熊小館 (Closed)

未來之前 睇過之前食評 評無禮貌之類 昨天經過荃灣 來這小店一試 除小熊擺設 其實係一間普通的餐廳 食物不錯 價格中等 侍應服務不算太差 雖不是尖沙咀級數 但一樣有禮 即叫即有人應 落單快 上菜都快 坐位唔算迫 四人座位可接受 今天點了意大利飯 口感不錯 食物質素可以 ！另點了蕃茄汁螺絲粉 份量不算太多 不太酸不太淡 作為午餐 這套餐份量還可以 整體上 係一間用熊公仔包裝唔茶餐室 缺點係侍應少了童真 和小店的小熊不夠配合 當日下午時間 雖然是坐滿人 但又不算太嘈 等位時間差不多15分鐘左右

下午茶時間黎到呢間叫熊小館的餐廳，英文cafe med,根本就係紅蔥頭😂😂😂只係多仔熊仔裝飾食物味道好麻麻，三文魚焗長通粉好油，而且通粉焗得好硬，食食下好濟。另外叫左個蛋多士，圖文不符，多士又膿左少少…但平日冇乜人又坐得幾舒服既…不過應該冇下次啦

到愉景新城，筆者想据扒，朋友想吃意粉，又想坐得舒服，又想特色一點，來與熊仔一起用餐吧！我們叫了兩個set，牛排雖然與一般茶餐廳樣子分別不大，但至少不會被醃製至沒有牛味，而且厚度尚可，不會太薄，味道尚可，性價比相宜。但筆者不明白為何跟配的白飯會鐵板上？黏底令食客吃得不方便，清潔也會不便吧？建議如跟配飯可向店家查詢能否另上。田螺絕對需要推薦！味道好，咬口好，薯茸索了汁亦很好味！加配這小食絕不會令人失望！享用過主菜後，輕鬆與小熊干一杯熱巧克力，為完美晚餐留下句點，與友談天說北，歡樂地賣下$300有找的晚餐，性價比相當相宜！令人滿足而愉悅！

情人節第一次嚟食，開頭見到啲熊仔好得意，跟住入到去發現啲位好逼，張張枱嘅距離完全近到人都行唔到，要每次拉開張枱先行到。訂位前佢落埋單，但我地嚟度之後無人幫我地確認多次個order,反而啱啱入嚟嘅客人就已經有人即刻幫佢跟。之後問返先幫我地跟進返，同埋連問牛扒幾多成熟都無問就直接全熟咗，薯菜食落去唔係熱而係暖，我唔知係咪唔夠人手定點啦 嘢飲都要等好耐但都未嚟，最後我地連嘢飲同甜品直接放棄走。我覺得要改善嘅地方係枱與枱之間嘅距離同埋食物有待改進。

話說想慶祝我媽生日，因有2位小朋友，所以選擇餐廳，kid-friendly絕對是priority, open rice search 了一下，決定到熊小館，因被它的外觀吸引了，而標榜自己是kid-friendly的，但原來中伏！到之前已知會收切餅費$50，覺得還可以，所以買了蛋糕。我手抱住阿仔先去攞位，有位男經理不斷指住我身旁問：「係咪你㗎？係咪你㗎？」我原全唔知做乜？往後望，原來佢見我我爸攞住蛋糕，問個蛋糕係味我，我答係，佢即刻話要收切餅費，我話ok, 佢先帶我入座。到叫野食，個waitress叫幾次先理你，到我地食完野，叫佢清左張枱，比我地食蛋糕，個waitress清左一半就算，然後同位男經理吹水，叫佢清埋其他個D，勁惡咁話：「都話等陣先咯！」乜料呀？小姐，算，我忍！到最後終於清完枱，上蛋糕，影完相，叫佢切蛋糕，個男經理走過黎話：「我地唔會幫你切蛋糕㗎，可以比D碟你自己切！」我話：「吓？你收我切餅費但又唔包切蛋糕？」佢話：「因為我地無人識得切㗎！切爛左就唔好啦！」我完全O曬咀！成間餐廳，無人識切蛋糕，搵個好D籍口啦先生！收切餅費唔包切餅！野食味道一般，但D service真係差到極

態度真係好差！！！之前lunch去食過一次 都發現有啲店員嘅態度係唔好今日去買早餐外賣 真係不得了！！！ 個店員黑口黑面咁落單 叫個外賣好似殺佢全家咁放咁多熊係鋪到都無用啦 一啲舒適嘅感覺都無

住係荃灣 愉城變化之大 由之前有個food court 到宜家主要由唔同餐廳組合 有大集團有細餐廳🏠哩間係裝修睇落唔錯 而我平日經過見到好多家長帶住小朋友黎試😚 忍唔住平安夜既晏晝帶朋友黎試👯‍♂️👯我地兩個就分別嗌咗A餐同J餐 🍅🍅🍅 兩個餐都會跟野飲 我嗌咗杯熱檸水 朋友就嗌咗杯熱好立克☕️ 上餐速度算幾快 5分鐘左右⏱A餐就係我嗌 份量比想像中大 有一大盤💕 意粉幾彈牙 肉汁肉醬夠多 基本上可以夠cover成個意粉👍🏻 唔會擔心有唔夠汁既問題🙆🏻 肉汁帶濃濃既蕃茄味 亦都有蕃茄肉🍅芝士份量都唔失禮 成咗五五既比例😂 雞肉都夠淋唔會話好嚡口 肉質都軟熟 入咗芝士味🧀飲咗杯熱檸水 檸檬唔知係唔當造 偏苦😭 唯有落多少少糖就變甜d 😂😂 不過有三片檸檬算係咁🤔 朋友話佢杯熱好立克就幾好飲 夠濃味 唔會太淡😶 所以我諗係我嗌得唔好😴整體黎講 成間餐廳質素都唔錯 裝修夠靚又幾企理 侍應人手超充足 好易有人招呼我地💁🏻 愉城哩個大商場入面 哩間都算係幾人小聚或者家庭樂既唔錯選擇❤️

愉景新城有間好得意多熊小館，佈置好可愛，周圍也是熊仔，每張枱也有一隻，午餐時間唔算多人連餐紙都係熊仔好大隻熊仔，好得意環境好靚午餐選擇都有幾款，忌廉湯都有點結身，普通，有條麵包條，ok的蒜蓉牛扒意粉，牛扒都幾大塊，有些配菜，青瓜豆角甘笋，普通，意粉都好多，不過淡左少少，牛扒幾淋身，入味，好味，好香蒜蓉味的。雞扒賣相ok的，好大件呀，雞脾來的，幾淋，飯也夠多的呀！仲有餐飲，熱奶茶唔係好夠味，有d淡。

雖然不是常常到荃灣愉景新城，但是偶爾會來閒逛一下，也會在這裡順道用餐。而在商場二樓，有一熊小館，內裡擺放了大大小小的小熊，雖然不是小熊粉絲，但看在眼裡，還是開心的。看過餐牌，原來已到下午茶時間，但是尚未吃過午餐，不如就來一個遲來午餐。原來惠顧主食，可加銀兩多配餐湯和麵包，於是加了銀兩。粟米忌廉湯和蒜茸包。忌廉湯不算太稠結，癰淡淡的粟米甜味，稠結度適中，沒有那麼的結和稀。至於蒜茸包外脆內軟，只是再熱一點就好了。板煎豬扒雞翼腸仔煎蛋飯幾似港式什扒飯，味道就似是港式味覺，沒有特別之處，豬扒軟腍，不是很鬆化，雞翼略為結實一點，有點咬口，至於腸仔，沒有煎過，不脆，煎蛋還是有蛋汁在內，是不錯吧。咖啡是今餐餐飲，味道與平常喝開的一樣，沒甚特別。有小熊陪伴用餐，是不錯的意念。

［魚與熊掌不能兼得］好吃與唔好吃不是一線之差，而是因人而異，有人鐘意食環境氣氛，有人針對服務態度，當然好多都是相對的，仲要睇埋廚師心情......今次我黎試下～～未入店，門面已經有好多熊啤啤，俾你醒一醒好colorful的門口入到去，睇左餐牌，發覺點一個set餐再散叫，會比較劃算叫左一個set Dinner~ 豬仔骨～BBQ汁，肉唔會太乾，外面烤得都岩好，整體唔錯意粉、豬扒飯、兩份薯條、雞翼、炸雞塊好多款式，而且5個女仔食，一定食得曬。雞翼唔錯店內的環境乾淨，而且有兩隻熊啤啤坐在最外面張檯，望住食都感覺特別d最後，各人都叫左杯野飲，傾計、食野，好滿足

The food is actually quite common, like 茶餐廳。food is nothing special. The decoration is lovely, with near painting and dolls. Quite a family friendly restaurants.

環境，氣氛同裝修都好，好多熊仔。大人小朋友都開心前菜叫咗青口，沙律同忌廉蕃茄湯。個湯幾好，沙律一般。個青口就味道麻麻，青口又梅。主菜有豬焗飯，羊扒，豬手同一個意粉。個飯同意粉都幾好，羊扒都合格。個豬手真係嬲，超級林同濕嘅豬皮，真係好難食。個味又喊.....豬手原來得少少肉食，個皮又咁.....唔脆都可以好食㗎！仲有個招牌心太軟，真係完全唔合格，得個甜字，無朱古力味又食到一口粉口感，個雪糕直情難食。其實服務態度好，氣氛又好。希望餐廳認真考慮食物質素！香港需要呢類型餐廳

平時好日都唔黎荃灣，今次朝早做完野就去左商場揾野食，想揾間酒樓都揾唔到做完野又攰見呢間餐廳裝修幾靚就入去算了~每張枱都有一隻cafe med熊仔陪住你食飯so cute~~~嗌左個set有餐湯同包，個湯真係超級杰，個人黎講唔太喜歡太杰既湯個包就烘得好脆都唔錯~照燒汁豬扒飯 份量都ok味道就正正常常啦蒜蓉汁牛扒配薯菜 個汁同牛扒都ok 重點是薯條是脆的最驚啲薯條係冧或者硬既套餐加16蚊可以轉特飲，呢個係橙汁加芒果汁，因為我係非常喜歡芒果既人所以就好期待，點知以為係真橙汁點知只是橙汁糖漿加芒果糖漿加水，非！常！甜！甜到要叫侍應拎水黎飲，好傷心呀除左杯野飲同個湯，其實都ok的，普通吃個午餐也是不錯的

星期六全個商場都好多人， 差唔多間間都要等位。 咁岩行過,發現唔洗排隊，就即刻入左去了。經理好有禮貌，但可能侍應太少。 舉手好耐都無人應。最後終於落到單，但食物質素卻令人失望.番茄吞拿魚螺絲粉：汁鋪喺面，但碟底有大量水，應該係烚螺絲粉既水。味道似茄汁撈罐頭吞拿魚，而賣相有點似嘔吐物。咖喱雞飯：唔似咖哩味，亦唔似葡汁。 非常特別！最後只食左兩啖。最好味係杯凍檸茶。

邊個都唔好攔住我，等我同熊仔影返張相先!年齡xx的我，從沒有變過對熊仔既從一而終既愛慕之心，所以，雖然屋企已經有一隻大熊，見到餐廳門前既依隻憨憨的棕色大熊，仍然係忍唔住衝上前同佢合照! 嗚嗚嗚，如果唔係屋企真係唔夠位，我一定將佢抱走....好啦，理想係豐滿既，現實係骨感既，所以再鍾意佢，我都只可以入黎同佢食餐飯。我叫左一客西冷牛扒，叫左五成熟。到既時候，伴碟有車厘茄等蔬果，牛扒表面微焦而富有色澤，切開時，就見到入面粉紅而嫩既牛肉。以這個價錢來說，牛肉尚嫩，多汁，味濃，算是ok一邊吃牛扒，一邊欣賞住周圍既小熊畫作，時間過得好快。最後食完最後一啖，依依不捨地同熊仔影多幾張相，先捨得走....