祥香園

Open Now

Now Closed

菠蘿油凍冰冰完全沒有菠蘿油應該有嘅靈魂已經唔係第一次食，質素每況越下。以前拜托職員幫手加熱叮一叮都答應今日平安夜 全場比較靜職員反而答：從來無得叮結果要享受一個牛油還牛油 麵包還麵包嘅所謂菠蘿油😭珍惜金錢 珍惜時間 切勿幫襯🙏

呢間有懷舊風嘅冰室，好多位可以坐，多人食都無問題，QR code落單。叫咗個52蚊嘅豪華早餐，有菠蘿油同埋熱狗揀，個熱狗真係超出色，好大個，又多醬，淨係食個熱狗都夠飽餐仲有個奄列，奄列就正常發揮但都算大個，麵就可以揀我最鐘意嘅辛辣麵，加8蚊就食到，另外加左個曲奇皮蛋撻，不過可能我0930食嘅關係所以唔係新鮮出爐係凍嘅我幾鐘意呢度嘅環境，我都食過幾次，起碼冰室嚟講真係整潔同乾淨，冷氣又夠，呢啲基本配套唔差。整體體驗食物質素同水準都幾高，仲有好多款包款可以揀，可惜只係開到1800。冰室黎講算高質，推介早餐過嚟食

近住VTC個邊間大快活隔離有間睇落好似懷舊餐廳聽聞佢既奶茶好出名 話哂都被譽為「西環三寶」✨男人浪漫$67✨佢既常餐真係一流 價錢抵食又大大份今次揀左雞扒配米粉（淨係呢碗都夠女仔食）再加火腿奄列同菠蘿油先$67😱包埋野飲tim!! 出面菠蘿油加杯奶茶都$30🤣味道總要唔錯！不過杯奶茶冇佢地吹到咁誇張同好飲菠蘿油就正常發揮✨全日早餐$65✨睇張相都知…幾l好掂😍茶餐廳都有all day breakfast😂不過呢個係重量級🤩魚柳好脆但略為深色 都幾熱氣薯蓉係凍既 味道冇乜特別$65呢個價錢絕對會再encore!!!性價比都幾高既茶餐廳重點係餐廳好多位唔洗等多人去食等位都快雖然冇乜服務可言不過呢個價錢都唔會奢求太多

唔得閑今日經過湾仔，去咗祥香園食下午茶，下午茶餐叫咗两份，其中通粉加波蘿包都算大份，40幾元唔貴，佢嘅波蘿包都大大件，波蘿皮脆，但欠缺熱度，如果可以熱少少就比較理想。餐肉通粉湯底都算濃，奶茶都算OK，整個餐都唔錯。另外粒粒西多同雞比個雞比就比較差，咬落去好硬，唔係好理想，不個祥香園個地方就十分大，装修新淨，坐得十分舒適，在湾仔呢個地區嘅巳算十分好。

老字號茶餐廳在灣仔重開之後，今次终於有機會幫襯！地方算大！裝修也好ok，先在檯面QR code選擇食物，種類也算多！ 好快上食物己到！叫咗個下午茶金磚炸魚柳加凍奶茶，大大份！金磚即係西多士，魚柳也很鬆脆！

NN年前係西環一帶試咗呢個包，十分難望，久唔久路經西環我都會去買，有人認為只不過係蓮蓉包一個，有咩特別？！就係只係蓮蓉包，坊間已經好少有蓮蓉包，而我又認為一般雞尾包太邪惡，所以我就會揀呢個好似係食緊雞尾，其實係蓮蓉嘅選項。之前佢結業，十分不捨，知道佢哋係灣仔重開，已經決定要再次光臨。終於等到今日，途經灣仔，走到店舖，雞尾包只剩兩個，外賣一個，取包後，包仍有微溫，$11包，份量對得住價錢，咬入口，已有蓮蓉餡，絕對有內涵，食了兩口，覺得蓮蓉偏甜，包本身係鬆軟的，有杯咖啡或茶送住食會好啲！如果喜歡蓮蓉嘅朋友，可以試試！

昨天第一次試，見網上說好出名，本來想食海南雞飯，可惜昨天沒有，蔥油鷄sold out … 最後叫了午餐牛扒及焗豬扒飯，咖啡（濃）、奶茶（濃）。咖啡先到，一飲完全差過隔離大快活，阿媽都唔算ok ,午餐、奶茶咖啡質素差過大街維港茶餐廳，焗飯ok ,但都沒有理由不再去。隔離位食波羅包，雖然好大，但個皮似好厚實，唔算太吸引，主要奶茶咖啡咁差，唔會再去。本來座位好舒服，但昨天冷氣超暖，食到一身汗。以這個質素，灣仔有很多好地方。

呢間鋪d職員欺負大肚婆! 今日lunch兩個人去食, 坐左最埋邊卡位, 明明隔離前後都有很多空枱, 2個呀嬸staff係都要我哋兩人一邊迫住坐。(留意餐廳係舊式卡位，不是很闊落那種，目測坐到1.5人一邊)。我大肚身體比較闊，覺得好迫又不能合實雙腳坐，同staff好聲好氣講左兩次太迫了想調枱，一一遭拒絕。同時佢哋又叫另一個男食客坐正我對面搭枱，其實佢都覺得迫，所以佢再次問職員係咪真係呢張枱同枱？ 職員話係呀！我老公同我平排坐，佢得返半個屎窟都坐不落。講真，我地上班一族，食個快飯就走。有比錢食野，唔係去咗豬欄。如果兩個300磅嘅人係咪都係照要逼落去食嘢？講咗幾次話迫坐不下想調枱，明明前後都有空枱佢又唔比調，其他卡位嘅客人又可以二人打對坐，咁即係擺明針對我？呢間野冇下次

中環打工人的飯堂😍想不出來吃啥我就會來這家！一周來了三次常餐🍜焗飯🍳 蓮蓉包🥖蛋撻🥚奶茶都好好吃啊很多本地人都在排隊！！！主打好吃不貴！🥖烘培蓮蓉雞尾包和蛋撻必吃！！！每日新鮮出爐的麵包，都好香！麵包鬆軟，蓮蓉雞尾包裡面滿滿全是蓮蓉餡，香甜軟糯，很驚艷！蛋撻我的最愛，皮酥的掉渣渣，餡兒金燦燦奶香奶香的好juicy🍍咸牛肉番茄炒蛋菠蘿包好好吃！沒有之一😍菠蘿包外酥里嫩包裹著滑蛋，咸香多汁🍳芝士焗流心蛋肉醬飯芝士腦袋不能錯過！會拉絲的流心肉醬飯😍我每次來都乾完一大盤，醬香濃郁的牛肉混合了芝士和蛋黃，一口下去的滿足感，誰吃誰知道！🥤港式奶茶招牌港式奶茶，茶香濃郁，一口醇正香濃，不管冰的熱的都很好喝

灣仔高質茶餐廳-祥香園裝修光猛明亮 環境乾淨衛生餐廳上有多款選擇 充滿港式風味亦有新鮮出爐既麵包🍞🥖質素好但價錢亦唔貴 值得一試🙌🏻當日試左茶餐廳必嗌既沙爹牛肉公仔麵配出前一丁沙爹汁濃香而牛肉亦嫩滑配上爽彈既出前一丁麵 好好味另外跟左個火腿奄列 夠哂豐富👍🏻新鮮出爐既麵包試招牌特色蓮蓉餡雞尾包同金黃酥脆既菠蘿包 兩款都好有水準💯最後仲試左是日午餐鴨腿冬瓜湯飯鴨腿炆得嫩滑入口軟淋而冬瓜湯夠消暑😋

偶然間來到這間茶餐廳，看到餐牌上的菠蘿包似乎很吸引，於是我點了它，果然菠蘿包非常美味。這次再來，我點了一個套餐，包括一個菠蘿包（我要求走牛油）、火腿煎蛋奄列以及一碗米粉配牛扒和一杯飲品。其實這些份量真的吃不完，因為份量不小，但唯一吃光的就是菠蘿包😍😍 因為實在太好味了。菠蘿包的外皮脆口，而且香氣四溢。來到這間茶餐廳，我絕對不會選擇其他東西，必定會點菠蘿包。

扎根堅尼地城多年嘅祥香園已經搬咗嚟灣仔道幾年啦。我已經嚟過N咁多次，近排好似又換咗新餐牌，但仍N不過我都係最鍾意食佢嘅出爐麵包 😋全日早餐$65薄切牛扒入口不靭，煎得啱啱好，冇overcooked, 配火腿加炒蛋炒蛋尚算嫩滑；而白雪雪嘅蟹籽薯蓉味道就有小小奇怪、沙律菜碎蛋牛角包，如果個包焗返脆一定更好吃。早餐配樽裝鮮奶$23 感覺真係食緊早餐細細個時已經知道金蓋奶同銀蓋奶的分別、如果大家想知請自行google 。每次必食「招牌蓮蓉餡雞尾包」$11就算經過都會買𠆤做早餐， 因為全香港得佢地有這個種經典麪包，用上黃蓮蓉取代椰絲餡，整體冇咁膩。芝士炒蛋菠蘿包$45配熱奶茶依個組合肯定系絕配，半年溶芝士、滑滑炒蛋加上菠蘿包翻焗過，所以更加好吃，絕對定增肥之選。紅豆冰少冰粒粒紅豆夠多，亦煲得幾稔和花奶比例恰好，甜度適中。

今次叫咗當日餐牌嘅午餐廚師推介無骨海南雞飯,比埋脾骨位同雞翼尖我所以唔係完全無骨囉😅🤣我覺得味道都ok唔點汁都夠入味但啲肉質未係好嫩滑,會痴牙😅反而雞飯幾好味👍另外麻婆豆腐飯同出面食有啲唔同,食到‘’麻辣‘’味咁,但又幾好味喎,送飯一流P.S.原來餐廳入面房的冷氣係涼好多,走果時發現裝修得好靚的出面好熱😆

今日喺灣仔附近經過，特登拜訪呢間由西環搬到灣仔超過50年歷史嘅茶記，好想知道呢間茶記重開變成什麼模樣。現在位於灣仔灣仔道2樓，入面面積頗大，重分咗兩個區域，一邊是充滿現代感的茶記裝修，另一邊是充滿懷舊50年代茶記情懷，牆壁上更掛滿了一幅幅珍藏的50年代香港容貌相片。今日到來時間已過了9:30，大多人都應已上班，但餐廳仍幾乎坐滿顧客，如果星期六日一定更爆喇。今日揀咗沙嗲牛肉公仔麵配司華力腸跟蛋，沙嗲味極濃，而牛肉很嫩滑，公仔麵更能做到軟硬適中，味道唔錯。而司華力腸跟煎蛋都唔夠熱，呢個位有待改進。另外叫了一個出名嘅牛油皮蛋撻，咬落去已聞到好香嘅牛油味，而且蛋撻皮很脆口，撻心的蛋充滿蛋香味，好滑溜，又唔係好甜，絕對值得一贊。

「西環三寶 」之一 - 祥香茶餐廳2022年尾，隨著老闆退休，半世紀老店就此告別時隔數月灣仔再現，唔知係未有心人頂左個名將之延續落去？？？新店由地鋪改為上樓鋪，保留舊有一些亮眼點再配以新派設計，新舊交錯。全場大部份係卡位座，座位闊落，落單亦由人手改為QR code 落單呢度麵餐最吸引我嘅位係包可以配不同嘅自家製餐包，菠蘿包，提子包，雞尾包。。。蛋撻麵包確實唔錯，蛋撻皮薄，有蛋奶香；提子包大大條，多提子粒；菠蘿包外層香脆內裡鬆軟；可惜跟名物雞尾包緣慳一面而沙牛米嘅沙嗲牛肉就表現一般，牛肉鬆散無肉味，沙嗲無特色，無任何特出嘅香味甜味或辣味，令到個湯都變得好普通整體麵包較出色，自家製，有麵包香，綿密實在。相比舊店，環境舒服了，裝修設計好看了，同時亦少左份地道同親切感，時易世易，當一間全新茶記去看可能會好點