泰式燒王 (Closed)

差少少以為找不到這間店的資料！為甚麼這間鋪頭是泰式燒王2呢？下次真係要問問先得！到達這兒時其實已吃完糖水，但總是想買泰式炒飯果腹，所以便走來這兒了。先在店外問問芒果檽米飯幾多錢，但招呼我們的女侍應便說芒果不合時，現在不太適合食這個飯...真係有少少驚喜，竟然會咁誠實！入內，叫了「泰式炒飯」、「豬頸肉炒飯」和一些串燒。串燒都燒得不錯，伴著吃的那個汁簡直係正！好耐未食過咁惹味的醬汁了。另外燒雞翼就差了一點點...可取的是，這裡串燒的價錢都算平，起碼對比其他九龍城泰菜館屬於較平的了。「泰式炒飯」雖然像是下了很多食油來炒，吃落亦都幾油，但整體來說卻好過不少食開的泰菜館！食落有一點點層次，每樣配料都很夾...回味無窮！希望不是因為太肚餓而覺得很好味啦。「豬頸肉炒飯」食落很香口！和泰式炒飯的香料是不同的，豬頸肉不過不失，但也是很好的一碟炒飯了！還為我們每個人遞上杯冰水，而且我們不是每個人也幫襯呢！服務真的不錯。

問過一D好熟悉泰國食品朋友有冇嚮香港食過泰國生蠔，原來佢地都唔知香港有得食。上次我去泰式燒王BBQ2食野，阿姐同我講遲D佢會嚮泰國訂D生蠔過來，問我有冇興趣試。咁識我人都知我勁鐘意食生蠔嫁啦，而且泰國生蠔我又真係未試過，所以就留低電話，叫阿姐一有貨就打比我。咁果晚利苑巴魯坦龍蝦單野笑到肚都未痛完時，阿姐就打來話有蠔，問我食唔食，咁我梗係食啦。佢問我留幾隻，我問佢幾錢隻，佢話15蚊隻，我心諗15蚊隻大得去邊，應該係BB蠔來的，咁我平時拍生蠔隨時一打兩打都面不改容嫁啦，於是叫佢留番十隻八隻比我。乍乍臨換衫，Con都無帶，帶眼鏡，但又著啤酒妹衫加條榆枷褲(唔好誤會，我唔識榆枷的，買呢條褲係貪佢夠鬆！)，又冇梳頭，成個人不倫不類，超攪笑！搭12分鐘忘命小巴去到，成間舖得我一個人。阿姐D生蠔出來果時我嚇一跳，原來d蠔都幾大隻，好彩我未食飯，應該ok掛。呢D蠔當然唔係新鮮即開嫁啦，而食法又同我地平時食開果D唔同，由阿姐親自教路。首先，要將蠔肉(巳脫殼)咄來放嚮碟上，加d酸辣汁，甜辣醬，放d炸乾蔥絲，本來要放埋一束臭草上去的，不過阿姐就叫我唔好擺臭草住，食先。大啖吞成隻蠔落口，趙幾下，無我預期咁腥，

今次已經是我第二次嚟這裏食飯了﹐食物保持水準﹐環境尚清潔。每次必叫司奄-好味白灼得剛好生蝦-個汁好得, 如果唔食得辣的朋友一定要小辣，因啲餸整體都好辣。炸蝦餅-好脆, 好彈牙燒金錢肚-可以沾牛膽汁, 有小許苦但金錢肚已很嘢味牛肉生菜包-牛肉有少嚡味道尚可炒椰菜苗-好脆, 味道好得醃魷魚沙律-個汁好味但好好好好好辣魷魚唔un

當地人稱這隻未完熟的雞蛋為「奚岸」，泰文解作為幼嫩與剛出生，與泰文椰青發音差不多「Kai On」。圖中的「騎呢」兼核突之物，其實就是宰雞後，在老母雞體內取出的10%-80%未完熟無殼的雞蛋，由於未受精，不能如鴨仔般好，稱作「雞仔蛋」，至今學名未名，認真命苦說，花了數天時間，仍想不出學名來，望有心的好吃之士，替它起個好名，以祭老母雞在天之靈。餐牌中的家鄉辣湯（餐牌中最後一頁），叫了靚姐留下，有的話給偶個電話，時為暴雨天，飛身趕過去吃碗辛香的雞雜湯，汗流浹背下將雞雜與濃湯的滋味一口吞下，走前見靚姐吃「福飯」，又貪心的吃了些糯米飯及泰國菜，家庭味濃的小店，就算隔涉，每星期多多少少也會來打個招呼，是同區中最喜歡溜躂的小店。Check：小店出品極為特別，單是這味「雞仔蛋」也值得大事造作一番，奇怪為啥仍未見雜誌有報導？（太「騎呢」核突，自己也無能為力。）

九龍城泰菜開到荼霏,那些大店已不能滿足大多人的要求,唯有在獅子山下繼續尋寶.這一夜,友人在南角道,路邊雞對面的泰式燒王2,安排了一個十分精彩的飯局.同一條街有兩間泰式燒王,這店特別在名後加個"2"字,不知道是分店,抑或是分拆出來的"二奶"?人未齊,見到泰象啤$20一支,身為愛華頓球迷,當然先飲為敬,味道當然比長期利物浦的最佳拍檔- 嘉士伯好得多.是夜菜式甚多,不能一一盡錄,特別講幾味,印象最深刻的.例牌菜如Tom Yum夠勁道,加了大蝦在內,令到酸辣的冬蔭,多一份香甜.青木瓜沙律沒有咸蟹仔在內,就有點失色.豬腸沙律其實同生腸一樣味.質感一樣爽脆,差別在未上色.生蝦刺身,差不多每次吃泰菜必叫.用冰粒放在蝦刺身上,用意應是保持其冰凍狀態,讓大家吃得安心. 鐵板蠔仔蛋,上桌時蠔仔如在鐵板上跳舞,粒粒飽滿的蠔仔,顯多一份跳脫.味道夠鮮,肉質亦juicy.黑漆漆的苦辣牛膽汁.材料有豬牛什,味道辣辣地,真係幾苦.燒牛胸賣相如豬頸肉,質感似吃著臘肉中的肥膏,甘香美味.其實是否牛胸油?燒牛肚就口感偏爽.店方推介的泰式生牛肉,恕我孤陋寡聞,韓式意式越式等生牛肉都食過,泰式都有?以辣椒洋荵,再伴牛柏葉.賣