熊小館 (Closed)

估唔到第一次寫食評係因為服務態度太惡劣而去寫門口等咗陣就已經有位但入到去坐低都等咗成5分鐘先有位男（應該經理）掉個餐牌畀我地睇 冇錯 係掉落嚟前提係枱都未抹都算 諗住落單嗰陣先順便叫佢抹返之後有位女侍應落單 落完叫佢抹抹張枱之後佢見隔離枱啱啱抹完就直接拎返嗰塊布幫我地抹（疫情嚟講 咁樣真係好唔衛生）仲要我唔知佢係咪第一日返工定第一次抹枱拎住塊布掃兩掃當抹完重點係將枱面上嘅食物碎屑掃咗落我個身到然後另轉面就走咗去 唔好期望佢會道歉食物都算快就嚟到 lunch有湯有熱飲送算係抵食叫咗個牛扒配薯菜味道唔差 但個汁同薯條稍為咸咗啲另外個德國腸螺絲粉都唔差但其實一開始畀兩位侍應搞到心情咁差基本上你嘢食有幾咁好味環境同裝修有幾咁靚都好都已經影響晒成個用膳心情如果佢咁嘅服務態度都覺得自己值得收加一服務費咁我只可以講 冇餐廳唔值得收加一了

今日喺新都城嘅熊小館食晚餐，係一間以熊啤啤為主題嘅咖啡店，每台都有一隻小熊，一個人食仲會有一隻紅陪你添。晚市菜式選擇多，總有一款啱你。估唔到喺呢種咖啡店有鐵板餐，叫咗鐵板肉眼扒，價錢148，送埋餐湯、牛油法包同嘢飲。肉眼扒分量十足，又大又厚，牛肉味濃郁，口感亦唔會韌，鐵板仲有粟米蘆筍車厘茄同埋好多薯角。一份鐵板已經非常飽。餐湯係唔錯嘅忌廉湯，而牛油法包焗得好香脆。甜品叫咗玫瑰法式燉蛋，燉蛋面頭有燒得啱啱好嘅焦糖，燉蛋蛋白味十分濃，周圍仲有玫瑰裝飾。除咗鐵板餐廳仲有二人套餐優惠套餐等等，都唔錯。

今天行過將軍澳新都城二期商場，見到一間以熊仔為主題的餐廳，小朋友見到忍唔住，捉住我一定要入去食😁入到去店員非常有禮貌，餐廳放滿很多熊仔的擺設，大雄仔小熊仔，充滿可愛溫馨的氣氛🐻🥰我們叫了一個二人套餐：先來每人一客濃湯加牛油多士👍凱撒沙律，材料非常新鮮和豐富🍃🥬美國安格斯牛肩扒，五成熟啱啱好，切落去粉紅色，充滿肉汁🐂😋卡邦民煙肉扁意粉，意粉煙煙銀銀，配埋特製醬汁非常好食👍😄自家製心太軟，外面脆脆地，切落去有朱古力糖流心，是廚師心機之作😍加埋雲呢拿雪糕，和凍檸檬茶，呢一餐非常滿足😇☺️

其實本身諗住食普通西餐㗎咋～點知誤打誤撞又走咗入呢間以熊為主題嘅餐廳，仲要有隻好大，大到好似一個小朋友咁大嘅熊仔坐我隔離😂😂😂 感覺啲童真返晒嚟～😆忌廉蘑菇湯連牛油法包湯夠晒濃，蘑菇粒份量亦都足夠，感覺用料十足。牛油法包有陣陣蒜蓉牛油味之外，質感又夠晒軟熟！！啱晒我呢啲最憎食「硬」嘢嘅人🤭🤭美國安格斯牛肩肉今次叫咗五成熟，仲有少少血紅色塊牛先夠嫩滑，而且又有肉汁，仲要夠晒咬口，我覺得又ok woh~ 至少符合我嘅期望!!芝士忌廉焗菠菜龍脷柳飯對我嚟講，有芝士忌廉已經贏咗一半～😂 龍脷柳亦有魚味，配合埋菠菜，顏色同味道都夾嘅～啲飯又夠晒多，都幾抵食㗎！自家製心太軟心太軟算係我最鍾意嘅一種甜品，佢最緊要做到暖暖嘅朱古力醬，同由個心湧出嚟嘅效果～佢做到我就鍾意啦！！😋😋

今日朋友生日，但佢又唔想走咁遠，所以就專登搵左哩間近佢屋企既特色餐廳幫佢慶祝生日。餐廳佈置非常用心，四周圍都有熊仔，座位旁邊仲有大大隻熊仔陪住你食嘢😆而且二人餐價錢實惠，性價比高，重點係有生日版甜品，可以係上面寫字，啱晒同朋友黎慶祝生日。🎈二人套餐B $2781.歐陸式濃湯兩客加牛油法包好濃郁既蕃茄湯，帶有少少辛辣，裏面有好多雜菜，法包外脆內軟，好重蒜蓉味。2.美國安格斯牛肩扒店員推介揀五成熟，果然冇介紹錯，一咬落去已經feel到好多肉汁，肉質結實，咬落去夠爽，而且牛味香濃，上面仲有炸蒜，所以食落更香口，另配薯角、粟米、車厘茄同埋蘆筍，好味推薦👍🏻3.卡邦尼煙肉扁意粉意粉creamy掛汁，有濃濃既芝士味，仲有好多蘑菇、煙肉同埋豆苗，味道非常唔錯。4.今日精選甜品兩客精選甜品係雪糕，有朱古力味、曲奇同埋雲呢拿味可以揀。另外加$16可以升級至自家製心太軟，加$24既話仲可以升級至生日版，上面有happyBirthday✍🏻因為朋友生日，所以我揀左生日版，店員仲拎左個生日裝飾出黎，好岩影相打卡！而且哩到既心太軟都好好味，裏面啲朱古力醬真係湧出黎，超濃朱古力味，推介👍🏻5.咖啡或茶兩客叫左一杯

朋友好鍾意熊啤啤ʕ•ᴥ•ʔ，所以陪佢去熊小館食lunch，餐廳嘅裝飾以熊仔為主題，每張枱都有一隻小熊公仔陪住你。.餐廳員工好nice，同我哋傾計知道朋友鍾意熊啤啤，特登攞咗好大隻嘅熊公仔陪我哋伴食，非常開心！.唐揚脆雞翼肉醬意粉 $56(包餐飲) 🐥🍝唐揚雞翼炸漿薄薄的，香脆可口，唔會有雪藏嘅異味。肉醬唔同平時食開嗰啲加咗茄膏，食到牛肉嘅原汁原味。.芝士焗肉醬千層麵 $68(包餐飲) 🧀面層有香濃芝士，下面係一層層闊麵鋪上肉醬及芝士，都幾足料，味道濃郁。就咁食千層麵覺得鹹咗少少，但伴埋旁邊嘅白汁一齊食，平衡咗鹹味啱啱好。.加配餐湯及法包 +$6 🥣🥖餐湯係甘筍粒忌廉湯，口感滑順。法包搽咗蒜蓉牛油，香脆可口。.加配甜品 +$9 🍰木糠布甸正價$25，跟餐只要加$9，好抵食。餅碎末幾幼細，冰凍過嘅煉奶忌廉有雪糕口感，兩者比例食落啱啱好。.烤棉花糖吐司 $44(包餐飲) 🍞賣相幾吸引，棉花糖外層微微烤焦分外香口，外脆內軟，同吐司好夾，加咗朱古力醬更滋味。.總括而言：餐廳嘅氣氛溫馨，周圍都有熊啤啤公仔及裝飾擺設，啱晒影相打卡。食物以西餐為主，選擇幾多味道唔錯，價錢親民，重點係有熊啤啤陪住食

又努力工作了一星期，終放到星期五，當然約好友Happy Friday啦! 友人知道我今日要加班，故專登走入將軍澳跟我吃飯，太好了! 友人揀了這間以小熊會主題的餐廳，裝潢富心思。還未走進內裏，便有一隻巨大的啤啤熊毛公仔坐在門口歡迎大家，很吸睛。內裏到處都有不少跟啤啤熊相關的擺設，有不同大小和種類的毛公仔、啤啤熊畫等等。餐廳座位不少，有一排排的四人卡座，亦有多張二人枱。細閱餐牌，選擇不少，有兩款二人套餐、品味新嚐、小熊套餐、Classic Sizzling Plate Set，還有單點菜式，包括有沙律頭盤、湯、意大利麵/飯、型廚推介、飲品和甜品。我們最終揀了二人套餐A($298)，有四道菜連飲品。****************先上歐陸式濃湯配牛油法包，是日濃湯為蘆筍忌廉湯，挺特別！熱辣辣上枱，湯身濃稠，蘆筍味不算很濃，香滑濃郁的忌廉中帶點草青味。旁邊的牛油法包烤得金黃，外香脆內軟熟，滿有牛油蒜香，用來佐忌廉湯最適合。****************在二選一的頭盤中揀了法式蛋黃醬焗鮮蘆筍，以鑊仔盛載上枱，賣相有特色之餘，亦熱度十足。採用粗大的蘆筍，色澤翠綠，爽嫩無渣，清新的蘆筍配上稍稍鹹香

朋友約到將軍澳食晏，新都城商場新開咗間熊仔主題餐廳，用大大小小唔同嘅熊仔同擺設裝飾，打卡位又多，見到咁可愛嘅熊仔，心情都好D🥰，要等咗十分鐘先可以入座😄餐牌選擇多元化，有套餐，有下午茶，單點都可以加💰配餐湯，甜品同沙律，落單剔點餐紙就得😊歐陸濃湯濃湯係甘筍忌廉湯，忌廉湯creamy,有甘筍粒，濃稠適中，好飲😋西梅汁豬扒配薯菜豬扒有兩塊，調味適中，肉質唔鞋，西梅汁酸酸甜甜，配搭唔錯👍，薯條剛剛炸起，粗條唔乾😋芝士焗肉醬千層麵寬條千層麵似金磚，麵中間夾有肉醬同肉粒，加芝士焗到金黄色，切開一層層嚟食，麵條有咬口，夠飽肚，兩個人食都夠🤭自家制心太軟心太軟中間係流心朱古力，忌廉既可以中和心太軟嘅甜味，食落更綿滑，份量大D就更加好喇😋

今日朋友生日就帶左佢嚟呢間位於寶琳既小熊主題餐廳食dinner慶祝,我地叫左一個二人餐，二人餐分別會有餐湯、前菜、主菜同埋兩杯飲品。前菜方面我地揀左法式香草牛油焗田螺，田螺充滿好香既牛油香味而且好有咬口，田螺下面係焗薯蓉，薯蓉盡吸左香草田螺既味道入口creamy令人食指大動。主菜方面我地揀左深海帶子拼醬燒汁牛柳，牛柳我地要左5成熟所以一切開係粉紅色火候煎得岩岩好，牛柳好軟身，入口香濃既牛香味，牛柳上面既帶子亦屬於刺身級，唔會煎到過火，仍然保持到帶子既肉質鮮甜嫩滑。另一款主菜叫左芝士焗蜜桃汁去骨雞腿飯，一嚟到就見到焗飯上面放上左滿滿既芝士，拉絲芝士既效果岩曬芝士控既我呀！去骨雞腿肉好juicy完全唔會因為係焗飯而變得乾而且啖啖肉食起上嚟好方便，最特別係配菜用上左香甜既水蜜桃食落好清甜，可以一解油膩感。最後朋友生日我叫左佢最愛既心太軟請佢食比左個驚喜佢，心太軟一切開就湧出滿滿既朱古力好驚喜，外脆內軟既效果完全令人食唔停口。推薦呢間餐廳比一d想同朋友慶祝生日或者打卡既朋友，因為餐廳周圍都有好多得意可愛既小熊公仔同埋掛畫，最岩打卡！

之前係九龍灣聽過這間熊小館，好多小朋友去完都會好開心，今次開左係屋企附近，當然黎打下卡，入面好多熊公仔可以隨意拎黎打卡，我就拎左一隻坐係我對面陪我食飯黑牛童年港式飲品，有汽水有雪糕，大人細路都會鍾意，旁邊仲有超可愛的熊仔冰，而且係士多啤梨口味🤤鐵板牛柳配魚柳鍾意食多幾款野的我當然雙併，首先炸魚柳炸得幾好，皮脆唔多粉魚肉當然滑，而牛柳我叫6成，估唔到同魚柳一樣嫩滑，鍾意食牛的我，好想單叫牛食。心太軟最後當然要叫多個甜品收尾，睇到主打係心太軟當然試下，其實唔係主打甜品的店鋪，我對心太軟都會保留少少，但估唔到比想像中好，無死甜假朱古力味，甜度剛剛好，朱古力都好濃郁，完滿的收尾。

疫情終於緩和，與友人可以抽多點時間出外用餐。是日來到寶琳呢個發展成熟既地方，中西式食肆琳琅滿目，多不勝數。☺️☺️☺️在不經意之下，來到新都城廣場內的熊小館，紅色大招牌立即搶人視線，門外既熊公仔更是可愛之極。晚市餐牌選擇都多，在友人瘋狂與熊仔拍照的同時，我唯有負責點餐工作🤪🤪1. 黑松露蟹籽黃金意大利飯🍛黑松露味不會太重，部分餐廳黑松露調味重之下影響整個飯既口感，反而熊小館不會有甘既情況，味道調教得非常好。忌廉汁慢煮後混合熟米粒，口感軟腍，煙煙韌韌。帶子煎香後表面微焦，入口脆身，味道鮮香，同忌廉飯非常夾，而且份量足夠兩人分享，非常推薦👍👍👍👍2. 燒美國穀飼厚切小牛扒伴醋苛漬野菌🥩重頭戲來了，熊小館特製燒厚切牛小扒。友人偏向熟一點牛扒，故點了七成熟，牛扒肉質鮮嫩，廚師更細心幫你切成細件，配上薯條燒汁　，非常惹味🤪🤪🤪3. 黑熊（配朱古力雪糕）🍦🍦除左主食外，友人更叫了黑熊特飲，配上朱古力雪糕🍫🍫🍫。最特別一定係熊仔形狀冰粒，打卡一流。同場仲有大量熊仔玩具公仔選購，又食又玩，岩哂大人細佬。

位於寶琳嘅「熊小館」店如其名，成間餐廳周圍都係好得意嘅熊啤啤，室內環境夠曬夢幻 💝 今餐仲有巨型可愛熊熊陪我食飯，點可以唔打多d卡？😝下午茶餐好sweet，有好多甜品食 🍮 朱古力心太軟味道濃郁，甘甜可口，蛋糕中間好流心 😘 棉花糖多士外脆內軟，麵包帶淡淡牛油鹹味，同香甜嘅棉花糖、煉奶、朱古力漿好夾 🥰西多士切成一口size，炸得鬆化酥脆，入口唔太油膩 😉 西多士可以配朱古力漿、糖漿、煉奶，選擇多 😁 今次揀嘅朱古力漿口味都幾唔錯，好味 😙

熊小館 (將軍澳)酥炸魷魚圈配檸檬沙律汁$48晚市二人套餐$278歐陸式濃湯兩客加牛油法包比較上杰身嘅忌廉湯，味道幾濃郁，就咁飲有啲啲咸，自己偏向用嚟點法包食。。美國安格斯牛肩扒牛肩扒叫咗七成熟，切開帶點粉紅，油脂比例較低，肉質比較實同有咬口。配菜有蘆筍、粟米同薯條，味道正常，份量都幾多。。蕃茄奶油吞拿魚螺絲粉蕃茄奶油吞拿魚比卡邦尼冇咁容易膩，有蕃茄嘅酸味中和下，吞拿魚醬嘅份量比螺絲粉多，食到後面可能會有啲鹹。精選甜品兩客雪糕一球升級自家製心太軟+$16應該係即叫即整，所以做到心太軟嘅效果，一切朱古力醬就流晒出嚟。朱古力味幾濃，都幾好食。。飲品兩杯 ，特飲+$16。📍將軍澳貿業路8號新都城中心二期2樓2086-2087號舖

將軍澳開咗間有特色嘅親子餐廳，成間舖頭都係熊啤啤🐻，未試過有紅啤啤陪住你食晚餐，平日去夜晚都唔多人🥰少有地主題餐廳啲嘢都咁好食重點係價錢大眾化！🤓裝修用原始木凳有園林感覺，好似去咗同爸爸間屋咁！小朋友食得好開心！👨‍👩‍👧二人套餐b$278兩個人夠晒食！羅宋湯牛油法包蒜蓉包剛剛焗起，十分香口！羅宋湯夠濃味！美國安格斯牛肩扒七成熟🐄🐃牛肩扒七成熟剛剛好，好明顯食得出係安格斯牛扒！肉汁必晒出嚟！芝士焗蜜桃汁去骨雞腿🍗飯食到有拉絲嘅芝士！雞腿啖啖肉！法式香草牛油焗田螺$50🧀田螺好香口仲有薯蓉底！心太軟流心朱古力🍫#主題餐廳#熊小館#啤啤熊#小朋友至愛#將軍澳美食#性價比高#食得又睇得#新都城

呢晚來左 Cafe Med 同我至愛既啤啤熊來個約會。餐廳主要以啤啤熊裝飾為主，每張台都有隻啤啤熊陪大家共進晚餐，而且設有兒童餐，真係岩曬一家大細來打卡！呢到既野食選擇多又吾貴，重點係好食，而且份量又多。叫左個燒美國榖飼厚切小牛扒伴醋漬野菌，5成熟，入口時好香燒烤味，肉質軟中帶爽，點埋個醋一齊食酸酸甜甜都幾開胃。另一主食黑松露蟹籽帶子黃金意大利飯不過不失，但勝在足料，蟹籽和帶子的份量適中，以$9x 的價錢來講，都係水準之上。白酒忌廉煮青口呢個真係不得不讚，個汁好creamy仲好香既白酒味，青口煮得又嫩滑！👍🏻其實呢晚係友人生日，呢到既服務好全面，有生日版既心太軟提供，價錢吾貴又有熊仔樣，”Happy Birthday” d 字仲整得好立體 。最重要係個心太軟睇得又食得，真係一舉兩得！