Video
Opening Hours
Today
11:30 - 20:30
Mon - Sun
11:30 - 20:30
Above information is for reference only. Please check details with the restaurant.
今日無心插柳，行到黎灣仔呢間臺坊，心郁郁就想食台灣野。 入到黎雖然唔係好大地方，但好有台灣既感覺，周圍坐住竟然都係台灣口音國語既客人，感覺真係好親切。 而店員都好有禮貌同我落單。 見佢都好多野食下，不過今日真係食唔晒，下次一定要同朋友再黎食過先得。 我就叫左份海苔炸豬排飯。 即叫即煮，好熱辣。 睇落以為唔係好大份，但其實都好多。 豬炸一啲都唔肥，炸粉都唔會太厚，但控制到炸得鬆軟又脆爽。 豬排本身都好厚，又大塊，真係好意外。 海苔超多，食落應該係有烤過，所以特別入味同脆。 夾埋佢既醃蘿蔔真係好正。 而見到旁邊既辣醬好香，就忍唔唔住試下，一試真係不得了，好香麻辣味，而辣都只係點到即止，唔會太嗆，反而好有提味既效果。 我覺得呢個辣醬配飯仲正。 即後叫埋杯熱既香芋珍珠奶綠，真係好完滿。 所以呢間臺坊真係好好味。
continue reading
餐廳地址好fit 放lunch 哪時候黎食，又近地鐵站，又近灣仔必經嘅天橋。雖然食嘅時候係下午茶時間，但係餐廳都keep 住有人入黎食。出餐速度好快，依到落完單，嗰頭就杯野飲黎啦。餐廳都有好多唔同種類嘅麵呀、飯呀、湯麵呀等，連藥膳面都有！跟餐可以有個加$8嘅特飲，都幾扺。鹽酥雞肉燥拌麵$65麵量都好多。麵嘅質地似米線，煙煙韌韌咁樣。鹽酥雞粒份量好多，每一粒都係bite-size ，好方便一啖雞一啖麵咁食。鹽酥雞嘅炸衣夠輕薄，食落去油膩感唔會好重，個口冇成啖油。雞粒醃得好入味，口感又酥脆。百香果蘆薈綠茶 +$8飲品唔會太甜，飲落去酸酸甜甜咁，好開胃。飲到蘆薈粒都好多，每啖都飲到。
continue reading
今天，我和老婆特意來到灣仔的臺坊餐廳享用午餐，這裡專門提供美味的台灣料理，讓我們期待已久。餐廳的氛圍輕鬆舒適，牆上裝飾著台灣風情的畫作，令人感受到濃厚的台灣文化。我點了紅燒牛肉麵，這道菜的湯頭濃郁，牛肉軟嫩，搭配彈牙的麵條，口感層次分明，令人陶醉。每一口都讓我感受到濃厚的台灣風味，讓人不禁想起在台灣品嚐的美好回憶。此外，我還點了黑糖仙草凍，這飲品滑嫩爽口，黑糖的甜味與仙草的清香相得益彰，讓我心情愉悅。老婆則選擇了海苔手撕雞飯，雞肉鮮嫩多汁，搭配香脆的海苔，讓她十分喜愛。這道菜的味道清新，令人一試成主顧。她的飲品是熱的蜂蜜柚子茶，柚子的清香與蜂蜜的甘甜在口中交融，特別適合這個季節，讓人倍感舒適。整體而言，臺坊的午餐讓我們享受到正宗的台灣風味，無論是菜品的選擇還是食材的品質都非常講究，讓我們度過了一個愉快而充實的午餐時光。
continue reading
琴日喺香港灣仔行街行到腳軟，個肚又開始 “咕咕” 叫，正想搵個地方醫個肚😅坐低就點左佢哋嘅招牌红燒牛肉麵啦~小食肯定就少唔到台灣著名嘅椒鹽豆腐、肉鬆芝士蛋餅！【红燒牛肉麵】香气冲鼻，肚更饿了...碗里大块软嫩牛肉铺在弹牙面条上，汁浓味醇，面条蘸汁嗦一口，超級满足😍d麵一入口，就能感受到佢嘅新鲜，老板娘好热情咁介绍话系手工面，唔怪得知口感爽滑又有嚼劲，一口麵，一口牛肉，再饮一啖热辣辣嘅汤，喺寒天入边可以暖到入心入肺，超级满足😍【椒盐豆腐】令人惊艳，平平无奇嘅豆腐平凡豆腐炸得金黃酥脆，咬開之後仲略爆漿，鮮嫩多汁，口感層次豐富到爆，内里嫩滑留清香，表面嘅醬汁係佢哋自己調嘅，鹹香獨特！每一口都有新嘅驚喜，食多幾塊都不會覺得膩，反而越食越上癮🤤【肉鬆芝士蛋餅】蛋餅煎得金燦燦，外層有少少焦香，裡面嘅肉松同芝士完美融合，肉松嘅鹹香、芝士嘅奶香，再加上蛋餅嘅蛋香，三重香味相互交織，咬落去嘅時候，芝士仲會拉絲，超級有口感，一口落去，滿滿嘅幸福感😎店面雖然唔大，但裝修得好精緻，走嘅係台式小資情懷風，好似瞬間穿越到台灣嘅街頭小店！佢哋老闆娘係個好熱情嘅台灣人來嘅，都好健談！值得推介👍🏻
continue reading
喺灣仔唔知食乜，亂打亂撞，搵到呢間台式食肆，心諗都係一般嘢冇乜特別，一時之下，原來都有驚喜！入到去先睇睇餐牌，價錢正常價，70零蚊一碗牛肉麵，蛋餅,海苔魷魚鬚都係四五十蚊，跟餐，可以叫台式飲品，都係加8-12蚊,呢樣嘢真係收得平.先黎香辣牛肉麵，一時之下…嘩！啲湯香味濃郁，真係食過最好嘅牛肉麵，真係台灣食都未食過咁好味。當中白蘿蔔同紅蘿蔔入曬味，牛肉牛筋有數件，都幾大嚿而且唔韌，非常有牛肉味。麵質方面似乎淥得淋咗少少，如果硬返啲，就口感更加好。之後再食芝士肉鬆蛋餅，餡料豐富，裏面啲蛋質到滿，絕無欺場，餅皮做得都幾薄，唔會成嚿太厚。海苔魷魚鬚稍為差啲，似乎因為炸得太耐，剛剛過火，有少少燶燶地。呢一樣嘢希望店主可以留意一下。飲品就係小麥胚芽奶綠，都係一般台式飲品嘅水準。不過店員有主動問要唔要小糖小冰嗰啲，呢個值得一讚。店舖管理方面，我行入去已經見到有灘水喺地下，直到我食完走，攤水都冇人抹，呢個真係需要改善一下，否則跣親人就有麻煩。
continue reading