Chapter 1 Cafe (Closed)

原來登打士街的一邊也開了不少文青格調的Cafe，Chapter 1就是其一。木色的裝潢，懷舊的格調，不俗的食物，適合(偽)文青消磨之地。🙆🏻🙆🏻不過大廈有門口有少少難搵，過登打士街留意華潤堂和高氏大廈轉入去的巷仔。卡邦尼煙肉扁意粉和黑松露帶子意大利飯是這裡的招牌菜🍝。雞蛋非常搶鏡🍳，忌廉汁和煙肉味道和諧，扁意粉淋度恰到好處，而且份量多，$72，性價比高之貨色是也😋😋👍🏻👍🏻至於黑松露帶子意大利飯($98)，帶子用料不俗！大粒而帶鮮味，黑松露醬也非常夠濃，意大利飯淋番少少就perfect 喇😋😋店主也很重視與客人的交流，閒時他們也會和客人聊聊天呢！

假期最後一日, 同好姊妹係旺角搵左間新開既樓上CAFE嘆個下午茶聊聊天...呢間CAFE地方比較細, 座位唔算多, 建議最多約四、五個朋友, 否則可能坐得比較迫~ 全店只有兩名員工, 上菜速度還可接受...呢度有意粉、意大利飯、小食同埋飲品~ 本身menu上有幾款甜品, 但老闆話因為呢度人手不足, 所以目前已決定取消甜品list...令我地無緣食到呢度既心太軟,有點失望~店長推介左呢個意大利飯比我, 我不防order黎試試!【黑松露帶子意大利飯】HK$98意大利飯超級creamy!!! 飯質比較正宗, 口感粒粒飯都煙煙韌韌, 好重既黑松露味, 帶子表面煎得金黃香口, 帶子內還是刺身口感~ 果然冇推介錯!!【雜錦拼盤(小)二人份量】HK$65呢款雜錦拼盤集合左呢度既大部份小食, 小食包括有薯角、春卷、咖哩角、廣島吉列蠔、肉腸、魚手指炸物表面一d都唔油膩而又極之香脆, 每款都脆卜卜...【煙肉芝士焗大啡菇(2件)】HK$58呢個小食很有驚喜!! 巨型既大啡菇上蓋上厚厚既芝士, 熱辣辣時仲可以拉絲tim, 非常邪惡!! 啡菇焗過之後, 依然好juicy~~ 芝士同啡菇之間有少少沙律醬、洋蔥粒

朋友介紹上黎試下，食左佢地推介既主打小食"煙肉芝士焗大啡菇"。本身對芝士同菇類不感興趣，但食左一啖真係改觀！完全吾會乾，料足又多汁！$58 2隻大大過！嗌左杯野飲，食下坐下聽下歌，一流！下次會黎試埋個意粉！

星期六，無咩特別節目！又係時候揾老友去左捐右捐揾嘢食,今次我地揀決定左去旺角,行下行下終於揀左以前第一代上樓cafe聖地嘅恒威商業中心六樓-Chapter 1 Cafe。六隻雞翼(三種味道)孜然味淡淡的香料味道唔濃,怪得嚟又幾特別!蒜香味味道濃郁，滿口蒜香味，幾香口!蜜糖蜜糖味略嫌不夠,原來唔係太甜都有另一番滋味。整體雞翼比較juicy又多汁，算過得去!卡邦尼煙肉扁意粉creamy 多汁得嚟比較滑,沒有太大驚喜!巨型芝士啡菇外型都非常精美，巨型芝士啡菇焗特岩岩好，唔乾身juicy夠濕潤，芝士蕃茄夠多，分怖非常平均，每啖都有芝士，還掛左蕃茄加沙拉醬,好!黑松露帶子意大利飯未上枱已聞到黑松露香味，意大利飯面鋪滿sauce, 芬芳撲鼻，食落啖啖cream味，巨型帶子新鮮咬落又啖啖肉,唔錯!總結:餐廳面積不大,但坐得都算舒服,食物水準都尚算接受。

想同一班姊妹一齊補祝生日同情人節, 上openrice見到有呢間幾多好評既樓上cafe就黎試下佢個大廈入口真係好易就miss左, 要認住大大個「金X郎」綠色招牌, 係果度行入去搭lift佢個環境同睇相一樣真係幾靚, 雖然唔算大但都坐得幾舒服, 幾有feel Dinner Set有4款比你揀, 有意粉有飯Set仲有湯(好足料), 蒜蓉包(呢個好好食)同埋野飲, 都幾抵食9個人叫左6個set, 再加幾款小食同野飲, 個個都好飽呢度D野食都幾足料,比個讚佢地!煙鴨胸意大利飯呢個拿破倫意粉好食個雜菜湯極力推薦呢個菇！好juicy朋友既香蕉朱古力果日我叫左花茶 玫瑰花加洋甘菊 但唔記得左影低佢呢個花茶好足味 仲可以無限加水 超好👍推介大家試試果日上黎都幾多人, 所以想去試既話建議大家最好都book檯/打個電話去問下兩個老闆都好nice, 係咁問佢地拎呢樣拎果樣都笑笑口對人, 仲會同你講下笑推介大家上去試一試

今日同女朋友行街 2~3點覺得無咩行就search下有咩cafe 好坐 search到一間新開嘅cafe 就上去望下啦 一走到去個環境真心吾差 工業風 又播緊啲歐美歌 感覺幾正 因為食左野 所野都吾會叫太多野食 去到有2個後生仔歡迎我地 講講下原來係東主來 話岩岩畢業 首次創業 佢地都好nice 介意我地一定要試卡邦尼同戈戈咩焗菇 先講個卡邦尼 好奈無試過正宗嘅卡邦尼 出邊多數係白汁就算 點知佢哩個係有埋蛋黃 感覺正宗好多 成碟野即刻加曬分 好香蛋黃味之後戈個菇一定要提 勁juice 一定要試 到野飲 我就點左個americano 個豆都好香 值得一試 整體來講成間cafe連埋食物同東主態度 係值得大家試試

本住揾個地方坐下等下場嘅心態上咗來Open Rice 揾食，最後打咗來confirm 有位後就慢慢行咗過來。到步見到既係一間工業風裝修，坐位濶。音樂係英美流行曲。因為今日行街都一路食左啲嘢，所以老婆叫左個煙鴨胸南瓜意，我就叫左個carbonara 套餐。唔夠一陣廚房就轉來煎鴨胸嘅聲音同香氣，先來嘅係套餐嘅南瓜湯同自加制蒜蓉包，唔錯～老婆嘅鴨胸意跟住都來啦，佢擺左一啖落口就同我示意好味，加埋煎香咗咗嘅鴨胸嘅賣相同味度都好唔錯～最後係我要嘅carbonara, 正統做法有隻新鮮蛋黃係面。撈勻嘅同時見到煎香左既煙肉，洋蔥粒同磨菇。好味～（應該係近期食過最好食嘅carbonara)總結： 坐得舒服，味道好。

由兩位十分用心既年輕人所經營既小店，店內每件小物都悉心挑選。味道不錯，價錢合理。談心好場所👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

之前誤打誤撞黎左依間新開既cafe 食左個下午茶 老闆介紹左依隻大啡菇 芝士揀直係開正我個範 個汁好正 隻菇焗完都唔會乾身 口感一流 黎依到隻菇係必食走既時候老闆又誠心推介我試下個卡邦尼意粉 所以今日特登同朋友上黎試話說對上一次黎近乎冇客 今日竟然係座滿@_@ 好彩我都預先打左電話去訂位今次叫左個dinner set 有個卡邦尼意粉 湯 蒜蓉包 同飲品我特別欣賞個意粉 口感好好 份量唔多 不過成個dinner set 食完係十分滿足既朋友叫左個茄汁海鮮意粉 無咩野特別大家叫意粉食既 我都會推薦大家食卡邦尼或者黑松露個個(聽到隔離枱大贊)雖然老闆做到好忙 但食到一半老闆都會好窩心咁過黎問下食物如何 同我地傾傾計依間cafe 絕對值得再encore

早幾日 早放左工 想上去樓上cafe坐下hea下 食個飯 行行下去左恆威商業中心我同樓下個看更八下有冇咩推薦 佢同我講6樓新開 於是我上左6樓睇下 一出lift 見到呢張圖鬼馬入到去坐 環境比我想像中好 似美式鄉村酒吧格局 都幾靚 坐低之後一個相信店主嘅物體過黎同我講佢地新開 開左個幾星期 佢地個卡邦尼其他客人都幾喜歡 推薦我可以試試佢 佢話佢地有dinner set 有湯有包有野飲 價錢都唔算貴 個湯佢話佢地主打三款 每日隨機新鮮自家制 今日係菠菜忌廉湯 聽到咁有heart於是我落單之後佢地以快過譚仔嘅速度上左個包同湯比我鬼馬過多陣個卡邦尼都上左黎 大家都知卡邦尼用蛋黃去撈 我個人係鐘意厚身嘅口感嘅 佢個蛋黃夠香 撈出黎個質感夠厚 好岩我口味 撈完之後 我食第一啖 蛋黃嘅香 煙肉嘅脆 面條嘅彈 完美融合係呢碟卡邦尼入邊 之後我都為表敬意 以費達拿開波嘅速度食晒成碟 成個過程就好似戀愛一樣 由未食嘅期待 到第一啖嘅甜蜜 最後食晒嘅空虛 走果時我同店主講 I will be back弱水三千 只取一瓢飲 世界有好多嘅卡邦尼 但我諗 我已經搵到最適合自己嘅卡邦尼

16.01.2017為左慶祝best friend生日所以上ig search下有咩cafe好, 無意中見到哩間野嘅icon好靚😍不過好似開左無耐,有啲擔心伏唔伏,不過啲野食相同裝修又好吸引,所以刀係膽粗粗上左去。 一入到去好有氣氛,好鍾意廚房果邊嘅裝修,啲位又坐得舒服。叫左3個dinner sets 卡邦尼扁意粉 白酒煮青口意粉 煙鴨胸白汁意大利飯,個set跟左蘑菇忌廉湯同蒜茸包,好香好脆,重點係啲野食即叫即整！上到嚟同ig啲相一樣咁吸引,唔係圖片只供參考果啲！雖然店主推介卡邦尼,但係我自己就私心煙鴨胸喇😋表面脆,熱辣辣,同白汁飯好夾🔥 意粉刀唔輸得,好有咬口,個蛋黃好治癒❤店主仲超好人,請我地食新鮮炸起嘅薯角。最後食左個朱古力心太軟,店主仲好謙虛咁話自己啲甜品無咁好,明明就好得👍🏻已經決定左下次再去食個大啡菇👅

無意發現呢間cafe，見到環境幾好，於是試下想食d小食，之後老闆介紹我地食芝士焗菇又真系幾大下，好多汁，吾似出面果d焗菇咁乾，直得一試好似50幾蚊，兩隻，同朋友一人一隻。再叫左黑松露帶子意大利飯個set$138，有餐湯，香草包同茫果沙冰。好好食個飯，黑松露味好出 好滿足老闆好好人，同我地傾計，仲送左碟薯角俾我地，好開心下次一定再黎，試下其他意粉同飯先

Cafe 既裝飾好有特色，充滿情調，環景氣氛好好，最啱係情侶或者幾個好友聚腳嘅地方。 尋晚同幾個好友上咗呢間Cafe食飯，我自己就叫咗芝士蘑菇同黑松露意大利飯好好味。 加35蚊仲有暖粒粒出煙既心太軟。 平時我超中意食心太軟，但呢到既心太軟我一定要講，因為唔會太甜而個朱古力流心仲要係好多好爆漿