Video
Opening Hours
Today
10:00 - 05:30
Mon - Sun
10:00 - 05:30
Above information is for reference only. Please check details with the restaurant.
星期一下晝好好生意咩？爆晒棚咩？點解生日月優惠要早一日訂？ 啲咁嘅條款，有生意都唔做。 好心啦，而家咩時勢啊，有客肯嚟仲搞咁多嘢。 好多年前Openrice 我第一個負評就係俾Neway， 從此從來冇再去，今年見佢做生日免費，星期三星期日又話半價都唔慌好生意啦。 個客打到電話嚟話想轉頭嚟，點解要人哋早一日訂位呢？ 星期一下晝lunch時段都就過啦。其實訂唔訂位都係收咁多錢，老細究竟諗乜，有生意唔做快啲執冇人可憐。
continue reading
本人已經好耐冇去過卡拉ok 話說有個朋友生日 喺尖沙咀食飯冇嘢做諗住去唱下k 咁就揀咗呢間去唱 一上到去都覺得配套好麻麻 感覺同我小時候去卡拉ok係一樣嘅 裝修好舊 浸香薰味好似廁所味咁🤮 入到房間 啲房間殘舊 沒有燈光效果 wi-fi連線會斷線😵💫 房間常常被監視 感覺不良好 每個服務員都係黑面💀 態度差到一個點🤢🤢短期內真係唔會再幫襯🙅🙅希望佢管理上真係有改善 真心希望呢個老品牌可以喺香港繼續經營。
continue reading
## 食評：K Lunch的美食體驗星期日，我同老婆、家姐同姐夫去咗K Lunch。今次叫咗龍蝦牛扒、薯條、兩份咖喱牛腩筋飯，仲有沙薑雞飯。### 食物評價**龍蝦牛扒**：呢個組合唔算特別出色，龍蝦肉質有啲嚡，牛扒味道不錯，不過都有點過老。薯條很脆配搭茄汁一流，佢仲有提供牛骨龍汁點牛扒和龍蝦，味道都算唔錯。**咖喱牛筋腩飯**：呢個餸味道唔錯，咖喱香濃，肉質都幾嫩。牛腩筋有嚼勁，搭配白飯都幾好食。**沙薑雞**：雞肉鮮嫩，湯底清甜，整體來講都幾滿意。### 總結食物整體質素不錯，尤其係其他兩個餸，食完可以唱K，性價比非常高。雖然牛扒同龍蝦唔算特別，但都係一個唔錯嘅選擇，下次再嚟！
continue reading
星期六晚市K buffet，食物多元化，有燉湯，有羊架，有燒蠔，味道亦不錯，環境整潔，顧客和侍應有禮貌，唯一係刺身師傅哥哥有性格有態度唔係好想做，所以都係唔好麻煩佢啦！
continue reading
中午一點前嚟到，仲有 lunch K，$108起（另加一），唱到3點，包午餐加兩杯無酒精飲品。斧頭豬扒，蒜蓉汁，薯菜，餐湯，牛角包（$139）賣相唔錯，質素亦唔差。首先餐包唔係hea嘢，係牛角包；餐湯係蘑菇忌廉湯，超多蘑菇片，忌廉湯亦creamy；斧頭豬扒好大件兼且夠厚身，煎得唔錯，係肉質腍咗啲（鬆肉粉過多？），薯條夠熱夠脆。青咖哩雞飯（$120）青咖哩味道唔錯，小辣，雞係用雞翼槌，有5舊，份量算多，白飯一大碗。真心覺得食物質素唔差，可能仲好過不少茶餐廳。至於K房，估唔到倆條友竟然俾咗間大房（可能因為晏去，啲細房中房已經派哂），有三個電視，兩個panels，獨立廁所，咪都有六個。房內環境感覺良好，無怪味，乾淨企理。最後，唱K最重要，當然係啲歌啦。雖然未至於新歌首首都有，亦有好多歌手都無（如華納歌手：陳蕾、MC、洪嘉豪、Nancy...，其他如：Serrini、JC、周殷廷...），就算有，好多新歌都無，比較有啲可惜。最後埋單連加一$285，有嘢食，有嘢飲，玩咗兩粒鐘多啲啲，都係一個唔錯嘅節目。
continue reading
You may be interested in