牛芳百世 (Closed)

咁啱同事都出哂差，一於傻傻地出去試吓。中午左右去到，基本上唔使等位。但係咁早就冇坑腩，得崩砂同爽腩，我叫完爽腩飯冇耐就連崩砂都冇埋，有冇咁好賣呀，啲枱都未坐滿吖？係咪唔想做午市呢吓？爽腩飯嚟到，飯同腩分開上。碗腩好似幾人大碗，但其實大部份係墊底蘿蔔。湯聞落幾香，飲啖，唔太咸，唔錯。蘿蔔幾稔同清甜，雖然有啲渣，不過可以接受。爽腩的確幾好，稔，香，鮮。單以牛腩計係 OK 抵食。最失敗竟然係碟白飯 - 硬到以為係冷飯！𡁻咗幾啖，都頂唔順，倒佢落碗爽腩變湯飯至食得哂！扣四十分起碼！

份量好細份，食唔飽，食嗰咖哩牛筋沾麵，咖喱汁點完仲有麵剩。咖哩唔辣，冇咖哩味。嗰炸雞翼乾身好dry。服務態度超級唔好，雞同鴨講，明明同佢講廣東話，係都要答大陸話，真係奇怪兼離譜。以後永遠唔幫襯。

完全俾個名呃左，以為專食牛唔會差得去邊，叫左招牌牛腩河，牛腩好「un」，湯冇味，份量又少，服務態度好一般，六十蚊一碗牛腩河仲衰過屋企樓下樂園三十蚊一碗，好懷疑仲可以捱到幾耐？唔會再幫襯，亦都唔想其他人中伏。完全俾個名呃左，以為專食牛唔會差得去邊，叫左招牌牛腩河，牛腩好「un」，湯冇味，份量又少，服務態度好一般，六十蚊一碗牛腩河仲衰過屋企樓下樂園三十蚊一碗，好懷疑仲可以捱到幾耐？唔會再幫襯，亦都唔想其他人中伏。

只有真正新鮮的牛肉，才會夠膽這樣烹調制作。一入座，店員已告之招牌牛腩已買完，只剩下崩沙腩數碗，為了不錯過，立即點了一碗清湯崩沙腩配米線試試。先試一口湯，對於一直"重口味“的我來說，是味蕾衝擊，湯近呼水一般淡，和平時吃的牛腩麵的湯完全不一樣。 再試牛肉，才發現淡淡的湯頭原來是為了襯托牛腩的鮮味，一般店舖的牛腩都會用比較濃味的醬料和香料去掩蓋牛的雪味和羶味，這間卻用淡淡的清湯去證實他家牛既鮮味。喜歡食牛的可以一試

This shop is located in TST. It looks like local restaurant but it's little bit different. The taste is good but potion is very very small. They use very small wooden bowl I don't think that is local style. I have tried noodles and rice both. The noodles is better for me.

見個餐廳名～牛芳百世～好像好勁咁，所以就入去食午餐，見門口無擺餐牌，心諗會不會係天價呢？但最後都係入去試下入到去，發現價錢正路，60元一碗牛腩麵或飯都算係遊客區正常價錢。於是叫咗個招牌牛腩撈麵同埋招牌牛腩湯河配咖哩汁～點知，嘢食嚟到，直頭覺得中哂伏，份量極其地少，連我一個女仔都覺得唔會飽肚，更何況係一個大男人？份量少到咁，係咪太唔親民呢？食物質素也非常普通，咁嘅質素。。點樣牛芳百世？如果再唔改善，睇怕都做唔長……好自為之

響出面睇以為食日本野, 因為門面同裝修都好日本風, 響門口睇左餐牌,原來係主打牛腩粉麵, 價錢相當大眾化。本來想叫極爽腩, 可惜由於每日限量, 已經賣晒。叫左一碗軟滑彈牙牛腳筋, +$3轉咖哩汁, 同埋一碗秘制牛面頰, +$4轉麻辣湯, 仲有+$15油菜同半價餐飲。米粉同咖哩牛筋個汁分開上,心諗點解唔放落同一碗, 原來係有原因既。試下個清湯先, 有牛腩蘿白胡椒既清香, 就咁飲已經好好味, 如果個咖哩汁加落去就破壞晒喇, 我將麵夾入咖哩汁咁食, 好似沾麵咁食, 咖哩汁內有薯仔, very good, 咖哩點可以冇薯仔呢, 至於牛筋夠晒軟滑, 不過就唔彈牙。個清湯我差唔飲晒, 飲完唔口渴, 所以應該冇味精。至於另一碗牛面頰跟麻辣湯, 原來係跟個麻辣醬先岩, 個麻辣醬真係好香, 充滿麻辣味。牛面頰夠晒林同滑, 清湯跟果舊蘿蔔都好正。整體都唔錯, 埋單$144。

同朋友行到尖沙咀牛芳百世， 念著可以試下其皇牌崩沙腩， 但食落的一刻， 就同一般既牛腩無任何分別。 真係有點失望😞， 不過其咖哩就不防一試， 本人唔食辣， 叫了少辣， 但都食曬d 汁， 所以可以試試

今日忙到晚上先食正式嘅第一餐，突然好想食牛，但又想清清地，然後就搵到呢一間。入到去都算多客，坐低叫左個招牌清湯牛腩米粉。等嘅時間都幾耐，等左至少20分中，可樂都飲左一半，隔離遲過我嗌，又嗌得多過我，都快過我。碗牛腩米份量少（女仔黎講都覺少就真係少少），牛腩味道普通，咬落去都算淋，清湯太味精，唔算得上清，蘿蔔冇渣都ok。整體上黎講60蚊食碗普通牛腩米實在貴左d, 加埋可樂10蚊，食70蚊餐黎講應該唔會再揀呢間。

成80文一碗牛腩河 得两三块肉 服务态度超级差 贵得离晒谱 再投诉 加左几块牛尾我 我明明嗌既崩沙腩拼牛尾 贵成10文 係未应该加我牛腩而唔系牛尾嘞 ？ 攞净客啲着数点会有回头客 以后都唔会再帮衬

早前經過尖沙咀，看見這間牛芳百世，一心以為應該是很好吃的牛腩店。於是走入店內，點了一碗清湯牛腩河。但試過之後，感覺十分失望，因為牛腩吃不出牛的味道，而且麵質也是一般，相信應該不會再有下次了。

今日路經尖沙咀, 見到呢間牛芳百世。 睇個名好似幾好味, 對於牛牛愛好者既我, 當然要拉埋老公去醫下肚先。單睇個menu, 餐廳主打清湯同咖哩牛腩。本來想試每日限量既極爽腩, 可怕已售罄, 唯有試招牌極鮮牛腩啦。老公選擇清湯口味第一口試下清湯先, 確實幾鮮甜, 唔錯。另外一讚的是蘿白好甜, 沒什麼渣。但主角卻有點失望, 牛腩炆得不算軟熟, 與其招牌之名有點不符。若以60元一個牛腩麵, 亦不算是一個好選擇。而小妹則選蕃茄湯底湯底同樣非常香甜, 蕃茄味濃郁。惟牛腩出現相同問題, 不過可取之處是比市面其他餐廳的牛腩較少肥膏。如需要配以飲品則以半價收費, 一杯普通的檸蜜居然要$13, 真算不上划算喇。

價錢： 牛腩河來說，頗貴。去吃的都是遊客。點面的麻辣油要加$4. 普通辣油就不用加錢服務： 麻麻味道： 正常，唔系特別好吃份量： 女仔都覺得細食左咩： 牛面頰河粉/牛腳筋米線佢有d限量牛部位，不過我21:00去到就賣完

本來去到尖沙咀想食「北京填鴨」，但因為時間關係，見到附近呢間餐廳，廣告相入面2碗牛腩好大件，睇個價錢都60-75 ，見到個名咁有霸氣，便打算試下！！入到去，諗住試下最出名崩沙腩，點知原來買哂。都唔緊要，就試下佢個招牌牛腩飯，牛丸麵，4隻鷄翼。本來一心期待，點知碗野來到我眼前，成碗都是4「大」件的白蘿蔔，但牛腩只有「三細片」，個心即刻碎哂。心諗：究竟是俾$60是食大蘿蔔或是牛腩呢！我冇理由搵老闆俾多幾塊牛腩。都唔緊要，$60一碗，可能佢d牛腩真係好味先到得3塊。即管試下，根本同香港仔魚蛋既牛腩質素一樣，起碼比呢間再多幾塊牛腩。食完牛腩，得返一大碗蘿蔔，食完都仲好肚餓，仲要有背脊骨落嘅感覺。我知道尖沙嘴食野要計埋鋪租，但係俾$60去食主菜蘿蔔多個牛腩既飯，點都食唔落，我寧願俾$300幾蚊去食點皮鴨都仲開心d。之後search Openrice, 睇返呢間野嘅comment ,原來不只是我一個人中伏，還有很多食家中伏。呢個教訓我下次試新野，要去OpenRice睇一次先。

係尖沙咀返工，中午食飯好似好多選擇，但好多都只是食味精。見到牛芳百世標榜食牛，雖然價錢唔算最平，但食過就知道佢完全對得住呢個價格。首先佢湯底夠正，飲得出係用牛骨炮製。又有多款牛腩選擇: 崩沙、爽腩、坑腩...試過晒咁多款最鍾意佢地牛面頰，肉質夠淋，又有骨膠！係尖沙咀真係搵唔到咁有質素嘅牛。有時口痕想食辣，會加埋佢哋自家製嘅麻辣，吾算好辣但係加左落面到好香，川味即刻出晒黎，好過食味精麻辣粉！尖沙咀食牛首選！