Video
Exit A5, Wan Chai MTR Station
continue reading
Telephone
28028888
Introduction
位於閣樓的萬麗咖啡室備有二百二十個座位，供應環球美饌及具本地特性的美食，包括中、西、日及東南亞風味的佳餚，盡顯各地風味。萬麗咖啡室精心為客人重新設計飲食概念，豐盛的早、午、晚自助餐，並設有自選菜譜，滿足賓客的不同需要。
continue reading
Good For
Group Dining
Special Occasion Dining
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
About Reward Scheme
RELATED ARTICLES
最近都是食蟹的時候，約埋喜歡吃蟹的朋友去食蟹逅深海秘境自助晚餐，可以享用多達 10 款鮮香滿溢的蟹饌，包括雪蟹腳、珍寶蟹、梭子蟹及麵包蟹等，還有新鮮蒸焗龍蝦及環球佳餚等，大快朵頤。冰鎮海鮮有雪蟹腳、珍寶蟹、梭子蟹、青口及凍蝦，鮮甜美味；另有新鮮蒸焗龍蝦，肉質鮮甜幼嫩又多膏，必食！多款蟹肉前菜，色彩艷麗，蟹肉之多，毫不吝嗇，清新的青木瓜蟹肉蟹籽沙律、蟹味出眾的牛油果蟹肉塔、酸甜的蟹肉凍湯，好開胃。刺身有魚生、八爪魚、帆立貝，肥美油潤。壽司也相當吸眼球，炙燒三文魚壽司魚油充足，有入口即化的滑溜感；和牛壽司更不在話下，而兩款卷物都加入了蟹肉，滋味升級；另有雜錦魚生丼。麵食類有越南蟹肉蕃茄湯檬，好足料呢﹗ 旁邊則有提供中西湯及燉湯，這晚燉湯是蟲草花螺頭燉唐排，滋陰潤肺，清甜美味；而西湯是蟹肉海鮮濃湯，超足料又香濃，也推介；中湯則是消暑的冬瓜排骨湯。熱食方面，有蟹肉蒸蛋、籠仔蟹蒸飯、籠仔蒸鱔、蟹肉西蘭花、泰式魚及辣煮螺。即製的新加坡辣椒炒蟹，非常惹味，還可配印度煎餅及炸饅頭，索汁一流﹗ 烤肉區除了有牛肋骨，竟然還有原隻乳豬仔，好搶手﹗自助沙律區及凍肉區擺盤齊整有序，沙律菜尤其新鮮爽脆，風乾牛肉、巴馬火腿、芝士拼盤、日式小吃等，款式選擇多。來到甜品區，就是放縱時間，Tiramisu、木糠布甸、basque藍莓芝士蛋糕、芒果椰子蛋糕、朱古力慕絲蛋糕、雜莓撻、杏甫撻等，全都甜度適中，海棉蛋糕鬆軟美味，吃了沒有罪惡感。另有朱古力噴泉，大小朋友都愛。 7款口味XTC Gelato雪糕 (抹茶、開心果、桑莓、草莓、芒果、朱古力、雲呢拿) 全都要，配上即製窩夫伴吃，太滿足啦﹗另有糖果吧，給你生活中一點甜。自助餐本來已包一杯果汁或汽水，這裡也有自助咖啡機，任飲多款咖啡。
continue reading
[ 萬麗咖啡室 ]灣仔會展5星級酒店 香港萬麗海景酒店 由即日起至2024年8月31日推出「南洋小島自助餐」主題自助餐，食盡泰國🇹🇭、越南🇻🇳、馬來西亞🇲🇾、新加坡🇸🇬等東南亞菜式及甜品！晚餐時段任飲任食3小時，於官網預訂更有75折優惠😍！✿ 南洋小島自助晚餐 用餐時間：6:30pm-9:30pm星期一至四 (75折後連加一)成人 $686.8/位、小童 $414.8/位 星期五至日及公眾假期 (75折後連加一)成人 $720.8/位、小童 $423.3/位前菜、沙律🥗有幾款東南亞風味沙律，例如印尼傳統加多加多沙津 、馬來西亞蔬果沙律、青芒果沙律、星洲粉絲沙律等。另外有西式沙律、風乾火腿等冷盤。時令冰鎮海鮮🦀🐚🦐食自助餐緊係唔少得冰鎮海鮮。款式有鱈蟹腳、麵包蟹、翡翠螺、海蝦等。鱈蟹腳夠鮮味唔會太鹹，海蝦肉質爽彈鮮甜😋。刺身、壽司🍣刺身有三文魚、吞拿魚、油甘魚、帶子等，全部即點即切🔪，厚身鮮甜👍。壽司款式都幾多選擇，有火炙和牛壽司、火炙三文魚壽司、卷物等。而且有雜錦魚生丼，刺身表面更有三文魚籽，非常足料。熟食必食「新鮮蒸加拿大龍蝦🇨🇦🦞」！龍蝦新鮮蒸製，每隻都超大隻超厚肉，肉質彈牙鮮甜仲好多肉汁，仲要係無限量供應🤤！東南亞菜式豐富超有風味！首先有香港罕見嘅「蕉葉參巴燒魔鬼魚👻」，魔鬼魚以辣椒、蝦醬等混合醬汁調味再用蕉葉包住慢烤，魚肉外焦內嫩，味道帶微辣酸香。此外有「胡椒蝦🦐」，每隻大蝦沾滿黑胡椒粒，胡椒香氣滲進蝦肉，蝦肉結實彈牙，香辣惹味😍。另外有即點即煮嘅「新加坡辣椒蟹🦀」以及「龍蝦喇沙🦞🍜」，後者喇沙湯底有濃郁椰香辣味，開邊龍蝦及麵條非常掛汁，誠意之作！其他東南亞熟食有「香茅脆皮乳豬🐷」、「咖喱牛肋條🥘」、「烤豬頸肉」、「肉骨茶」、「泰式菠蘿炒飯🍍」等。更有即點即切「烤牛肋骨🔪🥩」、燒味等熟食。飲品🍹有果汁、凍檸茶、汽水、熱茶或咖啡等。甜品甜品都充滿東南亞特色，例如有泰式奶茶奶凍🍮、菲律賓腰果蛋糕🍰、馬來西亞西米布甸、斑斕椰糖蛋糕、彩虹千層糕等。此外有提拉米蘇、即場製作窩夫等。最後更有香港第一家意式雪糕品牌XTC嘅意式雪糕🍨！Gelato用全天然材料製作，而且密度高、味道濃郁。有泰式奶茶、榴連、芒果椰子等東南亞特色口味，仲有雲尼拿、朱古力、士多啤梨口味。總結🫦 南洋主題自助餐由前菜、熟食到甜品都充滿東南亞元素，食物選擇多元化。記得提早係 香港萬麗海景酒店 網上商店預訂，有75折優惠㗎😍！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿萬麗咖啡室地址：灣仔港灣道1號香港萬麗海景酒店M樓電話：2802 8888✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
continue reading
踏入暑假，酒店buffet優惠一浪接一浪，最近就發掘到香港萬麗海景酒店萬麗咖啡室Cafe Renaissance，由即日起至8月31 日推出最新主題「南洋小島自助餐」，於官網預訂有75折優惠價。餐廳環境寬敞，自助晚餐成人75折後連加一每位$686.8，晚上6:30pm – 9:30pm供應，可以不追不趕地食足3小時。香港人吃buffet 最在意就是要吃到回本，全晚冰鎮海鮮源源不絕地供應，refill 速度亦夠快。海鮮款式包括麵包蟹、龍蝦鉗、蟹腳、凍蝦和翡翠螺。熱辣辣的新鮮蒸加拿大龍蝦亦是酒店buffet少見，同樣可以無限量任吃，最原始簡單的做法原汁原味，反而更能突顯出食材本身的鮮味，不會蒸得過了火候。新主題buffet擷取南洋香料馥郁香濃的色彩元素，以東南亞地道特色佳餚迎接盛夏的熱浪。龍蝦喇沙即叫即煮，搭配豆卜、芽菜、雞蛋等配料，濃稠湯底滲出陣陣椰香和微微辣勁，黃麵質地爽彈帶咬口，掛湯力更強。蕉葉參巴燒魔鬼魚亦是坊間罕有的菜式，將塗滿香料的原條魔鬼魚鰭以蕉葉包裹，並慢烤至金黃入味，魚肉嫩滑帶嚼勁。胡椒蝦將辛香氣息逼入蝦肉中，肉質保持鮮嫩爽彈。新加坡辣椒蟹混合參巴醬及番茄汁，快炒至入味，辣度恰到好處。還有炸饅頭和Roti烤餅沾醬佐吃，完美吸附甜辣鮮香的醬汁精華。肉骨茶雖名為「茶」，卻並沒有茶葉或茶的成分，是一道用豬骨配合不同藥材及香料熬成的骨湯，蒸氣騰騰，芳香濃郁，猶如喝下一碗補身湯品，祛濕補氣。燒牛肋骨大約為七成熟，表面帶炭火焦香，中心仍保持嫩紅色，保留豐滿肉汁。香茅脆皮乳豬外皮泛著光澤，燒得脆卜卜，肥瘦勻稱，肉質幼嫩。龍蝦茶碗蒸蛋猶如豆腐花般彷彿吹彈而破，加入龍蝦肉使鮮味再度昇華。其他熱盤包括瑪莎曼牛肉咖哩、泰式香料烤豬頰配辣椒醬，越南風味檸檬辣椒牛肋排、蝦醬魷魚炒通菜、烤鴨胸、蒸比目魚、燒鴨、炸蝦球、魚頭咖喱、馬來蔬菜咖喱、班蘭飯、蝦片、炒粿條、烤蘆筍、焗薯、蘑菇忌廉湯、粟米龍蝦湯羹等等。魚生刺身即叫即切，款式包括帶子、三文魚、吞拿魚、油甘魚及八爪魚等。壽司亦有七款。冷盤同樣貫徹其東南亞主題，包括辣青瓜蟹肉沙律、新加坡風味綠豆粉皮沙律、青芒果魷魚沙律泰式酸辣鳳爪、免治肉碎粉絲、時令水果豬肉沙律等等，別有一番異國風味。煙三文魚脂肪條紋清楚利落，魚肉鮮嫩而有彈性。芝士拼盤有三款：古岡左拉藍芝士、愛蒙塔爾硬芝士和布里芝士，凍肉亦有西班牙風乾香腸、莎樂美腸和巴馬火腿，加上海量沙律款式，可隨個人喜好自行混搭。另有五款馬來西亞辣椒醬，大大刺激夏季不振的食慾。甜品區一大特色可算是賣相精緻的原個蛋糕，這晚就有菲律賓腰果蛋糕、斑蘭椰糖蛋糕、巴斯克芝士蛋糕、芒果蛋糕、馬來西亞布丁、杏桃撻、熱情果蛋糕、提拉米蘇、椰子果凍、泰式奶茶奶凍、紅豆布丁、果汁啫喱、曲奇餅、朱古力噴泉、即製窩夫、生果等等...海量款式同時滿足視覺、味覺享受。彩虹千層糕色彩繽紛悅目，口感軟糯煙韌。菲律賓腰果蛋糕以牛油忌廉與腰果碎層層相間，呈現出堅果原香。泰式奶茶奶凍入口軟滑水嫩，具有茶葉香及煉乳的甜。提拉米蘇做法正宗，咖啡香氣濃烈，質感細緻濕潤，入口即化。任食XTC Gelato亦是一大賣點，總共有七款雪糕口味：榴槤、芒果椰子、泰式奶茶、清薑、雲尼拿、朱古力和士多啤梨。還有小朋友最喜歡的Candy Corner，可愛夢幻的佈置喚發童心。每位包括一杯果汁或汽水，另有自助咖啡機、檸檬、茶包無限量供應，可以隨時自斟自飲。
continue reading
4 views
一年一度的聖誕節又來臨了，今年「萬麗海景酒店 Cafe Renaissance」的主題為《炫彩北歐佳節盛境》 — 更配合聖誕氣氛！原因？最具人氣、最多遊客朝聖的聖誕老人官方住址「聖誕老人村」正位於北歐芬蘭境內。酒店大堂佈置了不少充滿節日氣氛的聖誕裝飾，其中以這間北歐小木屋最吸睛⋯⋯ 壁爐及爐火雖然是假的，仍然洋溢絲絲暖意。自助餐美食區的佈局同往年差不多，最近門口是凍海鮮冷盤區。品種琳瑯滿目，有麵包蟹、凍龍蝦鉗、雪蟹腳、青口及海蝦，並且有多款 dressing sauce 添加味道。但點解缺少了開邊凍龍蝦？下文自有分曉。凍海鮮區旁邊是各式壽司及日式刺身，今年多了雜錦魚生丼。勝在細細杯、但又有齊刺身區的各款魚生，一次過滿足了胃納細，但又貪心的客人食慾！再往前走就係即煮即淥麵檔。每次來都有新花款，今年聖誕節就送上星馬風味喇沙。配料除了一般的豆芽、豆腐卜、炸魚片、溏心雞蛋之外，加入開邊龍蝦 ⋯⋯ 變成升級版喇沙！湯底微微香辣、但又滲出海蝦鮮甜，做到了喇沙湯底的特色風味。最愛中式原盅燉湯，今期係排骨圓肉燉螺頭，味道清甜唔肥膩；加上天氣已經轉涼，啖啖燉湯最滋補。餐廳的正中央自助區擺放了各款沙律、凍肉及芝士，同一個食物區的另一邊就是各款甜品。今年的凍肉款式較去年失色，缺少了巴馬火腿(parma ham) 及煙三文魚(smoked salmon)。以為節省成本？原來有驚喜！配合今年的北歐主題，特別炮製了醃三文魚配圓鰭魚子醬；厚切三文魚配鹹香味濃的魚子，味道超級濃郁。預制沙律同樣配合北歐主題，採用了多款北歐食材，其中以挪威龍蝦沙律最吸引。去年的聖誕自助晚餐，每位客人有一份主菜香烤和牛牛肩排、烤虎蝦及半隻蒸焗活龍蝦。今年落重本，共有三大重點項目，肯定係回本首選，不容錯過！第一款係任點任食蒸活龍蝦，每隻約350g，隻隻蝦膏滿瀉。新鮮龍蝦味道零舍不同，肉質鮮甜多汁、爽口彈牙；蝦鉗更加預先敲裂，唔需要用工具輔助，徒手已經很容易剝殼，廚師心思細密，抵讚！和牛腹橫肌牛扒（Roast Wagyu Flap Steak） 未必適合所有人的口味，不過，肉味的確香濃鬆軟，較一般自助餐的燒牛肉好吃很多；牛魔王一族一定要留肚一試。不能不提由開場到散場都有排隊人龍的越橘醬鴨肝配牛肝菌清湯。鴨肝即場炮製，表面煎得香脆，咬落內裏嫩滑；啖啖鴨油香味濃郁、又冇筋膜，接近入口即溶。鴨肝上面的一小撮越橘醬的微微酸甜固然中和了鴨肝的油膩，墊底的滑豆腐及清甜的牛肝菌清湯更加係畫龍點睛。實在太好味，最少食了四轉！其他西式燒烤美食有烤原條挪威三文魚及烤帶骨牛肋排。聖誕節自助晚餐當然不能缺少烤火雞及火雞餡餅。燒豬都有兩款口味：丹麥脆皮烤豬卷及原隻烤乳豬。前者有點似廣東烤燒腩仔；後者則有點似西班牙式烤乳豬，雖然沒有廣東沙皮燒乳豬的鬆化，但光皮燒乳豬的脆卜卜口感同樣好味。其他中西熱盤也不遑多讓，款式繁多：挪威羊肉燉椰菜、丹麥烤鴨、燴小椰菜；炒蟹、廣東燒味、小棠菜燴雙菇。除了必吃的「萬麗咖啡室」王牌蒜子豉汁蒸大鱔，今期多了荷葉奄仔蟹蒸飯。飯粒用雞蛋炒過，又有蟹汁滲入飯粒，好吃！有機會成為「萬麗咖啡室」的另一張王牌！最後輪到甜品及水果。雪糕選用本地知名品牌「xtc」，還有小朋友至愛的糖果及朱古力噴泉。完個切餅的造型及設計較去年更加吸引，全部顏色鮮艷兼且充滿聖誕特色！綠茶Tiramisu、蘋果焦糖脆面蛋糕、紅莓朱古力松露蛋糕、雜莓巴斯克芝士蛋糕 ⋯⋯ 全部不單賣相漂亮，味道也上佳。迷你甜品同樣賣相精緻，雖然細細件、細細杯，但同樣設計了吃得下肚的聖誕小裝飾。今年「萬麗海景酒店 Cafe Renaissance」的聖誕節慶自助晚餐質素更勝往年，但定價只同往年差不多一樣。聖誕前夕(11/25 - 12/30) 成人每位$910~954，小童每位$547~570（已含加一服務費）。至於聖誕節期間（12/24 - 25）及除夕夜就要成人每位$1100，小童每位$658，並分了兩個時段。提前訂位更有8折優惠，名額有限 ⋯⋯ 要搶位就快啲啦！
continue reading
87 views
又到聖誕，又到聖誕，去完旅行即收到「香港萬麗海景酒店」邀請優先試食「萬麗咖啡室」佳節限推嘅「穿梭炫麗之境」聖誕自助大餐！酒店大堂勁有氣氛，樓底最高嘅位置早已豎起一棵高高嘅聖誕樹，住客候房區旁亦設有一間聖誕屋仔供大眾打卡。咖啡室擺出不少應節嘅鹿車、薑餅人、雪人及聖誕老人公仔等裝飾，四周洋溢著溫馨暖意。自助食物區嘅擺位格局同往年差不多，琳琅滿目得黎仍保持衛生企理。最近門口為冰鎮麵包蟹、雪蟹腳、青口、鮮蝦等海鮮，及刺身壽司。當中加插咗細細杯嘅雜錦魚生丼，全部都好新鮮。冷盤有大路嘅凍肉、芝士、沙律吧。適逢普天同慶嘅日子，酒店就以北歐為主題，增添多款北歐菜式以作昇華，包括尼斯沙律、醃製酸菜、沙甸魚沙律等。幾款預先混出嘅沙律中，個人最欣賞紫艷爽脆且清新消滯嘅醃大頭菜沙律，同埋個挪威龍蝦沙律，入面啲蔬果同龍蝦肉一樣咁鮮爽甜美。肥潤香濃嘅挪威三文魚配圓鰭魚魚子醬亦簡單出色！雖然菜式尤其受歡迎，細佬留意到樓面嘅服務生及廚房團隊一直不停加添，絕不吝嗇，超讚！即點即煮嘅麵檔今期做緊龍蝦喇沙，可任意加配爽彈嘅魚片、溏心蛋蛋、芽菜同豆卜，惹味又暖胃。熱食嘅聖誕升呢版當然唔少得聖誕火雞啦！大師傅有求必應，想要邊件即管放心提出。今年加咗孖豬贈慶，一中一西、一細一大，中為脆皮BB豬、西為丹麥脆皮烤豬腩，各有特色。北歐代表有軟嫩嘅烤原條挪威三文魚。多國菜式另有甜濃嘅螺頭排骨燉湯、肉汁豐潤嘅烤鴨、咖哩、齋菜、炒蟹、鴨胸、即切和牛、蟠龍鱔等，相當豐富。搶手貨色有長做嘅新鮮蒸焗龍蝦，大大隻肉厚爽甜，又夠多膏，預先敲過嗰隻鉗鉗勁容易剝，無懈可擊！重點項目中，條隊最長就係新鮮煎出嘅越橘醬鴨肝配牛肝菌清湯汁，靚肝幼嫩軟滑，外層香脆，不甚膩口，建議第一時間排隊落咗單後先繞場一周取其他食物，再返轉頭攞鴨肝。單尾不妨選擇膏膏澎湃到震嘅籠仔蒸蟹飯，啲飯入哂味之餘啲蟹肉唔洗慢慢拆，掂呀！甜品項目眾多，要樣樣食齊確真有難度。其中五款水果多汁健康，邪惡少少可以淋上朱古力火鍋，再加啲糖果同雪糕喺面。即場炮製有熱辣鬆脆嘅窩夫。聖誕主題嘅特色糕點賣相十分吸睛，綠茶提拉米蘇有棵聖誕樹、蘋果蛋糕上擺咗個聖誕老人、藍白鏡面蛋糕則反映著北極光，心思盡露！XO仔始終鍾情菂薂嘅甜品小杯，軟滑嘅朱古力慕絲有脆卜卜嘅豆豆點綴，口感豐富討好。接緊年尾，「香港萬麗海景酒店」已換上盛裝佈置，節日氣氛濃厚，酒店服務團隊上下一心，好客非常。「萬麗咖啡室」現推廣集多國美食嘅聖誕大餐，今年以北歐作題之「穿梭炫麗之境」自助晚餐豐盛高質，早鳥貴客更可以優惠價預購，有心一試就要快啲郁手啦！
continue reading