貓之茶房 (Moved) New Location

I enquired beforehand whether they allow 2 and half year old toddler in the Cats Tearoom. At this time, no terms and conditions and the surcharge/fine for making loud noises had been mentioned. As soon as we entered the place, the servers/receptionist was very wary of seeing a toddler and unfriendly. If I had known of the terms and conditions to remain quiet beforehand I would not have visited this place. Because, of course my kid was very excited and happy to see cats up close and she squealed

如題，我支持呢間餐廳嘅原因，係因為間餐廳養咗好多隻貓，所以我覺得無論你有冇養貓都好，係可以去感受下、坐吓，用你嘅支持，可以贊助到呢一間餐廳，等佢哋可以去維持同埋去收留更多嘅貓貓，其實我覺得咁樣做係一件好另類嘅對小動物嘅關注嘅一種行動。咁都講下呢一間餐廳啦，都抵幫襯嘅咁，坐咗喺度兩粒鐘，一個人都係$100多少少啦，包左一支飲品嘅，咁再睇下你需唔需要再買其他嘢食等啦或者係再去餵下貓貓零食呀。嗰度嘅貓貓呢，都係好溫和、好可愛啊，我都忍唔住影咗佢哋幾張相啦！提示：做預約先，因為walk in唔包有位嘅。

作為愛貓之人，當然成日會去一Ｄ貓Cafe，例如阿貓地攤、貓星球等等，荃灣呢間好似開左一段時間，不過最近先去拜訪，去完唔捨得走！一入去已經有一隻「知客貓」歡迎你！係一隻背毛深啡、肚毛白色既家貓，好熱切咁係身邊打轉，所以一開始對呢間cafe加晒分！因為某Ｄ貓Cafe既貓可能俾熱情既客人嚇怕左，變得怕人，但我地黎呢ＤCafe無非都係想同「主子」玩嘛！所以開始既觀感真係好好！做完個人清潔之後，入去坐低，呢度都幾大，不過都幾多人，好多都蓆地而坐，Ｄ貓就係你身邊行黎行去，粗略數算有廿幾三十隻，有Ｄ瞓左係籃，有Ｄ就周圍行，坐坐下會突然身邊有隻貓行過，你可以「有禮貌」咁同佢玩下，好治癒！至於野食，因為佢「主菜」係貓，所以只提供少量小食，同埋簡單飲料，但大家都陶醉係貓既國度入面，唔會太有要求啦！

今天即興沒有訂位下走去貓之茶房，誰不知太多人滿哂沒位，服務員只好叫我們留電話有位就通知我們。冇辦法啦！唯有行下街街食下嘢先。行了數小時沒有回覆之下，心諗乘車回家突電話來說有位了，開開心心就立刻上了去。店內很细心有紙拖鞋供應的，服務員都會提提我們入店內都要消毒洗手。坐下點了綠茶飲品，因逛街時以吃了東西很飽，所以沒有點小吃。店內地方比我細，驟眼看好似只得十幾隻貓，但就沒有真正數過。隻隻貓咪都肥嘟嘟好乖好可愛。忍不住打下卡先。我倆二人逗留一小時。合共130元包括兩杯飲品。

嚟得呢度都係主要玩貓㗎啦!唔係黎食嘢嘅。我覺得唔同普通貓cafe,因為個D都會有喺upstairs cafe 食嘅質素,但呢度真係玩貓天地。$108/1位(2小時)包一杯飲品入到去一定要消毒雙手,仲有紙拖鞋畀你著入去。店員都會畀個大袋你入住你啲衫同袋 。一入到去見到好多貓。雖然好可愛,但好可惜,愛貓嘅人係絕對唔會畀貓癡肥㗎 !入面好多貓都癡肥真係冇管真係佢哋嘅飲食 ,其實我真係會擔心佢哋嘅健康 。真係好希望,店員都可以在意下貓嘅健康啦 !熱抹茶牛奶 評分:2.5/5超甜的。朋友叫手撕雞麵 ,店員落咗樓下買外賣返嚟畀佢食 ,幾搞笑。

同一班朋友約左黎依間貓cafe玩貓🐱一入去就已經有一兩隻貓趴係欄杆同收銀台度啦🥰店員首先比我地睇左收費同守則，然後我地就用消毒液洗手。搞掂曬之後就可以入去cafe area啦！坐低左之後，店員比左個大索袋我地放自己嘅袋入去。今次因為主要係黎玩貓，我地就無特別叫到嘢食，淨係叫左杯附送嘅飲品。我叫左杯熱嘅柚子蜜，味道唔錯🤔 而且杯蓋有貓嘅圖案🐱 店內仲有逗貓棒同梳借，可以拎黎同貓玩同梳毛🤤 啲貓大多數好平易近人，有啲甚至會自己走埋黎檯度/坐係你對腳上面！我地坐左兩個鐘都只係$108/人，覺得好抵！店舖嘅面積都好大，可以比啲貓貓走黎走去。下次有機會再去探下啲貓！

金毛又係四眼女侍應 餐廳剩係得一個廁所跟住佢響入邊敲左好多次門都冇反應 一行出黎就眼啤啤啲客 除咗佢之外一切非常好 貓貓超級多啲貓都好乖不過有少少貓尿味(近門口) if you feed them with a treats they gone crazy and this soooooo cute food are find not the best but okay for a cat cafe I would not recommend it for a place for a real meal tho for a light tea for snack or some some drink Is great .

第一次寫食評，估唔到係不愉快經理一入到去，有個金毛四眼女侍應，講野粗聲粗氣冇禮貌，唔願做咁，重要俾我去厠所時重聽到佢話個客on X . 哇，咩世界呀！俾錢重要俾你鬧，明知厠所有人都咁講野！食物質素一般，全部都好濃味，好咸，全部都係預先整好既野，用外賣裝好盒一盒盒既，等左大半個鐘先嚟，餓到我死，催又冇人理，翻熱啫要唔要搞耐呀，野飲都好求其，杯咖啡勁甜，冇咖啡味，純粹沖普通一包一包既粉，重要咁既服務態度，真係唔會再幫襯

麻辣手撕雞粗麵 $38🌕🌕🌕🌗🌑麵好食過飯。麵既味道甜甜地，後勁有小辣，雞唔乾入味，整體唔錯，可惜麵有啲凍。-白桃梳打 $20 （贈送）🌕🌕🌕🌕🌑味道唔錯，桃味夠甜～P.S.青提梳打好難飲，無乜味...-首個鐘65蚊，仲送野飲，貓貓好可愛，店舖格調偏白，易影靚相～

一定會再去 🤩 好多貓貓💕仲要係不同種類都有！貓貓們都非常之為食，所以好容易吸引佢哋埋身影相 ^_^ 現場會借逗貓棒比你同貓貓玩 ^_^ 亦都可以買小食，但要注意佢1小時只會賣7份小食，賣完就要等下一個小時。價錢非常之合理 👍🏻 入場第一個鐘係$65包一杯飲品，學生好似有優惠。第二個鐘起$30。食物方面大約$20-30一份小食，主食價錢冇留意🙈。食物份量都好大份，一份大薯條🍟 係有2碗，味道不錯但如果不愛吃醬的要事前通知，因為上菜時已經有茄汁和其他醬料。食物等候時間比較耐，要等半個鐘以上！飲品方面，唔建議飲咖啡👎👎👎👎一杯咖啡都要等15分鐘或以上。上菜速度比較慢。

前日 (4-8-2018 Sat)晏晝同老公o係呢間茶房食外賣餐同玩貓,等外賣等得耐,想order cakes 但又驚唔夠時間,o岩o岩出去想order時,見到有外賣派到o黎,我就唔叫住,返埋位食外賣先,之後見夠時間就叫cakes喇,我o地叫o左$22.00o既榛子咖啡慕思蛋糕同$20.00o既白桃酸車厘子慕思蛋糕.好快o黎到,而兩件都好細件.Cut開睇,兩件蛋糕都有幾層,我先食榛子咖啡慕思蛋糕,呢個甜度o岩o岩好,口感又正常,咖啡味唔算好濃.味道: 5分之後到白桃酸車厘子慕思蛋糕,面層可能係酸車厘子漿,口感有啲煙韌,味道係微酸,感覺呢個冇咁好食.味道2.5分我o地只叫o左兩杯水飲,個杯係冰室紅豆冰杯,大大隻,但….只係斟o左半杯,孤唔孤寒o左啲?我o地都冇叫到其他飲品,因為唔係好確定$65.00一個鐘係咪真係送一杯o野飲,但點解佢o地唔同客人講清楚或提客人?服務:幾個後生女主理,態度一般至麻麻,有一個更加係黑面,提客人小心倒瀉飲品時,語氣有少少呼喝成份.係落單同收錢咪好好語氣囉.環境:冷氣好夠凍,無他,啲貓多數係長自貓,自然要開大啲,客人都係貼地而坐,方面貓貓陪玩.衛生:一入去,有貓

入面環境幾乾淨而且食物嘅價錢都唔貴。仲唔使收服務費貓貓都好乾淨，但周圍都係貓毛入去前有酒精可消毒建議帶小朋友入去要同佢地講唔好追貓貓上次去有好多小朋友係到追媽媽。

如果屋企有小朋友，唔方便養小動物，可以考慮下帶佢地黎呢到玩下。一黎可以滿足小朋友既好奇，二黎又可以教下佢地點同動物玩同愛護佢地。今日同姪仔姪女係呢到放空左一個小時，佢地都地都好enjoy。每小時HKD65/head，包一杯飲品。呢到仲有一個買猫糧餵猫環節。猫糧每隔一小時出售一次（14:30 / 15:30 / 16:30 etc.)。數量有限，人多要出去排隊買。上黎呢到最好著襪，因為要除鞋入場，另地下好多猫毛。如果有敏感就唔建議你上黎。個場可以比你周圍走去玩猫，姪仔姪女就周圍走，我就坐定定等猫行過黎比我玩😌 有隻貓坐左係我張枱到，都好長時間下，我唯有幫佢影下寫真啦😂😂😂

香港過去二十年出現過形形色色大大小小的貓cafe....我唔敢講我去過曬，但去過好多。呢間都算係我見過最差。我見佢地宣傳收入會協助流浪貓我至去捧場。首先，攪貓cafe ，職員一定要愛貓，唔愛，都要保護佢地，至少對佢地有認識。可惜，响度坐兩小時，見到有客尖叫，大笑，大叫，嚇到貓。仲有客逼貓影相，喝同拍隻貓職員無理。佢哋operation 都亂，上食物飲品亂，人地未走又收左人飲品在場都無乜職員睇住，成日唔見左d職員，乜都無人理。全部貓都好大隻，已經大，唔太鍾意玩，只想食同訓，但客人就逼佢地玩好可憐。騷擾完佢哋食嘢又騷擾佢哋瞓覺呢度衛生好差，好多垃圾同塵，裝飾又唔多適合貓，客人又嘈，係我去過最嘈。佢哋又播d好嘈的pop song ，成個環境都好嘈。真心不推薦，可憐的貓

暑期中，為女兒安排了補習班，遂多了時間到荃灣去。上週下課回家往乘巴士時，在大河道看到「貓の茶房」的招牌，女兒表示有興趣，便跑往樓上看過究竟，一看，原來是一間以貓招來的茶房，收費是按人頭計算每位六十元，並包一杯飲品，唯食物另計，亦同時提供免費wifi、免費手機充電、免費棋盤遊戲和免費LOCKER，而第二小時起每人三十元，這個收費，合兩人過百元的費用，個人覺得稍為偏貴，何況當時沒有相機在手，對於我這個只愛拍而非愛貓人士來說是有點浪費，固沒光顧並離開回家去。本週，友好問道有否興趣到「貓の茶房」，問了女兒，女兒大表興趣，約會便成。與女兒在「麵道」吃過午餐後，已三時許，與友好會合後便在到茶房去。  店員為我們講解前述的收費事宜後，便著我們先脫鞋，並放到鞋架上，再消毒雙手，始安排我們入坐位於窗旁的四人矮桌，甫入內，發覺地方也很大，目測店內有過千尺活動空間，可真不小，走了沒兩步，便迎上貓兒。 入場費是包了一杯飲品，當然先決定喝什麼，我喝的是「印度大吉嶺紅茶」，友人喝「格雷伯爵紅茶」，兩位小朋友則喝「凍青檸梳打」。飲品沒來，我們四人已離桌，各與貓兒共舞去；店內的貓兒數目也不小，約有廿隻，品種亦多，有些