長康酒樓 (Closed)

一間平民化的酒樓始終敵不過大財團---領展。長康酒樓收費相對便宜，令我印象猶深的是四十元的特價蒸魚，其餘小菜也是約五、六十元一碟。師傅製造出的每一道菜都有鑊氣。記得有一次，叫了一個湯，怎料味道總是怪怪的，經理親自走來試味，承認廚房有失誤，我非常欣賞這麼有責任感的商家。就是那種屋邨小酒家才擁有的感覺。今天，長康酒樓結業了，雖未能在最後一天撥冗前去「道別」，心裏是挺可惜的，慨歎世事變遷，人算不如天算。

今日 一早起身屋企人話要我去長康酒樓飲早茶話就嚟結業， 快啲去食番餐先唔係遲啲就冇得食， 我住喺青衣好耐其實真係冇乜點去過， 十一點去到人生人海可能今日係母親節前夕定或者係佢就嚟結業，所以啲人黎懷舊一番好似我咁，自己揾位搭抬， 坐低點咗啲點心魚翅餃、藥膳鳳爪 、咖哩魷魚、紅棗糕 、煎薄餐， 總之一句好多嘢想食 ；唔緊要今晚寫完呢個食評，聽日再去食。五月十六號二點就結業，仲有兩日大家一齊嚟啦， 星期日我會叫埋啲朋友去食晚飯，呢啲酒樓愈來愈少了

中學年代（其實都已經有八九年前），當時一開學，大家都不太稔熟，一大群人一齊來長康酒樓午膳，順便破冰。直到今年，酒樓突然間要結業，由於住得比較近的關係，與家人來吃個午餐，順便懷舊一番。搭枱是必須，對面坐着幾位婆婆，飲茶的氣氛倍增👵🏼。雖然長康酒樓掛住「就快要關門的免死金牌」，但是食物的質素也沒有隨之而下降。豉汁鳳爪、山竹牛肉、鮑汁鮮竹卷、叉燒包、沙嗲土油、金錢肚，尚算可以，但不至於要負評。山竹牛肉軟林林，牛肉成份不知有多少，枝竹吸味。土魷味道不濃，只在底下有微微沙嗲味，底下的一片豆卜吸味，沙嗲味較濃。叉燒包比較出色，外皮不厚而內容豐富，叉燒肉不少，汁夠杰而且微甜，味道不錯。金錢肚，數量眾多而且醃得入味，口感夠林，不錯。鮮竹卷大件，但內裏沒甚麼肉，以木耳等為主，空空沒質感。星期天午時間，吃了六個點心，一百四十左右，不貴但屋村酒樓而言不太便宜🤔。酒樓內也見到不少年少中年一族，大家也拿著相機手機拍照留念，可能都是看到報道說酒樓要結業才來吧。的確，在現今社會，這種舊式酒樓雖不能說是非常少有，但是在屋村樓下有這樣的舊式酒樓，就的確罕見。因為很多公屋村，都已經比領展收購😡，領展旗下的商場，很多都已經

住咗青衣咁多年，間中都有幫襯呢間酒樓，因為呢條邨得一間，質素不是要求太高，但服務真的差到貼地囉，事緣今日放假，帶媽媽落去飲茶，見有好多張枱都只有一至兩個人，但啲茶杯返轉晒，代表有人，見其中一張枱冇人便坐低，啲杯又返轉晒，有個侍應走過嚟話呢張枱有人㗎，吓！究竟係咪做生意㗎，幫老細倒米，好似唔憂做咁，以後一定唔會再幫襯。

今天回到小時候，走到一個舊屋村入面既酒樓飲啖茶食個包，多想買一本小寶貝相伴。行上酒樓，有時光倒流二十年的感覺。二十年前，香港很多的老酒樓有的結業、有的改裝，所以我早忘記了那些有龍有鳳的場景。來到長康酒樓，找到位置坐下。飲咩茶?普洱滾水，普洱品質唔高，喝下去有一種味道。看看點心紙，點心款式算是正常，應該有的都有。點了個點心拼盆、魚翅餃、煎薄餅、三色糕。點心拼盆 - 入面有蝦餃x2、豆沙水晶包x2、叉燒包x2、潮州粉果x1、貴妃餃x2，餃類都做得幾好，叉燒包味道較濃，粉果皮太厚，水晶包食左半粒就食唔落去...煎薄餅 - 食到舊式個種味道，但那個粉還是落多了三色糕 - 最唔掂既一碟，好似整完再整既樣子魚翅餃 - 普普通通，還好喇總括，懷舊一流、食物質素屬能夠放進口的水平，所以要求食好野的話這裡就不適合你了。

一行七人到長康酒樓晚飯，叫左芝士焗波士頓龍蝦、燒腩仔、燒雞、冬瓜盅等等，一般菜色不過不失，都是一般屋邨酒樓水準，要求唔高近近地可以醫下肚，但芝士焗龍蝦伊麵底比較淡味，其實係無咩味，要己落鹽，另外，冬瓜盅味道及鮮味一般般，反而脆皮燒雞同燒腩仔都幾脆口好食，其他幾味小菜味道都還可接受，間中一餐半餐都還可以，有得揀都係出遠少少會比較好！

由於本人嘅公司毎月都要拜神兩次&過時過節都要買燒味，而本人正好係買手所以就揀呢度……叉燒，香甜軟諗，特別係個蜜汁，餸飯—絶燒肉，皮脆肉厚，肉汁多而軟腍，而且燒肉塊皮經多個小時仍能保持香脆，每次光顧都會買兩至三條骨，約$120左右啦，毎次都會同燒味師傅講拜神嘅，佢哋都會自動撘送小量豬利或紅腸，意頭嘛但經過今次事件，本人絶對絕對唔會再次幫襯呢度嘅燒味部……呢日本人如常約下午五點左右去買燒肉拜神，點知呢位身裁較為矮細嘅師傅去咗厨房攞燒肉出黎擺賣，本人就坐起大堂度等出爐，約十分鐘左右，呢位師傅出現，而佢都認得本人……買野梗要買新鲜架啦，何况拜神，本人就馬上指住佢剛攞出黎果舊，但呢位師博就惡咁鬧我舊舊都一樣咁新鮮、都係啱啱燒出黎，重洗乜揀，還叫我信佢……點知攞返公司唔夠半個鐘，塊燒己經唔脆，係諗嘅，簡直豈有此理

其實叉燒飯同燒肉飯都幾好食,不過雞飯就差D.但叉燒飯一定要同佢講要"lum"叉,如果唔係就會"un",但叉燒的汁都幾好味,而且燒肉皮十分脆口,就算空口食都好好味.而雞飯因為個薑蓉太多油,會令到D飯油"lum""lum",所以麻麻,但雞都滑,只係個飯油左D.價錢$20都唔使,算係咁

病了兩天，好番無耐，有衝動想吃燒味，去了酒家買個飯盒先，叉雞飯多汁，送飲品，行去出面亭子內吃，叉燒大舊但好un，雞皮厚肉薄，無啖好吃，送了不知名的紙包飲品，勁難飲，即棄。

家人回港，想食d屋村風味既食物，去左呢度。傳菜阿姐超好人，非常照顧老人家同細路仔，我諗呢d就係屋村酒樓既風味。當晚飲左個湯，無乜味精又抵食好大煲，每人飯左3碗先飲完。其他菜式雖然無乜特別，但係好有屋企小菜既風味。

今日和親友去飲下午茶,叫了五碟點心和一碟干炒肉片河,肉片河賣相差又很多油和咸了些少其他點心一般,杞子桂花膏和紅豆椰汁膏好吃這間酒樓要自己搵位麻煩些,房裏有很多人打牌,特價紙又不齊全,侍應/部長又不出聲,後來吃完才知用某張紙入單會有不同計法,我很少來這裡飲茶點知喎燉蛋白3點幾才有,我們都吃飽啦:都無人叫來吃,為何不早些呢

因為住依度由細食到大你想食正常0的的野下午就要搶我都試過搶燒鵝老左0的，不過有燒鵝手已經好好點心我只係食到包蝦餃燒賣百無最好食係炸多春魚不過唔明點解d茶苦kaservice唔好晚上都唔多好ka連碟菜都難食過人講真食樓下麥記好過

我有朋友同親戚都係住長康，我都去過長康飲茶食飯好多次!! 其實服務態度同食物都唔錯，部長同侍應見到熟客都會好有禮貌。長康又幾差啊，我仲諗住下年擺\酒結婚係呢度搞wor. 呢間係屋村酒樓係咁上下。

一直以來太難食，食物唔乾淨，換人無數次，服務態度又唔好，晚飯價錢又唔平．

呢間野已經好多年唔知當中有無轉過手不過d阿姐同個廚師就應該無一樣咁差~d什麼抵食野~我覺你只要出去比d心機去旺角搵下都唔難搵如果你唔介意比錢請人黎黑你面又想食d難食野既就不妨去試下啦