熊小館 (Closed)

上星期去左熊小館自已食餐便飯。今次自己一個都叫得幾豪，叫左北海道帶子明太子燴意粉黎食。主菜加$20 可以轉餐, 有餐包同餐湯, 跟野飲~個意粉既賣相都OK, 係比想像中清左少少~~有幾片磨菇, 明太子, 大大粒帶子, 黑松露, 洋蔥。個Sauce 偏稀, 味道比想像中濃, 建議大家撈渾D 材料黎食~麵條就軟硬適中~ 無話太林~ 都OK既~~

愉景新城四圍都好多人，見到呢間有位，二話不說入黎食tea。點了茄汁芝士焗豬扒飯（白飯底）。焗得乾身，醬汁亦好吃，配上芝士是不俗的。唯可惜豬扒竟然是香茅豬扒，雖淋，但味道格格不入。48元，不包飲品

見間餐厅静静哋，又好多bear bear 熊，於是就想入去食個早餐，一入到去先發現，原来好似快餐店咁要先買飛先，選擇咗個好普通嘅牛肉米粉……双蛋，半塊多士……可能係早餐關係，様貌似餐厅，其实係快餐店模式，門口買飛點餐，等叫冧把，去攞嘢食……點知……食落去嘅早餐，的确比我想像中好味，牛肉湯底味夠，牛肉好味，尤其是杯咖啡，成份早餐，29蚊，比起其他茶餐厅或快餐店，位置舒服食物又幾好味，價錢竟然幾相宜，絶對可以為我哋打工一族一早打打氣我第一次嚟呢間餐厅食嘢，我会希望再試試佢嘅午餐或晚饭時段

收工時經開荃灣,就同朋友行入少少,去愉景新城搵野食,見到有間餐廳全部都用熊仔裝飾就忍唔住入去,好彩當晚我地早去,不用等位,過左7點半就見人龍啦門口有隻人咁高的熊仔做裝飾周圍都被熊仔包圍枱面上會有小熊陪你進餐懷舊鐵板牛柳加雞扒,大大份都係128蚊,仲包一杯野飲,牛柳可以指定幾成熟,我就愛五成熟的,雖然食落去過左五成,但味道不過不失,同埋意粉夠多,一個餐絕對足夠一個人食鐵板什扒,份量十足,裡面有豬扒,雞扒,煙肉,腸),因為牛柳配左意粉,所以什扒就轉飯,醬汁定洋蔥汁,啱哂小朋友最後忍不住再跟餐配多個薯條熱辣辣的薯條,脆口又好食鐵板餐餐飲,杯上都會有熊仔圖案,超可愛埋單都係200幾蚊,真係好抵,下次搵埋小朋友一齊黎食先得啦

Lunch嚟到愉景新城見Café MED唔駛等位就揀佢啦, 入到去先留意到呢度到處都有熊仔, 佈置充滿童真, 而將枱仲有隻熊仔陪食 🐻睇睇餐牌呢度有齊亞洲、西式風味, 包羅萬有俾你揀!!先嚟杯熱飲, 隻杯都係有個cute cute熊仔望住你!!好啦, 講返啲食物先 - 星洲地道叻沙湯米粉 ($48).  第一眼感覺呢個叻沙無論湯底同食材都只得黃色tone, 似係食緊咖喱! 我腦海裡嘅叻沙仲會有綠色同紅色呢啲元素, 所以加返少少芫茜或蔥花會即時生色不少 🌿味道方面, 湯底嘅椰味好重, 而辣就唔多覺, 唔通地道星洲叻沙嘅椰味係重啲 🤔 而配料就俾個讚啦~ 呢碗配料有魚蛋、魚片、豆卜、雞蛋, 份量都幾多, 尤其魚蛋最好食, 夠哂大粒又彈牙 👍 

今晚要在愉景新城搵食， 想找一間環境比較舒適嘅餐廳好好享受一個 週末的晚餐。 網上看見這間以熊啤啤為主題的餐廳(本身並不太熱愛主題餐廳) 格局和食物質素好像不錯， 於是決定一試。其實這個商場本身就是一個兒童嘅天地， 四周都是專為兒童而設嘅遊樂設施及空間闊落的購物熱點。 人流亦不算太多，爸爸媽媽們都逛得很舒服。進入餐廳內裏環境設計好像進入一個小熊博物館。餐廳主理人應該對小熊非常之情有獨鍾， 到處都是小熊的蹤影。場內也有很多一家大細 進餐 。近門口有個小小嘅兒童圖書角，吸引很多小朋友坐著看圖書 。 我和朋友被安排在卡位。 看看餐牌有不少選擇呢 !套餐，特餐，廚師推介樣樣有齊。 我點了"加拿大Top AAA (熟成)級穀飼牛肩扒"套餐。 先來的是餐湯和焗得很香脆的蒜蓉包 。餐湯是羅宋湯。裏面有很多材料。除了基本材料外還加入很多什菇和紅腰豆， 非常健康 。牛扒點了七成熟，上枱時剛剛好真是沒有半點過熟， 很有牛味。 配上一大份炸薯條，感覺有些熱氣其實配多一些蔬菜會比較好。 不過薯條配牛扒真是男士的最愛呀。朋友點了"半烤北大西洋扁鱈魚配卡邦尼貝殼粉 " ~~ 名字很長。 鱈魚煎得剛剛好， 外皮煎得

朋友和我慶祝生日，選擇了這間餐廳。餐廳充滿了各式各樣的熊仔感覺良好。當經理送上生日心太軟蛋糕時，他很窩心的主動領唱生日歌。亦不厭棄我們煩，樂意幫我們拍照。還送上了心意卡和熊寶貝作為禮物剛巧牆上有Happy Birthday 的汽球，很適合拍生日照。可以給我拍個夠。

愉景新城是有名的親子活動集中營，這間以小熊🐻為主題的餐廳， 門外還有嬰兒車停泊處，完全方便一家大小的食客。店裏外均有很多🐻的裝飾品、 大大小小的🐻公仔等， 簡直是🐻忠粉的天堂。大人小孩一邊大快朵頤，一邊跟🐻拍照留念，成就打咭熱點。餐牌可以選擇單點菜式或者套餐，有2人餐，還有即將推出的母親節特別推介套餐。 一般套餐價錢合理，而母親節套餐雖然價錢較高，但可選擇之菜式亦為貴價菜式，整體配合尚可。 如遇該月有人生日，更可免費upgrade甜品做心太軟，還有生日熊送，很有心思。母親節套餐內有特色餐湯，青口薯蓉湯，新鮮的配搭。有青口粒，口感不錯，但是薯蓉味不太突出，所以湯的質地不太濃稠。主菜方面我們選了bbq芝士豬仔骨，芝士味道不太突出，燒汁味道不錯，但並非好像燒叉燒般是深褐色的那種；豬仔骨的烹調雖然未能做到骨肉分離，入口即溶效果，但整體來說，還是值得一試的。我們還點了一個二人餐，有正常的沙律作前菜，芝麻醬沾满了每片菜，喜歡濃味的朋友有福了。餐湯有濃郁的忌廉粟米湯，口感香滑，主菜有黑椒鐵板雞扒和他們的特色主打醋香煙鴨胸意粉。 鐵板黑淑雞扒上菜時，由於鐵板並非太熱，所以未能做到煙霧瀰漫的效果，這裏令

早已聽講荃灣有間小熊主題餐廳，難得佢早收工，昨晚同女朋友仔一齊去試試。愉景新城 真係一個合家歡的主題商場，呢間餐廳當然亦係以精緻小熊裝橫的主題，當然係要預約啦，去到就知原來好多人。餐廳服務員好細心同你講解餐牌，而且會放多隻熊仔俾你做點綴。我地叫左二份餐，三杯餐飲，<<草子莓莓>> 同 <<清涼仲夏>> 係以橙汁底做基楚溝出來的果汁，甜甜地好開胃，好適合小朋友口味。<<莫加咖啡>> 味道有少少淡，如果朱古力味濃 D 就 Perfect la ， 我係 朱古力 的鐵粉來的!主菜係雞扒鐵板燒，鴨胸意粉，還有燒肋骨。先講雞扒鐵板燒: 識食鐵板燒的朋友就會知，薯條要是脆的，而呢間的真係俾到脆薯條我! 雞扒冇煮太久，剛剛熟，而且入味，黑椒汁份量亦好夠。鴨胸意粉看似普通野，但食落裡面係有奄好的酸洋蔥，出奇地夾，幾好味。我真係成碟食晒，連碎都食埋 ! BBQ 蜜糖芝士燒肋骨，蜜糖同芝士呢個配搭一向都好穩陣，亦係即叫即燒，上碟仲熱烘烘，賣相好精緻最後店員見我女朋友咁開心，仲 Upgrade 左甜品去朱古力心太

小朋友生日一定係大人最開心吧日子，一方面係睇住小朋友嘅長大，另一方面係自己都可以有童心了餐廳任何嘅地方角落都有好多熊仔、親子擺設，真係好溫馨。先來個頭盤，焗芝士青口。坦白說賣相不是很出色，但是就真係好大隻青口，而且芝士味非常濃！而且，呢個小食仲有薯蓉配搭，所以夾埋芝士一齊食，就真係好正啦！點了生日餐，最特別就是有一份好用心的甜品。將燭光插上心太軟，小朋友都好開心。而且心太軟細細份，每人食少少就夠了。其實都幾岩小家庭嫁！特別係小朋友唔太食得多嘛！點生日餐時，餐廳都會送一隻熊仔俾小朋友嘅。其實大仔生日，但餐廳員工見我有兩個小朋友，所以都送一隻俾細妹。熊仔仲有味道添，非常香。餐飲點了特飲，橙與芒果果汁。非常新鮮清新的味道，而且都好岩小朋友飲嘅！餐廳其實服務好好，食物質素都改善左，同埋愈嚟愈為小朋友著想了！

作為在職媽媽，只要不用上班的日子，我都與卡樂B 賴在一起。是日結束教會聚會後，到熊小館與卡樂B用餐，齊齊被熊熊包圍。熊熊純真的眼神，相當療癒 😀 穿上水手服的熊熊超可愛，好想把它帶回家。 在現場拍了很多照片，好不容易拍下一張卡樂B 沒有搶熊熊的合照。 我在研究餐牌之際，卡樂B 也很乖乖地一齊睇呢。看來卡樂B 也很想嘗試餐廳內的美食呢，可惜年紀還太少，消化系統還未ready呢。 店家很細心，一order 好食物，就為卡樂B 派發寶寶餐具。卡樂B覺得非常新奇呢，不斷咬湯匙。 我點了充滿童趣的意粉全餐，感覺上好像兒童餐，裡面全是小朋友喜歡吃的食物，一次過可以品嘗意粉、薯仔、腸仔及雞，好吸引呀！ 肉醬意粉真的不錯，熱辣辣上碟，酸甜度適中。 雞翼沒有雪藏味，皮脆肉滑，Yummy~~ 卡樂爸點了牛柳粒配紅飯伴沙律，色香味齊全，牛柳粒夠鑊氣，肉質不錯且口感厚實。 如果紅飯蒜味可能增多一點就好了。 我最最最喜歡爆醬蛋吐司，吐司塗上滿滿牛油後，經過烘焙後，變得相當酥脆，再加上蛋液爆醬而出，吐司沾滿香濃蛋液，真的很過癮。 卡樂爸最愛心太軟，外脆內軟，切開後會有熱騰騰且香濃的朱古力漿流出，品嘗

愉景新城已經發展成一個兒童王國了，裡面有的是各種適合兒童嘅設施。呢間熊仔主題餐廳真係超受歡迎。餐廳入面有小型圖書櫃，同埋有好多大大隻熊仔俾小朋友攬住影相。真係好溫馨！點了一口牛做小食，一口牛肉質鮮嫩，非常有口感。而且每一啖都好Juicy, 唔會因係鐵板而好乾。燒汁淋上面令到薯蓉都唔會太乾太淡。都真係好正！一口牛真係岩岩好一口嫁，唔會好似平時果D超級細粒點了主菜是這份芝士蜜桃醬雞件焗飯。芝士蜜桃汁非常甜，雖然係焗飯，但一點都唔乾，反而因為醬汁超多，所以每一啖飯都好入味。另外雞件係去骨的，所以啖啖肉好放心食。而且雞肉都好鮮嫩，唔會太難咬。餐廳嘅食物擺位都好貼心，每樣野都係小巧，好岩小朋友食，而且店員服務都好好。不過如果你係怕小朋友就唔好嚟，因為呢度真係充滿歡笑聲同喊聲

係荃灣唔知食係邊食生日飯好，朋友話呢間可以有生日餐食，所以就黎試下，其實地點都幾方便，係愉景新城商場裡面，行完街shopping完，可以慢慢嘆，生日餐既款式都唔錯喎，揀左個西冷牛扒配鮮磨菇，5成熟配燒汁，西冷牛扒大小剛剛好，有小小筋會有小小口感，汁不太濃，唔會蓋左件扒，令件肉冇晒鮮味，店長叫我細心品嘗個湯，係特別做，青口薯蓉湯，又真係幾特別，好棉口又有小小青甜，不同一般忌廉湯，重點係個生日甜品，要大讚好有心思，令到整餐本來係諗住平淡既生日餐會好有特色，心太軟蛋糕，個流心剛剛好，一切開就會流出黎，有濃濃既朱古力醬，好好味，好開心呀，店長仲好好人送左隻熊啤啤比我做生日禮物

諗左好耐，想來呢度，以為係西鐵附近嘅大商場，原來係近地鐵嘅，早知搭巴士第一個站就行到，比人老點搭西鐵，行去搭已經遠，落車行來更遠，不過算啦，生日嘅人大哂嘛！好多野食都好吸引，最後決定叫左沙律牛肉粒紅米飯和芝士忌廉焗菠菜朧脷柳飯。加6蚊可多個湯和蒜蓉多士，忌廉粟米湯不錯，個多士仲好脆好香，正！餐飲好快就上，我prefer食到差唔多先上嘅，但都ok，我杯好立克都好足粉個牛肉粒全熟得來唔韌，係唔夠香，都不錯，但所謂紅米就令我失望，好似用茄汁撈白飯，又撈得唔勻，我期望就算唔係用糙米定紅米，溝啲紅米或用茄汁炒下都好吖嘛個焗飯正，熱騰騰，夠creamy, 啱我芝士怪，菠菜又嫩綠，十分好環境真的好靚，好啱一家大細有小朋友或同女仔朋友來，一定會再來㗎

看到好幾篇食評對這間餐廳的服務評語都差評，但見食物環境尚可，所以就試試看，誰不知都是中伏，感覺失望及受氣，食物ok可以接受但是背脊骨落，影響用膳心情，試問一間佈置得溫馨可愛氣氛的餐廳，但服務態度是木口木面，見到倒瀉杯水令到全枱盡濕，一位身形高大的女待應急步走開，以為是找布來協助，原來是扮作視而不見不加理會，另外，高級職員的服務態度及説話更是極奇差勁、欺善怕惡不知所謂令到我想即時離開，別人的評語説希望他們會改變，相信一點也沒有呢！