Cafe 360 (Closed)

每次星期六日經過，都見到好多人排隊，我見佢好似好受歡迎，應該唔會難食，就膽粗粗去識下新野，哇 真係永世難忘當日星期六 我哋去食lunch等位都唔算太耐 都只不過等咗15分鐘左右我同兩個朋友傾住計咁等有個冇着制服嘅男人拎menu比我哋睇等我哋諗下食乜呢點其實幾貼心我估佢應該係經理不過其實佢有啲過咗龍我同朋友傾計 佢就係旁邊不斷插咀連座低食食下野 佢都要過黎講兩句完全係打擾咗同fd食飯個氣氛感覺佢有啲煩我見其他staff係到行黎行去好忙佢只係企係個門口周圍行下同其他客人傾計我唔係做飲食業我唔清楚可能係特色掛講返食物我哋叫咗個芝士滑蛋雞肉panpan飯 酥皮湯配卡邦拿意粉 仲有個檸檬忌廉汁雞肉意粉先講個panpan飯 隻滑蛋唔夠滑 芝士味亦都唔太出色 出到黎我甚至覺得同menu個圖 未免太大差別個飯心完全唔熱 蕃茄飯冇蕃茄味 得個咸字 好失望！之後到個卡邦拿意粉！我覺得應該改名叫白汁火腿意粉一pat白汁加幾條火腿就叫卡邦拿意粉？可能係我唔識欣賞個酥皮湯算叫做中規中矩 不過湯徧重口味 淡小小會更好檸檬忌廉汁雞肉意粉應該係最正常 味到有趣 檸檬同忌廉汁嘅配搭不錯 雞肉都算幾滑 值得一讚飲品方面就

入到去叫左個set dinner吉列豬排及冷麵定食配蕃茄湯。豬排一睇就知一早炸好再番炸，顏色偏啡黑，炸漿太多，皮肉分離，食落去不單鞋口仲有小許燶味，仲要冇配任何醬汁，太乾兼冇味為有叫攞沙律醬黎，但果醬又太咸，為左唔想浪費食物變廚餘先勉強食！到冷麵，用一個類似焗豬排飯既 上放日式麻醬冷麵，感覺格格不入，麵係spaghetti,但煮到淋哂，食落仲有d癡牙，最好食係現成果麻醬，同超市買既冇分別！再到蕃茄湯，一個字酸，兩個字好咸，三個字好難食，廚師好似完全冇試味冇調味，飲兩三啖就放棄，頂唔順！餐飲，係唔洗加錢既菠萝特飲，提大家唔好叫，免费冇好野！甘既食物質素重點係收我$88！！！仲未comment stuff 服務質素，唔想打啦。唯一優點算夠靜......真心建議廚司侍應參加再培訓利申 第一次打食評

今晚偶然經過，晚餐食物過得去，可惜😓餐飲係用即棄紙杯和膠杯，離開時順便問一下點解餐飲用紙杯，十分離地的答案：「方便客人帶走」環保係要付出代價的，因為人手不足，成本高昂，或者任何原因都可以係借口，一日一百人幫趁就用一百隻即棄杯，假日好生意可能係二、三百，如果間間餐廳都用即棄杯⋯⋯真係不可想像的廢物排放。有好的食物、好的環境、好的服務，原來最重要的企業良心和責任消失了，十分可惜。為環保出一分力💪🏻決定唔會再幫趁

15:00開閘下午茶，我地決定--等🤣，因為我地到達個時都已經14:47啦。等緊期間吹下水，望下餐牌，時間話咁快就過15:00。本身安排我地坐自閉3人位🙈🙈，不過我地都想傾下計，所以都幫我地轉左去入面圓枱👏🏻👏🏻卡邦拿意粉+酥皮蘑菇忌廉湯：整體係ok既，特別係賣相相當好。意粉大家都知係無味的，主角反而變成了醬汁，但哩個卡邦拿醬汁就有點失色，因為無咩味。，但香味係十足的，特別係食物剛到的時候再試忌廉湯，首先用湯匙係酥皮中間打左小洞，相當有成功感，之後香味馬上悉出，好香濃，再小試一口，直情可以感受到菇味以及些少似海鮮味的物體係口內游走，再將酥皮浸埋落去湯中，簡直係最佳拍檔。紅豆抹茶窩夫：其實落單前都諗左好耐，因為佢有好幾個味道，有香蕉、有芒果、有朱古力⋯隻隻都好想試，最後少數服從多數的關係，就揀左☝🏻，不過都不負所望，窩夫軟硬程度適中，造就左煙韌感，配埋紅豆十分過癮，至於個抹茶雪糕就略嫌淡味左少少，如果多返些許抹茶本身的苦澀味就完美。

平時行過Cafe 360都見到好多人排隊裝修唔錯，難得今日同朋友經過見唔洗排隊就試下，點知一食就出事啦！我地叫左一個日式咖哩飯同肉醬意粉跟酥皮湯。首先肉醬意粉已經難食極有限，味道都算係正常，但說好的帕爾馬芝士呢？係一條都冇！都唔梗要，意粉係唔熱，頂多叫唔凍囉，我知好多餐廳係用微波爐叮，咁都麻煩你叮耐少少，比多少少熱誠。酥皮湯仲正，你食過毛巾酥皮未？如果以柔軟度比分，佢係十分出色，極度謝皮。個忌廉湯更加唔期望係好飲，但最起碼麻煩你整返熱。跟住個日式咖哩飯，我要比十個趣個飯，硬到我以爲拎黎拜神用，咖哩我已經唔想再試，但朋友都難食到黑面。結論，其實都收$70一個飯，唔係要求食西，但最起碼食物要整熱，連最基本既要求都做唔到，不如唔做好啦⋯⋯最後，我返到屋企肚痛狂痾，蝦蝦。

叫左個下午茶餐，肉醬意粉加個酥皮磨菇忌廉湯~跟埋杯餐飲~個湯係唔錯既，個酥皮仲係好香脆，個湯好creamy，磨菇香味都出既~至於個肉醬意粉，同平時快餐店食既味道冇乜分別~啲肉醬都算香，酸味同肉醬味其實都調得唔錯~如果有埋芝士味就更加好喇……而加個味道就比單調……但係啲意粉我就覺得比較濕身，個底好多水……我就唔太鐘意啦……不過始終唔係焗，點都係唔會太乾身……不過下午茶呢個價錢都ok既，仲要酥脆湯唔洗加錢，都真係幾難得~

放假同屋企人去屯門食飯原本想試下定食8番，但好多人排隊😫轉轉折折去左cafe 360第一次食，環境唔錯空間夠大，可以慢慢坐低傾計見到menu都幾吸引架我點左雞肉滑蛋panpan飯($69)，跟餐配茶，再加12蚊試下焗酥皮忌廉湯味道都唔錯呢，入面係炒飯底唔會太juicy/太乾，份量都足夠雞肉好滑幾好食😘而酥皮湯賣味幾得意，味道可以，如果少d鹽會好d不過熱草本茶實在太熱，食完飯再飲都係飲唔到😅埋單少貴，不過一餐半餐無所謂啦😃

同好姊妹聚聚，揀左呢度靜靜地坐低食野傾計。梳化位幾舒服，lunch set試左卡邦尼意粉配酥皮蘑菇湯，仲有pan 飯，味道都不錯。甜品叫左綠茶紅豆waffle, 口感鬆軟，另外經理很nice送左杯抹茶牛奶俾我地試飲，有淡淡茶味唔太甜，都一讚！

同朋友食過幾次 次次都無失望 呢間食物質素同價錢都ok....可以接受，個食物味道好加個賣相都非常ok....(看圖)有圖有真相.....今次再加個窩夫 ，正呀...我哋坐低傾都傾咗兩粒幾鐘 無人趕走你 仲有 好多人排隊wor...不過我哋食完正餐再食幾個甜品先可以坐咁耐，如果唔係都唔係幾好意思坐咁耐 因為中午時間真係好多人排隊呀 我叫左個芝士滑蛋雞肉飯 朋友都叫咗卡邦尼意粉 我覺得個飯芝士咪濃郁 飯軟綿綿 食完好飽肚，意粉包埋湯，朋友都話好好食....價錢約60-90....算係好低食

星期日中午去左屯門閒逛，經過呢間CAFE 360已經聞到好香，仲好多人排隊，我地排左差唔多半個鐘先入到去呢度裝修徥都幾有情調，我地被安排左坐外面梳化位紅日關係，所以冇茶餐，不過個LUNCH SET 都幾正. 樣樣都好似幾好味咁下次要試下呢個窩夫SET我地首先叫左個酥皮湯加卡邦尼意粉。個湯好正，好香野菌味，再加上個酥皮，真係一流，立即被秒殺個卡邦尼意粉賣相就一般，味道就可以，如果焗一焗佢就PERFECT另外叫左個All Day Breakfast，最啱星期日下午慢慢嘆

呢間360開咁耐就排足咁耐隊，今日見佢少人啲，我同大少決定去試一吓佢有幾好味，足以令咁多人排隊去食佢~酥皮磨菇忌廉湯 - 呢個湯勁呀，酥皮同唔酥皮分別好大，酥皮因為要焗，所以啲湯熱嘅，但係無酥皮嗰個係凍嘅和風牛肉牛肝野菌熱石鍋飯 - 呢個應該係全晚唯一熱嘅食物，呢個都唔熱就會好大鑊，佢話有牛肝菌，唔知係唔係入面一粒粒細粒黑色嘢就係，佢個飯應該係用燒汁炒過，所以叫幾好味~但係我覺得都係泡菜豬肉好味啲，大家可以試嗰個脆炸雞肉牛肝野菌鐵鍋飯 - 千祈唔好俾佢個鐵鍋呃到你，因為佢係……一…啲…都…唔…熱……大少話佢啲飯係凍嘅，離晒譜，都係只係得個飯好食，但係唔熱……點夠味都無用喇~~

我同女朋友諗住平時見尼間野甘多人，難得路過見有位，就入去食個tea試下。一句講哂垃圾，卡邦尼係甘既樣架咩！ 一patt汁掉落去個仲流緊水既意粉就叫卡邦尼? 上面見唔到芝士見唔到煙肉，小弟自己去買包$3.5既卡邦尼煮個即食版都好食過佢！雖然用緊個好大既煲拎出黎，但係應該聽過咩叫大而無當！真係想打去消委會鬧爆佢，唔好侮辱卡邦尼尼樣野plz！ 個湯好一般，飲左兩淡，唔夠濃，求其搵間茶餐廳都好味過佢！女友叫左個肉醬薯條，係幾好食。杯紅豆都ok，有d年糕係底幾好咬口。真係黎尼度，食甜品就夠啦。聽亞叔講其他野唔好試啦。

約朋友去屯門行街，午餐揀左係Cafe360食，一來見佢環境唔錯可以坐底傾下計，二來價錢唔算貴，選擇都幾多。去到見到需要排隊，不過可能我地得兩位，5分鐘左右就有位。點左份二人套餐，貪佢乜都有少少唔洗煩揀咩，唔同主食唔同價錢，我地點左燒春雞就$258。主食有兩樣，我地揀左檸檬烤春雞加炸薯條同溫泉蛋卡邦尼意粉。烤春雞半隻，烤得幾香口，而且有肉汁唔亁身。不過薯條就十分普通，唔太脆。另一份卡邦尼意粉不過不失，溫泉蛋漿加汁幾香，火腿可以過後足料，但意粉比較"林"身，而且醬汁比較膩。主食外亦有跟飲品同酥皮湯。熱情果蘇打外觀唔錯，飲落亦唔甜。酥皮湯嘅酥皮好香脆，牛油味夠香，幾好食，可惜蘑菇湯偏咸，飲左一半已經放棄。餐廳價錢一般，食物份量幾足，味道亦可以，算係一個唔錯嘅地方同朋友或者屋企人食個飯再去行街

這天我們來到的時候他的lunch time剛剛開始，他的lunch menu 有幾款意粉，石頭飯，鐵板，也有all day breakfast。而我們選了酥皮野菌磨菇忌廉湯配卡邦拿意粉和薄切肥牛野菌石頭飯。酥皮口感做得有點像牛角包不太油膩忌廉湯的分量也不少，忌廉湯奶味沒有很重。卡邦拿意粉醬汁做得很creamy，不過醬汁稍微多了一點。至於石頭飯是熱辣辣的，肥牛雖然沒有很濃的醬汁，但是店員建議先等五分鐘後才把肥牛野菌和飯攪拌在一起。當攪拌完後真的好像比較好吃，可能是因為飯粒有一點點焦，然後肥牛獨特的醬汁也黏在每一粒飯粒上，這個吃下去很開胃很快把牠吃完了 不過service則不怎麼樣，幾次叫他們加水等了很久最後要自己去拿，埋單也要等很久才拿單來

放假無無聊聊，就約左朋友去港鐵站附近既cafe 360歎返個European All Day breakfast，鋪頭裝修唔錯，氣氛都幾好，座位又舒服既餐廳!All Day breakfast包括有法國牛角酥，都幾大個，整得好鬆脆唔錯，牛乳炒滑蛋d蛋好滑嘟嘟又好香蛋味好好食，香烤雞扒雖然唔係好大塊，但醃製既味道都唔錯，同煎得黃金香脆都幾好味，芝士焗肉醬螺絲粉，螺絲粉口感唔錯唔會太硬太淋，肉醬份量夠晒撈螺絲粉黎食，調教既味道都幾好，係芝士唔夠多，如果再多d會更好食! 最後加多柸紅豆冰，紅豆冰甜度岩岩好，又唔會淨係得陣奶味，紅豆都夠淋，飲完仲有得食埋，lee餐真係夠晒飽!