善茶 (Closed)

同朋友行開附近，見到依間新野，我咁鍾意飲台式奶茶，所以都想試下佢依度既港式奶茶😁朋友揀左「咖啡點子港式鴛鴦」港式奶茶一向都有自己獨特既茶香，加埋港式咖啡既烘焙香味，同平時飲開既台灣奶茶好唔同，但一點都唔遜色。反而做到香港地道茶餐廳既獨特性味道。而當中既咖啡點子具咖啡既香濃，口感煙靭，不俾台灣飲品專美。我咁鍾意飲甜野緊係揀「港式奶茶紅豆冰」幾年前茶餐廳既創新出左奶茶紅豆冰，如果你仍然停留係以為係茶餐廳先飲到咁就錯勒～依間港式飲品店就出左依款港式奶茶紅豆冰。佢個外觀長好靚，具層次感，上面係奶茶啡，再黎紅豆冰既奶白，最底係紅豆。攪一攪，正呀！奶茶既香再加紅豆既甜，好好味呀！雙重味覺享受。再睇返佢個杯設計具港式地道茶餐廳特色，而且店舖的裝修也具本地茶餐廳特色。飲得多台式奶茶，如果想試下新野，不妨黎依度飲下Fancy 又有實力既茶餐廳風味既飲品。

好欣賞呢一間茶店，話名叫善茶，當然係要做善事，裏面嘅人特別有愛心！你每買一杯野飲，佢就捐一蚊出去，比有需要嘅人。今日落好大雨，但係都好想飲杯野飲解渴，我哋叫咗港式奶茶紅豆冰，叫咗少冰同少甜，朋友覺得奶茶好滑好香，係標準嘅港式奶茶，加埋紅豆好有口感，建議要買嘅顧客可以唔使少糖，感覺可能更好。呢度仲有一款茶飲比較特別，就係壽眉珍珠拿鐵，我就比較鍾意飲茶，但反而覺得佢哋嘅茶味唔夠出，奶味淡淡的，頗香，裏面的珍珠好有咬口！好開心呀，越食越興奮。由於珍珠剛剛煮好，有點暖暖的感覺，發現整杯野飲很均混。其實留意到佢哋嘅杯款好有懷舊風格，經過精心設計，下次再試吓其他野飲先！

經過早前係尖沙咀既拉麵店時，偶然發現側邊新開設既飲品店，裝潢懷舊，配以寫有特色飲品既牌，帶出一種新舊交融既感覺。走到收銀處，本想叫壽眉拿鐵，因為未曾係其他地方見過，但唸到店舖以港式奶茶為招牌飲品，最後改變主意，點左杯港式珍珠奶茶。為左切合自己既口味，就特意要微甜走冰。用力吸一口，香濃幼滑既奶茶順速送口中，似乎店主用幾種茶葉混合而沖出味道特別且香濃既奶茶。雖然係走冰，但整杯野飲仍略帶次涼既感覺！裝潢懷舊同別具心思，同時成為左我打卡既好地方！

最近見到facebook post 彈出黎話尖咀開左間新嘅珍珠奶茶鋪sell富有香港特色嘅茶 香港小鋪我地緊係要支持啦 間小店係位於k11 附近 見今日冇落雨就狗衝左去買除左野飲有香港特色 佢間鋪頭嘅裝潢都好懷舊 好有feel 我最後就叫左絲襪奶茶加珍珠走冰半糖 個杯上嘅畫好靚 模仿香港茶餐廳嘅裝潢 而我個friend 飲熱飲就杯就係藍白色扮青花瓷 都好靚講返杯奶茶 口感幾厚 而且幾滑 茶味香而唔澀 好有質素 係茶記嘅奶茶呀！ 而珍珠本身有甜味 而且幾彈牙 所以我覺得半糖剛剛好 誠意推薦！

剛好經過尖沙咀茶店，新開鋪，買一送一。原來其他台灣飲品大行其道，他們是走另外的一個路線，是一香港人的口味，奶茶。相信製作奶茶需要的技術是十分高超，跟店員談了幾句，發現原來他們是跟名師學習，經過多次嘗試才能夠製作出這個茶底。點了一個紅豆冰奶茶 ，但紅豆冰的紅豆略甜，如果可以少甜相信茶味會更加突出, 茶底是帶小小甘味，我喜歡！只是紅豆可以再減甜會更好。 經過我跟朋友嘗試之後，推介奶茶，但可以去冰，這樣奶茶的味道會更加突出。整體感覺是十分大杯，飲完之後很飽。 另外想讚一讚他們設計的杯子，很有香港風味而他們 也很有善心，買一杯他們會捐一蚊到慈善機構。

又到寫飲料時間，但今次呢間有d唔同，係半台半港式的飲料，有港式奶茶底，加台式珍珠，味道唔錯，港式奶茶加珍珠其實一般茶餐廳都可能有賣，但一係就茶味唔夠濃，一係就d珍珠太甜，所以，我唔多like，但呢間善茶d茶底真係有奶茶王果種水準，珍珠亦唔會過甜，除珍珠奶茶，我亦試咗駌鴦，味道亦好有水準，仲有叫咗杯焦糖港式奶茶，糖同茶的比例剛剛好，而且買一杯佢哋就會比一個代幣你放入旁邊的善款箱，值得一讚的idea! 希望佢哋生意興隆

台式飲品舖開到成行成市，飲珍珠奶茶飲到就快糖尿病之際😂，竟然有一間係以港式絲襪奶茶做賣點嘅鋪頭，咁有香港特色，梗係要試試佢啦😆！港式絲襪奶茶（熱） $26曾經跟奶茶王學師嘅老闆，真係沖得一手好茶架🤩！奶同茶嘅比例做到剛剛好，奶同茶嘅味道一樣咁出😍，而且奶茶夠滑，一啲都唔鞋口，極力推薦叫熱飲！咁先唔會比啲冰溝淡咗味道，很不錯👍🏻咖啡點子港式鴛鴦 $30所謂嘅咖啡點子即係咖啡凍，比起平時成日食到嘅珍珠更有口感😋，咖啡同奶茶味道香濃滑溜，而且唔會太甜，一杯飲哂無難道！壽眉珍珠拿鐵 $28一般珍珠奶茶都係以台灣茶葉做茶底，茶樓嘅茶葉整嘅，就真係第一次試🤣！壽眉茶底幾清香，飲落有回甘，但略嫌淡味咗啲，珍珠嘅焦糖未唔夠出，煙韌度尚可👌🏻港式奶茶紅豆冰 $32紅豆冰用嘅都係絲襪奶茶，所以奶茶依然咁香咁滑🤤，不過紅豆略嫌甜咗一啲，不過煮得都適中有咬口，唔係咁甜就Perfect喇😂！人情味之選！善茶係客人每買一杯飲品，就會捐一蚊俾慈善機構，咁有善心，仲唔快啲支持下？！😎好味指數（5粒最高）：

一直以黎都想試下香港絲襪奶茶溝珍珠呢啲配搭，居然尖沙咀新開左間！—喺K-11附近，都容易搵，附近都有d唔錯嘅餐廳😝排隊嘅人唔多，個menu都幾清楚同好多本土野可以㨂，例如香片同壽眉都算第一次見🌿我本來揀珍珠港式奶茶，而因為要等珍珠，所以改仙草，另一杯則係香片拿鐵。接待員幾有禮貎，同解釋比我知每賣一杯茶，佢地會捐一元做善事，所以比左個代幣我入箱嘩～個刻覺得好感動有呢款舖頭😭野飲5分鐘內有🌿絲襪奶茶加仙草（註：已set好冰度）Ok! 正宗奶茶味道！堅㗎d茶味🌿香片拿鐵呢個好嘢！清香！個味撞得啱啱好連小朋友都搶住飲😂所以因為又可以做善事、又可以tum到個細路，買多左杯香片拿鐵—回頭率：300%大推！自己都想再飮

同事提到附近開左間新嘅飲品店，食完lunch就過去望望。【善茶】開喺K11附近，店面充滿香港懷舊冰室特色。小店主打港式奶茶，老實講喺呢個夏天一片黑糖珍珠鮮奶/芝士XXX嘅爭奪戰中，佢夠膽反其道而行，主打港式奶茶，我係非常欣賞嘅👍二話不說同同事拎左張單張番公司，問左店員5分鐘內路程，夠5杯就免費送貨，如果10分鐘路程就要夠10杯先送。暗先決定第二日Happy Friday嘅下午茶就點呢間啦(多謝老細請飲野😂)到左星期五下午，因為突然要見客，於是交比Reception同事幫忙打電話外賣，到出得黎飲呢杯野已經5點，亦錯過左影相嘅時間，影得2杯...👇左: 隱藏Menu 焦糖珍珠鮮奶 $30 👇右: 港式奶茶紅豆冰 $32我同同事A都唔想太多冰愈飲愈啖，於是都叫左少冰同少甜。左邊果杯同事A覺得焦糖鮮奶夠滑唔會死甜，珍珠都幾有o趙口，唔會成團粉咁。而右邊果杯，我同Manager都點左同一杯，大家一致認同【善茶】嘅港式奶茶做到茶味香濃而不苦澀，口感亦好滑係高水準嘅奶茶！而且我開完會出黎擺左成個鐘先飲，d冰已經溶晒但奶茶依然咁濃郁咁香滑！比起好多茶餐廳/台式飲品店，真係高下立見，飲得出分別同小店嘅用

今日搵到間港式奶茶底既飲品店, 終於都唔係台式奶茶, 同朋友點左冬瓜檸檬及港式奶茶紅豆冰, 紅豆同奶茶意外配合, 甜度剛好, 奶同茶既分量都唔錯, 冬瓜檸檬就清新能, 比較推介試港式奶茶底既飲品, 香港人持支下香港味道

港式珍珠奶茶 $30.尖沙咀又開左間奶茶店 不過哩間有d新意 係賣港式奶茶 飲得太多台式我已經就忘記港式既係咩味道🤣.哩杯奶茶唔平要$30 不過飲落我覺得完勝蘭芳園個奶茶🤣🤣超濃郁既茶底但勁有奶味 入口香濃幼滑 哩個港式奶茶又真係唔錯👍.珍珠都唔錯 份量唔多但有咬口 有少少黑糖味😳 每買一杯佢就捐一蚊做善事 anyway佢個奶茶真係好地道 係我遺忘左既港式風味 我會覺得可以試下 如果你行過.

是日早收工來到尖沙咀行街等友人食晚餐咁啱行經K11俾呢間啲懷舊裝修吸引住🤩一於趁晚餐前呢個空檔買杯野飲過口癮先😆善茶位於尖沙咀白蘭軒道喺尖東站N1出口行過黎亦十分方便呢間裝修採用綠白磚做牆身同地板以及紅罩燈鐵皮信箱做裝飾餐牌亦用紅牌白油寫成五六十年代既香港舊式設計好有懷舊感覺😆另外每買一杯飲品呢間鋪就捐一蚊雖然錢銀數目唔多但自己有口福之餘又幫到人一舉兩得☺️經店員介紹最後叫左港式絲襪奶茶個人本身飲奶茶鍾意走甜走甜可以直接飲到茶既厚度同層次要做出出色既港式絲襪奶茶除左茶底夠靚之餘奶既比例亦要均勻呢杯奶茶絕對係名列前茅🤩有口感層次之餘亦回甘另外茶與奶既比例均勻唔會因奶偏多而蓋過茶既真味☺️🍵鍾意茶既朋友絕對要黎飲下！😆下次再黎飲下其他茶品先☺️

To be honest I hate Hong Kong style milk too which is so different to English Tea.But anyway, I like the effort and theme of this tea stall as they serve HK style tea, Chinese Teas and other infusions with a Taiwanese twist by adding Black Pearls, Red Beans etc.The latte series are interesting as they use Chinese teas with milk such as Silver Peony and Teh Kuan Yin.I decided to order the Top Teh Kwan Yin which is part of the HK style yum cha series but strangely it comes with sugar since they fr

屬於香港人的港式絲襪奶茶外賣品牌，茶味香濃，奶味幼滑，喝出真正香滑濃厚的香港奶茶味道，來香港的朋友一定要試試他們的正宗奶茶，店員殷勤熱心推介，態度認真，再者，老闆一番善心，顧客購買任何飲品，均會有一圓的捐獻，真心誠意推介。地址：尖沙咀白蘭軒道2號地下A舖(K11附近)營業時間：上午11時至晚上10時

夏日炎炎，每天都想喝一杯冰凍飲料，解暑解渴。然而，很多的台式飲料店的飲品偏甜，越喝越渴。久而久之，即使於媒體上大熱的飲料店也不想嘗試。不過，朋友熱烈推介我試一試位於尖沙咀的港式飲料店，一嘗之後便愛上了。善茶裝潢充滿舊日香港的感覺，店員態度熱情，讓我先試飲了港式奶茶、普洱拿鐵，還有就是隱藏菜單的焦糖鮮奶。雖然奶茶茶味香濃，但架不住我對焦糖的喜愛，選了焦糖鮮奶。聽說焦糖是店主自行烹調，濃郁的焦糖味配上鮮奶，甜而不膩。如果鍾情於焦糖的大家，記得不要害羞，點一杯吧！