Cha:fe (Closed)

今天跟朋友逛逛這個商場的時候，發覺這家位於角落位置的小店，鋪面小小但好像很有風味。看看了餐牌，發覺是吃三文治跟飲咖啡或茶的。於是便點了牛油果煎蛋三文治及牛油果蟹肉三文治，又點了一杯凍奶茶及熱檸茶。三文治的味道偏淡，但因為即叫即整的，覺得值回票價👍🏻👍🏻

今日去咗南昌站探朋友接近下午茶時間，不如就買漢堡上去一齊食呢間餐廳喺南昌站D1出口，一出去已經即刻見到喺右手邊，非常方便佢主打係漢堡同餐飲，有大約八個款嘅三文治，仲有學生餐添！咁就要左三個漢堡，等咗幾分鐘就拎得啦～鹹牛肉芝士蛋漢堡非常大塊既炒蛋入邊混合了鹹牛肉，再配上極多芝士，鹹鹹香香好好食！午餐肉芝士蛋漢堡午餐肉夠厚，加上沙律醬同芝士，非常滿足！牛油果松葉蟹肉漢堡比較上清新嘅一個選擇，蟹肉落得夠多，牛油果醬鮮甜好吃，非常之refreshing!呢間餐廳質素高，漢堡即叫即整，賣相精美，作為早餐，下午茶或者簡單午餐都相當不錯！

店舖好近地鐵站，不過應該係近A出口，不是Openrice所寫嘅D出口！餐廳應該以外賣為主，因為座位得2個，不過對住玻璃窗，都有少少View睇🤪漢堡以為得牛扒。。佢地竟然有新配搭🙊Set 1 :🧀鹹牛肉芝士蛋漢堡($39)免治牛肉不會真係好鹹。個蛋做得好出息，因為超厚身，加上溶左嘅芝士，特別好食！平時夾開白麵包，當三文治咁食，今次用左呢隻包，係特別飽肚。加上椰菜絲，有少少蔬菜🥬，就增加口感🆗除左沙律醬，我仲食到有茄汁~又甜又酸，I’m lovin it🥰白桃沙冰(+$12)好香桃汁💕好少會有，所以我都幾推薦！Set 2:🥑牛油果松葉蟹肉漢堡($46)呢款係健康之選！而且涷食~牛油果係醬，不是牛油果肉，如果佢有啲牛油果粒就會更好。重點係松葉蟹肉，佢吾係得裝飾，係真係成個包都充滿曬！一絲絲幼長，甘美鮮甜的海洋味道！熱Latte (+$5)中Size~奶真係好厚！即沖espresso!暖入心💖整體來講，冇諗過原來漢堡包可以配出咁多新配搭，唔係剩係得牛肉，配豬頸肉午餐肉都可以，十分搞笑💓💓💓

經常會經過vwalk，留意到角落有間好簡約風格嘅cafe☕️同朋友睇完佢嘅餐牌後，發現價錢同款式都幾吸引。牛油果蟹肉漢堡 $46最吸引到我地注意嘅就係呢個包，大量嘅牛油果同蟹肉都只係呢個價錢，抵到！兩者配搭加埋好fresh，有機會會再食呢個包。咸牛肉芝士蛋漢堡 $39咸牛肉嘅香味充滿左成個包🥰而最特別就係佢加左芝士落厚蛋到，一咬開個下感受到蛋厚實嘅質感同埋芝士拉絲。阿華田厚奶咖啡 跟餐+$12一入口好香濃嘅阿華田味，慢慢就有少少啡味滲出，整體味道層次好正😳Americano最基本的Americano表現都唔錯。整體黎講，作為brunch或者下午茶都好適合。📍Cha:fe地址: 深水埗深旺道28號V Walk地下25號舖

今日去咗南昌嘅V·Walk搵嘢食，商場入邊食肆嘅選擇都幾多，但想飲杯咖啡嘅選擇就唔算多。撇除咗連鎖店之後，我哋就揀咗呢一間小店，飲杯咖啡食個包。鹹牛肉芝士蛋漢堡鹹牛肉炒蛋係一款非常港式既食物，通常都係去茶餐廳先有得食，估唔到呢間小店竟然將鹹牛肉炒蛋配上漢堡包，鹹牛肉既鹹香再加埋拉絲芝士，味道一流。牛油果松葉蟹肉漢堡呢個漢堡包就好有日式既感覺，用左牛油果醬加上大量既松葉蟹肉，仲配上椰菜絲，口感新爽。牛油果醬配漢堡包原來都好夾🤩而且松葉蟹肉份量勁多，仲帶啲鮮味。飲返杯咖啡，水準可以，如果有拉花就更好阿華田脆脆朱古力，朱古力味道濃郁

#Cha:fe (深水埗)商場裏恬靜的小角落，主要做外賣，但都有兩張櫈同一張枱，可以望住出邊嘅花草景，Enjoy咖啡同漢堡。整體感覺好舒服環境乾淨。早餐好抵，一份足料豐富漢堡加嘢飲， 都只係$28-$34。學生餐仲優惠只需要$18。牛油果松葉蟹肉漢堡 加 朱古力奶茶$54超級多從松蟹肉，一絲絲😍加埋牛油果椰菜絲醬，口感細滑仲會帶椰菜絲爽脆，😆鮮甜得來好fresh。朱古力奶茶好有驚喜，🤩混合得好好，👍🏻朱古力味好香濃但又唔會搶走左奶茶嘅茶味。巴馬火腿芝士蛋漢堡 加 鮮檸檬紅茶 $46巴馬火腿有2-3片，👏🏻為其他食材帶嚟鹹香，炒蛋無過火仲有點蛋汁，茄汁底，😻所以會甜甜酸酸。檸檬紅茶自己加糖調節甜度，紅茶底好香🤩加埋檸檬🍋無得彈。

🔸鹹牛肉芝士蛋漢堡套餐 $39🔸牛油果松葉蟹肉漢堡套餐 $46🔸華田脆脆好立克 跟餐+$8🔸美式咖啡 跟餐免費-今日星期六放假，嚟到第一次行嘅V Walk商場，見到呢間文青風裝修嘅輕食店，吧台座位對住落地玻璃，外面仲係花園嚟好chill，就決定喺度食少少嘢輕鬆下。同朋友每人叫咗一份套餐，我試咗牛油果蟹肉漢堡，牛油果醬好清新，蟹肉份量勁多，而且好鮮甜。朋友嘅鹹牛肉芝士蛋都超正，芝士有拉絲效果。漢堡即點即製，所以包邊都烘得好脆好好味。超乎預期咁好味喎！最平$39蚊就有一個漢堡包同一杯飲品，價錢親民。

今日喺南昌呢頭嘅v walk見到間鋪仔細細 但食物望落好吸引嘅Cafe 見佢每一種食物都係即叫即做 好似好新鮮咁 🤤咁我就叫左個set 係佢幾招牌嘅牛油果松葉蟹肉漢堡 我本身就牛油果控黎 最中意整成醬搽包包食 佢呢度就正中我至愛 佢仲要有好多添 目測有成大半個牛油果😍 加埋鮮甜嘅松葉蟹肉 成個組合勁fresh 要強調嘅係佢成個burger係好健康嘅感覺 因為味道唔會太濃 冇乜油 加上呢個組合都係高蛋白質加好嘅脂肪 呢排扮哂野去做下gym嘅我覺得好吸引🤣呢個set配左杯朱古力鴛鴦 呢個飲一啖真係嚇親🤣 勁濃味😱 佢又唔係太甜果種濃喎 係好真材實料果種濃 好正😝另外叫多個肉鬆紫菜芝士蛋漢堡比呀媽 佢呢個又係外表驚人嘅 個蛋勁厚 目測可能用左3隻蛋 好重手 但食落真心係爽嘅🤣

環境：👍👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:95%📝進入前要度體溫 📝免加一➖➖➖➖➖➖➖➖➖➖➖➖➖➖➖V Walk 開左咁耐我都未係行過好多次，真係5隻手指都數得哂😂今日放半日假，就一於去下南昌逛下由南昌站D1出口，就見到呢間Cha:fe主打特色Burger+Coffee裝修設計簡約又清新，感覺吾錯.🔸牛油果松葉蟹肉漢堡 $46原來牛油果同松葉蟹肉都幾match🙈入口綿密嘅牛油果蓉，油脂豐盈而一絲絲嘅松葉蟹肉，肉質細膩加上鬆軟，空氣感十足嘅Burger，層次感豐富！.🔸肉鬆紫菜芝士蛋漢堡 $39比起松葉蟹肉Burger呢個相對上更惹味💕軟嫩富蛋汁嘅黃金蛋卷加入拉絲芝士，真係好正😍配上紫菜，肉鬆，椰菜絲同醬汁鬆鬆化化，香濃嘅紫菜香，豐富味蕾😋.🔸港式奶茶。朱古力咖啡每Set套餐包餐飲一杯有奶茶，檸茶，檸水，阿華田，好立克同美式咖啡轉其他飲品，只係加$8(M)/$12(L)即可奶茶好香滑，奶香味較突出朱古力咖啡有D Surprise🙆‍♀️朱古力味濃郁又帶點咖啡香💕

經過V Walk 有時都會去Cha:fe 買杯野飲，但一直都未有機會試到佢哋嘅漢堡包，因為每次都唔太肚餓，但今次就終於比我試到了！原來漢堡包加野飲嘅套餐平均都只係四十幾蚊，價錢真係超級親民呀！我哋分別叫咗一份牛油果蟹葉蟹肉漢堡包配白桃梳打及巴馬火腿芝士蛋漢堡配朱古力咖啡！賣相都唔錯喎！而且餡料份量都相當澎湃又好食的，絕對勝過連鎖式漢堡包店呀！飲品嘅選擇又特別多! 以呢個價錢可以食到呢個質量，真係交足晒功課呀！

今日跟朋友來到v walk行街，行到攰就醫醫肚，呢間見佢好多漢堡包及咖啡選擇，就來個輕食吧，門面簡約好清新，感覺好舒服我就叫了個鹹牛肉芝士蛋漢堡，再配杯espresso soda，個包及餡料係係即刻煎製，個炒蛋倒上鹹牛肉在鐵板上煎，連個麵包都係，食落口熱辣辣，蛋香又有鹹牛肉嘅鹹香味，咬開個漢堡芝士仲拉到絲㗎，芝士好香又好好味而杯espresso soda嘅咖啡好香，soda夠汽，味道調配得很好，呢間我會再食喔

朝早買早餐上的士, 個飽要走菜講左3-4次都冇心裝載....咖啡杯穿的, 漏到周圍係....一打開冇奶的! 職員冇問我要不要奶....求其沖左杯咖啡就算...草草了事

之前買過一次覺得都正常，今日經過見買飲品送另一款三文治，就買嚟當早餐。買咗杯凍檸水（$24），到拎嘅時候見佢冇跟三文治就問佢，跟住佢就表示話要$28以上飲品先有呢個優惠。但佢poster完全冇提及，我買嘅時候亦完全冇講過，都幾令人感覺受騙，重點係因為咁我就買唔切另一份早餐！特登開個acc,都想講番呢次不愉快嘅事。

時間：早上８：４５食咗：腿蛋治，Cafe Americano: 新鮮整，三文治有烘底：叫Cafe Americano，但係整咗杯齋啡俾我：腿蛋治落茄汁，呢種口味國內比較常見，我係食唔慣甜三文治，覺得可以入口，但味道算不上好食。以呢個價錢佢可以落芝士取代茄汁，會好食１０倍：以上食物要價約５０元，價錢昂貴Time: 8:45amOrdered: Egg and ham sandwich, Cafe Americano: freshly made, sandwich is toasted: I ordered Cafe Americano and got a black coffee: They add ketchup in the sandwich, which is a usual practice in Mainland China. I am not accustom to the taste and didn't enjoyed it. With the price they charged, they could use cheese instead.: The sandwich

週街都係cafe, 點解我要揀你?今時今日, 周圍都係咖啡店, 開到好似7仔咁多, 要人揀你, 一定要有啲過人之處!呢個新商場, 地方唔大, 不過勝在好多花臣。 喺地鐵站出口就有一間細細間嘅 cafe, 個名都幾特別, 但佢吸引我嘅地方係佢有個鴛鴦cappuccino佢嘅製作都好複雜, 有 Espresso, 有鮮奶打泡, 又有奶茶加花奶, 奶茶味都做到好似港式茶餐廳, 可惜奶茶味太重, 完全遮蓋曬咖啡嘅香味, 冇咗真正鴛鴦嘅特點; 噱頭十足, 可惜不夠細緻。睇嚟要有特色, 與別不同, 都唔係咁易做到!