貓館 (Closed)

第一次去貓主題既cafe因為今日一行4個人個個都好中意貓貓所以雖然見到呢度某d評語唔係咁好都即管一試catfe入面其實有5個貓貓大部份都好好玩同肯同人玩見到之前有d feedback話d 貓貓唔肯比人抱又唔同人玩都唔係丫咁貓天生就冇狗咁熱情架啦我今日所見其中有4隻貓貓都好願意比人摸(金黃個隻不知所蹤)其中一隻仲好開心咁嚕嚕嚕..連抱上手都冇問題(係其中一隻比我摸pp既時候輕輕咬佐我一啖xddd)講到野食我叫佐一杯ice mocha普普通通唔算好味但見同行既朋友一杯曲奇朱力milkshake都非常唔錯香甜又creamy而個tea set湯天使面可以算係不過不失不過略嫌少d配菜另外一行4人分別叫既newyork cheesecake.lemon cheesecake.blueberry cheesecake同tiramisu都頗有水準而且個人特別欣賞佢個環境乾淨企理夠光猛加埋d music傾野都傾得心情輕鬆選bg music個位真係值得一讚另外值得一提既係catfe menu上面有3個以上既page都係飲品味道唔知道但勝在夠多選擇相信下次都會去試下唔同既食物最重要梗係探下一堆貓貓啦

早幾日同朋友行開太子o個頭, 突然口痕想食雞翼, 於是四周圍睇下有冇cafe之類, 見到呢間"貓館"樓下豎起個牌, list左十樣八樣野食, 心諗:「呢度都list左咁多野食出黎, 上到去應該仲多啦~」於是就同朋友行上三樓試下, 點知......見到佢地個so-called menu, 得一張A4紙(單面印), 原來樓下個牌已經將成間cafe有o既菜式list晒出黎, 而且都係d好普通o既意粉、沙律同油炸小食, 我開頭都唔信, 仲走去問多次個waiter, 係咪得呢個餐牌, 而佢又真係答我「係」囉......ok, 之後我地嘗試叫野食, 叫我好想食o既雞翼, 由於我唔食炸野, 所以問waiter點樣整, 唔知阿waiter哥哥係唔係新黎, 咩都唔知, 要走入廚房問, 然後話我聽係炸雞翼。於是我問佢可唔可以唔好炸, 用煎或者焗o既方法, 跟住佢走去廚房問, 答案竟然係:「廚房話唔得喎, 因為d雞翼醃左, 所以只可以炸。」我聽到真係忍唔住講左句:「下?? 唔係呀嘛?! 乜唔係醃左先唔好拎去炸咩??」waiter哥哥冇回應, 只係話d雞翼係炸。真係火都黎埋, 好明顯你係冇醃過d雞翼, 先至一

一直好喜歡這裡, 飲杯野, 玩下貓, 十分舒服。最喜歡係佢的貓貓不是名種貓, 因為現今有許多pet cafe都是特意從狗場買狗仔貓仔來充撐場面, 店主許多時並非愛動物之人, 最慘係有日cafe執笠, 這些貓狗必定會遭遺棄。老實講, 野食真係ok普通, 但野飲都唔錯, 加埋5隻貓做甜品, 飽晒！

夜晚九點放學，同女朋友係太子搵地方坐下傾下計，最後係地面見到個餐牌，就上去試下了。去到門口，聞到好大陣貓味，我驚左一驚，好彩入到去就無了。地方都幾細, 只有八張抬(有四張for4個人的抬& 四張2人抬)。建議多過5個人就唔好上來這裡了。我閒日差唔多十點呢個時候就唔係無咩人。我們睇左menu好耐，其實d野食都唔係好吸引。我揀左煉奶花生醬厚多士，女朋友食牛肉湯天使面．．．因為叫特式野飲比較貴，所以飲杯檸水算～　仲叫人俾左貓貓玩具我地。不過果度的５，６隻貓貓，只有一兩隻活躍，最活躍果隻俾格離抬玩緊，我又吸引唔到佢過來．．．我地就出去玩其他貓。有兩隻在睡，有兩隻好乖咁訓係一間開放的房仔的梳化上俾我影相～都幾開心～而式野食方面，真係沒什特別，女朋友的天使面．．我覺得和米粉沒分別．．．我的厚多士就ｏｋ，不過唔夠熱．．．食完傾下計，聽聽音樂，但貓貓睡了，無得玩了～總括來說，都算是有特色有主題的ｃａｆｅ～滿意～

環境: 舒適, 也算整潔. 貓貓也很可愛, 數隻只有1,2隻走出來坐食物: 點了白汁煙鴨胸意粉, 白汁意粉難食, 味淡之餘也隱約有點類似雪味. 花果茶味道可以, 但朋友的茶浸了一段時間還是淡而無味清潔: 看見上碟的意粉亂糟糟, 而那碟子有點破口又有點漬, 真倒胃. 透明茶杯也有不少水、茶漬, 紙巾大力抹才乾淨一點服務:帶位的長髮店員是很友善, 但另一位中長曲髮的則不敢恭維, 當本人用清潔的餐具跟窗台的貓逗玩時她立即走來"訓示"不可餵貓, 即使看到那餐具一點食物或汁液也沒有, 本人也表明沒有餵貓意思, 她仍再1次"喋喋不休地訓示". 她保護貓貓是好, 但未查清楚便如此對客人, 弄錯了也沒道歉的意思, 實在有被屈的感覺. 價錢:午餐的價錢相宜, 但改花茶只平了十元(原價38, 即是須加28), 就有點貴, 加上如此質素...

昨晚7:30pm book左window sofa (其實全店都係sofa)和貓妹吃飯, 趁佢返Sydney前聚一聚, 賞下貓. 貪九龍只得呢一間貓cafe,幾就腳.環境不錯又整潔, 服務良好. 四處佈滿型仔貓相, 氣氛柔和, 好啱消磨時間(貓妹話, 啱哂佢係度做十字繡添!). 杯墊, 杯仔, 碟連toilet都係貓, 幾cuite.野食一般啦, 似microwave food. 不過來這裡都是為了"自助貓餐"囉. 5隻貓仔自由catwalk/ 捲埋一舊睡覺. 成為食客的影相/ 逗玩對象. 我地埋單後去埋貓房玩了一陣貓才走. 度過了一個funny Wednesday!

上月朋友帶我去吃晚飯, 環境, 招呼都不錯, 但晚餐款式不多, 兩次去餐牌一樣, 而且分量少, 意粉不"林"不過多數人都是想和5隻可愛貓玩耍, 牠們很乖

下午打電話去訂窗口位, 侍應/店主對答很有禮貌, 到五時多又打電話來確認, 感覺很好~店子不大(小廚房, 貓咪房, 洗手間, 不出十張檯), 5隻貓咪大多躲在房間內, 偶爾會出來巡視, 如想跟貓玩耍, 可問侍應借玩具~點了2個晚餐, 加了錢要餐湯及蒜蓉多士, 也加了錢要花茶, 最後加了錢要雪糕, 同意之前食評, 這樣加來加去, 的確比出面餐廳昂貴, 應檢討一下~食物方面, 除了蒜蓉多士好吃外, 餐湯主菜皆是水準以下~ 粟米濃湯跟金寶的差不多, 天使麵及長通粉都過稔, 整體是吃得不太好的一餐~不過來得這裡, 玩貓為首, 食物次要, 提外話不多說了, 是跟貓咪玩得開心的一晚~註︰洗手間放置了大量貓糧存貨, 貓咪因而會在附近留連, 所以上洗手間時要有心理準備

一行三人星期四晚上去食飯。環境氣氛ok，不過d貓貓唔太理人，各自各訓覺。野食ok，稍貴。

今天是呀J從上海回港後與他的第一個晚餐。由於想找個地方可以慢慢傾，最好就係上樓cafe啦！而呢度聽過有貓又有貓貓精品，就上去見識一下，上次星期六上去，full house，唯有去了下面的Private C，食物好一般！今次星期日上去，但好少人，星期六同日真係好大分別。上到去見唔到貓貓，原來佢地係間房入面訓覺覺豬，一隻黑白、一隻啡白，兩隻都好肥好大隻。我地叫了dinner set，加十五元要了兩個特飲，我要了野菌磨菇汁煙三文魚長通粉，J 要了茄子肉醬煙鴨胸意粉，份量唔多，但個通粉及意粉的質感都ok唔會太淋，個磨菇汁好味！J覺得都ok，以上樓caf撉食用水準來說都ok，但呢個價錢，差唔多七十元一個($58+$15)，如果跟埋湯同埋包(+$10)，要成近九十元一個餐，以呢個價錢在其他餐廳可以食得更好！不過我地可以慢慢傾，又唔嘈，都值得的。可能今次無咩人所以覺得好坐啦！

今日同個朋去試下.因為大家都喜歡貓入便有四隻貓貓.佢地會係你身邊走來走去.可以摸下.唔太怕人.但想抱的話,應該唔得.佢地會走的啊!食品方面.要等一點時間.不過都預咁細個廚房,可以幾快呢?我叫了一個香草意粉伴排骨(但唔記得係咩肉,只係記得好似隻脾咁)+了一個西蘭花忌廉湯伴蒜茸包朋友就叫了個肉醬意粉伴鴨胸意粉的味道我覺得淡了點.蒜茸包OK.湯就太杰飲品叫了藍莓沙冰同柑桔沙冰.但味道一般晚餐平均六十多元.+15轉特飲,+10可加湯及蒜茸包價錢可以接受,但食物質數尚待改善

同男友去cafe食set lunch,,d野食即叫即整的,,叫左白汁吞拿魚火腿長通粉同煙鴨胸長通粉伴西蘭花,,另外drink叫左milk tea同coffe,,我飲果杯係奶茶,,好重奶味,,好鍾意^^"杯coffee無試到,,唔知,,d野食好大碟,,同埋都好好味~入面有4隻大貓貓,,食食下野d貓貓又爬左上你張sofa度,,d貓唔驚人好可愛,,仲不停眼金金咁望住天花板,,點解？?因為d陽光反射左上去,,閃令令,,好靚囉~我都成日摸d貓貓,,哩度個環境好靜,,加上播d classic既英文歌,,真係好舒服~唔錯^^

叫左2個set dinner,大約$60一個set,味道一般,因為係店員即刻整,當時仲有另外2個人叫set,所以我地都等左好耐先有得食.貓貓唔太理人,唔肯比人抱,同佢玩又走開,無左原本上黎為左貓既意思,等如去左一間好普通既cafe.環境一般,果到好似無雜誌,又無野玩,上到黎都幾悶不過如果想靜靜地傾計就岩,果到都算幾靜

19 January 2006 (Thur) - 晚飯終於上咗黎呢度，我同友人上次都想上黎，但見下面個間食評好啲，所以去咗下面嗰間先，今次都係想一睹啲貓貓既樣樣至黎！我哋僅僅食到佢個下午茶餐就當晚飯啦，因為我又冇乜胃口，友人又病病地．．我哋揀咗一個吞拿魚飛碟，一個碎蛋沙律潛艇share，本來都想飲花茶，但係要加成$15，其實我覺得貴架！佢既什茶餐己經要成分別係$32同$35蚊，比起下面嗰間，呢間真係較貴！兩個都OK，不過兩個都比較少料，而潛艇既沙律醬又真係唔駛咁多既！最開心係有貓貓，有四隻，不過略嫌大隻，唔cute呀！！

男友生日, 朋友艾美同我地約左樓上cafe飲野,選左呢度, 都係見佢全店禁煙所以試下,呢度真係有貓! 有好幾隻,本人其實有少少驚貓, 佢地會突然走埋你度,又想咬我件樓的fur, 搞到我好驚!不過之後佢地有佢地玩, 冇理我地lu....講返正題, 我同男友都叫左花茶, 都係同其化一樓俾個茶壺你,但我果杯玫瑰花茶都幾淡....朋友同男朋友果杯..味道都係ok啦, 又唔係難飲既,果晚唔萛好夜, 未到十二點但都冇晒人lu,感覺幾好! 有機會會試下佢d野食! 同埋佢d野飲都唔萛貴!!~