善茶 (Closed)

約左朋友係附近食飯未夠鐘，所以周圍行下，點知比我見到尼間鋪，睇門面仲以為係茶記尼，一行埋去睇原來係奶茶鋪睇到尼d咁濃厚既香港特色真係心郁郁好想試，但又未食飯所以唸住轉頭先。食完個飯就拉埋個朋友尼試，由於太飽真係飲5落珍珠，所以就叫左壽眉鮮奶茶本來想試普洱但係係天仁飲過麻麻地，有d驚驚而且其他地方又無壽眉就決定試下，飲落都確實5錯，味道清淡，有淡淡壽眉茶香，我就揀左半糖，5會太甜朋友揀左絲襪珍珠奶茶，佢話茶底真係真足香港奶茶咁味道有少少澀，所以中意既朋友真係要試下，而且珍珠煮得5錯，軟身得尼口感煙韌而且善茶名符其實善心，每買一杯都會比一個代幣比你揀果杯捐既錢比邊間機構，我地2杯2個幣，岩岩好一個一間，仲比你親身體驗入落去，老實講幾滿足香港人中意做善事既心理個幣仲整到成個真1蚊咁，幾可亂真經開既朋友都要去試下！！！

食完晚飯，好剛剛想搵啲嘢飲，見到呢間鋪面佈置好有香港味道嘅奶茶店，就停低睇下個Menu。全部飲品都係用港式香滑奶茶做底嘅，諗左一陣就叫做杯香滑珍珠奶茶試下。港式香滑珍珠奶茶茶底真係又香又滑！推！

宜家通街都係台式飲品，飲到悶悶地，其實本地港式奶茶同鴛鴦同樣好有特色，加入台式配料如珍珠、仙草、點子等，有新鮮感得黎又不失傳統本地風味，咁有想法嘅本地薑梗係要支持一下啦，又真係唔錯喎！😍😍港式鴛鴦加上咖啡點子，點子其實係coffee jelly，又係幾match喎，港式奶茶味加上淡淡嘅咖啡味，夠晒香濃，善茶亦都係一間好有心嘅小店，每買一杯飲品，就會捐出一蚊作慈善用途，值得支持👏🏻👏🏻👏🏻👏🏻

突然想飲茶記奶茶，但尖沙咀d茶記沖奶茶勁hea，醒起呢間賣港式奶茶嘅小店，於是兜路都要行過去。我嘅宗旨係點都要試一次，唔會信哂openrice其他blogger講乜，雖然呢間野好多人讚好，但我冇話好大期望。我買左最正常嘅港式絲襪奶茶，承惠$28，其實同茶記差唔多，因為茶記而家都要23，24蚊，咁佢大杯過茶記成1/3, ok啦。門面算整得幾靚，懷舊feel， 但鋪面算細，多d人都會排出街口。今日2點黎，我前面得1個人買緊。原本我叫左30%甜，不過店員提我佢地茶底比較濃，咁我就要返50%。甜度真係岩岩好!茶底好夠濃，又唔會澀，老實講，真係好過去茶記買，更加唔好同7仔d奶水比，7仔果杯叫奶水不是奶茶佢地話每買一杯就捐$1出去，叫我自己入落個箱，呢個idea唔錯，都叫幫到下人。總括黎講，呢間有下次。

話説係厚福街食完船麵，係尖沙咀行下行下，係K11附近忽然被一間好似懷舊士多既鋪頭吸引眼球~~~望望餐牌，店鋪除左一般一般拿鐵之外，還有港式茶樓系列同港式絲襪奶茶系列~~隨口問問店員，發現原來尼間店鋪已經開左幾個月，再望望隔離櫥窗，已經貼左唔少媒體報導（睇黎自己真係太耐無行尖東喇）~~墻上標示左一D奶茶小知識，睇黎店鋪對自家奶茶充滿信心~~~由於自己係食船麵既時候跟餐叫左杯泰式奶茶，為左特別d，所以就叫左一杯咖啡點子港式鴛鴦~~無念到係找錢既同時，店員比左個硬幣我，原來店鋪每售出一杯飲品就會捐出一蚊比慈善機構~~~忽然覺得尼杯飲品好有意義~~哈哈哈~~等左一陣，飲品終於到手~~~咖啡點子港式鴛鴦 $30 - 奶茶咖啡既比例好好，味道濃郁之餘甜度適中，重點係撞得好滑，夠曬口感~~咖啡點子（咖啡凍）大小適中而有咬感，加上淡淡既咖啡味~~整體感覺好夾~~充滿誠意既飲品，加上充滿善心既店主，甘樣既小店一定要支持下~~~

平時比較少飲奶茶係因為唔係間間都沖得靚，呢間咁啱係尖沙咀經過見到，個店面又好吸引同其他台式飲品店唔同，佢地部份以奶茶做主打我點咗港式奶茶紅豆冰，俾完錢後會俾一個硬幣俾你，原來佢地每一張單都會捐款，咁就做咗一件善事佢奶茶茶味好淡，奶味偏重DD，但係個紅豆好好食，好綿帶有少少咬口，唔硬，又唔會淋到無哂口感

絲🧦奶茶加咖啡點子佢嘅奶茶好有水準 系飲到茶餐廳嘅水準 佢飲落去系好滑 飲得出系用錫蘭紅茶 茶底好濃 而且加埋咖啡點子好有咬口 好特別 整體黎講成杯奶茶好有誠意 值得一讚👍🏻 同埋佢既裝修好懷舊 有七八十年代既feel 雖然鋪位細細 人流吾算多 但值得去影下相打下卡📸

Founded by a loving mother who wants to bring traditional Hong Kong style milk tea to her 5-year-old son, Caring Tea is a bubble milk tea shop that uses traditional Hong Kong style stocking milk tea as tea base. No worries, the stockings are never worn by people, they are solely used for the purpose of making smooth milk tea.I ordered a cup of iced Hong Kong style stocking milk tea and opted for no sugar. The shop assistant was so friendly that she reminded me the tea would taste quite strong wi

🍵善茶 Caring Tea🍵-名不虛傳 叫善茶係因為你間鋪頭真係好有善心 每賣出一杯就會捐一蚊去慈善機構❤️-焦糖港式奶茶 $28 鋪頭用咗煲茶機去煲四種茶葉 茶味好濃 加咗焦糖又唔會太甜而且真係好香焦糖味 珍珠好彈牙 。-壽眉珍珠拿鐵$28茶味好清 我比較鍾意口味淡嘅飲品 所以你背後啱我胃口 秀眉溝咗奶無咁削。-

之前上網睇介紹過呢間，都一直想去試，今日終於有機會啦，同個fd去試下，網上介紹話奶茶王，究竟港式奶茶同珍珠夾唔夾到，用港式絲襪奶茶整出黎㗎珍珠奶茶得唔得，叫咗杯招牌絲襪珍珠奶茶，但發覺好一般，如果你係飲開台式㗎珍珠奶茶就未必啱飲啦，真係好港式奶茶加珍珠有啲怪，佢偏重茶味，但如果要用$30去飲一杯港式奶茶加珍珠就有啲唔扺，個Fd就試香片奶茶都係好一般，不過呢間話賣一杯都會捐錢做善事，就值得支持···

善茶同一街都係既台式飲品好唔同，用既係港式絲襪奶茶。茶底相當講究，用足4種紅茶葉去溝，杯杯人手撞出黎。.港式珍珠奶茶 $30鍾意食珍珠既我，見到有港式奶茶 + 珍珠呢個組合，真係好興奮叫左杯少甜，我覺得剛剛好。港式奶茶既好處就係茶味夠出，口感夠滑，既使加左糖都唔會好似台式奶茶咁，好似死甜既奶水咁。.而佢既珍珠軟硬適中，都幾煙韌，份量重非常之多。.善茶既名唔係白叫，事關每賣出一杯茶，佢地就會捐出$1。飲奶茶之餘又可以做善事真係即刻想買多杯!可惜胃得一個，下次再黎等我試下佢既港式鴛鴦先得。

聽講香港唯1一間絲襪奶茶加珍珠嘅茶飲店係尖沙咀開咗，不嬲中意飲港式奶茶嘅我就一於去試下。原來係風雲丸嘅後面，聽講開咗成兩個月啦，今個十一月係感謝月，所以like facebook or follow ig，同埋tag一個朋友就可以正價飲品減4蚊。依個優惠仲要係去到11月尾。我見到有樽仔奶茶買喎，本身$20，如果買一杯正價飲品先可用$15換。所以我就點咗杯壽眉拿鐵再用$15換先抵多1蚊，於是唯有將支樽仔奶茶拎番去做早餐。店員仲好細心解釋唔飲放雪櫃，飲之前搖一搖均佢先飲。飲咗壽眉拿鐵，估唔到壽眉嘅清香同鮮奶係咁夾，飲完都唔濟，而絲襪奶茶真係唔錯，重點要飲到一杯好嘅奶茶已經係香港好難搵到。

最近開左好多間台式珍珠奶茶🥤 尖沙咀新開既呢間 #善茶 就特別啲☺️ 有港式絲襪奶茶溝埋壽眉、鐵觀音、普洱同香片☕️ 味道唔算好濃🤔 比普通珍珠奶茶會淡啲🥤另外仲有啲特別飲品好似檸檬椰果蜜都好醒胃解渴架🍋-#壽眉珍珠拿鐵 ☕️ ($28)#檸檬椰果蜜 🍋 ($26)📍尖沙咀白蘭軒道2號地下A舖🚇 尖沙咀站N3出口

2018年10月20日。旺角。晴。近排台式珍珠奶茶店開到成行成市，黑糖鬥黑糖，水果又鬥黑糖準備仲有喜茶加入戰團添呢日喺旺角俾我見到一間似乎有少少唔同嘅珍奶店善茶主打港式風味賣絲襪奶茶、鴛鴦、紅豆冰，仲有啲其他得意飲品嘅有用各種中國茶沖嘅Latte，加珍珠亦可我最感興趣嘅係珍珠港式奶茶茶底係絲襪奶茶，茶味香濃幼滑珍珠都煙韌，帶甜味，可能都有用糖煮過兩樣嘢係夾嘅！嗌咗少甜，但都覺得甜咗啲可能個甜度需要再調整下下次行開K-11會再來幫襯！試下其他口味～俾咗錢之後，個姐姐找返個$1銀俾我原來喺度買嘢飲係會做到善事咖！舖頭好用心，個$1銀仔係特別鑄嘅，唔係真正港幣找咗俾我之後，姐姐就叫我擺返個銀仔落佢哋個捐款箱咁就做到善事啦～

小編今日過海去尖沙嘴整指甲（Rolie Nail）據說係台灣美甲店但價錢一d都唔值，算數唔講呢d題外話啦難得過海黎到尖沙嘴就睇下附近有冇特別野飲試下，見到呢間善茶近麽地道尾、賣點係港式茶類，但我見d餐牌其實都係拿鐵變奶茶ｏ個d嘢，都類似台灣珍奶囉，就試下🈶️幾港式小編點左熱既普洱珍珠拿鐵加仙草，盛惠32元，正常價錢啦。但茶味完全唔覺得🈶️，珍珠一半、仙草反而幾好味，成杯嘢既感覺好似普通天仁拿鐵（但天仁茶味濃過佢）普洱呢d咁濃烈味道既茶葉都可以沖到冇茶味，真心佩服。回頭率極悲觀，大家排鹿角巷排到心灰既可以去呢度飲杯嘢當過下癮打卡算，唔好期望就唔會失望