Cafe 360 (Closed)

星期六無所事事，和朋友來到Cafe360歇一歇。之前在商場看到廣告已經想來試一試，但位置不太起眼，所以常常都忘記了。星期六的下午，人不算多，很快就可以入座了。和朋友叫了兩份下午茶一起Share。【休閒下午茶拼盤】芥末蜜糖脆雞、窩夫、肉醬薯條、田園沙律個人認為整個拼盤最好吃的就是肉醬薯條了，薯條新鮮炸好配上肉醬十分滋味。至於脆雞和窩夫方面，兩樣都略為乾身，感覺普通。【和風梳乎厘厚多士推介】賣相雖然普通，但口感絕對驚喜！軟淋淋的梳乎厘入口即溶再灑上糖霜，甜滋滋的感覺十分幸福呢餐飲方面和朋友分別叫了凍紫薯牛奶和凍京都抹茶牛奶，味道都很濃，但多喝幾口就開始飽肚了，所以除非很餓，否則會很浪費，因為下午茶的分量都很多呢！另外，下午茶可加$15要酥皮湯喔！

平日在港島工作，居住在九龍 ，難得入屯門探朋友， 見到一間cafe 360屬於一間適合輕食cafeshop為主，內裏裝修亦都為簡約，餐牌內多數顯示咖啡意粉pizza為主，而今次我就食咗一個黑松露嘅意粉 ，魚柳比較香脆可口， 即使淋上醬汁， 亦都不會有一種軟淋淋的感覺， 黑松露味都好濃，野菌都比較多，但如果選擇輕鬆小食，價錢未必個個接受

咁岩去開屯門行街買野，兩條友諗住近近地搵間野食個下午茶，跟住就去左呢間食.初頭睇個餐牌既時候選擇唔算好多，但係樣樣都好吸引咁，最終揀左相入面個2個（有個相都未影得切就開左餐😅😂）.薯條一黎到都已經幾香幾吸引，食落係好食既，不過個肉醬相對黎講咸左啲，配佢個熱既泡沫咖啡，唔洗再落糖都岩岩好.跟住係佢個棉花糖，唔係好甜，加埋下面個Oreo曲奇碎，一個字「正」之後2個餐都有既窩夫，外脆內軟，未食過既話呢個點都要試吓食最後係個朱古力咖啡，幾好飲，唔洗落糖不過另外一樣野要提既係唔好一次過叫等佢黎，2樣都建議要趁熱食，凍左既話，棉花糖個個會太甜同埋痴牙.2個人食左150幾蚊，個人覺得休閑咁食算抵食

星期六返工又OT都3點幾，屯市間間連鎖店又多人，想搵位都行行吓就去到cafe360 都幾多位剩，用$69食下午茶相比去其他店食下午茶係貴左小小，不過我當食lunch 都okay 既，今次揀左炸雞肉醬薯條配蜂蜜窩夫，呢個組合又幾豐富，薯條一叫就炸，食到中途仲係熱，炸雞的炸粉略微有點厚，肉質小小彈牙，窩夫不太淋又不太硬，都還可以，另外叫左杯紅豆冰，不用額外加錢，有點稀，如果可以加多小許花奶，味道會更佳，整體來說有甜有咸，坐幾耐都得，都尚算合理～

又係見客嘅日子，今次比較開心，做成一單生意之後，滿足係收錢，同埋可以證明自己所在，今次亦都好Appreciate呢個客再有介紹其他新客比我，做完晒野咁開心，一定要去食餐好嘅慰勞慰勞自己，但係時間所限，唔係食乜嘢想過糾纏，去食上次食過好好食嘅意粉，檸檬什菌雞肉意粉，忌廉汁加咗少少檸檬冇諗過出奇地夾，另外減低油膩感覺，雞肉係揸過之後先至放入汁入面，肉汁鎖緊，唔會浸住燴意粉咁樣嘅感覺，話明要食好啲，加多一個窩夫雪糕

一路以為揸電單車唔使驚塞車，路路暢通，結果我錯啦，封路問題要兜路先至返到屋企，而家九唔搭八去咗屯門當遊吓車河，順便搵搵一個客食lunch坐低傾下，好冇心肝半年冇見過佢，order 2個一樣嘅酥皮什菌忌廉湯，酥皮好鬆軟，飲完湯都飽飽地，原本仲想加其他小食，但係個客最近做緊gym, 操緊肌唔食咁多野，好似提醒我咁，我就冇再額外加其他嘢食，食埋檸檬香草雞意粉，睇落唔係好多，有好多汁同八舊雞，其實幾飽肚，最後冇再叫其他嘢

平日lunch時間黎到都冇乜人，叫左3個餐，自己叫左個龍湯海鮮熱鍋飯，等左一陣就有得食，速度👍🏻👍🏻👍🏻送到黎個湯係滾緊，個湯好鮮甜，有啲驚喜，因為都係求其搵間入，而且價錢又唔貴，70幾蚊，好抵食。不過杯果汁同menu圖文不符😂

兩個人等食七點餐飯走左黎hea, 淨係叫左一個蛋糕餐，百香果芒果慕絲蛋糕，好香口，好似有啲芝士味，好似雪糕，幾好食。咖啡好飲，38蚊一個蛋糕，咖啡加15蚊。兩個人今日食左好多野，食完早餐食完素食，食牛排，跟住又食西餐。痴左線。個cake好靚，我地好俾心機影左相，請欣賞

星期日去了屯門市廣場Cafe 360 餐廳，為一個朋友慶祝生日，我們叫左肉醬意粉配蘇皮野菌忌廉湯，肉醬味道好入味，牛肉味道非常好味，有牛肉的香味，加埋意粉非常夾，非常讚蘇皮忌廉湯，我今次同一個8歲小朋友一齊食，她好鍾意呢個蘇皮湯，蘇皮焗啱啱好好香口，好脆皮加埋忌廉湯超級好味，我之後都後加呢個蘇皮湯，因為超好味，第二叫左香草檸檬汁雞肉意粉配蘇皮野湯，我第一次食意粉系有酸酸甜甜的味道，因為加左檸檬好開胃好特別，下次都借叫呢個意粉，雞肉好滑身，有雞的味道第三叫左芝士焗拿破崙蕃茄汁魚柳飯，芝士好有層次感，蕃茄汁加埋魚柳飯，小朋友好鍾意蕃茄味道的飯，魚柳都好滑，好適合小朋友同大人，第四道叫左芝士焗日本咖喱汁豚肉飯，咖喱汁又唔太辣的味道，加埋好容易入口的豚肉非常好，芝士又唔會太濃，好好味最後我們叫店長幫我們影合照，佢超級幽默，笑到流哂眼淚，走時都留下美好回憶，系呢個唔開心環境，帶來好正的歡樂

習慣左放工去食個tea見menu上面d set都幾大份但我又唔係特別好肚餓咁就叫左個少少地過下口癮👇🏻酥皮蛋糕配呍喱拿雪糕 $49呢個cake，我足足等左佢30分鐘😑雖然落單時個waiter都有提醒我話會等好耐但半個鐘就好似耐左少少😅😅不過個cake同酥皮味道幾好食‼️‼️💖配埋朱古力醬味道好match😋😋😋佢仲有士多啤梨醬揀，不過我比較喜歡朱古力醬多D😋😋😋凍檸茶要+$2不過我只係叫少冰點解會走埋甜😑😅

今晚約咗朋友食晚飯，朋友提議去Cafe360，一於去試下。8點半去到，人唔算多，好快就有位，望下個餐牌，正喎有酥皮湯，好耐無飲酥皮湯，一於飲番個酥皮湯先，我就叫咗山薑燒汁野菜豚肉意粉配酥皮湯再加多杯宇治紅豆抹茶。先嚟個酥皮湯，賣相唔錯。酥皮好鬆脆，但個忌廉湯我個人就覺得淡咗啲同唔夠杰。整體嚟講都好味嘅。時間啱啱好，飲完個湯就嚟意粉喇，賣相唔錯，味道不過不失啦，無乜特別。到杯宇治抹茶紅豆喇，味道超濃，濃到有啲苦澀，紅豆唔太甜，整體認真麻麻。總括嚟試呢餐不過不失，唔係難食，但唔係首選。

I live here for quiet a while, and discovered this restaurant for the first time lol.The presentation is nice, but those beef, are almost not marinated and seasoned at all. Some beef are stacked without even separated. Onions are chopped roughly. Rice are ridiculously sticky and stuck with each other’s. the pan is not hot enough.The pasta is relatively more tasty. Lobster sauce is not think enough to adhere onto pastas. Other than that everything are with normal performance.Anyway, the service o

星期六lunch時段，超級多人排隊，想食就要提早排隊拎位。lunch menu幾抵食，大約$70就有意粉/飯，有飲品，有湯，視乎你所選擇既set。叫左all day breakfast($90)，三重芝士拿破崙蕃茄汁焗深海魚柳pan pan飯($71)，焗酥皮野菌忌廉湯配南瓜芝士汁野菌雞肉意粉($70)，3個lunch set都有飲品。全日早餐set有窩夫2件，炸魚柳，炒野菌粒，炒蛋，肉腸，火腿肉片(?)，沙律。窩夫外面脆，入面唔算軟身，但勝在即叫即整，熱身。配有楓糖漿，食落ok。炸魚柳既炸粉略為厚左d，但魚肉嫩滑。野菌切得夠大粒，有口感。炒蛋算滑，而且好厚身。味道唔錯，不過食到底，發現成張紙都係油，尤其肉腸及火腿最油膩。pan pan飯要等大約10分鐘，成個飯鋪上滿滿既芝士蕃茄醬汁。魚柳夠滑，而且即焗，熱辣辣食好過癮。雞肉唔鞋，大約有8件，配上甜甜地既南瓜醬汁，唔錯。意粉煮得硬身，個人鍾意尼隻口感。尼個set配有酥皮湯，又有飲品，所以好抵。酥皮湯既酥皮夠酥化，配埋忌廉湯，軟軟地既酥皮同樣好食。某d set可以揀紅豆冰，但紅豆冰既味道好淡，可能係為左食客既健康(?)，所以唔甜。而且冇粗

太耐冇見朋友 就搵間餐廳一路食一路吹水 於是就去Cafe 360 環境唔錯 有十數張枱可以慢慢坐低傾計 晚上7點去到 唔洗等就可以入坐 叫咗芝麻醬肥牛蛋包飯 味道唔錯分量大 好多肥牛不過隻蛋唔太滑 唔係心目中流質d嘅蛋包飯 是日驚喜係水果茶 唔洗加錢架 入面有菠蘿藍莓火龍果薄荷葉 清清地好解膩

同朋友約左幾耐，終於約到啦我地揀左間可以慢慢坐，舒服，安靜傾下計既餐廳Cafe 360佢地轉左新Menu 好有新鮮感最近我鐘意食牛油果所以揀左佢既牛油果焗飯真心覺得佢地好有誠意牛油果勁多，芝士拉絲睇到都覺得好興奮餐飲揀左紅茶尚可朋友仔就揀左個意粉，份量都好大鮮茄配菜好搭，開胃