飲品凍飲好大杯，成Pin啤酒咁。熱奶就麻麻，好澀無茶味。意粉得一個人煮，同埋應該要夾單。結果墨汁好快到左，黑椒牛柳就等左好耐。意粉份量算多，不過墨汁味道唔重，黑椒牛柳就味道適中。哩個價錢有齊湯、麵包、主菜同飲品係抵玩既，不過食物質素都一分錢一分貨。

呢間喺元朗雞地嘅平民西餐廳, 開咗業好幾年我都成日去幫襯佢佢價錢吸引而且菜色多選擇, 當中除咗經典嘅卡邦尼意粉同埋蕃茄大蝦意粉仲有啲新比較新式嘅意粉, 例如 鰻魚意粉同埋四川麻辣鴨胸意粉我今次就幫襯咗四川麻辣鴨胸意粉我個人比較留意意粉嘅口感, 而呢間餐廳嘅口意粉口感係同類價錢餐廳入面嘅食過最高質素 麵粉硬度煮得啱啱好, 唔會太淋又唔會太硬 仍然保持到意粉本身嘅口感, 而且非常之掛汁入味每條意粉都均勻地沾到麻辣鴨胸嘅調味 餐湯蘑菇湯亦都非常有誠意 蘑菇湯真係用新鮮蘑菇打碎而成 飲落口每一啖都可以食到微細嘅蘑菇粒 而且冇乜味精飲完都唔會口渴 用料相當有誠意 更加唔可以唔提嘅就係大大杯嘅餐飲， 餐飲都係非常之大杯一個女仔可能飲唔曬而且仲可以加多十蚊轉做更加大杯 到時飲住一杯咁大嘅餐飲chill 一 chill, 欣賞出面嘅風景都係一件十分寫意嘅事

📍C3 -C.Free Restaurant • 元朗 #西餐 #卡邦尼意粉...❣️ 卡邦尼意粉 $42 （包蒜蓉餐包、餐湯、普通凍飲+$2）用cream煮成 非傳統cabonara只有少量煙肉香 爆既時間唔夠長蘑菇味幾濃郁 但冇用芝士帶起香味比起薩利亞少遜一籌份量較少 食完只有七成飽👀 蘑菇餐湯香濃足料 可惜係凍既南瓜餐湯略嫌甜左少少 南瓜味唔夠出...❣️荔枝梳打 +$10超級大杯 成個啤酒杯甘大🍺味道正常 冇化學味…粗製手寫menu加上三毫子file 已經俾人感覺第一印象麻麻💩餐具盒使用文記塑膠方型盒桌面亦可見少許污跡牆身亦有許多裂痕 背景音樂細聲 客人大聲談天説地整體感覺以為自己食緊茶餐廳🥴希望老闆可以改善裝修、佈置再接再厲😉...美味：🌝🌝🌖🌑🌑再訪：🌝🌝🌖🌑🌑性價：🌝🌝🌝🌗🌑

呢個真心唔好食，講由未入門口開始，未入門口見到門面已經唔想食，入到去寫紙仔個位又痴笠笠。坐低又要搭枱都算，最大問題係咩？搭枱無野隔住。《都未開始講野食》首先我地講左個野飲先咁《野飲都有問題，你話抵唔抵鬧》我叫熱柯華田，你細杯都算啦…但唔熱，一係你沖左好耐，一係你就無用熱水沖，又無味，水咁《好啦講食物》最難食係蘑菇，蘑菇都可以難食嫁咩？，蘑菇凈係就咁煮熟佢就掉落去咁，無爆過，連d醬汁都無撈過咁，因為佢表面係乾既煙三文魚，你睇落就係好似有少少熟既顏色，但又食到少少少凍既感覺，個麵就無乜味咁囉。好老實就唔會再幫襯。

Weekend 7點幾2位walk in有位見到menu話只有一人煮要耐心等待 所以落完單等左陣我地都冇催後尾店員發現原來漏左單 好彩我地唔急.再落多次單等多一陣就有😐蘑菇湯/南瓜湯 + 即焗蒜茸包香蒜火腿雞絲意粉熱檸茶$48 因為糧尾所以揀個平啲 XD(其他有$6x $8x $9x)蒜茸包d蒜茸比較少 南瓜湯中規中矩意粉我落單個陣話想走火腿 最後廚房換左d蘑菇比我~如果蒜味再出d就好啦 份量足夠唔會話扮高級食幾啖就無哂熱檸茶茶底唔澀 唔錯~成個餐都只係$48 有咁既質素算係咁啦~ 抵食!臨收鋪開始無咩客 見到D店員圍埋傾計一齊玩 好warm~