Canadian Pizza (好順景大廈)

Open Now

Now Closed

係元朗叫外賣pizza一定搵佢地Pizza 薄餅底酥脆可。番茄醬的酸甜平衡恰到好處，又多醬，搭配新鮮的 mozzarella 起司，口感ok配料方面，香腸和青椒的組合增添了多層次的風味，尤其係股微辣的感覺，讓整體更加出色。最後，撒上的羅勒葉為披薩增添了一絲清新感。總的來說，這款披薩無論在口感還是味道上都相當出色，值得一試！重點係價錢ok 叫外賣50蚊都大大塊 講真經濟大件夾抵食！元朗區真係諗唔到有其他對手！

呢間野大不如前，在預定時間準時到店自取外賣Pizza,竟然一D都唔熱只係微暖既。唔怪得而家多數人假期寧願去內地消費。成班員工係到玩玩下，睇下你地間野幾時執，我最多今次當貼錢買垃圾😆，唔會再有下次架喇🤓

態度極差的其中一間分店，有無嘢錯都係都唔係佢錯，比錢個位嘅錯。問一問張單有無問題就發曬脾氣咁叫我地call返個平台，總之佢地就無錯。不可理愈，以後無幫襯，不知所謂

那日午膳前往Canadian Pizza,嘗試他們的夏威夷風味大pizza,非常滿意。那pizza以鬆脆悅口的薄脆皮作底,鋪上優質火腿和火雞肉選料,再擺上菠蘿,香氣四溢。最為突出的是上面那層醬汁,是夏威夷風味的醬汁,食用時口感順暢,讓人難忘。 當作配角的是他們家的炸雞翼,外皮酥脆飽滿,內里鮮嫩多汁。另外白湯也非常讚賞,清新可口。最後用珍珠奶茶圓滿結尾,順暢浮動的口感清新可口。整體而言,Canadian Pizza這次的夏威夷風味pizza帶來了新鮮体驗,熱帶風情滋味異常濃郁,堪稱最佳用餐選擇,下次再去仍感興趣試試。

行過諗住買兩塊玻璃櫃入面現成pizza，已經示意俾一個高大男店員我要order。 男店員回應「你講啦！我聽到嫁喇！」咁玻璃櫃入面D pizza 又冇牌仔、又冇寫咩名、又冇寫咩口味，咁我咪用手指指住塊 pizza 講「呢講同果個！」高大男店員語帶嘲笑回應「呢講！果個！」之後高大男店員咪又係要行近玻璃櫃睇我指邊塊pizza，最後暴風式咁摌兩塊pizza 入盒同入袋。買兩塊pizza 姐，又唔駛你加熱，真係辛苦晒。建議貴公司如果唔想D客講「呢講！果個！」，好心就pizza加返個名牌啦，免得貴公司D員工聽得咁辛苦啦！我唔介意你地D pizza 名好似 chateraise D 蛋糕名水蛇春咁長嫁，我咪照讀囉。廢事令貴公司員工覺得D客係文盲啦！

拎pizza嘅時候 個袋係普通大個袋佢好似垃圾咁樣 放pizza 一路行個pizza就一路打直 未返到屋企個心情已經好燥底 餵大佬我要行去搭小巴先至返到屋企 仲要諗個pizza會唔會因為打直咗熱啲餡週圍飛 其實 點解會咁專業 外賣pizza嗰個膠袋 點解唔設計一下

2/8/2023 大概6:00去咗買椰香芒果，點知好難飲，冇椰香味，又冇咩？芒果味淨係全部都係冰，一啲香都冇，總之整得好難飲，可能其他分店整會好味啲，但係今次喺呢間買就好難飲。唔掂🫠

我來買塊 pizza遮，好似殺左佢全家咁，都唔知咩事。我知你都係打份工，不過我個要求都好簡單遮，唔使咁。你幫我囉一塊pizza,收八達通，咁簡單，都唔係多好野做。

因為返屋企要朗屏轉車既關係所以就順便買個PIZZA食下兩個女仔食兩片PIZZA都好夠😅因為都真係好大塊（大概平時兩倍）另外再加左個洋蔥圈🔹四重芝士三角形pizza$40👍🏻 第二次食都係繼續揀返四重芝士 不過最好食，可能都係喺街邊食😅 返到屋企我見仲有啲熱， 所以冇特別翻熱 但係以$40嚟講，其實性價比好高🔹辣肉腸pizza$40（唔記得咩名）😐 呢個Pizza食落去個餅底嘅質感 有啲似麵包舖嘅Pizza麵包 唔難食，都無特別好食🔹炸洋蔥圈👎🏼 洋蔥圈，真係唔好食 本身炸得已經唔脆 上得又要厚粉 幾乎食唔到洋蔥嘅味道 冇跟任何醬汁不過在於佢咁平既話我諗唔到食咩都會繼續食嘅🫣

買一杯水果茶，個杯蓋拎上手就鬆咗，入面啲水果茶就滴濕晒落我自備嘅飲品布袋，我仲係舖頭側邊，行兩步返去同職員講返發生咩事，叫佢幫幫我，佢用比較短嘅膠紙封住個蓋比返我，我拎上手行兩步，都係甩蓋，今次成手都係茶，我又行返去問佢有冇野可以幫到我，佢態度好差話，「冇野幫到你喎！」我就話，個蓋真係甩嘅我可以點？佢再補一句，不如你比1蚊要個袋？我帶咗袋都要比1蚊買你個袋好似我冇買袋杯野先會甩蓋咁態度差到話個客錯晒，點解我要受你地氣？

一人晚餐就算一人晚餐我會習慣🎶🫶🏻呢個pizza好味 人地話 呢個係最好味既pizza足料又可自選分量~一個人食兩塊 岩岩好就算你得一個人都可以食pizza😂

辣肉腸薄餅🍕$40超多芝士🧀辣肉腸都好足🙌🏻芝士同辣肉腸嘅組合一定夾😙辣肉腸都唔會好咸😬Pizza份量好多😳一個人食會好飽同膩🤭值得一提❗️店員會問要唔要整返熱🔥今次就講咗要但返到屋企個pizza都唔係好熱😖所以有一半就焗返熱佢😙冇焗個一半都好食🙌🏻但焗咗熱個一半係好食好多🤤芝士會拉絲添🤩所以極度建議有焗爐嘅唔洗叫店員整返熱返屋企焗效果更好‼️

呢間Pizza店之前經過已經想試😚店內除咗買一件件大Pizza之外仲可以買平時一個個㧗🙌🏻仲有台灣手搖杯買🧋但今次就冇試到下次可以試吓😝但pizza 雖然係好大件但係味道就真係一般般🥲

叫咗肉醬意粉外賣自取，攞嘅時候外賣盒上貼果張單都係寫肉醬意粉，攞到返屋企打開有驚喜，竟然變咗焗西蘭花。嬲到跳起。又要我攞返落去換。去到遞比個女職員，問點解我叫肉醬意粉會變咗焗西蘭花，佢聽完，完全好似無事咁，攞返盒嘢去裡面，我望住佢哋成班職員，應該已發現係同另一張單調轉咗食物，睇佢哋肢體語言，好似知道咗之後，謎底已經解決，問題都已經解決咁。然後個女職員即時攞返盒意粉出嚟比我，心諗，即係凍晒啦。遞比我時仲要非常若無其事咁。。。心裡真係講粗口。一句道歉都無，好似無事咁。成間舖又唔見有一個類似店長嘅物體，其他無份嘅職員個個望住件事好似睇戲咁。啲嘢問心係好食，但你哋咁多分店，究竟有無員工培訓㗎？班友真係唔覺佢哋自己做緊服務業㗎喎？如果有，咁你換晒元朗果友佢啦！！

自從知道咗呢間又平份量又大嘅Pizza舖頭之後，成日間唔中都會嚟幫襯。每次都一定會帶芝士四重奏同埋煙肉漢堡。每一次返去都見到有超級多芝士，自己用焗爐焗一焗，成件事即刻升華咗，變得超級好食！