瑞樵閣

Open Now

Now Closed

番查食評上次來幫襯已經是13年的二月某個午餐時分, 適逢今年年頭被太座問及想到哪裡慶生, 腦內閃出這餐廳好像有一段時間沒有來update了, 最初打電話來book位時, 接電話那位大叔話可能那天有人包場未能作實, 但後來去到差不多三天前還沒有來電作實, 我們打電話去問他才跟我們作實沒有包場, 確認我們的booking, 當晚雖唔算係fully book但連埋walkin客人, 都係全場”滿座”, 氣氛是如常的溫暖, 空間感同最初來時一樣有點狹小但又未致令人唔舒服嗰種,當日唔想食田園沙律, 於是叫咗個:冷盤- 瑞士肉腸沙律$225 碟上擺設是明顯的三堆食物, 最左邊是粟米底座埋成長方形上放些青瓜片再在上面放1/4粒車厘茄, 這堆食物內最好味的要算是那1/4個車厘茄, 好多時高級餐廳的車厘茄都會是好味道的, 無論是生吃還是快炒的都是好吃! 中間的一堆則類似是華多夫沙律的青蘋果絲加上瑞士肉腸片,紅蔥絲,烚蛋, 清清的沙律一個, 而右邊的甘荀絲則是十分工整的長方型, 清甜的甘荀絲又能跟青蘋果絲配搭成不錯的組合,熱盤- 蝸牛阿支竹伴香草牛油汁$240其實算係一個熱食沙律, 現在很多餐廳做這蝸牛時

This is one of the best fondue restaurants, hands down.  Over the years, we have been to many in Switzerland. Chesa still compares favourably.There is the fondue hot pot style and the raclette and I love both. For the raclette, it is already plated when it comes out (unlike in Switzerland where sometimes the guest does the grilling). The cheese is aromatic, running and crisp on the outside at the same time and the garnishes are perfect to highlight the taste.  For the fondue, a serving a plenty

第一次學人寫食評。因book不到晚上，所以改吃午餐。午餐有set lunch，＄355，但不是我杯茶，所以散叫。半島酒店有很多餐廳，選上這間，是因為想試下芝士火鍋，而且openrice的評價也不錯。預左成千銀落樓，不過偶爾豪一豪也不為過。我最愛是個羊架，＄430，又厚又大件，而且煮得很淋，值得的！下次如果再來我一定再叫。朋友最愛是個crab meat pancake，＄310，真係啖啖蟹肉，如果大件一點就好！成世人第一次食芝士火鍋，＄270，當然很期待啦。伴隨原粒小薯上桌，個薯要讚！芝士火鍋內有白酒，但我唔好酒量，所以叫了減酒份量。芝士味真的很濃，但沒有「膩」的感覺。很滿意這一餐，除了食物，環境也一流，星期六午膳時間，也很靜，沒有喧鬧嘈吵的感覺。各位侍應態度也很友善有禮，不時替我們加水，從不需我們開口。

同男朋友慶祝生日，因為之前佢去瑞士果陣 覺得瑞士菜唔好食，所以想同佢在香港試下。 上網睇到chesa係唯一一間公認有水準的瑞士菜，而且又在半島，所以立刻訂左。一去到覺得氣氛好好， 而且出乎意料之外冇訂都坐到卡位，所以未食已經開心😂 值得一提既係呢間餐廳唔會逼你買樽裝水， 可以飲暖水(通常高級餐廳好少見)。 其實未去之前我已經睇過食評，諗好晒叫d乜； 主要都係想食佢最出名既dishes, so here we go:Lobster and crab meat pancake ($310): 好食係好食不過真係幾貴，main course既價錢不過份量係三分一; 個lobster sauce好出色,加落d餐包食都好好食👍Fondue Montagnard (cheese fondue with bacon) $270: 我個人好鍾意食芝士, 尤其呢一個家左d酒, 好香濃好滑。 建議唔好減低酒精含量，因為濃度唔算太高。比起baguette, 我更喜愛macaroni同埋potatoes；略嫌baguette吸得太多油。 男朋友本身唔鍾意食芝士火鍋都覺得呢個ok，所以真係值得一試。Rack o

有緣地上星期撞到十幾年無見既朋友仔，今晚相約出黎食餐好既，順道聚聚舊啦 ﹗我又好耐無黎半島，日日做到手無停，氹吓自己開心都要啦！又無卡位坐，上次又係咁，unlucky 呀 ﹗坐對家講野唔方便。望望個 menu 似乎同以前大同小異，菜色都係差不多。矣？﹗今晚有 seasonal 既 menu 喎 ﹗梗係 order 依啲啦，正呀 ﹗唔係成日都有得食。唔掙在順便睇埋個 desert menu 啦，預計今晚都會 order 架喇。麵包籃，味道依舊無變，麵包味超級香濃，聞得到既新鮮 ﹗不同既口感，有香脆、有嚥韌、有鬆軟，當然全部都一件不漏比我地消滅晒啦，加上牛油或欖油黑醋非常美味 ﹗蟹肉班戟配龍蝦汁 Crêpe au crabe, cappuccino à l’homardine et Armagnac，黎 Chesa 晚餐咁多次，重來未捨棄過依道菜，每次都會由佢做 opening 既主角 ﹗香濃味美，色香味俱全樣樣齊 ﹗鮮蟹肉香甜鮮味又多汁，用充滿蛋香而滑溜既班戟卷住，倒上幼滑濃郁既龍蝦汁，個個都話好味啦 ﹗煎鵝肝跟欖油黑醋，絕對係高水準既烹調 ﹗鵝肝外層煎得香脆鬆化，但內面依然保持半凝固狀

時間過得真係快，轉眼原來已經兩年無黎幫襯 ﹗朋友仔好喜歡食芝士火鍋，所以特意帶佢黎試試瑞士傳統芝士火鍋到底係點樣架呢 ﹗如果無記錯，今晚係我人生第一次食芝士火鍋。進入半島酒店，經過華麗既大堂到達樓梯，係美秒既音樂旋律下慢慢走上 1 樓，環境非常寧靜舒服 ﹗雖然朋友仔遲左少少，不過都無影響到我既雅興。聽住大堂柔揚既 live 鋼琴節奏，慢慢向 Chesa 邁進，感覺非常舒暢。上到 1 樓，左邊就係 Chesa 既瑞士小木屋喇，其實比起其他同層既餐廳都幾唔顯眼。舊地重遊，柔和溫暖既氣氛並無改變，candle dinner 依舊浪漫舒服。坐低先 order 支有氣礦泉水，傾陣計、睇一睇 menu，之後先再慢慢考慮今晚食咩。因為下個月就復活節喇，所以有少少應節擺設啦。會令人沉醉於浪漫溫暖既 candle dinner，不過同朋友仔完全唔過電呢，哈哈 ﹗幸好今晚食客不太多，環境還不錯，唔會話太嘈。上次黎幫襯時，唔好采 full house 囉 ﹗嘈得好緊要，仲有幾圍阿太大聲高談寬論，諗起都滴汗 ﹗可否尊重吓依個場合同其他食客呢？負責既侍應弟弟以 casual 及 friendly 既演譯方法招待

2nd post, it gotta be this lovely Swiss place. Nice interior and everyone is being so welcoming.  There are two my favourite dishes. 1.) Cheese fondue, they has 2 choices in the menu and this time we had the Montagnarde, mixture of gruyere cheese, appenzella, emmental, and smoked bacon (smell excellent with small drops of alcohol!). The dish comes with sides of boiled potatos, pasta and french bread (so crusty!).  Honestly the whole thing is quite heavy, especially the bread soaked all up the ch

幾年前一次在瑞士吃芝士火鍋的經歷，到現在還歷歷在目。沿著木樓梯，走進位於地牢的餐廳，迎接我們的是一陣暖意。簡單而富有特色的瑞士小屋裝潢，牆上掛著牛鈴和瑞士國旗，感覺自己融入當地的文化。印象最深的當然是那滋味無比的芝士火鍋。以前在香港吃過的都只限於意粉屋和pizza hut，味道普通，之後也沒再試了。那次之後，一直念念不忘，很想重溫那味道。瑞士餐廳去過兩次，環境氣氛有幾分相似，食物不錯，但始終不是那種味道。久仰Chesa的大名，等了幾年，終於機會來了！踏進Chesa的門口，彷彿走進另一個世界，暗黃的燈光，全都是木的裝潢，是瑞士小屋的溫馨感覺。餐廳內還洋溢著芝士火鍋的香味。我倆被安排了靠牆的座位，可以同坐一邊的二人木椅，加上桌上的長蠟燭和紅玫瑰，倍感親近。一套的用具很精緻。枱布和粉紅的餐巾上都是一致的花紋，有些穿著傳統瑞士服飾的人仔，甚具特色。連餐牌都很精美。侍應很熱情，完全沒有拘謹的感覺，很細心留意客人的需要。經過一輪介紹，點好了菜，就可以試試麵包了。很喜歡可愛的木籃，更喜歡那暖暖的麵包。男友出去了一會，讓我一個人在等。侍應哥哥貼心地安排等他回來才上菜，還送上鋪滿芝士的蒜蓉多士，意外的窩

妹妹常嚷著要吃正宗的芝士火鍋，除了瑞士餐廳，相信Chesa 應該是不會錯的選擇。Chesa 的空間不大，但環境裝修很雅緻，牆身和餐桌是深色木造的，椅墊是深綠色的，椅上放有不同花紋的咕𠱸，桌上放有一大朵深紅色玫瑰，還有精緻的餐具和粉紅色的餐巾。餐廳的燈光有點昏暗，所以即使是吃午餐，亦甚有情調。點菜前，侍應為我們送上麵包，共有四款，放在漂亮的瑞士傳統木籃內，單看外表已覺得吸引和好吃。事實上，麵包都是新鮮焗起的，外皮香脆，內裡鬆軟，媽媽笑說每款試完，肚子也飽了一半呢！我們四人點了三個午餐和一客芝士火鍋。午餐的前菜、主菜和甜品各有四款選擇，包茶或朱古力奶和甜吃四小件，而加一杯餐酒只需多付$60。前菜我們選了牛肉他他和蝦肉意式雲吞。我覺得牛肉他他非常好吃，微微的鹹酸味令牛肉味道更突出，牛肉肉質嫩滑，配香脆鬆化的多士來吃，一脆一軟的強烈口感對比，令我發現脆多士和牛肉他他原來是絕配呢！蝦肉意式雲吞相對上沒那麼特別，不過海鮮湯汁令雲吞吃來更感鮮味，而清新爽口的意大利青瓜絲亦為此道前菜的擺盤增添美感。主菜方面，我們點了蜜糖煎封豬腩肉和香煎青魚柳配薯菜。豬腩肉顯然是最佳的五花腩部份，清楚看見腩肉梅花間竹一

牛柳確實係不錯既 五安士350蚊鵝肝 310一舊 好似唔係好抵囉又唔係超好味味道太濃 男朋友話食到好鹹芝士火鍋唔飽crab meat pancake估唔到310蚊得咁細篤服務係幾好既 但埋單2400 完全唔飽冇野值得去第二次

第一次係Openrice 寫食評, 就由Peninsula Chesa來個美好既開始😃男朋友生日, 所以提早一個月book枱(事前係Openrice 做咗好多功課, 最後選擇半島酒店, 事關男朋友未去過 hehe 聽聞Chesa 得十張枱左右, 打去個時仲訂埋雪糕屋^^)直到當日既下午 chesa 仲打比我confirm reservation 及雪糕屋要寫既message 讚~入到半島 男朋友好surprise 佢初初以為我帶佢去四季?!入到星期六既chesa 比我想像中少人喔  好開心 因為不喜歡人多既地方不過男朋友好唔舒服唔開心 因為我地枱後有好strong cheesy smell...(其實我同我男朋友好憎食cheese..) 佢以為呢度只係食fondue 我當然知chesa 出名fondue 但其實好多side dishes 都好好食我慢慢同佢解釋 之後經理行過嚟同我地傾計 又同我男朋友講佢想食咩都可以煮比佢食 加上cheese 味慢慢散去 佢即刻開心返男朋友病所以唔飲酒 叫咗兩杯fresh apple juice, orange juice, 真係好fresh 屋企揸果汁

重要的大日子終於來臨!!! 邊日生日都唔重要, 最重要今晚係我人生中第1次正式到半島酒店食晚飯, 鑼鼓聲響起-ing, 哈哈... 雖然我同Honey都不在狀態, 但已等得不耐煩, 唔想再改期, 頂硬上喇...搭Lift上到1樓, 由巷頭行到巷尾, 路過露台餐廳、吉地士、嘉麟樓、今佐日本料理, 完全搵唔到瑞樵閣, 點會咁o架?!! 結果我地又行返去巷頭, 由再行返巷尾, 都搵唔到, 實在太困惑, 係古典大樓梯前停下腳步苦惱中, 忽然比我見到呢個小小的金色招牌, 不禁高呼"有無咁隱蔽呀?!!", 已經係入面等緊我地的經理笑說"唔係好隱蔽啫!!!"... 嘿嘿, 無諗過佢會聽到, 醜死怪喇... 我餓咗太耐, 連用咩名訂枱都唔記得, 好彩講到第2個, 中咗...瑞士有4種官方語言--德語、法語、意大利語、及羅曼語(Romansh), 德語較常用佔70%... 估計牆上的是德文... 這款Old English字形好舊不見, 少時候會係白紙上練習書寫, 相信現今的小孩唔會有這種玩意兒(為考學校而做的是被迫, 不是玩意)... 解讀良久, 大約是"A Schtugg Hbinda trockn

半島酒店喺1928年開業，係香港首屈一指既五星級酒店，經常都有唔少本地甚至外國名人嚟到半島用饍或者住房。大家都聽聞過半島服務水準好同食物質素高，然而半島對於部分人都係一個卻步既名字，因為唔少人都認為半島花費會好貴。半島酒店內可以食到唔同國家菜式兼具質素既餐廳，例如法國菜既felix、gaddi's 西餐廳，亦有imasa呢間日本料理、奶皇月餅經常被搶購一空既粵菜嘉麟樓、仲有chesa 呢間主打瑞士菜既餐廳。一提起瑞士菜，大家會第一時間諗起啲咩？相信唔少人都會話係芝士火鍋，其實又點止芝士火鍋咁少呢？既然天氣寒冷，決定同朋友去半島食番餐瑞士菜，進行一次尋味之旅。半島聖誕裝飾半島christmas decorations 好靚，佈置既星星"閃耀"著四周，令人仿如置身童話裡。Chesa 門外有雪境同火車既佈置，我望住架火車不斷循環行駛，諗番起細細個都好鍾意玩火車，玩一陣就已經可以好開心，童年既快樂其實真係可以好簡單。我大約一星期前訂位，到達後等多大約十分鐘就可以入內。Chesa 係由一道頗為細既門進入，感覺好似去到瑞士既農舍，一入到去會有大爉燭，環境幾浪漫，餐廳內唔算太大，大約可以坐50人左右

同男友與他家人食冬至團年飯，今年一反傳統，不吃中菜，改吃瑞士菜 Chesa的門口真的很小，位置是由樓梯上去的左面。一行五人，叫了兩個湯，傳統芝士火鍋，四道菜式，一個甜品餐包沒有影，當中有三款包，chesa的餐包不是不好味，只是比較硬身，而且沒冇烘熱。芝士火鍋加了少少白酒，但不是太重酒味，容易入口，我們五個人都是第一次食芝士火鍋， 心想以為芝士會好“漏“，會食到好“濟“，但出奇地唔會，但又有好濃郁的芝士味。芝士分量是鍋大約一半，麵包都不會太多，但食完一籃麵包，芝士還未吃完，而且五個人食，每人都食得不多，所以有refill一籃麵包，食完第二籃，芝士就剛剛好吃完了。slow cooked salmon就是圖中最上的那一碟，故名思意，就是慢煮三文魚。由於是用慢煮，所以可以保持到三文魚的滑度，就好像吃三文魚刺身時的滑度，但三文魚是全熟的，第一次吃到這樣口感的三文魚，好特別，好有趣，而且很好吃。這一首菜的名字我不記得了，因為這是過了一星期才寫的食評，不過我記得第一個字是scallop，這道菜有大蝦香帶子，但帶子的整法很特別，外型不是帶子，是一個球體，是把帶子弄碎，改變了其外表的帶子。烤羊架，叫了七

Chesa 嘅芝士火鍋，好多年前已好想食，但一直都就唔到時間，今年原本想聖誕節同老公到Chesa 食晚餐，我已3星期前預約 , 但都 Full 咗，咁為有提前食啦, 重要係午餐先有位.前菜我叫咗蟹肉班戟，D蟹肉好鮮甜，龍蝦汁好香濃，可惜細條咗D。因為我唔想食太飽，想留肚食芝士火鍋，所以叫多個前菜，個Waiter 介紹個田螺，咁啱我都鍾意食田螺, 所以試吓, D田螺都好大粒, 個汁有小小雜菌味, 可能唔太鍾意D西式雜菌有小小苦味, 所以個田螺我覺得麻麻地.芝士火鍋: 因為我唔鍾意食煙肉同埋通粉, 所以選了正宗芝士火鍋配麵包,個火鍋有小許白酒味, 芝士味好香濃, 見個鍋仔得半鍋, 但食落原來剛剛好夠, 配麵包一流呀.(可能本身係鍾意食麵包之人, 所以呢餐覺得個芝士火鍋配麵包最好味)羊架: 係我老公嘅至愛, 我試咗一小啖, 可能因為我唔鍾意食羊, 所以都係覺得有膻味,老公話羊架有D地方有根, 所以有D韌, 有小小失望.下次一定會食晚餐, 但唔會食芝士火鍋, 因為太Heavy了, 會試下其他嘢食, 今次太飽食唔到甜品, 下次一定要試下佢哋D甜品.