Cafe 360 (Closed)

在戲院出來，不算餓想隨便吃點東西，被這店的甜品吸引，而且店員說沒有最低消費，便進去坐。我們選了黃金脆雞翼，拆骨炸，容易入口，但份量就較少！驚喜來了，我們點了一個和風梳乎厘厚多士配藍莓香蕉，一上枱，香氣撲鼻，旁邊配有糖漿和肉桂糖，很特別！店員叫我們先試原味，蛋味很香，外脆內軟，不會太甜或無味，很有口感。第二啖嘗試點糖漿，有熱香餅的味道👅第三口沾了肉桂糖，肉桂味香濃但又不過火，很特別！店員話這甜品每天限定，因為工夫很多，要來回多次翻蛋，才做出如此香滑，心機工夫之選！😍

想搵一間冇乜人等位,平平哋又唔使同人逼嘅餐廳既話,我會選擇cafe 360。一search之下先知道原來得返屯門深水埗有分店,今日咁啱嚟到屯門食lunch,為咗靜靜哋就揀呢度。自問係一個酥皮湯愛好者,order呢個肉醬肉丸意粉+酥皮湯set lunch,完全係為咗要個湯一如以往意粉都係淨返一半冇食到, 一嚟係因為塊酥皮已經好飽,二黎係因為呢度既意粉相當普通,之前試過其他款式嘅意粉味道都比較淡,所以今次就揀肉醬,不過只可以話都係一般般。朋友就揀咗炸雞窩夫螺絲粉套餐,眼見佢都食淨一半螺絲粉,窩夫比較硬,同樣都係麻麻地。總括而言,覺得午餐畀大概每位70蚊嘅價錢,可以唔需要等位,唔需要限時,唔使搭枱,呢度舒舒服服食個lunch絕對係適合既,至於嘢食方面個人就真係認為好一般。

屯門市中心嘅食大多數都係連鎖店，要搵啲小店而又有特色嘅cafe真係少之又少，所以cafe360喺屯門區已經算係一間比較大型同特別嘅cafe，成日都要排隊。今日見到下午茶唔使等就入咗去。嚟得cafe，都係諗住坐得舒舒服服嗻，呢度嘅裝修都唔錯，環境幾好。下午茶餐牌嘅菜式都多元化，焗飯意粉酥皮湯甚至甜品都有，價位就50-90都有嘅。肉醬意粉配酥皮湯再配紅豆冰係一個比較抵食嘅選擇。酥皮湯嘅酥皮整得好香脆，入邊係蘑菇湯，味道較淡。肉醬意粉表現正常，肉醬都夠撈成個意粉，味道一般啦，就同大家去快餐店食嘅差唔多。和風梳芙里多士配藍莓及香蕉。呢個多係整得幾好食嘅。外邊多士皮非常香脆，多士內有吉士，十分柔軟香滑，配埋啲生果係唔錯。飲品就熱咖啡同紅豆冰。大家見到紅豆冰個樣就知道，哎，我都唔多講喇。咖啡奶味好重，認真麻麻。結論就係甜品好食，熱食就麻麻，飲品就最好唔好有咩期望。

難得出到去屯門做野，就順便係屯市食個飯。既然同行人諗唔到食咩，就唯有由我提議啦。諗起自己自從返工以來都有段時間無食呢間cafe 360，就想再試一試。今次叫咗個胡麻醬野菌烤雞意粉配焗法式皇冠酥皮野菌忌廉湯。主要係比佢嘅酥皮湯吸引到，自從小學之後都好少飲到酥皮湯呢樣野。胡麻醬野菌烤雞意粉意粉上嘅胡麻醬唔太突出，味道有啲淡。烤雞份量都算適中，稍嫌有啲乾身。成個意粉味道不過不失，但有進步空間。酥皮湯呢款湯真係勾起細個嘅回憶，酥皮厚度適中，酥脆香口。配上野菌忌廉湯，入口溫熱且重菇香，飲完好滿足。熱英式有機草本茶呢杯茶就唔係我杯茶啦，入口有種怪味。可能就係草本茶味，只係我飲唔慣。

每日諗lunch食咩相信係不少人都好頭痛嘅事，又想好食，又想經濟實惠。特別係食來食去都係個幾間餐廳，好易食厭。好彩朋友話之前食過呢間，大隊就跟住一齊去，又可以諗少餐要食咩。呢間餐廳位置都算寬敞，而且唔少位。即使我地一行5－6人都坐得舒服。睇睇餐牌，價錢唔係太貴。重點係lunch set主菜都好豐富，好多款都吸引咁。芥末蜜糖炸雞拼窩夫配意大利蕃茄湯螺絲粉一見到呢個set又有螺絲粉、炸雞同窩夫，即刻就覺得超值，一定要點。炸雞幾香脆，蘸上黃芥末更刺激可口。窩夫外脆內軟，可惜表面較硬身，影響咗口感。蕃茄湯螺絲粉酸酸甜甜，頗開胃，但無太大驚喜。

烤蜜糖春雞(半隻)配薯條, 田園沙律及芝士條($128)+凍檸茶($11)(飲品半價)雞略嫌細隻左d，燒得唔錯，肉質都幾嫩滑，配埋個汁再擠埋檸檬汁幾好食，幾惹味。只係雞胸肉就無乜味，可能調味料未能夠醃到入去。芝士條有3條，條內有一小塊已凝固既芝士(並唔係流心)，芝士條食落好有趙口又煙韌，配埋沙律醬幾開胃，不過”友人”就覺得好硬唔好食。薯條剛炸起熱辣辣，好軟熟，不過好熱氣。田園沙律既醬汁幾好味。(個人口味: 3.8/5)65度溫泉蛋卡邦拿意大利粉($83)+酥皮湯($8)+凍檸茶($3)成碟意粉出哂煙，賣相望落幾吸引，意粉硬度適中，但醬汁味道極淡，唔夠濃味。可能係因為我將溫泉蛋界開，將蛋汁同意粉醬汁撈勻所致？定係個汁本身已經係好淡味？不過份量都幾多，只係唔岩我口味而已。加$8有酥皮湯，抵飲。(個人口味: 3/5)留意到餐牌上有幾款食物同上次有D唔同，唔知係每季定每月轉款呢。

每次朋友話想係屯門市廣場食飯閒聊，我都會首推cafe360！竟然有好多屯門人都唔知道呢間餐廳，真係好出奇！位於H&M樓層，cafe360係難得位置隱秘，但環境同食物都好高質，Cp值滿分！晚餐算係好多選擇，我比較推薦酥皮湯，一般餐都可以加$8加配！鐵板同石窩都唔錯，仲有2人餐，經常食都唔會悶！食物味道不錯！座位舒服，適合同朋友一齊閒聊～但係甜品類係我較為無感既，咁耐以來直係食果一次，賣相同口味比較普通，加上次次食正餐已經會食到好飽，都比較少機會會叫！

同朋友約係市中心食dinner想揀西餐，選擇都唔算好多，揀左cafe360。我之前食覺得都唔錯，今次再食無話特別驚艷嘅。平時都見要排隊，七點幾可以直入，都坐得幾full下，要自助斟水。芝士肉醬薯條就同肉醬意粉嘅味道無分別😂個人覺得如果係煙肉會更好味夏威夷pizza本身個木盤好大，但二人枱位置唔多，店員幫得地換左細碟上。Em...就係普通pizza，新鮮出爐夠熱但餅皮偏乾，醬汁亦唔算多溫泉蛋卡邦尼意粉朋友話佢極淡，起勢落辣椒仔。我就接受到，但整體都算偏淡。酥皮湯見每枱都飲就好想飲下，跟餐加$8 酥皮嚟到熱辣辣係幾香，但係湯就真係唔算好飲仲差過罐頭湯。抹茶牛奶應該都係沖出嚟，好甘唔算好食又唔算難食咁啦

前成日嚟屯門 閒到一陣好香牛油味 被呢種香味吸引 上到去要等 排隊起碼15分鐘先到 坐低之後 餐牌見到套餐好吸引 所以叫左慢烤丹麥嫩豬仔 鐵鍋載件大豬仔肉 好嫩滑喎 份量真係夠一人食 配上甜汁 味道係ok嘅 不過不失啦 至於芝士條好脆口 連漿汁一齊食 好醒胃 原本我怕汁會酸 反而味道提升左 至於田園沙律 味道唔算特別 但可以接受啦 食完大件豬仔 食沙律幫助消化 另外有穌皮湯 蘇皮脆脆 熱騰騰 好香 就係呢種牛油香 加忌廉湯 正總括嚟講 可以再黎如果閒日可能會無咁多人

未到11點，已經開左啦，但只提供午餐，冇早餐既。午餐係免加一，包一杯飲品。跟餐加$15可以有酥皮湯。另可以加錢配小食。叫左個炸雞，窩夫配蕃茄螺絲粉餐，同一份all day breakfast 試下。餐飲有冷泡葡萄茶，紅豆冰或熱茶選擇，亦可以加$9轉特飲。食物賣相相當吸引，份量都唔少。味道都相當唔錯。炸雞脆，窩夫外脆內軟。炒蛋滑，淡淡黑松露味，雜菇牛油味濃，但可惜炸魚偏油。叫左葡萄茶試試，茶有葡萄味，但係係冇甜味，只有茶味，好特別。唔中意飲甜野既朋友最合適啦。

巴馬臣芝士肉醬意大利粉配焗法式皇冠酥皮野菌忌廉湯($72) +凍檸茶($3)忌廉湯超熱，不過我地覺得酥皮配海鮮湯會夾d，更惹味。意粉熱辣辣，但飲完湯，意粉已經攤涼左少少。肉醬意粉就係一般既肉醬意粉，份量好多。如果餐湯同意粉唔係同一時間上菜會更好。或者下次可以提出先上湯後上主菜?(個人口味: 3/5)烤鮮菠蘿雙色芝士豬扒鐵鍋番茄飯($85)加配酥皮湯($8)+凍檸茶($3)豬扒略硬，醬汁較少，但都幾好味，同某連鎖快餐店差不多。(個人口味: 3.4/5)一去到餐廳，侍應竟然問有冇訂位。心諗：尼間餐廳有訂位?需要訂位? 不過餐廳人流都算多，走既時候仲有人排隊。以西餐而言，尼個價錢有餐湯有主菜有飲品仲免收加一，都算合理。

呢日收工，約咗朋友喺屯門食飯，行嚟行去都諗唔到食乜，間間都排長龍等幾十張飛，等得來都餓死左啦唔經唔覺就行到嚟吉之島呢一層，行到最入呢一個位置，即係匯豐銀行隔離，就見到呢間Cafe 360，又發現佢唔使等位，兩個人被安排坐四人梳化位， 侍應仲好細心話你哋可以放袋係隔離啲櫈，可以坐得舒服啲咁話喎有二人餐$300左右，兩個人食都幾抵，但係我今日想食蛋包飯，我就叫咗個日式咖喱炸雞肉蛋包鐵鍋飯配田園沙律，仲有個番茄湯 （$84）雞肉嫩滑，入味，咖喱汁都好香濃，勞煩食一流唔使兩啖已經撈晒啲咖喱汁，唯有問侍應攞多碗咖喱汁先食得晒成個飯。飲品方面呢就係凍菠蘿鮮果茶，入面粒粒都係新鮮水果，只要打開杯蓋就可以食晒佢！仲要粒粒都係甜嘅。最後影埋個餐牌俾大家參考下

首先做為一個媽媽 有bb凳好重要 呢間滿足左我需求 環境又好 食物都好好味 甜品都好吸引 服務態度都好好 我去間舖經理 服務態度超好 仲詳細介紹邊款好食 同食蒜加包的方法 感覺好開心 之後我一星期去食左3次 哈哈

今日呀媽無煮飯，去左附近商場覓食，想食西餐，就簡左呢間360。我叫左珍寶英式炸魚柳漢堡包配炸薯條及田園沙律上檯比我想像中好喎，炸魚超大塊，金黃酥脆，包皮烘過都好香口；他他醬可以按口味加，唔會整淋左條魚。質素唔錯，唔洗$100仲連沙律連湯，抵玩。呀爸就食呢個山薑燒汁野菜雞肉意粉配酥皮湯佢話雞肉好滑既，意粉就普通味啦。呀媽就簡左日式咖哩溫泉蛋野菜吉列豚肉定食超大份，咖哩飯味道正常，呀媽注重健康佢就勝在多一碟菜。家姐話好想試呢個和風鰻魚鬆厚pizza，就散叫左嚟到好細個，但係幾好味，鰻魚都唔少，好多柴魚片同紫菜，同蛋黃醬幾夾，配埋鰻魚汁，惹味，不過太少啦一人一舊就快無了。其實呢間唔貴又近屋企又唔洗排隊，連鎖嚟講算係咁啦，唔會話好驚喜但亦唔會太差。

之前同university friend黎食個陣，每次都唔知點解好多人係度排隊等位。咁我班friend想食多次所以等下都冇乜所謂啦。因為佢d野食真係有質素保證，個酥皮湯我十分推介。下次會再來的！