Video
Exit D2, Causeway Bay MTR Station
continue reading
Opening Hours
Mon - Sun
10:00 - 22:00
Above information is for reference only. Please check details with the restaurant.
蛋糕店：Cafe Life地點：崇光百貨B2樓士多啤梨巴斯克芝士蛋糕 $408 15 cm芝士蛋糕夠厚身同滑溜，無餅底，完完全全係芝士蛋糕無走數，面頭燶面就唔多夠燶味，上面加滿大大粒原粒士多啤梨，應該有用心揀過d靚既，面頭灑上糖霜，中間就加有切開既士多啤梨，下底有白色忌廉。滑溜忌廉配芝士蛋糕更好食，不過忌廉唔夠餸蛋糕食。份量我覺得夠六個人分。呢個價錢我覺得可以啦，唔太差不過又唔會令人驚艷。上次試過好特別既香芋巴斯克芝士蛋糕就正好多，不過貴少少。
continue reading
📍Cafe Life (崇光百貨) @cafelife_hk銅鑼灣軒尼詩道555號崇光百貨B2樓55號舖士多啤梨拿破崙 10cm*10cm $398生日牌 +$20店員好好人，今日打風有特登whatsapp我取貨安排😚拿破崙大概有3層吉士醬、士多啤梨、千層酥皮餅底固定得太好，基本上係食唔到😂😂送嘅刀好難切，冇一舊係成型千層酥皮唔酥脆🥲，但overall味道ok，唔會太甜，有士多啤梨增加清新口感👍🏻
continue reading
Sogo supermarket 見到cafe life 嘅蛋糕睇落好吸引，但價錢偏貴， 見到有做7折就買左件黎試下。草莓拿破崙 ，原價$88，折後$61.6士多啤梨好味， 唔酸又靚， total 用左3粒， 3層酥皮都鬆脆， 中間層cream 就似吉士，但我覺得折後價都係偏貴， 如果正價我唔會買。
continue reading
2104 views
銅鑼灣崇光百貨地庫的美食櫃位，印象中全部同日本有淵源，差不多全部都是日本過江龍；儘管未必一定非常美味，但肯定可以歸類為好味道。不過，凡事總有例外。今日去崇光買嘢，行落地庫見到有間新開張嘅日本風格法式甜點店【Cafe Life】，餅店並非日本品牌，而是由日藉烘焙師在香港開設。雪櫃內陳列了各款小巧精緻、造型漂亮的法式甜點，還有大 size、供多人分享的原個切餅，口味同小巧甜點相同。除了甜點之外，還有自家製曲奇餅。看看價錢牌，以朱古力、忌廉、芝士等等材料製作的傳統法式甜點價錢合理，與其他同級餅店差不多。至於餅店最出名的甜點，就用上了日本進口水果作食材⋯⋯ 嘩！好貴呀！比起香港其他名牌法式餅店還要貴，直逼香港最頂尖五星級酒店的餅店！心想：根據經驗，法式甜點已經好吃，還要加上日系風格精緻美學，應該會很美味。一於買幾件外賣回家品嚐，但又捨不得買貴價日本産水果甜點，先買一些基本法式甜點試試味道。鮮紅色的外賣紙盒同農曆新年非常合襯，唔知係唔係農曆新年限定版？紙盒的封口位置甚至係心形設計，簡單而有心思。Basque Burnt Cheesecake ($42) 可以講係 cheesecake 嘅變奏版本，基本材料離不開忌廉芝士、糖、雞蛋、牛油及少量低筋麵粉，但就刻意用較高溫度烘焙，造成表面薄薄一層焦燶效果，入口也因此多了焗蛋糕的香氣。有別於傳統芝士餅的膩重質感，Basque Burnt Cheesecake 較為輕巧、軟綿、水分較多。然而，一樣充滿飽和脂肪及濃烈的芝士味。French Chocolate Cake ($52) 賣相普通，只是一件牛油比例很重、接近朱古力 brownie 的甜點；表層的薄身鮮忌廉口感厚實、唔夠幼滑，味道亦唔夠香甜。以 brownie 蛋糕來講，質感其實已經幾好，只嫌朱古力味唔夠濃郁；但如果作為法式甜點，就未夠精緻了。Nagasaki Chocolate Cake ($58) 在三件甜點中，賣相最靚，也最接近法式甜點工序繁複的要求；不過，仍然未算非常精緻。表面用一層半凝固的朱古力漿包裹，頂端灑滿可可粉；切開後，見到方塊共有5層：底層是朱古力海綿蛋糕，然後是朱古力 mousse、海綿蛋糕、鮮忌廉，頂層又係朱古力海綿蛋糕。同 French Chocolate Cake 一樣，朱古力味唔夠濃郁，尤其朱古力 mousse 的甜度較可可味更明顯。望真啲甜品造型，只算中規中矩，唔係特別精緻；味道方面亦唔算特別出色，同預期比較有所落差。唔通真係要更貴價、用日本進口水果作食材的主打甜點，才可以品嚐到【Cafe Life】的真正實力？
continue reading
看到IG介紹，冇諗過有咁多分店，而且係sogo,K11擺買的蛋糕質素會咁差。明明廚師都見到個樣唔可以接受，都可以照俾客人，而且勉強客人要，完全沒想過係自己問題，。重點係價錢唔平，點解咁貴要接受不理想的產品？而且之後的解決方法十分差，沒有給客人好的方案，難道一點專業的交代也沒有？最後嘗過的蛋糕味道也不是很好，拿破崙的酥皮是苦，紅酒的味道也不夾，完全對不起這個價錢及味道，應該是宣傳過度吧！完全可以不用嘗試。
continue reading