茶色生香 (愛蝶灣商場) (Closed)

充滿黃色氣氛 💛 非常喜歡佢裝修簡單，所以非常清晰牆上面嘅字帖，亦都非常細心有一個影相打卡位👍🏻👍🏻👍🏻🌟 芝士金鳳珍珠 飲得出唔係果糖製造，感覺唔會太甜，菠蘿味香濃，值得回購❤️‍🔥❤️‍🔥❤️‍🔥

天氣咁熱，真係好啱飲杯台式飲品！想飲珍珠奶茶好似太膩，芝士又好heavy，一於試下益力多嘢飲，酸酸甜甜，啱曬熱天啦！🍴 益力多桃桃 微糖少冰 $36第一啖飲落超fresh，甜度係適中，桃味好濃，唔知係咪用新鮮桃去打，好香好甜，益力多味都好重，飲緊杯桃味益力多，好飲！呢杯真係好啱夏天飲，酸酸甜甜好開胃，消暑又解渴！推薦指數: 8/10誠心推介，下次會想試吓芝士奶蓋！

其實已經懲罰過好多次「茶色生香」，第一次見到店名以為 dom dom 開咗門市 🙈 價錢方面同其他台式飲品店差唔多，但係大大杯，抵飲  👍 平日朝早仲會見到一箱箱新鮮生果、牛奶送到舖頭門口，真材實料 👍=========================【益力多桃桃桃】＄36 ✨7/10其實飲過益力多類好幾次，酸酸地解渴消滯，今次試水蜜桃 🍑 少女嘅味道～感覺佢同市面上飲品店嘅「水果系列」唔同，唔係將生果浸泡，而係將水蜜桃即場打成果汁🌪所以清甜，唔係好假嘅桃味 🧐 可能重要嘢要講三次，所以呢杯叫「益力多桃桃桃」🤣 如果你鍾意新鮮生果原汁嘅話，呢一杯啱你 🤩 睇住店員將兩支益力多倒入搖杯，唔怪得益力多味濃郁～甜度可以揀，走甜之後，益力多自帶甜味，所以甜度啱啱好！呢杯本身冇配料嘅，如果加$5配埋蘆薈/寒天，有嘢咬下會更好（俾錢嗰陣唔記得加 😅）～值得一讚呢間嘅配料好大方，份量足，飲一杯飽哂 🤤店內夠膽貼滿七彩繽紛嘅memo，真係要多多懲罰吓 😠 近期逢星期一，仲有Blue Monday指定飲品減$5優惠～唔洗去麥記，都有大大杯飲品啦 ✌🏼=========================茶色

話說今晚食完外賣有d口乾，趁未換衫不如落番樓下買杯手搖番屋企飲啦。黎到屋企樓下嘅茶色生香，可能呢間茶飲店係愛東區內唯一一間手搖茶飲，所以平時生意都唔錯。 茶飲店裝修簡約，用上白色牆身同木枱，牆身仲貼滿彩色memo寫滿為香港人打氣嘅字句，要多多懲罰！ 睇睇餐牌茶飲種類都幾多，主打芝士奶蓋茶飲，新鮮水果茶同鮮果牛奶類飲品。平時番工時間總會見到一箱箱新鮮生果送到舖頭門口。 ==========================益力多桃桃桃 (走甜) $36 唔知係咪重要野要講三次，所以呢杯益力多桃桃桃會咁叫🤣搞到我叫野飲果陣都有啲尷尬，唯有同店員講想要果杯桃嘅益力多🤣 益力多類飲品非常解渴，估唔到配埋桃又幾有驚喜。因為益力多已經幾甜，所以記得飲益力多茶飲一定要叫走甜，唔係一定甜到「野蟻」呀！茶色生香 (愛蝶灣商場)📍筲箕灣愛禮街2號愛蝶灣商場地下57A號舖

平時係新界騎牛，今日遠征過黎，見到間黃店諗住幫襯下，叫左杯宇治抹茶走甜，諗住買返屋企慢慢嘆。點知返到黎一飲......成杯糖水咁.....好明顯係冇同我走到甜...試過溝開佢都搞唔掂飲左一半就倒左就算佢好多糖都飲到佢有抹茶味。希望下次有機會再幫襯個時可以飲到一杯真正走糖既宇治抹茶

我行過好多次想幫襯，今次終於肯去買。睇相見個宇治抹茶個樣幾靚仔，我就決定嗌杯黎試下。因為近排減緊肥，所以就叫左走糖🤧但係我唔知係佢唔記得走糖，定本身就係咁甜，我一飲就覺得非常甜 甜到我倒左半杯出黎，自己加左一杯水入去先覺得ok 但係我唔否認我本身係比較怕甜😂但係我溝左成杯水落去都仲飲到抹茶味，真係out of expectation😍 所以我就決定左下次買多次走甜，睇下係佢本身係咁甜定係只係個次唔小心失誤左🤭

@kan.teen 大家都可以去睇翻 #kanteen飲品 🥤.👅 芝士珍珠奶茶 $27上次飲咗佢個芝士芒果🥭勁好飲 所以今次都叫翻芝士系列先🧀點知...點解芝士奶蓋個份量少左咁多架😱不過質地都一樣 都係 稠身杰身好香濃👍🏻如果多翻啲就好🥺咁佢係係鹹奶蓋黎嘅~配埋甜嘅奶茶 係鹹甜嘅配搭🥰而且茶同奶嘅味道🍼合乎比例 相輔相成 混合埋一齊好香濃🍵珍珠方面比起其他茶飲店硬同大粒 但唔會硬到食唔到個種嘅😂😂純粹係比較煙韌好有咬口 要咬多幾下先吞到🤣.👄總結自己私心都幾鍾意呢間良心店💛一黎啲杯嘅設計好靚 二黎飲品嘅質素唔會令你失望🤔三黎亦都有好多茶飲選擇👏🏻四黎係抵飲 而家好少呢個價錢 咁大杯架啦 又珍珠又有芝士奶蓋👻大家都可以去支持下😂 ———📍茶色生香 (筲箕灣)筲箕灣愛禮街2號愛蝶灣商場地下57A號舖

到門面超多文宣💛💛打算支持下佢 懲罰下黃店睇個名好似主打茶飲🍵但係見到有牛奶🥛同埋乳酸系列，加埋水果好似好吸引🍉🍎🍏⭐️ 鮮牛乳草莓🍓 ($36)聽講好似用左4.2特濃牛乳打出黎🍼 但係飲落唔夠香濃😅飲唔到鮮奶既味道🐮質感都比較水，貼近冰沙既感覺🍧 無左牛奶既幼滑。草莓味算係天然，唔似果醬既死甜👍🏻。可能無額外加糖🍬，整體口味都係比較淡。下次有機會都係試返佢既茶比較穩陣🤣🤣

最近成日都留係屋企 真係想出去飲啖珍奶過下口癮 不過係筲箕灣區想搵到間💛奶茶店真係唔易 依區有既奶茶店真係得2-3間左右 又唔想行咁遠去西灣河 不妨可以試下依間位於愛蝶灣既珍奶店位置上唔算難搵 係地鐵站出左其實右邊就望到 可能因為真係唔多珍奶店 加上係💛店 所以都幾多人排隊 等野飲 門口設有一張長椅子 可以俾你等緊嗰陣坐住等今次叫左杯琥珀珍珠奶茶（$22） 如果要奶綠就貴$2 大概等左5-10分鐘 都唔算太耐 不過其實都先見如果叫兩杯以上都好似等得再耐啲 因為見排係我前面買既人叫左2杯 我拎得佢仲未拎得😅😅個杯好特別 （你懂的） 味道方面 其實都有啲甜 我叫左少糖 但其實味道都係偏甜 其實$22黎講 杯野都算大杯 而珍珠方面 都叫彈牙有口感 整體都唔錯

雖然呢間舖一直係附近，但都係第一次飲。首先，呢間係真香港人嘅店舖，已經想令人支持，舖頭亦有幾多選擇，珍奶、水果茶等。我叫左爆谷珍奶，唔話得，珍珠完全冇偷工減科過，真係有爆谷味， mix埋好好飲！而朋友叫嘅係百香果茉莉茶，佢走左糖，有淡淡嘅茶味，百香果酸酸地，ok嘅 but not my type希望大家多多支持啦！加油！

見佢都開咗一段時間，咁今日經過就試吓啦！叫咗個芝士士多啤梨。我覺得佢嗰個沙冰底幾好飲嘅，幾香士多啤梨味，不過佢嗰個芝士奶蓋就差啲，完全飲到牛油奶油味，同埋偏鹹。

初次幫襯新舖，買一杯抹茶系列的「宇治抹茶」，諗住好穩陣。飲嘅時候飲到一pat pat黑色未溶的粉末，返去問店員，店員話所有抹茶都一定要加Oreo落去，但係個 Drinklist只係寫「宇治抹茶」，並不是「Oreo宇治抹茶」，店員話如果唔要Oreo要落單前提出⋯⋯成件事好匪夷所思好反智，唔怪店員，店員都係按指示做，不過老闆口味好古怪，強迫人飲抹茶要加Oreo，唔會再幫襯⋯⋯⋯