波濤餐廳 (Closed)

第一次入呢間餐廳,感覺唔錯裝修幾好!!!我地三個大人一小孩,叫左一個二人餐和兒童餐,小食一客,先來兩個餐湯,係白湯味道唔錯有水準,再黎個小食我地叫左田螺焗薯蓉味道ok,之後黎左個有煙鴨胸寬條麵(麵有d硬)再來主菜係豬牛雞加什菜(牛排比較硬)飲品叫左凍啡同熱檸茶,檸茶ok但咖啡就少左d奶,跟住叫水吧加番多d奶就變得好好飲喇^^啡味同奶味都夠唔會焗過火有孫苦味唔錯唔錯!!!!!兒童餐食完仲有禮物送小朋友好開心^^服務ok幾有禮貌埋單200蚊都幾低下,值得一去!!!

今日去食下午茶, 坐下不久冷氣突然好大風又好凍, 因為我家有位小朋友, 便問個伙計可否將冷氣較細一些, 但她完全不秋不睬. 問第二個伙計後, 只回答我一句"好" 便算, 跟住當冇事. 卒之要同經理講, 經理解釋冷氣只得On / off,一係開一係關, 但他亦主動關了約15分鐘才再開, 都ok 啦.點知當我地飲緊杯餐飲時果個伙計突然比張單我叫我埋單(我們沒有叫埋單的), 都算喇, 埋就埋啦, 找錢時我緊係唔比貼士啦, D services o甘差, 點知果個伙計(叫Wa Wa 果個)係我面前一手就埋張單一舊就掉o左佢, 佢個樣仲好串添.真係不知所謂!!!我唔係針對呢個伙計, 而係呢間餐廳的services一向都好差, 希望會有改善啦.

其實我去o個間係o係灣仔o個間, 已經closed左...不過我都幾鍾意呢間餐廳.佢地d龍蝦同薯蓉都幾好食, 份量可以接受la, 環境都好ok(呢間唔知係咪呢), 好靜, 都幾浪漫~但係d waiter唔係好理人, 特別係當你叫佢同你影相時, 更加覺得你係大鄉理咁...有d歧視你...

咁我地叫個下午茶套餐~~有杯餐飲~~叫個杯蜜桃綠茶咁我估佢地如果要加$既話~就會同我地講架啦~佢冇講~埋單~~$56咁一問之下~佢就話杯野飲$26~我地咪問唔係跟餐既咩!佢話唔係~~~我地愕然囉果時~ 佢先問返我要唔要返杯餐飲~~~頂~~都埋左單啦~而家先問~之後我地就覺得好似比人搵笨咁~!!

之前同屋企人0係度食過午餐,7個人,各叫0左一份lunch set,有海鮮天使麵伴忌廉汁,煙鴨胸肉意粉,炆牛尾煲跟飯,青咖哩雞扒跟飯,香蒜雞柳意粉,吞拿魚華多夫沙律,仲有一款唔記得係咩.餐湯我要雜菜湯,都几好湯,佢落0左三文魚,味道几特別,蒜溶包夠香口,都唔錯.主菜我地係一齊食的,個天使麵好食,青口新鮮,汁都夠濃,麵腍0左少少.煙鴨胸意粉0既鴨胸肉好多,意粉用茄汁煮,酸酸地几開胃.炆牛尾好食,炆得好腍,汁都煮得濃,送飯一流.青咖哩雞扒係將青咖哩汁淋上雞扒,所以雞扒一d都唔入味,但青咖哩汁几好食,雞扒肥肉多0左dd.香蒜雞柳簡簡單單,但都几好食,好香口.吞拿魚沙律好多薯仔沙律做底,吞拿魚只係罐頭貨再加在上面,份量少,底0既生菜就几多,呢款餐最平,38蚊,但麻麻地...吞拿魚寊在太少...呢個餐仲跟餐飲一杯,我要咖啡,佢地0既咖啡0既濃几香,唔錯呢,可以一試.最後每人都加15蚊要件cheesecake,食落口原來係lemon cheesecake,芝士味夠濃,lemon味令件蛋糕冇咁滯,都唔錯,份量都唔細,但又唔算好大,食飽食就差不夕呢~最係食0左460 蚊,7個人都唔算貴.環境唔錯,服務

24/12返完日收8點,拿拿聲搭車去青衣搵埋honey去食聖誕餐.我地叫左個二人餐, 有餐湯虾沙律大虾海鮮咖哩香飯炭燒牛柳餐飲呢度平時唔使等位,平安夜就要等左半個鐘啦,幾旺場,又有天使小姐招呼客人.

The quality of set dinner is not bad. Service is good. The price is a bit high, however.

我試過呢度既士多啤梨拿破崙餅,個人覺得好好食,酥皮唔太厚,亦唔油膩,忌廉份量恰到好處,外型都幾靚。其他食物就一般,意粉同飯都同一般caf曀L 異。

最近同朋友黎開青衣城, 一出MTR行無耐就見到呢間西餐廳, 於是走入去試裝修有d地中海feel, 應該係食地中海菜. Dinner Set都有d選擇, 不過就無頭盤跟, 要另外叫, 心諗實唔抵食. 點知見到佢d頭盤幾廿蚊, 有d仲十幾蚊tim!! 同個friend 都想試, 諗住唔好食都無所謂啦. 叫個煎鵝肝同青口, 味道唔錯, 唔係因為平就唔好食, 鍾意個煎鵝肝有d車厘子汁淋面, 甜甜地, 幾夏天食. 不過d頭盤只係跟set叫先至平. 另外, 朋友叫個燒豬仔肋骨, 一大排都幾正. 至於我個爐魚同蝦就一般般啦....其實間餐廳都有d Feel, 有點Candle, 但個商場入面搞d咁gei地中海風情就怪怪雞咁.Service就無suprise，　不過不失啦.

cafe Porto不算大，但是環境和氣氛卻很好。裹面的裝潢很有地中海的感覺，讓人有置身於大自然之中的感覺，煞是舒服。

氣氛ok，陰陰暗暗仲有個小燭台，都適合情侶去0既。食物唔算平，味道就一般，不過服務都幾好，有禮貌。

和朋友睇戲前來開餐, 套戲2:40開場, 我地1:35入餐廳, 一入去立即落order, 我地兩人同食一款set lunch, main dish係煎青衣柳配唔記得咩汁, 食物質素暫且不提, 首先個餐湯都要係落order後五至七分鐘後才到, 然後經過我和朋友的再三催促, 在2:10第一個餐的main dish終於上"木台", 但小妹心裡卻有一個疑問, 點解小妹同朋友食同一款餐, 要在小妹食了差不多三分之二後, 即大約2:25小妹的set終於到了, 唔同咁大個廚房只有一個廚師一個煮食爐同一個煎pan?? 唔可以在煮小妹朋友的dish時同一時間煮埋小妹個dish?? 上菜實在太太慢啦!! (當時餐廳只有小妹和另一張"木台"係有人坐, 而那張"木台"的人已落了單)再講食物, 青衣柳經過廚師長時間的煮理, 竟然係一d都唔熱, 味道係可以話用無味o黎形容, 服務方面都係可以用差來形容, 因為當小妹和朋友再三催促時, 一個應是部長及另一個侍應明顯顯得很不耐煩, 樣樣無一可取, 小妹以後都不會再來了!!

首先update番D資料先；呢度個店名應該係：Cafe Porto，電話係：2449-9979；唔該Openrice改番佢o丫！呢度話就話係食地中海菜，但其實都只不過係一間有candle light，裝修得好少少o既港式餐廳而已。兩口子尋晚去到，冇叫到set dinner；只係散叫o左個$20 minestrone，$30炒雜菌，同埋一客$78地中海式grill rib eye steak。個minestrone都好大兜，兩個人其實都夠分，不過湯太稀，同正宗minestrone仲有一段距離。炒雜菌上檯果陣已經唔係好熱；但菇菌種類唔少，炒得都幾香，還可以啦。最失望都係個rib eye，滿以為會grill得幾香；點知，牛扒上面原來加o左肉汁，賣相好似花園餐廳果D咁；雖然食唔到梳打粉味，但牛扒本身唔靚，麻麻~~尋晚係星期日，全場爆滿，仲有D小朋友嚮度叫喊，都幾嘈，平日o黎相信會好D。不過呢度D侍應做o野都幾快手，而且忙得o黎都總算有求必應，唔錯啦。相中就係炒雜菌同rib eye steak。

上星期日約左男朋友0係青衣城食飯, 一心諗住排下隊食亞拉kitchen. 嘩~~多人都丫, 要等60張檯. 結果行前左幾步, 去左呢樹食飯. 呢間餐廳標榜食地中海燒烤, 都幾得意咁, 而且都唔係好貴. set dinner for 2平均$180, 加埋一都係二百蚊多d. 而且加多$10可以有一個appetizer, 再加多$15就有甜品添.我地就2樣都加左. appetizer要左白酒汁煮青口, 一客有8粒, 細細粒. 都幾鮮味. 但係個汁就冇乜酒味. 餐湯分別要左菜湯, 幾好味, 好多料, 仲有幾粒通心粉送. 露荀忌廉湯, 好稀, 都冇乜露荀0既蹤影添. 主菜係燒什錦拼盆. 有半條ribs, 好入味, 都有唔少肉食. 個sauce好好味, 好甜. 牛扒好腍, 都ok. 珍寶腸冇乜特別. 雞翼個汁好似又係ribs0個隻, 甜甜地, 但係燒'火農'左dd. 粟米一大條, 好甜. 另一個主菜係西班牙海鮮炒飯, 唔得. 都唔係食開0個d, 呢個係一個騎呢版. 加左秀珍菇架??? 超攪鬼. 而且d海鮮唔得, 好腥. 呢個飯唔食都冇乜損失. 甜品要左一個蘋果酥餅配雪糕球. 好好味呀. 一塊酥皮