豪隍點心 (Closed)

服務超級差，兩三年未試個甘差，今晚同朋友去，一肚气，坐卡位，一定要搭位，我話要換位，個c9話吾比，跟住對面對情女醒，佢轉四人位，我朋友想坐對面，個c9立刻又走個來，大声吾比我 friend坐對面，重路beer我地，當時其實仲有其他空位，我加呴你甘服務，已後吾來，佢仲話你最好已後吾來，話甘太度，我已為我 serve佢，好似佢比錢我，我都看到好多 post話呢間d service -9分，真糸永遠 black list。

細個唔肯陪屋企人飲茶，大個左就自己比錢去食點心。今次黎到尖沙咀呢間好多人食既甜心鋪，點心都不錯。燒賣一籠雖然得兩件，但入邊既蝦係有返咁上下大細既，而且蝦肉都好爽口下；牛柏葉都係爽口而且易入口，有點茶樓整到香口膠咁，我牙咬到就黎爛佢都未欄；芒果布丁普通，都算幾香，如果有得加奶就更好；窩蛋牛肉飯好抵，一個飯都夠哂兩個人食飽；最後的叉燒腸也不錯，好足料，啖啖都係肉，對於食肉獸黎講好滿足。

同女朋友一個齊收工，行左去厚福街醫下肚，點知突然落場大雨就近入左黎食嘢兼避雨諗住純粹食完走唔期望大多，點知食完有少量驚喜兩個人嗌左6樣嘢，已經差唔多百六蚊，原來呢到有收菜芥呢到其中一個招牌菜蝦餃皇雖然一籠只係得兩件，但係每粒蝦餃入面竟然有三隻蝦肉，蝦肉彈牙無一種雪味而皮都算薄，但係有小小黏口小籠包反而有啲失望，湯汁雖然有，但係餡少皮厚，頂又捏得太硬，加上錫紙兜上，有失落感燒賣皇，有啲普通，面頭加粒蝦肉，唔特別咸水角反而值得一提，一般而言，皮硬，餡少但係呢到既咸水角做到皮有煙靭口感，餡料十足每一啖都會食到，而唔會只係咬到皮而無餡

Perigord Truffle and Scramble Egg White Dumpling ($31)The truffle was powerful and almost overtook the flavour of the light egg white and shrimp taste. The dumpling itself has a thin and soft rice skin after being steamed to perfection. Baked Mexican Buns with Barbecued Pork ($24)Why not some more buns? This time, the filling was a bit more saucy but less meaty when comparing to Dim Sum Bar, while the topping was even sweeter and thicker in texture. Spring Rolls ($34)Their spring rolls took a tw

首先，我最激氣的係，剛剛吃完野就被趕走，給下一位入來，咁的事都可以做得出，做生意要賺錢明白溉，但是趕人走，這個最惡劣的服務態度！第一次見！食物又唔新鮮，求求其其，可能放左好多好多味精....吃完後不停要飲水、飲水，已經唔想講.....

本想好要去食台式餐廳，突然路過厚福街這間點心店，由門口望入店內有位置，想也不想我們就齊說想飲茶，衝入店搵位坐，因為午餐時間想遲一秒都唔得。坐低見到點餐紙午飯時段有$44套餐，可叫一盅飯配一款點心，將原先叫到全枱點心的念頭打消了。我點了最愛--章魚肉餅飯+潮州粉果，友人share鮮竹卷和菜心。另外，還加單香脆魷魚鬚($32)+湄公河蝦腸($29)。蒸飯是最快上枱，果然套餐是比較細盅, 肉餅的豬肉偏瘦沒有做到肥瘦肉的黃金比例，但勝在冬菇夠多夠香，始終章魚肉餅乃是蒸飯類別數一數二的無敵組合。潮州粉果最完美的是皮薄饀靚，這店味道是可以的，只是略嫌皮厚了點。至於鮮竹卷，浸著的湯底味濃和足料。另外，魷魚鬚最大為失望，是涼的，炸粉亦不夠多，份量較少。唯一可讚的，就是蝦腸算是皮薄及饀料夠，加少少豉油突顯蝦的鮮味。

與朋友在主題樂園玩樂一整天，體力自然消耗得快，肚子亦都異常地特別餓。朋友突然興起想食點心，便提議來這間。蒜蓉芝士鮮蝦長春卷 - 咬下只有微溫，唔夠酥脆得黎有點鹹。沙律明蝦角 - 剛剛炸起特別脆卜卜，好似雲吞咁以蝦做餡料，食落幾爽口，點沙律醬食都很好味呢！紅油拌抄手完全唔係平時食開的味道，不辣反甜，真的不知道為什麼味道會這樣？😨😨😨上海小籠包望落好乾身，咬下亦冇乜汁可言。鮑魚雞絲腸完全同齋腸冇甚分別，而且皮很厚身，寧願叫個牛肉或者豬潤腸都會比較划算。XO醬蘿蔔糕同平時係其他酒樓食果啲唔同，好粉好難夾而且味道好麻，完全絲毫感覺唔到有炒過的味道。鮑汁雞腳完全，同朋友一致覺得與翻叮冇差別。唔夠熱而且雞腳完全冇鮑汁味道，同白烚冇分別，45蚊的價錢完全唔值。XO醬金錢肚味道比蘿蔔糕出色得多，索了濃濃的醬汁再加上爽口彈牙，算很不錯。薑蔥牛柏葉同金錢肚一樣很爽口彈牙，會令人不知不覺夾了很多。

想食點心，又唔想去酒樓飲茶，可以試下呢間～ 今日簡簡單單食個lunch! 去相先米線正正常常，唔會太淋。鯪魚餅就好似番炸😅感覺唔太新鮮反而，點心好好食～ 鳳爪有3隻，好入味，亦都蒸到好淋鮮竹卷既湯汁好有鮮味，個皮唔係薄，幾有咬口，都唔錯呢度會收茶錢6蚊，午餐唔加一，所以都抵食

有時係尖沙咀真係諗唔到食咩好...得個2個人就是但食個lunch就算。豪隍點心既點心好食過酒樓店心，價錢又唔貴。墨西哥叉燒飽，外型好似墨西哥麵包，外皮鬆軟，入面既叉燒好足料又多叉燒汁。上海小龍包，一咬下去，會有湯汁流出，肉質鮮味。豪隍蝦餃皇，好大一粒，蝦大隻夾口彈牙，蝦餃皮好非常簿可以睇到個餡。

一拖四個韓國朋友，本來想去厚福街食桂記雲吞，但原來唔知幾時已關門大吉，佢哋想食點心，就求其入咗呢間，好彩係好嘢門面似劏遊客，但價錢每款都你廿幾卅蚊，同外面一般點心店相若。除咗一般蝦餃燒賣外，仲有懷舊點心，如蛋煎糯米雞，豬潤腸粉等等，選擇非常多。除咗包類外，樣樣都幾有水準，最like炸蝦角，好味到叫咗兩rounds，新鮮熱辣炸起，100%啖啖飽滿彈牙蝦肉, 古早味調味，舊式的味道。 另外一個特別之處係，佢唔係俾中式茶，而係俾日本玄米茶，韓國朋友飲唔慣，想要凍水，但要$2一杯，韓國朋友當堂O哂咀。

又到同同事周圍食既時間，同事介紹豪隍套餐唔錯又抵食，今日終於有機會試下，午市套餐選擇都算多，有蒸飯或湯麵，可加點心一款，茶錢$6一位，飲其他飲品便加$8(要留意唔係另加$8，只係補茶錢差價就有其他飲品） 溫泉蛋牛肉飯，煲仔上，飯份量有一碗左右，牛肉係點心個隻牛肉黎，加上馬蹄幾爽口，流心蛋黃伴飯，好滑上素蒸粉果，即叫即蒸，粉皮好薄，好彈牙，內有冬菇，爽口木耳，芫茜等素菜饀，不油膩，感覺好健康，會再encore

晚餐同老婆亞仔留港食私房菜，落船老婆大人話要搵個靜靜坐得舒服嘅地方飲茶食點心。天呀！又靜又食點心，跟本佢就係一心黎呢到食 =.=對上一次黎厚福街已係差唔多 3 年前嘅事，估唔到係呢到所有鋪頭轉哂嘅情況下，呢間點心舖仲屹立不到，果然有點料子。老婆大人話食物水準真係有返咁上下先頂得到（唔知以為間舖佢有份 =.=)由於只係 11點半，唔係繁忙時段，所以即有位坐，跟住就 tick tick tick 點餐紙。雖然老婆大人茹素，但同我出街食嘢都會食少量海鮮（對唔住啊老婆大人~)，但見點心紙有好多款都啱佢食，所以就點咗呢堆：我點嘅：1. 鮮蝦長春卷：上次老婆大人話怕太熱氣冇叫，所以今次叫返 (上次已見有個 「」架喇)。上菜時熱辣辣（真係要小心熱），入面真係有蝦架（廢話）。記得曾响永利食過類似嘅，但好似唔係蝦，仲要咬落去好似炸春卷皮咁。所以真係食到有蝦果種激動法真係好難形容～2. 沙律明蝦角：同蝦有仇 & 今日好想食好多炸物，所以點埋呢個。同長春卷一樣，上菜時勁熱。隻隻餃都質到爆...3. 墨西哥叉燒包：本身以為「墨西哥」係 gimmik，求其比個地方名個叉燒包就算，估唔到真係比墨西哥包我。入面好多

昨天約了朋友出尖沙咀行街，每次去尖沙咀都心思思去「豪隍」歎點心。剛剛入到「豪隍」，知道換左「枱」和「櫈」全新面貌，感覺比以前「舒服」左，「乾淨」左。當我仔細看看新枱櫈時，朋友已急不及待圈了她的至愛點心。豪隍蝦餃皇 由始至終，都係豪隍的蝦餃最大隻，把蝦餃放在匙羹都迫爆曬。我最鐘意蝦餃皮煙韌，蝦仁又大又爽口，百份百推介。森巴牛肉腸我個人鐘意食牛肉腸。這裡的牛肉腸的牛肉涵料夠厚，腸料唔使講是豪隍的招牌點心，正！墨西哥叉燒飽每次黎豪隍必食的點心。外面墨西哥皮鬆軟，裡面的叉燒涵料有足料叉燒和汁，必食新出左香煎芋頭榚。一碟有三件，厚厚的，好有芋頭的香味，值得一試。（因為食得太快，忘記影相）唯一美中不足是茶唔夠滾，正所謂「水滾茶靚」希望我在這裡提點下佢地，可以改進一下吧～

今日同朋友好想食點心，誤打誤撞入左去食。水晶肴肉: 好一般鰻魚腸粉: 滿有期望，但可惜沒特別燒賣: 所有野最好食，比預期水準高墨西哥叉燒包: 不食也罷排骨: 不過不失生菜: 無咩油，比較健康小籠包: 賣相差，味道像是在超市賣一包$6.x有8-10粒，紅色包裝的那款小籠包，但這裡索價要$28/4粒再另加一。總結:  價位不高也不算低，只是位置比較方便，除了燒賣系有水準，其餘都不討好，所以不會再有下次了。

小弟和太座於今早11:50出現，見到大量空座，要求坐卡位，被拒，其時已有一對國内女仕坐在其中一個卡位，算，可能歧視香港人，求其坐下，眼見其裝修富麗堂皇，但坐位設計有問題，桌與椅之空間極大，路很窄，等左10分鐘先上茶，其間已選好點心，呼喚但無人理睬，自己走出去遞交給阿姐，發現原來掛住打機，不到3分鐘，蒸飯已到，好明顯蒸好9年，此時個捧飯啊叔一壼豉油淋落我身替我沖凉，佢地既反應係壼豉油點解會瀉，答案其實係阿叔拎得衰路又窄，從淋到我直至我自己抹好身到最後一直無人理過我，道歉都冇個，我滿肚怒火再次要求坐卡位，再被拒！我即時拎袋走人！呢間垃圾不是服務差，係無服務，全間店既都係新香港人，用國內嗰套服務水平套入香港，難怪中午時段都門可羅雀。P.S. 幾廿歲人第一次嬲到寫食評問候食店。