熊小館 (Closed)

入咗黎新都城2期搵食，朋友想我陪佢去呢間充滿🐻主題既餐廳食飯，由門口開始到餐廳入面都充滿熊擺設，每枱亦會有隻小型毛公仔相伴，其他既熊公仔都可以隨便拎黎玩，夠晒童真🧸 🔸️我地揀左二人套餐 A $2981. 羅宋湯+牛油法包🥖羅宋湯都幾多料，酸酸甜甜，好開胃 2. 法式香草牛油焗田螺🧈螺肉甘香彈牙，薯蓉味道香濃，充滿牛油香味，非常滋味 3. 深海帶子拼醬燒汁牛柳🥩呢道菜得二人餐先有，2樣都係我鍾意食既😝帶子爽口，牛柳重牛味，即使叫咗7成熟都唔韌，底部墊了些薯蓉，都夠食 4. 卡邦尼煙肉扁意粉🍝意粉掛滿醬汁，配搭上煙肉，蘑菇，食到最後d 蛋汁都唔會傑咗，鹹香味濃，好滋味 5. 飲品2杯☕ 再叫2份甜品🍰玫瑰法式燉蛋白 $25，用咗玫瑰花碎做裝飾，以火槍燒製上層焦糖，內裡滑溜，甜而不膩 自家制心太軟 $42，外表鬆脆，內裡軟滑，切下去朱古力醬非常流心，又唔會太甜，正

今日同朋友去咗寶琳熊小館餐廳，入面環境超精緻而且每一個角落都佈滿大中小嘅啤啤，無論大小朋友都好鍾意。今次order咗燒美國穀飼厚切小牛扒、鐵板雜扒餐、小食叫咗酥炸魷魚圈配檸檬汁、飲品叫咗黑熊。首先先來兩碗忌廉粟米湯配上香脆蒜蓉包，令人格外開胃。酥炸魷魚圈配上清甜檸檬汁，再點埋沙律醬食絕對食到海鮮嘅味道及唔同嘅層次感覺。另外，鐵板雜扒餐就超豐富，有煎太陽蛋、煙肉、豬扒、雞扒、薯條、粟米同露筍，黑椒汁倒落去鐵板個吓咋咋聲。 美國穀飼厚切小牛扒肉質鮮嫩，而且充滿濃濃嘅牛味 絕對係上佳肉質之選，而最後杯飲品黑熊就有可樂配上朱古力雪糕，內裏旁邊有隻粉紅色士多啤梨味嘅熊仔冰做陪襯，絕對係打卡之選。

今日收得夜，係將軍澳食埋宵夜先走。之前係九龍灣試過熊小館，見到呢度又有熊小館就不假思索入去。熊小館主題當然係bear bear熊，可惜今日無帶小朋友黎，如果唔係小朋友見到熊公仔實會開心死。餐牌有沙律，頭盤，意大利麵，意大利飯，牛扒，兒童餐，甜品等等，價錢唔算貴。經理話呢個二人套餐係新出嘅，二人套餐A$298另加一，都好豐富，包歐陸式濃湯兩客+牛油法包，二選一頭盤，三選一肉類，四選一意粉或飯再加咖啡或茶兩客。另一款二人套餐平$20，不過有甜品冇頭盤。我地都費事研究其他菜式就決定試試二人套餐A。羅宋湯，牛油法包（跟餐）歐陸式濃湯係羅宋湯，有好多菜，包括梛菜，紅蘿蔔，西芹，紅辣椒。個湯都辣辣地，好開胃！塊牛油法包由頭到尾都超香脆，正！法式香草牛油焗田螺（跟餐）頭盤揀左法式香草牛油焗田螺。田螺有五隻，都唔細隻，好重香草味。下底嘅薯蓉好綿滑，牛油味濃所以有d鹹。上面放左兩條新鮮菜苗點綴。深海帶子拼醬燒汁牛柳（跟餐）肉類揀左主餐牌無既深海帶子拼醬燒汁牛柳。擺盤好靚。深海帶子兩隻用一支竹簽拮住，都唔細隻，唔係全熟，整得鮮甜唔韌，好味道。牛柳叫左四成熟，外皮香脆入面都幾稔，本身都唔乾不過可以點另上嘅醬

今日經過將軍澳，發現有間Cafe勁多熊啤啤😂😂而且裝修都好似幾靚咁，於是就去咗試吓啦！佢嘅食物中規中矩，但係價錢真係唔貴！CP值都幾高，但係餐牌同埋啲嘢食同紅蔥頭好似😂😂唔知大家知唔知佢哋係咪一樣嘅餐廳嚟🤣🔻蒜片芫荽煙肉扁意粉🍝🍝一上枱嗰時都幾香！啲蒜片芫荽同煙肉都唔算少，另外意粉嘅口感都幾好食🙆🏻‍♀️美國安格斯漢堡伴炸薯條🍔🍟漢堡扒好厚身！好多肉汁🥳🥳加埋生菜蕃茄口感好好👍🏻🔻Cafe入邊仲有好多熊啤啤嘅毛公仔同埋熊啤啤嘅畫掛喺牆度，小朋友應該幾鍾意去😗😗而且以西餐廳黎講佢哋價錢真係平民價，都幾抵食！

見到餐廳有唔同嘅意粉、意大利飯、同扒類揀而且餐廳嘅裝修幾靚，有好多唔同嘅熊仔菜式味道正常，價錢大約60至100，意粉都幾好食。店員服務態度好好，會成日睇住你有咩需要，成個用餐感受都幾開心。有機會會再食

熊小館 (將軍澳)位於新都城二期嘅一間Cafe，以熊仔做主題，店內唔同位置都有熊啤啤可以影相。餐廳有小食、扒、意粉、燴飯、甜品可以選擇。鐵板西冷牛扒 $142送餐湯、牛油法包及飲品可以選擇幾成熟，我哋揀咗七成，但鐵板仲有餘溫，所以最後會再熟啲😌牛扒算幾大塊，冇筋牛味濃，仲有薯條粟米作為配菜。呢個價錢來講都算唔錯。香草醬干蕃茄野菌闊條麵 $69闊條麵比起意粉更加有咬口，用咗香草醬調味，味道似香蒜橄欖意粉。黑松露蟹子帶子黃金意大利飯 $92飯入邊溝咗唔少嘅粟米粒，口感更加豐富。而且醬汁有好濃郁嘅忌廉同芝士味，如果平時鍾意食白汁嘅朋友應該會幾鍾意食，帶子蟹子增加左成個飯嘅鮮味升級套餐+$28餐湯、牛油法包及飲品幾鍾意個餐湯，今日係羅宋湯，酸酸地又好濃蕃茄味。套餐加配自家製心太軟 +$29呢個心太軟外面有少少脆，而裏面係好濕潤，一夾開，朱古力流晒出嚟，最啱打卡，而又唔會好甜，幾推介橙汁+$3可樂 +$3📍熊小館 (將軍澳)將軍澳貿業路8號新都城中心二期2樓2086-2087號舖

今晚同熊仔共聚晚餐，真係溫馨又浪漫，講緊既係將軍澳新都城二期呢間熊小館餐廳啊，裡面有林林種種的熊仔陪著食晚餐，而且呢度係新開的，裝潢設計靚靚，啱曬打卡啊。呢度既野食選擇多，而且唔算貴，我地點了好多野食，有蘑菇紅酒汁牛柳伴法式田螺薯蓉批，黑松露蟹籽黃金義大利飯，兩個都係餐，所以有埋是日例湯同牛油法包，再來一客酸紀廉配海鹽瘋薯條，兩杯特色飲料，凍熱情玫瑰和草子莓莓，真係看個名都知道豐富啊。食物味道都唔錯，有賣相得來，呢個價錢尚算抵食，而且樣樣都有返個份量，我就幾鍾意個義大利飯，仲有幾粒帶子同蟹籽都多，仲有個牛柳都肉質彈牙，份量夠多而且有埋餐飲，價錢公道，不錯不錯。最特別就是可以同好多熊仔作伴一齊食野，打下卡，真係好過癮，相信帶小朋友來一定好開心。

今日shopping day😬買衫👕買鞋👟買袋👝大出血🩸完醫下肚先🍴見到門口有好大隻熊仔🐻‍❄️似曾相識🤔九龍灣幫襯過👍🏻👍🏻👍🏻就入去再試下先🥴呢間價錢好經濟👏👏就嗌咗一個意粉餐老公👨🏻‍🦱梗係鋸扒啦🔪意粉嚟到😬傻佬👨🏻‍🦱試咗一啖就成碟比去食晒🥴🥴（我食咗兩啖咋😂😂）佢話個醬汁冇得頂👍🏻👍🏻牛扒醬汁好特別～酸酸微微😋連個配菜野菌味道都係，但係又好好味喎😋店長好好人👍🏻仲送在一碗仔意粉汁俾我哋，話點薯條🍟好好味😋食飽再嗌個甜品🍮～心太軟老公👨🏻‍🦱又食一啖😋差唔多成個食晒🥴🥴（我話減肥姐唔使咁呀嗎🤣🤣）

屋企附近商場新開張一排都未有時間黎今日就過黎試下午餐呢度布置左好多熊bear bear😂經理見我地得3個人仲安排左隻bear bear陪我地坐添！午餐餐牌價錢幾抵食仲可以加錢加沙律同餐湯甜品我地揀左三個餐用佢提供嘅紙畫好咁就唔怕落錯單啦～蕃茄奶油吞拿魚螺絲粉呢個都幾鮮味蕃茄醬唔會太濃份量都唔錯意大利烤雜菜沙律伴香草雞胸呢款幾特别烤雜菜其實主要係椒類同翠肉瓜所以好有口感佢嘅雜菜係涼食嘅但雞就微微烤熱過～🤤雞胸超厚但都唔會太鞋少少香草味正！芝士焗肉醬千層麵呢個芝士勁拉絲！大量嘅蕃泥同肉末夾喺千層麵之中唔會烤到乾晒硬晒唔錯！甜品係木糠布甸面層木糠細緻芝士好滑溜層次剛好呢個加錢都抵食！

《熊小館》熊小館係一間小熊為主題嘅親子餐廳，由枱面嘅擺設、掛畫同店面都搵到小熊嘅蹤影🐻佈置用心，到處都係打咭位，無論大人定小朋友一樣食得開心🥳🍛香草洋蔥汁豬扒飯賣相討好，大塊煎到金黃色嘅豬扒配上翠玉瓜、甘荀等配菜，感覺豐富👍🏼豬扒質素亦屬中上，厚薄適中，食落嫩滑有口感，整體唔錯！.🍝卡邦尼煙肉長通粉比起意粉, 原來長通粉更加發揮到卡邦尼嘅忌廉香味！香濃creamy嘅忌廉汁融入在煙韌嘅長通粉入面，有點似mac & cheese 嘅變奏版，一切配合得恰到好處，值得一試！.🥪咸酥流心芝士吐司見到下午茶餐牌有咁邪惡嘅吐司，芝士控表示一定要試🤤🤤吐司脆卜卜，有芝士做餡料，食落充滿咸香，必試！.🍮法式玫瑰燉蛋白呢度嘅法式燉蛋白性價比極高，食落滑嘟嘟嘅燉蛋白，上面有燒到焦香嘅焦糖，為呢餐飯寫上完美嘅句號🙌🏼.呢度嘅服務亦都值得一讚，店員忙碌得嚟仍然係好有禮貌同好有效率，感覺好親切，有機會會再返嚟encore探吓熊仔🐻🤣

將軍澳也開了這家熊餐廳，食物質素不俗，價錢相宜。餐廳到處都找到熊仔的蹤影 ，牆上的掛畫也是熊仔的圖畫。餐廳供應兒童餐，歡迎家長攜同子女一家來吃飯，而那天也見到特別多小朋友在場，他們也特別興奮雀躍。鐵板薄西冷拼雞扒：晚餐的餐牌有鐵板牛扒，十分吸引，當然點個扒餐吧。整體份量大，有兩大塊肉扒及焗薯菜，最適合食肉獸大吃特吃了。套餐還包蒜蓉牛油餐包、忌廉蘑菇湯及飲品、如額外加錢可添加甜品。有時不一定要到高級餐廳才享受到扒餐的，這裡價錢平民，質素也不錯。香草醬乾番茄野菌闊條麵：這種闊條麵的麵質口感佳。每條寬條意粉都沾上了青醬，並以橄欖油調味，加上乾番茄、雜菌及香草，特別惹味。飲品配一杯檸檬草氣泡茶，清爽解渴茶解解膩。心太軟：只要加$29跟餐價，就可以享用一客餐廳自家製的心太軟甜品。即席焗製，以確保朱古力流心狀溢出。

將軍澳新開左一間熊仔Cafe，一眼望入餐廳，大大隻熊仔在歡迎你，實在是可愛得太過份了，呢個下午，決定同可愛既熊仔渡過。🥰經介紹得知所有熊仔都可以拎黎影相，仲可以陪伴一齊食野，真心少女心大爆發呀！！烤美國安格斯漢堡🍔伴炸薯條🍟$78安格斯牛肉餅結實且口感軟嫩非常不錯，更重要的是加上豐富的配料，入口還帶有立體的層次感。香草洋蔥汁豬排意粉$58豬排鬆軟入味，吃起來不會硬綁綁，醬汁鮮甜入味，廣受大人和小朋友歡迎。是日餐湯：歐陸濃湯➕蒜蓉包餐湯濃郁，同蒜蓉包簡直是絕配呀！🥰黑熊跟餐➕$18呢度連飲品都有熊仔既蹤影，好可愛呀😍😍😍。總結：今天人均消費一百左右，重點係同熊仔食飯好開心🥳。

入到呢間餐廳瞬間被熊仔包圍檯面上有熊仔，旁邊嘅座位亦都有幾隻真人大小嘅熊仔，瞬間覺得少女心爆棚帶細路仔/女朋友嚟食實無死旁邊嘅壁畫上好似柏靈頓嘅熊啤啤paddington 心諗， 間餐廳的確係賣西餐，而且旁邊嘅壁畫都係行英倫風， 但係未免可愛得有點太犯規 套餐嘅包係蒜蓉法包，硬到脆嘅！包配上粟米忌廉湯，湯熱騰騰直冒煙 餐飲方面，加少少錢已經可以轉特飲，士多啤梨同橙汁嘅配搭好少見，但係飲落又幾清新 柚子蜜同埋玫瑰花茶相對上好似冇咁夾，兩隻味道撞埋有少少似咸柑桔 魷魚圈食落好似天婦羅嘅感覺，外層酥脆 香口，有檸檬沙律醬解膩不過睇落係冇翻炸，所以粉漿索曬啲油會有點油益味，少少扣分位 主菜嘅雜扒滿到成個鐵板都裝唔曬有豬扒、雞扒、煙肉、雞蛋，配菜分量都唔少，有薯條、粟米、車厘茄同露筍，當然仲未計墊底嘅洋蔥扒大大件，調味有用香草同埋胡椒，食落都中規中矩令人驚喜嘅係配菜，薯條好脆加上鐵板嘅醬汁，食落有滿足感 露筍開邊，好鮮嫩無渣，清甜嘅蔬菜同埋粟米，配搭車厘茄食完成個餐好飽但又唔會太濟 肉眼扒叫咗七成熟肉質都好夠淋相對什扒，呢一個鐵板嘅份量冇咁多但係都一分錢一分貨，肉眼扒厚切而且肉質粉嫩，咬落jui

3點3係下午茶時間😝我地去商場搵食嘅時候見到呢隻大熊仔就俾佢吸引左過黎睇下🐻見到款式又多 價錢亦都合理所以就黎食個tea~😋.🌟意大利卡邦尼煙肉扁意粉 ($56)意粉嘅軟硬度煮得啱啱好 煙煙韌韌🍝仲有好多白汁 保證條條都掛到汁雖然隻碟比較細但係估唔到分量好多 幾抵食.🌟芝士醬油魚柳鮮蛋焗飯 ($50)魚柳邊焗到脆卜卜好好味個飯亦都有好多芝士醬🧀上面仲加左紫菜飯素添! 呢個配搭夠晒新穎.下午茶就會附送飲品☕我地就點左熱奶茶+熱鴛鴦 味道都唔錯而且餐廳係以熊仔就主題🐻無論係店內嘅牆身定係裝飾都可以搵到熊仔嘅蹤影每張枱仲會放隻熊仔陪你食野添~🥰

✨中女獨食難肥日誌 ✨熊小館 中女食將軍澳一段時間沒有來新都城，有很多新開的餐廳！看見這間充滿童心的熊小館，約了女友人今天來到這裏吃晚餐！蘑菇紅酒汁牛柳伴法式田螺薯蓉批 $158牛柳要了七成熟，中間仍是粉嫩的紅色，幾有肉汁！田螺薯蓉批有驚喜，法式田螺都幾大隻！伴碟的炒雜菇好香！黑松露蟹子黃金意大利飯 $92意大利飯生熟度控制得好，帶子亦不會煮得過熟！有黑淡淡黑松露的香，好味👍🏼凍薔薇之戀 凍熱情玫瑰 價錢可配套餐有飲品，餐湯及牛油法包兩杯凍飲好似樣，一杯是柚子，另一杯是熱情果，有玫瑰的香氣，不會過甜，幾清香！心太軟 +$29這真的是一間打卡的餐廳，甜品好靚！心太軟是全晚最好吃的，略甜了一點，兩個人分着吃卻吃不停口！📮地址: 熊小館 (將軍澳)將軍澳貿業路8號新都城中心二期2樓2086-2087號舖☎電話: 29920772