拳王泰國餐廳 (Closed)

今日喺銅鑼灣閒逛，到夜晚當然要搵啲嘢食，行過一間門面像酒吧的餐廳，望下個餐牌原來係食泰國嘢，天氣炎熱，食個泰國餐飲杯啤酒都係一個唔錯的選擇餐廳內裡裝潢都同九龍城食開的泰式餐廳不同，可能因為個名叫拳王，裝修都要modern啲掛一坐低，侍應先上一碟蝦片，蝦片有點微辣，配上啤酒一絶，忍不住叫侍應比多碟黎泰式去骨海南雞，用一透底蒸籠盛著，上桌時會連同一壺湯，喺你面前將湯淋上，湯流過嫩雞就變成一個有雞味的例湯！花臣嘢就睇下算，隻雞好唔好食先係重點，呢個去骨海南雞，首先份量不少，而且雞肉嫩滑，沾上特制的汁醬，值得推介。泰式生蝦，鮮甜，唔比其他泰式名店差冬蔭公係我食泰菜必點的食物，呢間個冬蔭公連爐上，可保熱度，味道亦做得出水準，我要求的冬蔭公要夠酸夠辣，味道一定要重，當然隻蝦不能太寒酸，呢間隻蝦絶對對得起個價錢，而且蝦肉仍保持到彈性，不是平價貨，抵讚！泰式拼盤，不過不失，份量種類亦很足夠，一個價錢可試到多款小食，配啤酒佳品呢間餐廳個電視係播泰拳，配合番店名，用餐時別有一番風味！隨意挑選的這間拳王，值得推介

餐廳以泰拳做主題，一入去就見到吊著個大沙包。中間的電視播著拳賽，是個happy hour的好去處。散叫餐牌都幾貴，選址銅鑼灣地舖的後遺症。不過，午餐價錢相宜，$68一個餐連飲品。青咖喱豬肉飯可配豬，牛，雞或雜菜。青咖喱味道不俗，可以更辣。裡面有泰式圓茄子，豆，車厘茄，菇等蔬菜，種類夠多，青豆偏腍，蘿蔔偏硬，其他都可以。雞肉普通，細細粒，欠口感。白飯都可以，濕但不過份，不會太腍，淋上青咖喱便蓋過欠飯香的缺陷。拳王健美套餐金柚沙律及去皮海南雞飯沙律有炸蒜，辣椒，生洋蔥，花生等調味，跟清甜多汁的金柚很夾，清新又惹味。雞胸不嚡，腍又滑但不嫩，欠雞味。辣醬味道怪怪的，跟一般海南雞飯的辣醬不同，也不是吃開的泰式辣醬，或者是自家調製的，但不合我口味。可能是健美餐的關係，配白飯而不是油飯。不過不失，的確是健康的選擇。泰式炒金邊粉金邊粉煙煙韌韌，炒得乾身，不太油。調味不錯，沒有過量的茄汁和糖。配料夠多，有幾爽的芽菜，硬身的豆腐乾，爽口的蝦，還不時吃到蛋香及花生香，口感豐富。上湯浸雜菜套餐加$20配的雜菜，有菇，娃娃菜，木耳，蘿蔔，西芹等，應腍的腍，應爽的爽，不過上湯比想像中油，飲落不太覺，但見到面層浮著

好耐之前已經黎過一次，今次再黎環境依舊都係咁有擂台嘅感覺。對上一次黎已經係好耐之前，今次再黎menu竟然有兩本，一本係泰國菜，另一本連刺身日本野都有！刺身就冇叫喇，不過見倒佢有啲燒物好似幾吸引，所以都叫左黎試下。和風墨魚嘴，墨魚嘴燒到個面脆脆地，而且仲配左好多香草，食落一啲都唔腥。蟹膏焗扇貝，除左蟹膏之外仲好多芝士，帶子加埋啲蟹膏好有鮮味，呢個配撘好特別。黎到泰國餐廳點可以唔食生蝦呢！隻生蝦啲肉好厚好爽，而且仲好新鮮。生菜包好香香茅味，食落辣辣地，加埋啲菜食好清新。炒金邊粉，面頭個蛋真係整得好靚，食之前不忙欣賞下。啲金邊粉食落有小小茄汁味，而且好多餸好開胃。餐廳坐落都幾舒服，好有擂台嘅感覺，中間仲有得睇比賽嫁

話說我買左一人午餐coupon,諗住星期日去食，前一天打去訂位，有位似菲律賓姐姐用唔咸唔淡既廣東話講話下午無曬位啦，我話已兩星期了，個個星期都無位咁咪無得用？個位姐姐叫我星期一，我話我要返工，佢話咁下星期日，我話上星期都叫我下星期....我之後問佢咁我唔用coupon walk in 有無位，佢話咁就有，咁即係唔係無位啦，我話咁即coupon每天有限？？個位姐姐不停講，我地好忙架，你下次啦，我話咁即係買左coupon就無位，個個星期卜唔到咁點用......佢就不停話呢個時間好忙架......就吸左我線非常差羅，勁嬲！我諗住去消委會！

泰國菜亦都係我嘅摯愛，所以今晚去到銅鑼灣，都一定要食下泰國菜滿足下。辣椒膏炒蜆，味道唔會太辣，係香港人可以接受嘅口味，配合豐富嘅配料: 磨茹、香蔥、香芧等等，味道唔會唔好食，而且蜆肉隻隻飽滿彈牙，強烈推介!而香芧雞翼，香芧味道都相當足夠，雞翼炸得金黃，肉汁豐富而肉嫩; 而呢份月亮蝦餅係第一次食，將蝦肉打成膠質，以酥皮夾住，再去油炸。食落口非常香脆，蝦味濃郁，配上旁邊嘅蜜糖點嚟食，咸甜兩種味道同一時間品嚐到，感覺都不錯!

泰式海南雞同蟹肉釀荔枝有驚喜, 但他們的蝦唔掂, 尤其是那大頭蝦粉絲煲…粉絲比蝦(係雪到冇晒味、有啲霉呀)更入味(+﹏+)不過明明落單時確認了Openrice Online訂座免加一，但賣單時沒有免就真的有點老土。

兩丁友係銅鑼灣，百無聊啦咁行行到一條唔起眼嘅街道，發現左間拳王泰國餐廳 最吸引眼球嘅，當然係拳王呢兩個字拉望入餐廳仲見到有唔少腰帶就膽粗粗入咗去食個晚飯小薯仔最關心嘅其實都係嘢食 鐵板蠔餅堅係用鐵板上，而講真嗰句，呢度嘅蠔餅分分鐘畀出面大排檔既更好 首先蠔仔多、蛋漿係比較鬆軟，唔會太有硬身嘅質感 而大排檔成日都overcook，好燶咁泰式明爐蒸烏頭小薯仔本人都好鍾意泰式明爐 ，因為仲可以呃到一碗冬陰功湯返黎飲 烏頭勝在肉厚，啖啖肉本身魚肉就咁吸受左湯既精華，都會有鮮味但食泰國菜就係鍾意佢夠惹味，又點可以唔點埋佢嘅酸辣汁 溫馨提示:係明爐keep住煮條魚，唔快快手清曬條魚，魚肉就會變老蛋包泰式炒金邊粉 嘩!  點解咁靚嘅，同我中學學生的時期，係飯盒入面果D金邊粉真係差天共地入面有蝦、豆腐乾、蝦米、韭菜、銀芽配料都認真唔少，但最讚嘅係佢炒到嘅嗰個鑊氣，真係此氣只應天上有而佢唯一既缺點就係:要快啲食囉!如果唔係佢嘅鑊氣，係會隨時間所流失，金邊粉會由乾乾地，被蒸氣所傷，變返軟淋淋既質地好似食咗唔少熱氣嘢所以飲返杯珍多冰，椰青，減輕返個罪疚感

平時甚少去銅鑼灣，但適逢SOGO大減價，想買個袋給爸爸作父親節禮物，又想替自己買件新泳衣於夏日游水，就來到銅鑼灣了. 購物過後，已經是下午2:30了，仍未吃午餐的我們，就來到之前一直想試的拳王泰國餐廳. 餐廳位於一蘭拉麵旁，地點相當易找. 雖然已過了午市繁忙時間，但店內客人也不少. 店員安排我們坐馬蹄型疏化位，座位濶落舒適. 店內裝潢令人仿似置身拳館一樣，也不斷播放拳賽片段，未嘗接觸拳賽的我覺得很有新鮮感! 除了泰菜供應外，餐廳也可order 原燒道場的燒物，因為泰菜館的樓上就是新開的日本餐廳，可以同時點上泰式食物以及日式串燒，實在方便. 冬蔭公湯 (跟餐加 $10) 冬蔭公湯是一道我很喜歡的泰國湯品. 這店的出品酸度剛剛好，如果再辣一點更好，內裡有爽口蝦仁以及草菇，只需加$10 實在超值. 上湯浸雜菜 (跟餐加$20) 盡可能午餐都吃點蔬菜，所以選了上湯浸雜菜，內裡有娃娃菜、木耳等，可以清清腸胃. 蟹肉芒果炒飯 ($68) 炒飯都幾乾身，再加上蟹肉以及香甜的芒果肉，都幾適合夏日享用. 不過份量不算多，但女生絕對夠吃. 青咖喱牛肉飯 ($58) 以小窩

雖知道銅鑼灣有好多好野食，但好似都好少泰菜，見到拳王呢個名就覺得好特別，所以一於黎試下。一坐低侍應就上左碟蝦片，好濃既蝦味同胡椒粉味，個人覺得略咸最驚喜既係原來係拳王餐廳有得叫埋另一間係樓上新開既原燒道場，係食日本野的，十分特別呢。我地要左生蝦，好新鮮，佢既醬辣辣地酸酸地好開胃三色冰同芒光沙冰，解辣一流。場內裝修更有好多泰拳既decoration，仲有電視播住啲人係到打拳，好付合餐廳既名字。呢間既海南雞好特別，上左枱之後店員會淋上滾燙既雞湯，雞肉好滑冇骨。泰式串燒，有雞豬牛，點上沙嗲醬，好香，啖啖肉然後呢部份係原燒道場既，有玉子燒，雞軟骨串，雞翼同青口，味道都唔錯，特別喜歡佢既青口，大大隻而且燒得好香。

好快又到午飯時段，由於同事好想食泰菜，於是決定遷就他選一間泰國餐廳午膳。聽說此餐廳在openrice 頗多好評，又是知名拳王開設，質素應該有點保證，於是決定試一試。走進餐廳內部，感覺設計幾特別，頂部掛有大電視播放著拳賽，座椅看似用了拳套的質地製成，猶如置身在擂台上食飯。海南雞飯飯有雞油香，海南雞沾了泰式醬汁，辣辣地幾開胃，雞肉亦很嫩滑。冬蔭公金邊粉是同事點的，還額外添加鳳尾蝦和大頭蝦。據他所講，整碗湯粉冬蔭公味濃，酸辣程度適合，食落幾醒神。泰式椰汁雞湯不算太辣，適合一眾怕辣之人，但又保留了椰汁及雞香汁，兩者味道皆混合得天衣無逢，越食越滋味。椰汁冰飲落甜甜地，每淡都散發著椰香，椰汁控摰愛。由於食物實在太好吃，與同事商量決定豪花一點錢，點了個泰式砂鍋煲仔翅一齊品嘗。超多魚翅，湯底少少杰，咸咸地有上湯味，配搭一塊塊魚翅口感味道更勝一籌。

與好友晚餐銅鑼灣泰菜呢間係第一次試 之前電視節目都介紹過滿心歡喜去傾下計 食下野9點半左右到達 人流不多 只有枱客人員工服務不好 也出現漏單未食過咁差既泰菜傷心馬拉盞炒通菜通菜過熟 偏甜 很一般辣椒膏鐵板炒大蜆鐵板唔熱 辣椒膏未炒開晒 個汁好水重點佢個名係大蜆 但係上枱時係普通蜆仔size 但有點驚訝！感覺好像被騙海南雞 半隻比較特別係有個雞湯飲埋 可惜雞湯冇雞味 只有甜味 死甜味雞就普通 冇咩雞味 香辣蟹肉夜明珠一心覺得呢個幾特別 當然要試荔枝肉內放滿蟹肉 上面再加生蝦汁媽～好難食呀！！！蟹肉腥到到爆炸 完全覺得自己企左係街市魚檔泰式黑咖啡 一d都唔泰式荔枝沙冰 冇咩味 好水

今日去銅鑼灣探朋友，佢話要請我去一間佢非常喜歡的泰國餐廳食飯，去到之後我就知道點解佢揀呢度了，因為佢睇曹星如睇到變成拳賽粉絲，呢間以拳賽為主題既特色餐廳啱哂佢吹水吹到口乾乾叫杯芒果沙冰潤下喉先望下其他餐牌發覺原來呢度除咗泰國菜之外仲有一間叫原燒道場既串燒餐廳的食物可以選擇，朋友話今次先食泰國菜下次再黎食串燒喎，不過喜歡串燒既我都偷偷地係咁以叫咗一串花枝丸先賭為快先講番杯芒果沙冰，好香好甜芒果味又夠哂凍，食泰國菜飲呢杯嘢都係一個唔錯既選擇呢個泰式燒豬頸肉，燒得啱啱好色水幾靚食落唔會似柴皮配埋D醬汁食味道唔錯每次食泰國菜都係飲冬蔭功，今次故意選擇呢個泰式椰汁雞湯試吓，嘩……出乎意外咁好飲喎，原先以為椰汁味會蓋過一切,但飲落係有椰汁既香，亦有雞湯既味道，仲好似有少少冬蔭功既感覺，總之味道就非常豐富啦，好飲仲有原個（漲爆）泰式菠蘿炒飯，點解係（漲爆）？睇圖你自然會知啦，你睇……D料多到丫……我偷偷點的串燒花枝丸，睇賣相已經知道唔錯啦，色澤啱啱好，而且仲加咗D紫菜絲，真係幾惹味不枉我堅持先偷偷點一串海南雞……唔使講咁多，試咗件雞胸就知道夠功夫好唔好，可以做到雞胸都軟滑而且又好入味，呢個廚師有料到

人生第一次用心寫食評，用黎鬧人，我都唔想。星期五諗住輕鬆食個午餐，揀左呢間泰國餐廳，十二點四十五分入座，一坐低叫左兩個豬手飯，等到一點半黎左一個青木瓜沙律，一點四十五分黎一個豬手飯，兩點先黎齊。食物黎齊用左超過一小時，可能心情影響味覺，完全唔覺好食。我諗幾好食既食物都唔值等咁耐。催完又催，差啲拍枱咁濟，餐廳完全冇能力管理客人訂單，成間餐廳有一半客都係咁催，侍應得兩個，完全唔識跟單，廚房唔知做咩勁慢。今次係人生食午飯最嬲既一次，呢間餐廳請都一定唔會再幫襯。

一蘭隔離原來有間以泰拳做主題既餐廳，人面好多泰拳既擺設，仲有電視做緊mma 直播座位都好寬闊，坐得幾舒服原本樓上即將開日式串物，而家食呢間餐廳，可以點埋樓上既menu呢個蝦片炸得好脆，重胡椒粉味，惹味既小食泰式生蝦晶瑩剔透，蝦肉都脆口，配酸甜汁撈沙津菜，開胃！上菜時先將熱湯淋落雞肉，我自己覺得好香瓜湯味雞肉好滑又無骨，因為熱湯關係，食落暖暖地好舒服串燒可以自由配搭，唔會好似有啲餐廳硬死規定要豬牛雞咁叫，但貪食既我當然叫哂，本身串燒肉上有汁，再加甜甜地帶花生香既沙爹，配香口既肉，幾好食，我比較喜歡雞肉日式menu中我最欣賞燒雞翼，皮脆肉滑，又大隻啖啖肉like fb page又青口送，呢個配蒜蓉燒好juicy r最後飲杯菠蘿沙冰，去油膩爽哂！

今日和友人行街路過呢間以打拳為主題既泰國餐廳，大家覺得幾得意，望入去又好多人食嘢，於是決定入去試吓入去坐底後餐廳氣氛幾好，裝修都以拳賽為主，而且有多部大電視在播賽事睇睇餐牌，款式非常之多真係花多眼亂不過食量真係有限，只能揀幾款先黎我至愛既泰式鳳爪食第一啖，嘩……非常好食，鳳爪好入味而爽口，配菜都好新鮮值得一讚再來飛天通菜，炒得好好，食到尾都唔會變色，而且非常惹味之後就係友人最愛既沙嗲串燒，大家睇圖都見到燒得唔錯啦完全冇過火，食落都幾軟身而唔會乾，保留到D肉汁明爐蒸烏頭魚，服務員加上一D湯用火燒住底部所以夠晒熱，急不及待試吓先，眼見好多配料但食落又唔覺好雜喎，好鮮甜，肉質唔會太淋，清清哋幾好食之前睇餐牌時發覺呢度除咗泰國餐之外，原來樓上附設了一間叫原燒道埸既餐廳 ( 以串燒為主)可以柯打落黎一齊食， 貪心既我哋須然食量有限但依然叫咗少少試吓講吓呢樓芒果忌廉先，泰國菜出名味濃，食咗D濃味嘢飲番啖清甜有芒果味既忌廉感覺真係透心涼好彩在未食嘢之前已經柯打咗呢個椰汁西米糕，否則太飽都未必會再叫，如果冇叫就真係走寶了，因為食咗第一個之後真係好想食第二個，因為佢真係好好味好甜好香椰汁味真材實料講番原