圓點工房

Open Now

Now Closed

同事介紹🫴圓點工房📍❤️「德國原隻鹹豬手配蜜糖芥末醬」真係必食推介，皮脆肉嫩，又大份再配蜜糖芥末醬簡直無敵（不過就有點熱氣，豬手間唔中食吓好，因為驚生粒粒），另外，泰式香茅雞扒都也不錯，環境舒適，工房指定用diamond 鑽石水用作食用水，令人感覺對食物用料都重視和求質素，着重健康。不過中午食飯，由於係工廠區，星期一至五出嚟搵食人次多，建議要預早book枱，好彩同事提醒一早book咗，事關一入去已經滿座排長龍囉！

呢間係火炭工廠大廈入嘅西餐廳性價比極高。呢個德國脆皮豬手配薯角嘅餐加埋杯凍咖啡盛惠$81，當然純價錢睇就覺得高，不過食過之後你就知個質素如果喺出邊其他地方食應該要差唔多$200先至食得到。豬手雖然係前臂，不過其實份量都幾多，豬手皮夠脆，而豬手肌肉又唔會整到好韌，可以揀飯意粉薯角或者沙律，我就揀咗薯角，另外佢有韓國泡菜做配菜。我個friend就帶咗all day breakfast，聽講唔係成日有，份量都係誇張豐富，份炒蛋都幾大份，腸仔用咗一條紅腸一條白腸，份沙律又係誇張地多，好食抵食。

5-11-2023 (Sun) 同老公喺西貢參加細妹婚禮,斟完茶就食個到會lunch喇,由於我唔太餓,所以攞啲精緻啲,似一口酥嘅嘢食,一食,好好味.再食焗薯都唔錯.有個肉丸串有啲軟骨喺入面,又幾好食.朱古力布朗尼夠濕潤,味道夠濃又幾飽肚.之後啲戥穿石切開一大個火腿,我就夾嚟食,好味,有柚子蜜中和佢嘅鹹膩感,好好味.我問做另一個餐飲嘅妹夫係味佢公司嘅到會?好好味.佢答唔係,而呢間佢都知出名係好食.我睇睇黑色紙箱嘅餐廳名再上嚟搵,原來係呢間,我同老公係食過嘅(上次食評係2018年12月22日刊登嘅呢篇: https://www.openrice.com/zh/hongkong/review/%E4%B8%AD%E4%BC%8F-e3252624).而其實主食我都冇乜試喇,一日都係怪我個肚唔爭氣.

今日下午茶☕️時間 黎到火炭既隱世餐廳😍食物質素非常好👍🏻感受到廚師是用心製作的味道方面都是非常好食😋食左咁多樣野都唔洗$200😱自己整都真係整唔到 性價比超高 值得比💯

餐廳係先到收銀處點餐及付款，之後就會有職員送餐到檯面下午茶時段3：00 – 5：15🍴吉列魚柳配沙律菜及香蒜牛油包$38魚柳炸得新鮮熱辣香脆，不過炸粉皮太燶；沙律菜都幾新鮮🍴火腿芝士西多士$32西多士炸得唔夠香脆，比較腍身，但係整體好食，而且食落唔算油膩🍰朱古力心太軟$38（跟餐價）心不軟，幾“鞋”身，跟餐價都要$38，唔好食唔抵食🍰白桃乳酪慕絲蛋糕$38（跟餐價）蛋糕質地都算幼滑唔太甜，有微微白桃味下午茶餐抵食，質素正常發揮；蛋糕味道一般，$38唔算抵食，如果原價就更加貴餐廳環境坐得舒適

【沙田區】【圓點工房】唔知大家仲記唔記得好耐之前我同大家講過我會去㘭背灣街附近唔同嘅工廈做嘢，要喺嗰邊食埋嘢先走。初初嗰時有請教過大家嘅意見，但係我發脾氣鏟咗手機冇咗張 cap 圖，所以僅憑我嘅記憶嚟搵嘢食，愛在記憶中找你咁。趁呢個走訪不同工廈嘅情況，就順便開埋 1am火炭工業區 系列畀大家做個參考。嗱，我唔係鼓吹大家以外來人身份特登走入去食，因為工廈食堂都只係可以 serve 喺嗰幢大廈工作嘅人，好似我咁都係去邊幢做嘢就喺嗰幢度揀。去到華樂工業中心，已經係近駿洋邨嗰邊，上 3 樓就有呢間 Canapés Room 可以食。第一次去因為做嘢晏咗就食下午茶「漢堡系列」，「芝士牛肉」漢堡都幾好食，加埋薯角同「凍檸茶」走甜先 $49，以呢個質素嚟講算抵食。過咗幾日又喺嗰度做嘢，今次試埋午餐嘅「德國原隻咸豬手配蜜糖芥末醬」，呢個係有位讀者朋友介紹，我忘記咗佢係咪都係 foodie 嚟，不過都算好食喎。份餐配埋「薯角」，上次都食過，都係幾好嘅，今次保持水準。佢仲有餐包蒜蓉多士，不過餐湯好似話冇晒，冇所謂啦，飲埋杯「凍檸茶」少甜，咁樣 $79 都唔算特別貴。總括而言，我覺得以返工嘅工廈食堂嚟講，佢

👧🏻lunch time又同同事一齊到火炭工廠區覓食🤭-🍴德國原隻咸豬手配蜜糖芥末醬(配 薯角) $76咸豬手表皮好酥脆🤩 肉質都幾嫩滑 但係有幾舊有少少難咬 另外一般德國咸豬手都係配酸椰菜 呢度就配泡菜 有d唔係好夾咁 但整體都好味🤭🍴重量級芝士牛肉漢堡(配 薯角+沙律) $73真重量級🤣上枱個時比個份量嚇親 好大份🤭建議胃口細的人一定要同人share食 而個味道都唔錯👍🏻🍴台式肉燥鹽酥雞撈烏冬 $58配色好靚❤️鹽酥雞略厭太乾 另外個烏冬都有d乾🧐🫕餐湯 - 紅蘿蔔忌廉湯仲有蒜蓉包❤️味道就中規中矩😆☕ 餐飲 - 冰糖雪梨水應該係店自己煲的👍🏻好滋潤❤️📍圓點工房 @火炭山尾街華樂工業中心A/B座3樓23-26室

今日同朋友嚟火炭做嘢，佢哋搵到呢間餐廳，讚👍！呢間啲嘢食質素非常好，可以話用心經營，唔怪得lunch time咁多人。今日我哋叫咗「德國原隻咸豬手配蜜糖芥末醬」外脆內軟，超正。😋😋 另外叫咗「香辣蒜片橄欖油蜆肉炒天使面」，味道好好👍。Set lunch 另外加甜品只係$38，抵！真心，賣相好有誠意，所以食得開心同滿足。🤩

之前同朋友黎過食小炒 好夠鍋氣好唔錯 今次介紹我地食呢間西餐 CP值都好高🌟每款都份量勁大 跟餐仲有餐湯餐飲同餐包非常豐富！！！❤️我點左個牛肉漢堡 配沙律同薯菜 牛肉好有牛味 好juicy 最緊要佢配上我最鐘意嘅薯角 食到好滿足🫶🏻朋友叫個啲都唔差 香草鮮茄海鮮燴意大利麵 每條意粉都掛滿汁 好香濃 不過如果海鮮多返啲會更好 ✨手作蒜香蛋香醬烤青衣柳 魚味道都好好味 不過肉略為唔夠實 不過都好正 😎飲品朋友推介叫柚子蜜 跟餐唔洗加錢 唔錯 🫶🏻每個餐平均60-70幾蚊就食到 份量好足 味道又唔錯 CP值算高❤️

今次第二次幫襯上次叫到會覺得唔錯，今次再encore.佢地個網有menu提供，但我地又有其他要求，whatsapp客服佢都好有耐性咁幫我地再設計過餐單。我地喺邨屋都有啲難搵，但送貨好準時。大家都話啲野食無論賣相定味道都好好，冇諗過到會原來可以咁有質素👍😋😋排名：芝士菠菜釀磨菇🍄好juicy, 用足料，仲有大量芝士好正肉醬闊條麵本身好鍾意食闊條麵，呢間唔會整到一pat pat, 用料好足，鍾意佢夠多芝士BBQ醬烤豬仔髀好juicy, 唔會乾，醬汁好開胃

話說疫情搞到冇得出街食飯, 但又要同媽咪慶祝生日, 請佢食餐好嘅, 唯有嗌到會啦～👀就揀咗圓點工房, 網上menu一清二楚, 食物選擇多元化, 所以好快就已經揀啱套餐😙😙 意外發現原來佢仲有蛋糕可以賣就順便order埋. 客服亦都好快confirm我張訂單同我安排送貨流程🤗👍🏻👍🏻👍🏻去到嗰日送貨員好準時！ 啲包裝得好精美, 啲食物打開仲係熱辣辣好似啱啱喺廚房拎出嚟咁🙀❤ 一打開 wow~🤩已經好想食😋😋🌟🌟特別推介：佢個豬仔脾超好食👍🏻🌟🌟芝士焗大啡菇又係超級好食好juicy ! 🌟🌟焦糖布丁個面竟然仲keep到好脆超好食❣❣❣🌟最後壓軸登場就係個生日蛋糕！🎂🎂🎂包得好靚, 而且仲好好食😋！！！每個屋企人食完都讚口不絕, 問係邊到買🤣可以媲美出面賣得好貴嘅蛋糕店, 價錢非常合理！多謝圓點工房畀我哋屋企人喺疫情之下都可以喺屋企享受美食🤗服務一流！價錢合理, 係我叫過最好嘅到會！ 一定會再幫襯！😻

今日平安夜 和朋友 order 咗到會 啲嘢食嚟到好似已經擺咗好耐咁⋯⋯最後盤意粉係臭架 完全唔識得然之後倒咗⋯諗住打電話去同佢哋講啦 啲電話係完全冇人聽嘅 ！成千幾蚊叫咗個到會 最後聖誕節大家都唔開心

都係附近冇乜好嘢食，唔想食來食去同一間，係OpenRice就搵到呢一間啦，見佢排名好前，諗住質素有返咁上下，點知都係伏。其實佢個Menu就好吸引嘅，西餐大眾嘢，有豬扒有雞扒有魚柳薯角等等等等，都應該冇乜問題，點知食第一啖就出晒事。本身呢間餐廳呢都好多人， lunch時間全場爆滿，可能因為呢個原因，所以食物質素冇乜保證。我哋四個人嗌左四個餐， share一齊食，其中有個係豬手有一個係春雞有個係沙律，咁豬手啦，又硬又乾完全咬唔到，春雞都還好，起碼仲有雞髀嗰個位食得落口，啲雞胸肉真係完全冇人想食，沙律都係入得口嘅嘢食，咁但係沙律都係撈出黎，評論唔到廚房煮嘢食嘅質素，真係煮嘅炸嘅就數薯角最好食，質素如何，你明啦。不過都係果句，火炭來講，算係咁啦。

掛住食唔記得影既一餐😩😩實在太好食喇🔥🔥🔥完全估唔到叫到會可以咁高水準，係出面食高價位西餐既食物呀點搞🐽🐽🐽叫聖誕🎄大餐梗係要食盡佢，搵到間法式到會，同平時既到會格調完全唔同，叫左三千蚊就送貨，連圍村都送。由於我預錯人，以為得十幾個人，點知有廿九個🤣🤣🤣但竟然夠食，真係錯有錯著。計番真係超抵，三千食飽廿九個人，有大有細既。最慘係竟然掛住食一張食物相都冇影到😅波士頓龍蝦海鮮炒飯大推薦！啲海鮮係塞滿左（無錯係用個塞字）成個盤🔥仲有焗菇、羊架、豬肋骨、素漢堡都係大家至愛，搶住食有機會再叫一定要影相，或者去試佢個堂食先

加咗$200運費（原價$250），結果遲到1.5小時，聖誕檔期多單勉強叫理解，電話話係「外判車隊」，到來其實係兩個女仔渣私家車送貨，感覺係收人運費但自己人送嚟聖誕套餐聲稱已包飲品但冇註明係咩，whatsapp問話係西班牙雜果飲品，點知開箱發現係維他菊花茶半打，O咗嘴，唔問都唔解釋係西班牙飲品未到貨食物打開係凍嘅，雞翼啲油瓊哂，味道...ok啦～ 堂食我諗可試嘅，見openrice都多讚，但外賣就自求多福