海景咖啡廊

Open Now

Now Closed

今日同老婆仔來食buffet,老婆仔望到甘多野食留口水啦😉依個好好食，蟹肉蒸蛋白，蒸得好滑有3種生蠔（法國，澳洲，愛爾蘭）同老婆都食左幾轉，法國蠔就好creamy,澳洲蠔呢就好重海水味，而愛爾蘭蠔係最大隻鍾意食蠔就岩啦長腳蟹好好食，好鮮甜，而麵包蟹入面好多膏，真係驚膽固醇飆升仲有個3點蟹，但無其他個2款甘好食有煎鵝肝食，叫師傅即煎，好大件，食落好脆好重鵝肝味，同老婆每人食左2件，食得多就食唔到其他野啦排隊拎燒乳豬，原來係限定供應，即燒出來都好食有燒羊架同燒豬頸肉，2樣都好好食，又juicy 有好多刺身壽司可以order,甜蝦三文魚油金魚特別好食，仲有軟殼蟹手卷添有3款意粉，可以叫師傅即煮。焗蟹蓋，好好蟹膠，食左4-5隻奄仔蟹蒸糯米飯，糯米飯吸收晒蟹嘅味道，好好食都食到好飽啦，真係有好多蟹喎，唔記得影甜品。有好多雪糕（movenpick),名牌雪糕好好食，仲有6-7款甜品，但甜品我就麻麻地，老婆仔鍾意多d服務員好細心，問我地飲唔飲野，原來果汁汽水有任飲其他大部分都ok 今餐食得好飽

我同朋友都好中意食自助餐，難得約埋幾個好朋友，係open rice 見到食評介紹唔錯，就決定食呢間，去到果時見到好大，選擇多。仲有即燒乳豬同埋好好食既泡飯，當然仲有令女士有第二個胃既甜品，亦有朱古力噴泉，好吸引。食完令我覺得好滿足，好正，下次會再去， 值得推介！！

Been visiting this restaurant for a year now and I personally love it coz of undeniably marvelous food cioices. I have tried lunch and dinner several times. I prefer going at dinner time because they have more food choices and furthermore they have good selection of seafoods. Staff are nice and the ambiance is perfect. They also offer very good discount on openrice coupon.

地方環境很好 食物質素不錯 同埋很好的顧客服務 令我有一個難忘既晚上 服務生很專業 介紹每一個buffet station既食物 同埋介紹餐廳既餐飲package 十分好。👍🏻👍🏻👍🏻👍🏻👍🏻

Lunch time 公司book左位食buffet🤗咁難得梗係唔食早餐先黎食啦😏右邊果款炸壽司幾好味又幾特別😋其他地方好似好難搵到🤔呢到仲有我至中意凍烏冬食，正🤤其他方面，由於個人對海鮮麻麻，所以冇咩點食🙈但同事都話唔錯🙈沙律方面都有唔少選擇😋熱食區都唔錯，羊架係即刻煎既😋熱辣辣食，勁juicy🤤🤤curry👳🏿👳🏿朱古力噴泉😆甜品方面都幾好，賣相可以相機先食😏😏😏俾我呃下like都好🙈😂焦糖燉蛋最好味，我食左三個🙈🙈令外仲有movenpick雪糕食食左先減，今次真係肥妹記🤦🏻‍♀️

Book左同朋友一齊去食buffet,但係我對佢地環境十分不滿，令到我成餐飯食得好唔舒服首先，我地安排去近羊架既位置，一方面油煙味太大，而重要係好似無冷氣咁，如同坐係街上面，忍受三十幾度既高溫！雖然已經有一把風扇，但溫度完全無改變過。我同朋友汗流浹背咁食海鮮，但呢個溫度完全影響我地食野既心情，隔離枱同樣苦不堪言，埋怨太熱，雖然啲侍應已經比左杯冰水我地，但依然都係解決吾到現存既問題。對於呢個問題我好失望，去過咁多間酒店食buffet都無呢個問題，比左相應價錢黎食buffet，餐廳都應該比翻一個良好環境我去buffet，以及良好食物質素，而我對後者甚感滿意。特別係長腳蟹多肉仲有多汁美味既羊架，脂肪同肉既比例岩岩好，而且無膻味，大讚，另外Movenpick雪糕 一定吾可以錯過Creme Brûlée 同blueberry cheesecake 味，好味到爆，yogurt都吾錯但偏甜。最後希望呢間餐廳可以改善冷氣既問題，如果下次再黎都係咁，我一定吾會選擇吾再黎，因為環境同室內溫度影響我對一間餐廳整個觀感既重要因素，試問連基本條件都無，我又點會去再食呢？！

I was so disappointed about the conditions of my lunch in Cafe on M. I was wondering if the air conditioners in this hotel really work or not. I was sweating when I had meals at here. That was so hot and I could not believe that I had to eat in such a terrible place. There were only fans at there. How could a hotel provide those seats for us? Not to say that there were water dropping from the top. For sustainability, I recommend that the hotel fix those hard ware immediately, for the staff their

Having learnt from my buddies that the food offered by Cafe on M of InterContinental Grand Stanford at TST are delicious, I had lunch buffet with my friends some days ago.  We were allocated a table near the lobby.  It's real that the food are of good taste and great varieties.  The environmental setting is good too.  However, it indeed disappointed me that in such a very hot weather, we had to take our lunch at an hot atmosphere.  The area seems having no air-conditioning at all that I and my f

第一次去食自助餐，因為鍾意食蟹既我覺得泥到好好，而且食物多選擇，日式中式甚至西班牙既薄餅都有，好好味，而且收碟速度唔錯，服務都好好。但唯一既問題就係，因為我地係一大班人去，餐廳安排咗比較近大堂既位比我地，結果我地一邊食一邊出汗，冷氣係十分之唔滿意，餐廳見到我地咁樣都有補番果汁比我地當賠償，好細心。希望下次去果陣冷氣會好啲。總括黎講唔錯，推介去！

以前同朋友久唔久黎食自助餐，以前$500內。今次又book左位黎食，九個大人兩個四歲以下小朋友唔洗錢。我地八個請一個，每人$630，貴過去飲舊公價。食完打俾慳家既男友，佢一聽到個價錢好嬲，話唔應該咁食法。我都覺得個價食呢啲野唔太好，因為每樣野分開計都好普通。海鮮無咩鮮味，蠔好普通又細粒無味。甜品都好普通，除左個紅莓撻，但值得一讚係個甜品姐姐態度真誠好有善，好敬業。我地講小朋友生日佢仲好有心咁設計到碟雪榚好靚。

第一次寫食評，因為真係令我好難忘⋯⋯每次長徦期都會同家人一齊去食吓自助餐，尖沙咀好多都食過又食過，最後試新野就㨂咗呢間食午餐，一行九人去到好快安排我地坐燒味檔對面沙發位，跟住就出去睇下有咩食影下相咁😬行咗一圈差d滑倒兩次，聽到好多人投訴地下油吱吱好危險，職員用布喺度抺都吾得，最後見佢地搬咗啲地氈鋪地下。食咗半小時我地先發覺沒冷氣叫職員開大d啦⋯⋯佢話呢個位冷氣剛剛壞咗🙄，吾係麻，30幾度冇冷氣😓講下佢地d熱葷，真係好吾掂，白菜炒罐頭蘑菇，炸豆腐乜乜，睇到好似隔夜餸已經沒胃口，仲有個黑椒雞亦煮到杰撻撻，加多個炒飯，沒啦⋯⋯生蠔沒食，見佢好薄吾係好新鮮唔敢食，甜品得幾款。可能熱到有d暈暈地，所以沒咩胃口😰😰我同家人都話呢間咁既價錢同環境，以後都吾會再來。😡😡😡

上星期黎左呢間酒店食dinner buffet慶祝另一半生日, book之前都有睇過食評, 見到好似都幾多選擇, 點知去到超失望！真心覺得呢個價錢唔值, 覺我食過其他價錢差不多的酒店buffet都比呢間好好多！首先服務方面, 除左打電話confirm座位果位小姐之外, 我覺得係唔錯的, 收碟速度都算快, 唯獨是打電話confirm檯果位小姐態度有點惡, 短短幾十秒對話 , 講野超急促, 好似有佢講無你講, 一輪咀講曬d野就收線, 令人覺得唔係好舒服。其次係食飯方面, 生蠔好差, 完全唔新鮮, 冷盤的蝦有怪味, 食左兩隻都係錦, d刺身好似雪左好耐, 但味道尚可, 款式方面尚算多, 唯獨覺得唔開心係無鵝肝, 刺身無帆立貝😞, 好多野食都唔太好味。成晚唯一覺得好食既係雪糕同朱古力噴泉同好甜的水果, 特濃咖啡味雪糕好好食, 可惜食左一球想再拎都已經無曬, 又再一次失望☹️成餐飯岩食既野真係唔多。真心唔建議大家去！因為價錢同食物質量唔成正品, 令我平時係CD rom都忍唔住開Po唔想其他人中伏💔

其實平時好少食自助餐， 一來價錢唔係平 二來自己唔係好食得多嘢 ，但今次有親戚遠道而來 。 見這家酒店 午餐自助餐 有特價之餘又有蠔食，就陪佢地去試一試。 店內環境寬闊開揚 ，可能因為今天是閒日人吾多。 我一開始 就梗係食冷盤 蟹腳和大蝦都唔錯 翡翠螺就... 最緊要梗係食我至愛嘅生蠔 ，但偏瘦和細隻， 蠔味還可以。 刺身亦算新鮮 整體而言款式唔算太多 熱盤唔多講都係啲正常嘢 反而羊架幾好， 味道幾香嫩滑。 甜品方面亦算多 ，味道和款式都很特別， 雪糕方面亦出色 ，用了m字牌名廠雪糕 味道多配料齊。 整體上我和親戚都食得很開心。

今次黎試個tea set for 2. $398 per set 連飲品 飲品可選cappacino or latte 咸點同甜點都ok. 講真黎食環境同知心好友傾下計咁 有現場鋼琴師彈琴令環境加分 坐得舒服又有優雅音樂聽都值返了 另外叫了一個fish and chips 亦都係ok

每年既週年紀念都會搵啲既自助餐去慶祝一下！今年因為同事話呢間既生蠔價錢又抵<openrice仲有coupon添>！所以決定黎一試真偽，睇下係咪真係平靚先得！我地book左六點半，準時到達，所以只需五分鐘已經入到座成晚最美中不足就係被安排左去一張好熱既檯，一路食一路流汗安排好座位就梗係第一時間去拎野食啦！睇下有咩野食先沙律選擇多，蔬菜亦十分鮮嫩爽脆，無啲霉dum dum既菜葉！Sauce既選擇都有成6，7款可以揀！芝士唔記得影添，都有4，5款唔同口感架，有兩款好岩我口味，軟硬適中，奶奶味重！Hams 同莎樂美腸都好味，唔會太咸！跟住到我最最最愛既海鮮啦！生蠔係法國蠔，雖然細細隻，而肉質爽口，海水味重！最重要係after taste既鮮味唔會食完就無左，配番啖白酒。。。真係無得頂！題外話，紅白酒係可以加$98一個人任飲架，果晚我淨係飲左白酒，果味濃，唔太酸帶點甜，易入口！配生蠔真係好！其他冷盤海鮮都唔錯架！長腳蟹係成梳架！唔係好似出面咁得一隻隻腳仔！咁就唔怕被人拎晒啲肥美既淨番晒啲瘦小既係度啦！蟹肉鮮甜，無雪味！螺都唔錯！爽脆無沙！其他既海鮮就無試到，因為留肚食生蠔！哈哈😂