善茶 (Closed)

今日係k-11附近見到呢間裝潢好有特色，好懷舊茶餐廳feel既舖頭。起初以為係買快餐小食既店。原來係港式茶專門店黎！😋而家通街都係買d台式飲品，呢間就突出喇！而且仲可以做埋善事添，買一杯就代表捐左$1.都幾有義意呀！😛呢度話明專飲中國茶，當然要試一試佢d茶夠唔夠香先啦！飲品都幾多款色。有好多熱門推介都好似幾正咁！😀而我就揀左： 紅豆珍珠奶茶喇！我就叫左去冰，怕天氣熱，d冰好快溶 唔好飲。另外叫左少甜，因為紅豆本身有甜味。少甜就岩岩好喇 😛第一次飲港式奶茶，比起平時飲的，茶味更加突出。香濃 😀😀一啖飲到紅豆同珍珠，多個口感，好有嚼勁。兩款加埋都幾match喎！朋友就叫左爺爺港色奶荼。即係有椰汁同椰果係入面，呢個配搭又幾特別喎！😏

I like the effort and theme of this tea stall as they serve HK style tea, Chinese Teas and other infusions with a Taiwanese twist by adding Black Pearls, Red Beans etc.The latte series are interesting as they use Chinese teas with milk such as Silver Peony and Teh Kuan Yin.I decided to order the Top Teh Kwan Yin which is part of the HK style yum cha series but strangely it comes with sugar since they frankly taste better without.Luckily I had a feeling it was sweetened so I requested it without

一向好鍾意外賣飲品一邊行一邊飲，又或者買回家邊飲邊寫文，但現在好多外賣飲品店大行其道，款式味道種類都好多，要選擇一間確實好易，但好飲的又有幾多間呢？最近經過尖沙咀白蘭軒道，發現多了一家別有中式茶風的飲品店，本著愛試的精神，我又來買了兩杯回家，反正食飽飽，最好飲返杯茶!這里種類好多，看其介紹是奶茶為主打，加上買一杯可做善事的關係，更令人慷慨地飲我先選了一杯咖啡點子港式鴛鴦HKD30選擇走冰但無少甜，個人建議如不太好甜，可以選擇少甜或半甜，味道更突出咖啡的味道較茶重，入口好柔滑，雖然是冰凍，但咖啡好香濃，如果茶跟咖啡味道相約，個人會更喜歡這里真的甚有港式茶餐廳感覺一直都說自己喜歡試新野，這里有普洱拿鐵(HKD26)怎可錯過，今次我加入了紅豆(HKD4)及椰果(HKD4)作新嚐試，一試愛上呢杯我選了走甜，因為本身紅豆及椰果味道已夠甜，因此走甜味道剛好，普洱跟平常飲到的不同，濃而不澀，且清幽，再加入鮮奶及配料口感好豐富但如果你喜歡港式奶茶的濃厚及茶香，這杯可能不是你杯茶，但我個人就好喜歡，有普洱的香及奶滑，但又不會過濃，恰到好處我這個配搭也不錯，下一次還得再點其他茶品試試！

吃過拉麵後，剛好見到這間善茶，一看就俾港式懷舊茶餐廳感覺的裝修吸引着，再看看原來是賣港式奶茶，而且仲係一杯善良的茶，因為每賣出一杯，店主就會捐出$1，真的好有心，又可以飲到好味的奶茶又可以做善事 今次試了港式絲襪奶茶(熱)少甜 $26  對於喜歡奶茶的我真的好消息呢，值得再試呀。熱辣辣的奶茶，打開開口聞一聞好香，飲下去感覺到茶味夠出，奶滑，甘香濃郁留在口裡，少甜剛好適合我。

當奶蓋同黑糖珍珠奶茶大行其道之時，尖沙咀白蘭軒道悄悄地開左一間賣港式奶茶嘅外賣飲品店。地理位置唔算有利，但飲品嘅特色相信可以吸引唔少客人。絲襪奶茶一向係香港茶記嘅標誌，而善茶將呢項精髓盡現，不少媒體亦曾報導📺客人可以單點港式絲襪奶茶、鴛鴦、咖啡或奶茶紅豆冰等港式系列，亦可選擇不同茶底加珍珠！其中最吸引我嘅係一款店長推介「普洱珍珠拿鐵」。我完全想像唔到中式嘅普洱茶加咗牛奶之後到底會係乜嘢感覺。平時我最鍾意嘅係伯爵茶加奶，但中式茶我自己就比較少落奶。意想不到嘅係，普洱獨有嘅茶香同鮮奶混合之後，竟然有一種奇妙嘅化學作用，飲落順滑，香氣獨特，難怪係店長推介！珍珠都好又有咬口，整體來講係一杯非常出色嘅飲品！

位置雖不起眼 但外在裝修非常突出好有香港🇭🇰舊式茶餐廳既特色裝修俾佢吸引住就款去買杯黎飲 🤤🤤🤤呢間店伙每買一杯 佢地就會捐一蚊$非常有心 ❤️飲品上既奶茶 ☕️ 都以中國茶去沖有香片、普洱、壽眉、鐵觀音等等*冰度/甜度 都可以按自己既個人喜好去選擇本人特色鐘意有得選擇冰度同甜度既飲品店因為可以調出自己所喜歡既以中國茶去沖既茶味 係會濃d 如果唔鐘意甘濃既茶味 可以加多一點甜 中和返個味 😁但我喜歡濃度高d 少甜 所以呢杯岩我既

上星期A B C朋友喺尖沙咀shopping，行到攰頸渴想飲杯野，咁啱就經過善茶。A B C 第一眼就俾港式老香港情懷的裝修吸引着。我哋停下腳步第一睇餐牌同埋佈置，發現果然係一杯善良的茶。因為每賣出一杯飲品，店家就會捐出$1，種善因得善果。我二話不說就幫朋友決定埋。係時候嘆下香港正宗奶茶, 一於試下店長推介頭一兩位。珍珠港式奶茶 $30，一樣可以揀少甜小冰。珍珠入口有QQ彈牙感覺，我鍾意佢味道甜甜地，奶茶手感絲咁滑。港式奶茶紅豆冰 $32，好喜歡佢個杯嘅外型設計，好有心思劃晒公仔，好似置身係茶餐廳一樣。紅豆真係有咬口，一粒粒結實有質感。奶夠滑又有香味，整體味道唔錯。下次再試吓其他口味。

最近台式黑糖珍珠鮮奶鬧得熱烘烘，但其實港式絲襪奶茶早已風行數十年，大抵是最能代表香港的特色飲品，位於尖沙咀的善茶糅合了港式、台式奶茶的元素，保留傳統本地風味又帶來另一番新氣象。飲品款式超多，將港式奶茶配上台式配料，還可自選少冰、走冰及甜度，為傳統奶茶帶來靈活變奏，更有新鮮感。這次點了紅豆珍珠港式奶茶和朱古力港式奶茶。朱古力港式奶茶 $28與其說是奶茶，倒不如說是朱古力比較貼切 XD 朱古力味道極之濃郁，微苦夠香醇，假如你是朱古力控，絕對不能錯過！紅豆珍珠港式奶茶 $32將我最愛的港式紅豆冰融入到奶茶當中，嚴選斯里蘭卡的紅茶葉，茶香和茶味俱全，奶和茶融為一體，口感順滑，加上我選了30% 微甜甜度，不會過甜，紅茶味更濃醇。而且紅豆和珍珠下得夠足料，飲完感到透心涼之餘，亦有飽肚感。珍珠質感粉糯QQ，不是軟軟的那種，富有嚼勁，加上大粒飽滿、熬得起沙的紅豆，同時滿足喝與嚼的小確幸。

行開見新開一間飲品店， 外表裝修好特別， 好有懷舊的茶餐廳的感覺。飲品類別主要由港式奶茶爲主茶方面：有普洱；壽眉；鐵觀音；香片好特別✌🏻價格由$18-32不等呢到店員好nice , 見我地買4杯， 會主動提供膠袋幫我地裝好🤗總叫了4杯～1）咖啡點子港式鴛鴦（$30）鴛鴦茶底夠香濃， 再加上咖啡凍， 更香咖啡味， 及好有口感， qq的2）港式奶茶紅豆冰（$32）呢杯叫了正常， 個人覺得甜了少少， 但奶茶加紅豆組合， 賽不錯😋3）壽眉珍珠拿鐵（$28）茶味比較特出， 好香壽眉味， 珍珠幾有咬口4）普洱珍珠拿鐵（$28）如果喜歡茶味較濃的， 會喜歡💕

港式奶茶已列入香港非物質文化遺產，好多香港人都喜歡絲襪奶茶。如果要講究就要由水溫同茶葉作手，尖沙咀竟然開咗一間“善茶”嘅港式奶茶飲品店，店主仲要搵茶王拜師學藝， 務求要做出真香港文化。佢哋嘅港式絲襪奶茶，茶香醇厚，茶同奶撞得很滑順喉，茶味同奶味好平均恰到好處。 只可惜我加了紅豆，紅豆就比較失色，因為太甜同煮得淋，但絲襪奶茶是有水準的。另外，佢哋叫善茶，真心真誠去做善事的茶，每買一杯佢哋就會捐一蚊去公益慈善，店主果然有善心。

周圍都係飲品店，行兩步又見到，最近睇過呢間位於尖沙咀嘅善茶嘅報導，特別喺附近商場食完飯行過來試下。佢位置唔算好方便，不過門面好顯眼，因為整個裝潢係好懷舊嘅風格，係香港人嘅奶茶品牌，喺芸芸眾多台式飲品中，別樹一格。格仔紋嘅牆身，信箱，紅白藍嘅帳篷、綠色嘅窗框、影下相都開心。門外嘅電視機仔會介紹下佢地嘅產品，好特別地，仲見到個捐款箱，原來佢地個名叫善茶，同做善事都有關係，每賣出一杯飲品，就會捐款一蚊，幾有心。主要呢度嘅產品，都係港式野，絲襪奶茶、港式茶樓嘅茶、珍珠拿鐵、冬瓜茶、檸檬類數款，價錢由18蚊至32蚊。可以加料，例如珍珠、咖啡點子、紅豆、仙草、椰果等等，每份4蚊。飲品可以選擇冰度、糖度，一律16安士。港式絲襪奶茶做得真係唔錯，值得一試。係人都知沖港式奶茶唔容易，宜家好多時就算去到茶記，都飲唔到一杯正嘅奶茶，無心沖。呢間可試啊，唔怪得咁多人讚杯奶茶掂點左凍飲，聞落就唔係話好香，但茶底出色，肯定花過功夫，茶味夠出，奶滑，甘香濃郁，唔會太甜，確實抵讚。想飲濃D嘅話，我下次會試下熱飲，或者少冰。另一杯點左壽眉珍珠拿鐵，見到呢度嘅拿鐵幾特別，除左坊間比較常見嘅鐵觀音、普洱，仲有壽眉、香片，果

台式珍珠奶茶店通街都係，其中原因係因為其實都幾易沖，但其實奶茶呢家野，港式奶茶真係難沖一萬倍，幾款茶葉溝茶，過茶次數，淡奶與茶成分比例，每一個環節足以影響一杯奶茶既品質，而要沖得一杯好既更加係難上加難。呢到選用港式奶茶做底再配香港人鍾意既珍珠形式就絕對值得支持，因為價錢都係差唔多一杯，但就取難棄易用港式奶茶，絕對值得支持，雖然本身既奶茶底未到一杯上好既味道，但已經係一杯唔錯既奶茶。比市面大部分茶餐廳所沖既要好，此店值得一試。

其實我幾中意係啲橫街搵野食，今次係tst行行下就比我發現到呢間以香港茶餐廳做主題既港式手調飲品店，台灣個啲珍珠奶茶就已經開到周街都係，今次呢間相對特別少少。我地嗌左最original既港式絲襪奶茶同蜂蜜柚子香片，呢到既奶茶底係用4種紅茶茶葉泡製而成，入口唔會好似出要個啲奶茶粉咁死甜味，而真係飲得出似茶餐廳既絲襪奶茶。另外，柚子加香片都有意想不到既配合，佢香片既味道唔會太濃，不過一陣濃濃既柚子味過後你仲會feel到佢有香片既清甜係到，而且無論邊款飲品都可以自己選擇冰量同甜度添，岩晒我要減肥嗌微糖少冰既人。題外一話，佢個膠杯好吸引，佢話係自己出去搵人design架，好靚值得收藏又可以循環再用！

善茶今日約左朋友係尖沙咀食飯，見未夠鐘就周圍行下，見白蘭軒道巷仔有間裝修富有港式情懷既飲品店，就比佢吸引左。原來佢主打港式地道飲品，見到餐牌有港式絲襪奶茶就毫不猶疑揀左黎試，話哂奶茶係本地特色飲品，每次去茶餐廳都一定會叫，一試便知龍與鳳。店員好細心，知我依啲怕肥既女仔重視糖既比例，仲介紹我飲微糖去冰，咁先飲到茶底既回甘。見到奶茶隻色就知茶同奶既比例岩岩好，飲落茶味夠濃，整體口感香滑，唔似珍珠奶茶咁奶白同死甜。見到menu仲有平時係茶樓飲到既壽眉，普洱同香片揀，下次可以帶媽咪黎飲，唔怕佢話我成日飲埋啲無營養又要排隊既珍珠奶茶啦🙈 朋友就揀左店員介紹既蜂蜜柚子香片，飲落有少許驚喜，有别於一般柚子茶，依個反而係茶味較重，唔嗜甜既朋友經過可一試。冬天飲熱蜂蜜柚子香片應該唔錯，$22抵過連鎖店既果茶!一杯奶茶$26依個價位同係茶餐廳飲差唔多，唔算太貴，價錢中等。其中一個會回頭既原因係依度有打卡位，同朋友影相post ig story真係唔錯，有種80年代感覺。最warm係每買一杯，善茶就捐$1比慈善組織，經過買杯茶仲可以做到善事，唔怪得叫善茶啦! 意念確實唔錯

今天行逛之時，發現一間好有本土特色的茶飲店。這店子和成行成市的台式茶飲店唔同，他們主打港式絲襪奶茶。本以為是一般的港式奶茶，原來是以傳統奶茶做胆，加配各種特色口味如朱古力、焦糖、椰汁椰果等。咖啡點子港式絲襪奶茶$30這奶茶冰冰凍，茶味香醇奶滑，味道香甜，口感滑溜又有少少掛杯感覺，沒有鞋脷或澀囗感覺。再加上爽爽甜甜的咖啡點子，有好香的咖啡味，好match 呀！估唔到這配搭幾有驚喜！又是台式飲品以外的另一選擇。P.s, 這兒每買一杯飲品，他們會捐一元给慈善機構，真是「善」茶。