C3

Open Now

Now Closed

C3未食就走咗啦！我明白類似澳洲牛奶公司呢類型要排隊等位，入坐只答問題，同伙記無乜交流。食完就走，我係接受嘅！C3主要做意粉。我未食就走咗，原因坐底叫嘢食後等咗20分鐘以上，追餐再15分鐘。廚師話下一個係你。我同侍應講遲過我果啲客都差唔多食完有啲已經埋咗單。佢話之前有幾單一齊炒，所以下個就到你。咁即係佢之前無炒過卡幫尼意粉同蒜香意粉。一聽就知佢唔休做。佢咁鍾意一齊炒，我建議佢不如做果啲幾餸飯咪得囉！

朋友早幾日介紹有間好食意粉，今晚去開附近就即刻去會一會。 一去到估唔到星期一晚門口得依間超多人等位，附近都有其他餐廳但無人排，心諗朋友無介紹錯喎。兩款意粉價錢只係四十幾至六十幾，有湯有飽有野飲，原本以為依個價啲份量唔會多，估唔到意粉一上檯，每碟份量都大大碟，依個價錢真係好抵。價錢外最重要都係味道。真係估唔到好食又足料喎，黑椒牛柳絲意粉通常汁一濃會越食越咸，依間完全無依個問題，而且黑椒味超香 茄汁蝦帶子意粉，蝦同帶子都好多，汁既味道剛剛好，每次食意粉都會加辣椒仔，但今次完全唔駛加，個汁本身有好輕既辣味，好難得，另人越食越開胃，推介

朋友介紹話呢間又平又好食，一於就黎試下。店鋪裝修比較簡約，冇咩點特別式姐精緻既裝飾，餐牌都係係白紙上人手寫。dinner set既價錢由40幾至80幾，見到佢咁平本身都冇咩期望，一食就覺得好正，以呢個價黎講好高質。我地叫左兩個set: 有蒜蓉包、南瓜湯同跟熱飲。蒜蓉包普通，但唔夠香。南瓜湯都一般，南瓜味偏淡。但主菜先係重點，兩個主菜我都滿意。波菜汁野菌意粉 $42見到佢一大片線色可能有d人會唔鐘意，但就好岩我口味，有種清新同健康既感覺，而唔係油膩感。龍蝦汁蟹肉飯 $88呢個強烈推介，一上黎已經聞到好鮮既味，雖然都有忌廉汁，但有龍蝦汁同飯入面蟹肉既味道令到個飯唔會好似平時食個d咁膩，好好食！野飲加+$2 叫左凍飲，估唔到咁大一杯，成個啤酒杯咁大。初初以此會唔夠飽，食完係超飽，仲要每人70蚊有找，好抵食。總括黎講，食物質素好，價錢平，服務態度好，我會再黎幫襯。👍🏻

唔好以為1分錢1分貨，絕對係1分錢5分貨，先唔講份量，味道真係比好多所謂貴價西餐廳好味，意粉唔會好林，亦唔會好硬，醬汁唔會太多，唔會好似飲汁多過食意粉，似炒意粉比例係啱啱好。而意大利飯亦唔會生米，唔會太咸，平時食半碗飯都嫌多嘅我，竟然一碟唔夠仲要加底先滿足。好喇!到份量喇!就算唔加底都真係算幾多下，仲要有埋餐湯同蒜蓉多士，加埋杯巨大飲品（等如其他餐廳1.5至2倍），唔洗50蚊都落到樓，li個價邊到搵呀？不過，如果飲慣味精湯/重味湯，可能會覺得餐湯難飲，因為都幾清淡，飲到食材原味，但我反而欣賞咁嘅餐湯，因為太濃味會影響食主菜。至於杯巨大飲品，實話實說奶茶太甜，飲落冇乜茶味，li點有一丁點失望啦！但如果對飲品冇太大要求嘅，其實真係算抵食抵飲喇，唔洗50蚊，午餐都易搵到，晚餐就……（當晚樓面有啲甩轆，始終得一個，但好好禮貌，加油!）會再去食，希望可以加返長通粉同保持水準啦！

呢間專食意粉嘅小店，早前在元朗頗有人氣，晚飯時間要排長龍，現在人氣過了，唔使等位✌🏻喺呢度已經食過三次，勝在價錢實惠，意粉即叫即煮，味道不錯。今次試A3.菠菜野菌意粉先來碗蘑菇湯，老實說，味道麻麻，又不夠熱。只喝了兩口，便放下湯匙……再來就是意粉了。一如以往，這店的意粉即叫即煮，質素不錯！菠菜汁很清新，配上爽口蘆筍，好吃👍🏻👍🏻再來指定大杯凍飲👍🏻，味道正常，比一般凍飲大杯一倍，兩個字——抵飲😆

是日約了朋友gathering,之前有朋友推介呢間，岩岩食飯時間，好彩仲有位姐，店面simple，同朋友叫了兩個意粉，埋單都係$100兩個人，抵到爛。而家係屯門元朗邊有可能甘平就食到意粉，仲包湯同餐包，最平都係40一位。用再去。因店內廚師只有一名，所以等候食物需時，店員服務態度很好和有禮，送餐速度快，亦沒有催趕食完的顧客。意粉味道不錯，好重香草味，應該沒有落仼何味精。飲品選擇不多，加2可以有超大杯既飲品。

平安夜突然不想煮飯，於是等老公放工後一同出外吃飯。車泊在YOHO MALL，可是商場內的餐廳晚餐都非常貴，好幾間都要$3XX一位。於是走到附近看看，想到這間還未試過的西餐廳，就看看吧。看了看店外的餐牌，以為看錯了，$40 一個意粉餐?!後來店員出來介紹，果真是$40，還有餐湯，多士和熱飲。有點不太相信，但仍想試試。我點了$40的卡邦尼意粉，老公點了$80的鵝肝黑松露意大利飯。凍飲加$2，巨大的也是加$2，不過我怕喝不完所以還是要了普通版。餐湯很快送到，是忌廉磨菇湯，有點淡。蒜蓉法包非常新鮮香脆，很好吃！老公點的意大利飯比我的意粉先到，我試了一口，味道非常好，很濃的黑松露香味。鵝肝煎得很好，份量都還好，老公亦非常滿意。我的卡邦尼意粉就等了很久，可以上檯時還是有驚喜，非常的大碟！意粉很彈牙，醬汁較稀，可以這樣還比較好，不會太膩。煙肉和蘑菇份量都不少，以這個價錢真是超值！這店無論食物和服務都不錯，性價比極高！值得推介！

6:15去到已全場爆滿，擇左個野箘波菜面$40，起初以為是單點價，原來已包括餐湯、法式面包、King size餐飲，意粉真係好味道，磨姑湯又好飲、整体絕對有95分以上、最最最絕嘅係==》不設加一，四個人食先食左$186，而今香港地真係絕跡了。

「平民用心製作意粉」🐙墨魚汁廣島蠔意大利飯$80🐟紅菜頭煙三文魚意粉$60小店前身係一間甜品店，轉手後都係用番以前既檯，真懷念😌餐牌好簡單就睇晒，有十款不同口味既意粉同三款意大利飯套餐跟是日餐湯同勁脆卜卜既蒜蓉包😍勁大杯餐飲紅菜頭煙三文魚意粉，紅卜卜既意粉👦好底b咁問我點解紅蔥頭意粉係粉紅色既😂真係笑死我了，佢竟然睇左紅菜頭做紅蔥頭🌝意粉炒得乾身第一啖食落去有小小紅菜頭味，唔濃味既紅菜頭味，食下食下紅菜頭味沒有了，係啖啖既蒜蓉香，意粉係不錯既😋但上面既三文魚就唔得啦🙈好淋好淋好咸好咸...墨魚汁廣島蠔意大利飯，飯要等耐小小，賣相好得😍蠔仲煎得好香好香😍粒粒黑蚊蚊既飯，說平時食既意大利飯又好似不太像，但味道係不錯既😋上面煎左3隻廣島蠔超香，食落仲係脆邊添，實在有驚喜😁下面有3塊瓜，亦係用心製作，用黑椒鹽帶出香味，不錯📍星期二休息📍營業時間12-3 6-9

最近調左去沙田番工,所以少左入元朗食野!難得入到元朗,當然要''掃街''啦!但可惜我既喉嚨唔爭氣..發炎呀!所以諗左一陣,決定去試下呢間近期喺元朗都幾hit既餐廳餐湯(free)餐湯真係幾驚喜,雖然賣相平平,但出乎意料好飲,唔同出面其他餐廳咁勁淡味同好稀!餐包(free)餐包係即整既,熱辣辣,脆卜卜!主菜方面,我同朋友仔都各叫左意粉試!朋友仔叫左白汁雞絲蘑菇天使意粉($40)份量都幾大碟,朋友仔試左話好味道!醬汁濃郁,唔太漏,意粉煮得剛剛好,唔會太淋!而我就叫左茄蒜蝦帶子天使意粉 ($60)意粉一樣口感爽滑,軟硬度適中,醬汁調製得岩岩好,有蒜香同酸甜度適中既茄汁,另外再加左少少黑椒,所以會帶微辣蝦肉爽口帶子如果煎一煎既話,應該會更加美味啦!餐飲方面,我同朋友仔都叫左凍檸茶(另加$2)應該有啤酒杯咁大杯！好抵飲!夠晒解渴😊總括而言,的確性價比高雖然係第1次食,但呢間餐廳既食物質素都令我地留下深刻印象!有時間既話都會再黎番尋味唯一美中不足就係杯凍檸茶味道淡左少少,對於不好甜既朋友可能會好喜歡,但我就中意甜d但講真既,咁既價錢,絕對收貨啦!服務質素方面:其實店員同客人對答係有禮貌既,但如果有