潮館 (創紀之城五期(apm)) (Closed)

我用餐時間十一月三號興同事收工來到..當晚六時入坐,用了稻香的會員迎新優惠.憑電子卷可以免費換鹵水拼盤一碟.我同同事兩個人除叫了鹵水拼盤及兩個燉湯.因突然有事所以埋單.於是乎走出柜面埋單.埋單時出示要用這商場的現金卷.但收銀員表示用了他們的鹵水拼盤就不能用這卷！吓！！！！！！！！？？？？？？？？？？？？？？？？？？？這些卷有甚麼問題並沒有囉你哋著數.只係一個比錢方式.她解釋唔收兩款卷強行話我呢D叫做卷.我這些卷好像政府出的消費卷型式！當現金用,關你公司優惠價毫無瓜葛！點解你哋公司唔肯收？？？？？？真係唔想做優惠就唔好做！在這希望潮館負責人或稻香負責人看一看十一月三號六點入坐兩個湯及一個鹵水拼盤.並非虛作因為贈送的鹵水拼盤由我會員用.你哋可以查到電話及其它資料你哋可以查詢之前我經常光顧,仲寫了幾個好食評,你哋可以看到但以後都不會再來了

這連鎖酒家雖然出名污漕，尤其是食具，常有一層油像怎麼洗都洗不乾淨，不管在那一家都一樣，但這晚是衝著它的強項來的，就是“抵食”，這晚又來“食平啲”！“煎封鱸魚”，炸得夠脆，連骨也脆得可以吃，蔥油夠香，魚算大條，啖啖肉，大快朵頤！“菜脯煎蛋” ... 煎得很好，蛋夠香，足料，可以咬得嗦嗦聲，不錯。還點了一個魚蛋粉（忘了拍照），才三十元，比粥麵店還平宜，魚蛋、魚片彈牙，湯也香濃，也有一大撮紫菜，大大碗，抵食到無朋友。

首先呢間茶樓早茶勁多勁多人，不過入面頗大，所以輪候時間可以接受！入面座位唔算迫，都叫做坐得舒服，不過就限峙90分鐘，所以唔可以坐耐。每一枱都有自助煲水機，唔冼叫人加水，茶葉比一包你，自己加，早餐點心自己嘟QR code，成件事超自助形式，所以服務員唔會多理你！啲點心質素OK，叫左12樣野加3個人茶＄，$212埋單，個人認為好抵食！每個點心都係正常有四粒蝦餃、燒賣⋯完全唔會因為價錢便宜少咗份量，而味道亦係平時飲茶點心嘅味道，夠熱夠味。唯一12樣裏面有一樣唔好食嘅，就係煎薄撐，淋嘅，煎得唔夠火候！不過值得一試！

觀塘APM附近出名多茶樓，可惜好多星期六日都要排長龍，今次貪方便搵左間可以預先係App拎位嘅茶樓，諗住都係稻香集團，應該唔會太差，點知就中伏啦🤦🏻‍♀️，服務同嘢食都認真麻麻，失望😭❣️原蝦燒賣皇 $32正常燒賣，冇話特別好食❣️萌萌流沙包 $30睇圖係好靚嘅Minion，點知嚟到係唔同左樣，個包size細而且奶黃餡極少，唔推介🙅🏻‍♀️❣️酥炸珍珠蠔 $48唯一覺得好味嘅，蠔仔飽滿有鮮味，但椒鹽味略重🥸❣️滷水拼盤 $95份量少，得幾片鵝片，下面都係蘿蔔、滷水豆腐、豬耳、紅腸、滷水蛋同鵝腎，滷水味都尚算入味，但比唔上潮州飯館嘅水平🥴❣️蔥酥肉碎蕃薯粉條 $68一上枱，我以為係湯麵嚟，極多汁，一啲都唔乾身，蕃薯粉條好硬，煮得唔太熟，味道亦偏鹹🙅🏻‍♀️ ❣️韮皇鮮蝦腸粉 $32微暖但算係入得口嘅嘢食啦❣️潮州韮菜粿 $30呢個等左差唔多45分鐘先嚟，一食，鹹到要即刻灌水，又油又鹹，呢個千祈唔好試😕🏦是次消費總額 $416.5（人均消費 $104.2）茶位$11 🍴須加一服務費👅好味度：6（10分滿分）雖然係星期日嚟飲茶，但呢間人流唔係好多，而家終於知道點解啦🤪，員工冇咩服務，唔會執走枱上嘅碟，而食

見到出門寫左11點前係半價，下午茶時段係75折，甘我地去果時係12點幾，兩個優惠都享受唔到，不過唔緊要啦，呢間野坐得舒服，價錢都可接受，所以我地經常都會去食。兩個人叫左6樣野食，真係飽到不得了，最後只需要$128蚊，野食既質素都係正正常常，唔會難食同埋唔會覺得唔新鮮。不過如果講服務既話，大多數酒樓都係甘上下，唔會一叫有人理啦，呢度最好係唔洗人地加水，自助式，舒服好多，唔洗求人加水已經係最加分既啦。

今日飲茶,係APM搵到一間酒樓 霸個靚位開餐先!奶皇包 炸蝦 雞腳 紅油抄手 反沙芋奶皇包個造型係小兵黎幾得意 咬開係流沙餡,幾香甜個包身鬆軟炸大蝦配蝦片 包住蝦肉再炸,雙重蝦鮮味 彈牙滋味雞腳當前菜啜下汁同食花生 煮到好淋好入味紅油抄手 煮完既水餃加辣油 個皮夠薄身餡係菜肉幾清新 味道唔太辣反沙芋係最好食 即炒即上 個芯都係粉既,非常香甜既脆糖衣包住佢口感脆而粉潮館觀塘觀塘道418號創紀之城五期(apm)5樓1號舖平均消費$150評分7/10

自修畢課程後，首次一行 ［六個同學仔~扮細路］早上去飲茶，因上次有同學仔帶路來飲下午茶看到，早茶可享五折優惠，故大家約齊人再次來訪。雖然有手機訂位服務，縱使有枱也得給侍應確認有否安裝安心出行才給枱，沒有全枱客人安裝的便需再繼續等，她們的服務態度及眼目讓人有點不悅。算了吧，可能等位客人多，反正不是對著她們吃。手機下單，看到有些食物單價比午市或下午茶時段還要貴，故需小心看清楚才點。（xo醬炒蘿蔔糕）不愛浪費的我們，感他很難食，粉多味精濃，吃剩大半碟。其中的（脆皮珍珠雞）（醬皇汁抄手）（脆皮鮮蝦腐皮卷）（滋補藥膳鳳爪）（原隻燒賣王）味道不錯。最欣賞他的電子上水+煲水機，雖自己服務自己沖茶，但蠻方便，其實國內酒樓已用上一段日子。後記：如持續打折，可以再來，不過需小心揀選食物及忍耐須改善的服務態度。

呢間咁既野係我食過最難食既餐廳星期五晚間間都full booking但呢間有位 咁就照入啦 諗住中餐難食有個譜 點知惡夢黎 佢個苦瓜魚柳煲個苦瓜仲厚過豬扒佢河粉完全冇味又唔熟待應完全冇禮貌 食物好污糟 食完馬上肚痛下次食food court 都唔會食佢

因為買了電視機 店家會在11點後送貨 所以今天早上08.15去了APM潮館飲早茶 到了才知道星期一至六 早上7-11點 所有點心全部半價 😍這店我去了很多次 早茶反而未試過 它是屬於稻香集團 所以採用了自助沖茶及自助點餐 十分方便 在手機上一看真是很便宜 大部份的點心都是11-15元 2人共要了6款 全部都沒失手 其中最好味的是鮮蝦腸粉 內有韭黃 蝦大只又爽口 份量沒有因為半價而縮小香煎鮮蝦腐皮卷 煎得非常香口 鮮果沙律炸雲吞 脆卜卜的 配上沙律醬很好味呢魚肚鹹鷄粥 用煲仔上 好味 XO醬炒蘿蔔糕 普普通通 眼闊肚窄 最後糯米卷就吃不下了 看見門口宣傳單張說特價食物只限堂食不能帶走 但看見有食客施施然的帶走 我便問服務員拿外賣盒 原來是可以的呢埋單連茶錢加一 總數是115元 真超值呀

2021-7-24今天下午黎食午茶，帶位超串，問呀姐羅卡，本身三人食後尾朋友無黎，呀姐好串話我地做咩羅三個位，我同佢講朋友林時唔，服務超差，幾平都唔會再黎，唔會再黎

星期二同家姐同爸爸一齊去飲茶，行過黎間潮館，見到做緊優惠，11點前落單都有全單半價，好抵食， 所以即刻排隊等位，雖然喺星期二但都好多人等。最後我地有個卡位，都幾闊落。這間酒樓是用電子下單的，好環保。我地叫左個排骨飯，炒米粉，燒賣，金錢肚，鳳爪，牛肉腸等等。野食黎到都幾熱，金錢肚值得一讚，幾軟幾諗。鳳爪都好食，好夠味。但係啲野食實在黎得太慢，我地10點落單，成11點仲有兩碟都未黎，催單又無人理，最後同佢講取消，佢先講你自己同收銀講啦，跟本就無諗過幫下手。全間店得個幾個樓面，忙到踢曬腳，野食又慢上，搞到無左一樣一碟既樂趣。

與朋友約好一齊行山，行山前先醫下肚，就來到APM潮館来個一盅兩件。首先上来的是流沙包，Minion的造型挺可愛的，有點不忍心將它放入口。再来2籠蝦餃和鮮蝦燒賣，鮮蝦很爽脆，不過蝦味就一般。腸粉和牛肉丸和其他餐廳的差不多，正正常常。反而那個煎釀彩椒還不错。最後再點了一碟炒米粉，米粉的份量適中，加入了較多的蔬菜一起炒，味道還可以，多菜多健康，是我喜愛的類型。整體味道不過不失，當然價錢也不贵，值得一提的是茶水是一直可以煲住的，這個值得一讚。如果再有機會的話可能試試其他潮式食物看看會不會更好一點。

這間舖頭的潮州菜，味道正宗，算係有驚喜，但係款式唔多，蠔仔粥有進步空間，中式點心，款式和味道都不錯，總括嚟講，這間舖頭食得過，價錢合理，但係有二點，希望能夠改善，1）不要限時交枱，2）冷氣不足，如果坐門口位，食到一半開始流汗💦

夜晚9點去到apm搵食，唔係無位就係仲排緊隊，無得揀既情況下就食呢間。去到原來係宵夜優惠，9點開始，但9:15就截單，10點就要走，所以快速叫左幾款，上菜速度都快既。黎到眼見份量都唔算少，同晚餐差唔多，價錢又平啲啲咁囉🥲鹵水併盤 ($66.5) 咩都有啲既潮式風味，都幾入味。粒粒梅糕骨 ($80) 有蕃薯  但蕃薯既甜同排骨既酸好似有啲唔夾，就咁食排骨都OK既蠔仔肉碎粥 ($35) 好大碗，蠔仔都唔少，不過好似唔係好新鮮，好彩無咩腥味，所以都係一般酥炸魷魚鬚 ($33.6) 唔會有過多炸粉，唔係放左好耐就咁上枱，起碼都熱同脆！七味椒鹽嫩豆腐 ($35) 熱辣辣既，唔錯雖然平，但係服務就好麻麻，成日都搵唔到人。茶芥每位$13，唔好expect食完慢慢坐，因為宵夜時段其實最多都係得1個鐘食，好彩上菜快，唔係夠鐘要走都未食完。係平既，不過又唔係好好食，有得揀都唔想再揀呢間🥴

今日又同朋友來潮館飲茶.今次見門外人多.所以取輪候飛選擇搭枱.是日我哋兩人與另外一枱客人搭枱.坐低侍應放下茶包及茶壺走了.我們想用熱水沖茶時發覺水煲無水.當想叫侍應來加水的時候.搭枱的客同我哋講這個是自動加水機.是日真係大開眼界..真係好特別.啲茶係用智能電磁爐煲水 只要將特製水壺放在這部機上.即會自動加水,側面兩個白色制㩒一個制就自動加水.再㩒個制就可以煲水.去到一百度自動會停.的確係水滾茶靚.仲有科技先進採電子化QR Code 落單.只要手機掃一下枱面的點菜紙菜式在你手機顯示一目了然.不需要侍應,的確感到方便..但可惜現今上茶樓完全遺失了以前那種傳統飲茶文化.是日我哋都係叫大路食物共叫了八樣點心.其中有順德煎魚餅是最讚.魚餅煎到色澤金黃.口感酥脆.肉質細嫩彈牙而不膩口.至今仍回味無窮.其他一出品都中規中舉.與同枱客人傾偈,大家都覺得這茶樓地方寬濶.適合三五知地點方便近地鐵站.而且十一點前埋單有半價..所以經常來吃早茶.