大家樂 (Closed)

黎食下午茶諗住平平地叫個雪菜肉絲米粉配奶占多士餐 ($27)點知一啲都唔好食啲肉絲少到冇論 同冇肉冇分別米粉又淋又碎 一啲質感都冇 食完唔飽好在湯底唔重味精味同埋唔太鹹 因為原先雪菜已經夠鹹 再鹹真係不得了多士相對好少少 一開始都外面脆脆地 入面軟身不過好快就凍咗同淋咗 變咗有啲韌😟而且佢落煉奶同果占落得太重手 超級甜...$27好似好平 但係咁既質素又完全食唔飽不了 沒有下次服務都ok嘅環境 尖沙嘴依間算唔錯 多位同有靚景

响尼個商場行到好攰！最鐘意嚟尼渡嘆個茶餐！而且尼間大家樂嘅質素算好！好過之前响黃埔果間下午茶餐～燒鴨米粉跟熱檸茶（$31）燒鴨好食不過份量偏少！主要有肉食大約只得三件！

喺尖沙咀港威行街街，發現呢度原來有間大家樂，可以平平哋嘆個下午茶蘑菇芝士熱狗🌭️雞翼 +凍檸茶又幾好味喎，芝士蘑菇松露醬多到流晒出嚟，食嘅時候要小心啲燒雞翼配左蜜糖甜甜地好好味😋

最近好窮 經濟環境也不好 所以都係搵d平價午餐食吓😅 今日食大家樂既滑蛋海皇飯 叫了加飯 應該很多人都知道大家樂唔夠飽係可以免費加飯的 $35 用支付寶再減$3 所以$32就食了個午飯又飽肚又有野飲 算係咁了

今天決定早起，到大家樂食早餐。這個早餐是$23，有蘿蔔糕火腿和蛋，還有一杯飲品，價錢相當不錯👍不過蘿蔔糕太軟身，不是我喜歡的感覺，飲品我喝了熱奶茶，不過這個價錢還真的不錯👍

尖沙咀有幾間大家樂分店，但我覺得最好應該係海港城呢間，不論係服務定係食物質素，都比其他為佳🙈呢間仲可以用App落單，節省排隊既時間👍🏻$25一份早餐有齊蛋、多士、麥皮、火腿，仲有杯熱飲，其實係幾抵，但我今日想食豐富d，就揀左其他🤤－－－－－－1. 吉列豬扒配炒蛋、蘿蔔糕我第一眼見到塊吉豬係嚇親，真係好大塊，size係同外賣盒差不多🤤店員幫我pack既時候都差點蓋不上，我想差不多4舊蘿蔔糕就等於一塊豬扒！吉豬新鮮炸好，非常鬆脆😋炸粉唔會好厚，滑蛋亦唔會過老，震騰騰既狀態，雖然係快餐，但質素絕對係高過快餐水平👍🏻

廿幾蚊早餐邊度有？要有蛋有粉有野飲嘅，我諗唔到除左呢間快餐店，仲有邊度有。甲級寫字樓裡面嘅快餐，衛生同環境都好d。手快有手慢無嘅平價早餐，賣完就無。腿蛋治，用紙盒做包裝，都算Elaine。個三文治裏面仲係熱，煎蛋好厚，有層次嘅煎蛋都幾滑，裏面有牛油同火腿，食唔晒都可以留返下一餐食。火腿扭紋粉，湯底似雞湯底，扭紋粉QQ地，有幾條火腿絲，不過不失。配埋熱咖啡，都係$25 ，咁就真係抵啦！朝早搵唔到位？外賣都好方便啫。

事關食完個貴甲唔飽嘅午餐，最後都要食番下午茶補充下體力同填補下心靈。大家樂下午茶可能係最有保證又算平嘅選擇！揀左雞翼+蘋果沙津餐包熱飲以為個沙津份量會足夠，點知都算係幾細，幾啖就食完🙈雞翼一定唔會錯！好好味啊，不過又係幾啖食完。。。最後又係唔飽🤣🤣🤣

頹廢午餐，又唔係好肚餓，但唔食又唔得，近近地去大家樂整左碗細既叉燒飯，而家覺得大家樂啲燒味愈來愈麻麻地，呢個套餐細細碗，跟一隻雞翼同一杯野飲，咁就$36蚊，話平唔平，話貴唔貴，但叉燒乾身，唔夠淋，整體一般般

依家閑閑哋食個早餐都要$30以上 連食個麥記分分鐘都要成$40 竟然俾我發現大家樂嘅早餐竟然有$25 唔好以為佢$25份量就會好少 或者好Hea 其實都唔係㗎 有麵包 腸仔 蛋 你仲可以選擇唔同嘅粉麵 而我就要左炒麵 碟炒麵都唔細碟㗎 其實以$25來講有個咁嘅早餐我覺得已經係超值 再配埋杯熱即磨咖啡 大家樂今次真係好有誠意其實我唔知呢個$25餐係不嬲都有定係呢期嘅promotion 如果大家想食一個平靚正快早餐不如去試吓大家樂啦

週末吃了個豐富早餐，到午餐時間仍未肚餓，就決定兩點後才出去吃個下午茶餐。我點了一份叉燒飯+芋頭西米露，份量也頗多，西米露足料好味，甜度剛好，感覺滋潤。老公則點了燒鴨米+雞翼+紅豆冰份量也是頗多，可媲美午餐的份量呢，以這價錢實在是一大享受。

其實我唔係成日食大家樂，但係因為今日好趕時間所以去咗附近嘅大家樂食午餐，估唔到原來每一間大家樂嘅份量都有啲唔同，價錢我就冇留意到有冇分別但係分量就真係有唔同嘅，不過質素都係咁啦唔錯嘅，但係份量就...

今日我同朋友兩個一人叫咗一個早餐，排了一會就買到早餐，不過找位坐就麻煩少少。火腿通粉睇落都幾大碗，但味道就淡左少少，不過份量都算十足，魚柳炸得幾好味份量還可以，蛋都幾滑身，而且蛋味都幾香。不過麵包方面就凍左，所以唔係咁好食。朋友的雞扒腸仔就更加失望，因為雞扒真係實在太細，吃兩啖已經食完，腸仔都係偏凍，同麵包都係一樣凍就有啲失望。飲品我哋叫咗熱飲，奶茶味道偏淡，但都可以接受。好立克都幾足料，味道都唔錯，整體來講只係雞扒偏細塊，同埋唔夠熱，其他來講都算還可以。

香港人節奏急速，為咗節省食飯時間大家樂根本係首選，首先價錢可以接受，五六十蚊左右最主要係多選擇，上至雞鴨鵝，下至煎蛋腸仔多士都有所以你見無論幾點都好 大家樂都係人山人海既！仲有近年引進既自助機自助點餐，然後去拎餐，快靚正 溝通都唔需要今日就試下一哥焗豬扒飯一哥焗豬扒套餐由細聽到大啦 豬排幾大件 同以前相比唯一唔同既就係價錢囉 焗係呢到又唔洗等咁耐wor 唸唔到放飯有乜可能唔去大家樂食 根本係窮人恩物呀！💁🏼‍♀️

最近經常來大家樂吃飯，於是登記了club100做會員。原來經常會有優惠卷及現金獎賞，實際計法不太清楚，但大約每吃一兩次就有$5優惠。而且大家樂經常推出新口味，基本上一星期來吃一餐也不會覺得厭。今次又看到有新口味，還要是我愛吃的藜麥飯，我選了一個香煎茄汁魚柳配藜麥飯$45，很健康的感覺 ，魚柳沒有沾上很多粉去煎，反而是用雞蛋煎，不錯，而且配上酸酸的茄醬更加好味。老公點了鴛鴦炒飯，不過今次較少汁。今次例湯還有蓮藕