潮樓 (Closed)

以前在這裡飲過茶，知道在這裡食飯是免收加一和茶錢的，所以就來這裡試一試晚飯的水準如何??六時來到時，只有二至三台客人，選了一張卡位就坐下了。望了一望餐牌就叫了蟲草花燉竹絲雞、XO醬爆象拔蚌、秘制沙薑雞、大閘蟹。蟲草花燉竹絲雞 第一個來的就是湯，飲落都幾有蟲草花味，還有很多材料在底的，份量都幾適合二至三個人飲的。XO醬爆象拔蚌 望一逞材料都有很多樣化，有翠肉瓜、百合、雲耳、象拔蚌，翠肉瓜都幾爽口，象拔蚌有少少咬口和有鮮味，材料給XO醬炒上了一炒，味道都幾香口和入味。秘制沙薑雞$78 雞都有幾入味但雞本身比較肥，都算OK的一味食物。大閘蟹$28隻 原來星期一至星期四是$18，size如果是$28都ok，細細隻，蟹味都充足，蟹膏就比較少了一些，可以接受。食到七時多都未滿人，在旺角中的酒樓都比較少見，不過這裡食飯是色收加一和茶錢，價錢和味道都ok，可以再來的食店。

因為開學, farewell, 同有人生日, 我地成支莊就特登出黎搞左個開sem飯, ^~^成班人一齊出黎玩出黎食, 真係好開心哦我地成班人, 係9點就準時入席~~各位大大記住9點之後入席會有50%discount off 呀~~因為有15個人, 我地就叫左好多好多好多野食~咩都有, 就得我同大家直擊報導啦~^^1. 蠔仔飯: 雖然D湯多過D飯好多~但蠔仔的份量就一D都唔少, 而且D蠔都好肥, 加上D湯好入味, 令我覺得成個飯都唔錯, 大家可以試下2. 炸蠔餅: 呢個係全場最佳~成個蠔餅唔單止唔油, 而且炸得唔係咁熱氣, 份量仲好多tim~^~^哈哈~~有一個FD喉嚨痛, 但係佢都狂食~^~^3. 炸多春魚: 呢個算係全晚最差的一碟, D炸粉太熱氣,而且成條魚都炸得外熱內凍~~可能無用滾油黎炸~4. ''老''水拼盤: 成碟野都唔錯, 但係D''老水鵝太肥, 扣分5其實仲有炸龍蝦卷, 炒飯, 魚肚''匙'',,,,仲有好多好多~但係都一般~~反而驚喜在於個呀姐~~佢好搞笑~~本身佢個人好cool, 但係見我地成班後生仔玩得禁開心, 佢都同我地玩埋一份, 最後佢仲送左個楊枝甘露比我地~~

同fds去MK Broadway睇戲。一行4人相約六點幾喺潮樓食晚飯。由於時間早，都無咩人。叫咗4樣菜，海鮮什菜煲、滷水拼盤、沙茶牛河同帶子鮮蝦鴛鴦豆腐煲。滷水拼盤咩都有，有鵝片、鵝件、蛋、咸菜、豆腐、紅腸、墨魚、腎同掌翼。全部都入味；不過腎同掌翼就好硬。紅腸切得薄了點。鵝片好食，唔鞋唔韌，啖啖肉。海鮮什菜煲都係一般酒樓貨色，海鮮都係蝦米、魷魚，湯底就幾清。帶子鮮蝦鴛鴦豆腐煲中嘅蝦同帶子都係雪藏貨。鴛鴦豆腐=玉子豆腐同普通豆腐。呢個整得唔錯嘅，味道幾濃，偏咸，剛好為無味嘅豆腐帶出味道。沙茶牛河，河粉較幼身，用粗嘅會好食d。個獻好杰，一pat pat，要稀番少少至得。整體滿意，環境都幾舒服；服務平平，有d伙記好hard sell, 有d又矇矇地。

記得6、7年前第一次幫襯銅鑼灣潮樓，貪佢免茶芥加一，最鍾意揀去北京道一號個間，因為有16:9維港景附送，可惜執埋！一大棚F.1舊同學，畢業後成20未見過，有心人決定搞局，最後連埋F.1老師，都砌到一圍11人，今次揀哩潮樓，又係貪佢唔收茶芥加一囉，慳咗一截，可以叫多個餸嘛！經歷咗咁多年，真可惜，免茶芥加一哩個做汰晌中式酒樓都成唔到潮流！11個人就人頭餸，叫咗11個，加埋信用卡推廣送嘅甜品，埋單都係$850，每人$77，雖然自覺潮樓出品質素唔係好高，屬潮食初階，平實無奇，又加咗好些非潮菜，仲賣埋點心添，但味道唔會好差，水準算穩定,。正如所叫嘅11個餸雖則都係大路嘢：海蜇手撕雞、青瓜伴牛展、鹵水拼盤、鹵水鵝片、金華四寶蔬、竹笙鮮菌玉子豆腐、粒粒梅膏骨、大眼雞、潮式煎蠔酪、糖醋煎麵、方魚肉碎粥，但大路得哩又見平穩，無話邊道菜難食，簡評幾個菜式：鹵水鵝片 - 鹵水未致陳香醇厚，但嗒落唔嗆喉，鵝片唔嚡口。方魚肉碎粥 – 足料無慳皮，鹹味啱啱好，米粒爆花不綿，基本潮州粥個樣。潮式煎蠔酪 – 蠔粒唔大，但落得唔輕手，蛋皮薄薄，似飲早茶個D「薄罉」，食完碟面無剩油。好老實，要俾個笑真係好難，但睇番舊同學

前後叫左8個餸, 一個甜品, 2支細藍妹 3個人每位HKD80都唔洗。以食打冷野尼講算平, 而且鵝件, 豬紅同炸魷魚so都好好平。豬紅那個汁送飯一流。唯獨是一到尼D煩忙時段就無人會SERVE你。

去開mk, 想食下午茶,我地一向都幾仲意潮樓d野食,因為又抵又arm食.可惜香港島的潮樓一間一間咁結業...己經冇得係香港食了. 今日行過見到佢,二話不說就沖左上去hea返個tea先~我地兩個人叫左:芋蓉煎堆-- 好好味~!!!! 牛ball-- 不錯, 只是不夠"結"汁奶皇包-- 剛剛蒸好~好熱~好味道~!!xo 蘿蔔糕--一般前蝦米腸-- 唔好食,煎得不夠芝麻糊-- ok好懷念佢晚市的前菜-咸酸菜...同蠔仔粥..鳴鳴...快d係香港島開返間la....期待ING

上星期五, 我去咗荷李活口個間潮樓食宵夜, 個待應介紹我食個一碗菜($120), 送咗4張$30卷, 即係免費啦!當晚我食咗, 都幾好食喎!服務亦唔錯!我口個日食咗1個一碗菜+3個半價口既打冷,埋單百零蚊, 減埋張$30卷, 唔洗1嚿水, 食到飽飽.真係低!假若你去過一間更低, 話我知!!!

呢輪想食潮州野...見到旺角呢間潮樓品評不錯....原本都諗住去試下適逢呢輪稻香集團又有一蚊雞...當然要一試是晚叫既菜青瓜芹菜魚皮餃 呢個係規定要叫既一個小菜要叫左呢個小菜先可以用一蚊雞叫隻雞食所以無期望不過真係唔多好食青瓜OK...魚皮餃差砵仔梅子穗香雞雞唔滑...太霉....鹵水拼盤作為一間潮州菜館...食評不錯...稻香招牌對潮州菜必點既鹵水拼盤有期望都好應該點知質素真係唔多好...好難形容...唔新鮮...唔好食...最有趣佢唔係用紅腸...用司華力腸食落口之前都諗係咪新野....點知一食...真係司華力腸....太有創意了我食過好食既鹵水拼盤 (或者一般質素都比佢好食)又或者大家求其買D雪藏料加李X記汁都好食過佢蠔仔粥稀過乜咁...我係潮州人...知道潮州蠔仔粥係偏稀既但絕對唔係稀到咁....唔好食我唔係一個苛刻既平民食家但四樣菜四樣都唔好食....好難唔俾劣評還有...潮樓既衛生非常差....侍應抹枱好求其, 碗碟好污糟....有跡既(我已唔算係一個好乾淨既人)關稻香集團既食肆我全部都食過...一直都好有質素保證希望今次只係個別事件....同埋希望OPENRICE唔好唔登

前兩日同成班ｆａｎ去左呢間店到食飯,本來係去隔離上樓o既,但等左成個鐘都冇位,而我地係排一張枱,果度有兩個知客,都係幾串,問佢都唔會答你野.....最後我地就去左潮樓了,由於已經係9點,所以d小菜7折,我地8個人叫左10樣菜,最好食係魯水拼盆同川椒一口牛,最唔好叫o既有時菜炒雙邦,其他都只係一般,最慘可能因為太多人,d野都出唔切,要好奈先有野上,加茶唔洗叫d小二加,因為佢地都係唔會采你,你催佢地,佢地話咁多人,等下啦,態度極差,你d野幾平都冇用啦.

話說星期日同班小學同學去咗旺角潮樓食開年飯，之前一早去book咗間房，諗住自成一角開心啲啦，book房嗰陣問佢有冇牌打，佢話有，5點可以開始，仲問我幾點攞房，咁我咪話5點囉。 好喇，星期日16:45上到去攞房，一入去見到間房門口寫住「張小姐宴客」，我已經面黑，不過諗住算，唔理，入到房見已經擺好咗16位大圓檯，咁我走返出去問reception姐姐啦... 我：請問係咪有牌打架？ 佢：(望咗我一望)你有話打牌咩？(跟住走去查登記簿) 我心諗，我梗係有話打牌啦，唔係我咁早嚟攞房做乜啫！就算我真係無講清楚，你都唔係咁嘅態度對客呀？ 跟住佢就無理過我，只係喺對講機嗌同事幫我set檯，我望住佢佢都唔理我，好，咁我入房等！ 跟住有個部長入嚟幫我set檯，佢將將大圓檯搬入少少，好勉強咁開咗張麻雀檯俾我，但係根本閂唔到門，有一個仲要坐到出門口咁打！我仲其實仲有少少位可以搬，我嗌部長再搬入啲張圓檯啦，佢又話有嘢頂住，唔搬！ 跟住佢出咗去，我望一望張檯，頂乜Q啫，你唔想搬咋下話，跟住最後係我同我朋友出手搬，都痴線架！搬完之後張麻雀檯終於可以入返間房，雖然間房喺堀頭巷，正常唔會有客行過，但係嗰條係員工通道喎，

這家餐館的名字不錯~不單可表示主打為潮州菜，也可解作潮流、時尚的意思，食物的味道不錯，如若能更細心，可做得更好：1. 洗手間：設計有點怪，又黑、又白...如果可用同一色調，可減低奇怪的感覺，亦可令人舒適，用色太極端很易有反效果。2. 坐位：有方、圓的餐桌，可顯中國文化特色，不過如桌加入配件，如掛鉤(注意安全！)，客人可將手袋掛好，不用將袋放在背後3. 落單：多元化，如加入以下細節，充分利用點心紙的意念，更顯細心，如蠔仔粥，加入走青、分開上...etcAmie.C

潮館質素一向中規中舉﹐不會太好亦不會很差。因已過午時﹐所以不用排隊便能進去。雖然是下午茶時間﹐但不是所有點心都減價﹐其餘都是以正價計算。 是日叫了下列點心﹕豬耳拼海蜇 – 鹵水食物對潮州菜館當然要做得好﹐這裡的豬耳軟硬適中﹐溫度還是微暖﹐味道很香。 海蜇味道帶微辣﹐偏鹹﹐但咬落還算爽口。叉燒包 – 叉燒餡足夠﹐味道甜甜﹐雖然有肥肉在內﹐但不是很多。蒜蓉魷魚 - 魷魚爽口﹐下了很多蒜蓉作調味。作踐底的粉絲吸收了醬汁的味道﹐所以很香很濃﹐但如空口吃味道會較鹹。叉燒腸 – 腸粉皮很煙韌﹐質地有點兒像糯米糕般﹐很厚很軟熟。雖然叉燒餡料不多﹐但腸粉很好吃﹐有別於其他薄薄爽爽的腸粉皮。牛肉球- 普普通通﹐與其他酒樓差不多。棉花雞 – 不過不失﹐但有點過油。臘味糯米飯 – 質素不錯﹐比預期好。糯米飯軟熟﹐臘味份量亦剛好﹐味道做得剛好。點心質素與預期差不多﹐不會太差﹐款款中規中舉。

尋晚星期五，九時後才有空吃飯，沒有頭緒去哪吃好，就想到去潮樓，記得之前吃過還可以的食物，怎料，一開LIFT門，就發現勁多人等位！都唔知等潮樓定上樓。一層裡面分開左邊是'潮樓'，當然是潮州野食，右面是上樓，是上海野食。九時後原來是特價時段，卥水食物五折，小菜也七折，難怪這麼多客人等位，當然也因為當天是星期五。我看看點菜紙，確實好抵，好像卥水拼盤原價八十蚊，真係賣四十蚊咋噃。仲有好多潮州野食，分顏色睇價錢，大部份都好超值。咸菜豬肚湯係我既至愛，佢本身五十八元，但特價28蚊，味道都好好味。我當晚點了卥水拼盤，它比我上次原價吃的時候份量一樣！這是我幾佩服的，價錢一半，卻沒有一點縮少了份量，依然是滿滿的一大碟！咸菜豬肚湯，好味道，老公沒我一般吃得立雜，也喜歡吃它的豬肚及湯！不是只得胡椒味那般的' 確' 喉，而是味濃得來也辣！辣得來當然也咸，不錯。芋蓉香酥鴨，這個本人覺得在哪裡吃也該差不多吧！太油膩，我不太喜歡。但其實芋蓉香軟，口感也不錯，但當然一定要加埋酸"美美"那個醬一起吃才放得下口，這是我第一次吃香酥鴨，沒有比較，沒有太多評價。砵仔飯，這個是另一張特價紙的菜式，一個飯十八蚊，我們問侍應一個飯

冇等9點後就入座,侍應推介半席業式,因為唔想諗所以咁就叫左啦八菜,一湯,一飯,一甜品,6支汽水整體都不錯

同學聚餐14人 .. 選擇了潮樓.潮金宴  HK$988 (逢星期一至四供應).. 價格幾抵. 上湯焗龍蝦球伊麵 - 龍蝦球, yummy yummy.潮式鵝拼盤 - 一般水準, 沒有驚喜脆芹花姿蚌片- 蚌片.. 爽滑可口.芙蓉雞絲翅 - 須然一般,大家吃得津津有味. 黃金鴛鴦卷清蒸海班 - 很滑, 很美味. 脆皮風沙雞 - 同雞有仇的我, 加上脆皮.. 當然唔客氣啦.粒粒浸菜苗 - 小白菜, 少油..健康之選.萬壽蟠桃 - sweet, sweet, 食完..心都甜.散叫 糖醋煎麵等... 食物.. 不過不失. 整體價格幾抵. HK$1210.-不過, 環境比較嘈雜, 大家要大聲說話. 這晚餐忘記了加飯或炒飯等. 可能有男士..未夠飽 ? 不過, 大家..志在 一起聚聚 , 食甚麼不是太重要.