ChezLouis (Closed)

土瓜灣舊區入面竟然開左間法式Bistro，講真真係冇朋友介紹，點會知道有哩開餐廳喎😝😝比利時地道店仔舖細細，最多得10張台，裝修好vintage🤩🤩🤩服務都okay🤪不停會幫我地加水厚切豬扒配個自制燒汁，好似有啲磨菇味道既，豬扒都煎左好耐，因為要確保熟哂？豬扒上抬都幾靚仔架，切落都有小小粉紅色既，仲有好有肉汁既，不過食落超級鞋口，乾身咗啲，咬到牙較都有啲軟😟😟😟❤️烤羊架❤️有四塊既，羊羶味唔夠重呀，因為本人最鐘意食羶味既😚😚而且羊架烤得夠熱，不過切落啲肉度係粉紅色好到，五成熟岩岩好既😝嗌左杯fresh lime 🥤 🥤 soda😜都okay

第一次試這間比利時餐廳，也是大廚快要離開的日子，尤幸聽到班伙記會接手間餐廳，希望能夠保持水準下去。這間餐廳位置比較穩秘，位於大街後方，記得多年來大多是車房在這些街道經營。若是平時行過，也會以為是酒吧，但其實裡面別有洞天。首先裝潢時髦像酒吧感覺，令人放鬆。而待應服務也欣勤，好有活力，也互相照應，很看好他們接手後共同努力成果。家庭聚餐，能夠試到多道美食。特色煙燻泡沫湯(Cappuccino Soup)配三文魚末醬多士，多士香脆配三文魚醬美味，這個啤酒泡沫湯十分香甜美味。幾欣賞這擺設，就像藝術品特出主體。慢煮羊脾配細扁意粉，羊脾滑嫩一切便開，意粉也加上不少配菜，如綠豆，乾梅等，口感豐富。海鮮意大利飯比利時白啤酒法國青口，用法國青口比平時食開酒店的大青口更滑嫩，配上白啤酒煮調更是美味。甜品拼盤:有法式焦糖燉蛋，比利時朱古力幕絲，濃縮咖啡浸雲呢拿雪糕肉桂果凍，肉桂味濃適逢萬聖節，有些鬼怪在門面店內店外也有吧枱位供客人飲酒和食飯澳洲肉眼扒，7成熟，皮脆肉嫩，煎得恰到好處，很少食牛排的面和底煎得咁脆。這間餐廳性價比尖沙咀同類餐廳便宜，也美味，值得和朋友相約再試。

同女朋友黎食lunch，見到間土瓜灣少見既西餐，入黎試下，叫左個肉眼同埋個海鮮意大利飯，個肉眼幾正，個意大利飯幾入味，海鮮都算多，不過d飯淋過頭，差少少，另外叫左杯榛子咖啡飲，幾好飲，個人覺得甜度適中，可以一試，下次再黎想試下個龍蝦湯同青口~。服務都ok，可能少人，不停會幫我地加水，另外見d人都會同客吹水，seems nice ，環境幾有feel，女朋友話夜晚黎食好feel d，浪漫d。不過門外周圍既環境就差d啦

人流不多時間 每隔一段時間都行來好似催你點野食 當你表示食物不好吃 職員黑面 也不准客人取消點左的菜 莫視顧客意見服務態度 全程不時黑面 令客人感覺相當不好👎 雖然食物未算很難食 但職員態度也是相當重要 否則食埋d氣落肚

未食過咁難食既Fish & Chips!!!!啲魚肉係腥夾硬既！個炸粉竟然無唔係用麵包糠，而係用炸粉！食落口又腥又硬，完全吞唔落口！同個waiter講，話難食，個侍應完全唔認，仲話佢地用既係鮮魚，從來無人投訴過。 。。咁難食，我地話唔要之前order咗個厚切豬扒，要埋單走人，個侍應唔比，話個豬扒已經煮緊，逼我地要！極差既食物同服務！客人投訴食物質素仲要黑個客面！咁差既服務又貴，一定要black list佢！

土瓜灣隱世西式食餐廳同屋企人一齊去食生日飯 搵咗間近近地嘅西式餐廳，出乎意料超出我地既期望。室内既環境同街景完全唔同，舒服乾淨。龍蝦湯每日限定，很有水準，並唔係平日試到既味道，鮮味十足，有心之作。親子雞沙律牛肉燒得剛剛好，但係呢舊牛肉質地麻麻地，個味就好好食，加上牛油溶少少落牛肉👍炸魚薯條比我期望既好食，魚嫰滑，薯條好粗好似自己整咁。西班牙飯我就覺得整得太黏口，味道還可以。其實我唔食羊嘅，但我試左少少，由於都係怕果D味，勁快呑在落肚唔知咩味😅

之前食過一次，已經是念念不忘～雖然地點有點難找，但為左食找一找都係值得既。小店裝修精緻，服務我們的店員是外籍人士，非常用心介紹，當我們點了類似重覆的菜時，店員會細心解釋每款菜的特式，又會就我們所點的菜式比意見，令我們可試吃更多不同款式，真是細心～此店很有比利時地道味道，店員親切及細心介紹的態度要讚喔～係香港難找到有質數的餐廳！比利時餐廳當然要試Mussel 啦！好味！而且備有多款Belgium beer, 按自己喜好問問店員便有好介紹！配合Belgium beer 食mussels 真心讚喔～

平日下午叫咗個seafood risotto $128 和hot cappuccino 半價$14另收加一，risotto 有蝦、蜆、藍青口都算係新鮮有鮮味，飯粒有些硬有些軟，汁係結身嘅幾好味，飯上放兩條餅干點綴，整體賣相靚而且又好味，跟其他餐廳比較呢個飯份量算交足貨，因為出面好多餐廳收二三百元一個risotto但只有七八口小份量，呢間差不多二十口份量，不過，見今年一月份其他人的食評呢個飯只是$98，現在七月份已經加價到$128，加幅挺大，希望暫時不要再加價了

在土瓜灣車房附近的一間偏高檔西餐廳，已經吸引我地黎食第二次啦～有以下小小睇法：青口：第一次黎食時，侍應推薦試了蒜香忌廉法國青口，超級有驚喜😍因爲我係唔鐘意食青口，本身諗住試一粒，唔好食就俾朋友食晒，點知法國青口味道好好好香甜，又同蒜香忌廉味好夾，而蘿蔔椰菜絲索晒啲湯汁，而配菜係薯條加BBQ同洋蔥忌廉醬。最後整道菜全部野都清晒，真心推介。不過第二次食時，青口已經唔係法國青口，大感失望😞原來法國青口要冬天先會當造，所以夏天就食唔到啦⋯⋯三文魚扒：煎得剛剛好，肉質鮮嫩，但份量有點偏小。羊架：好嫩滑的羊架，一點都不韌，羊肉味不會太重，唔錯唔錯。肉眼扒：跟肉架一樣，肉質嫩滑，而且很大塊，適合一大班朋友一齊分享。海鮮意大利飯：性價比最高，有齊蝦、青口、蜆，意大利飯煮得好好味😋.這間餐廳整體唔錯，老闆侍應都好親民，特別照顧老人家同小朋友，每道菜都好味。不過價錢有點略貴，配菜好味但可以再多些花款。

To Kwa Wan is definitely a place I rarely visit as all I can think of is warehouse in this area.   I have read and heard of many nice restaurants in this area so finally came here to try.  My friend heard of the famous mussels so this is what made us choose ChezLouis to try tonight.  My friend made a reservation tonight and lucky we did as it was 80% packed on a Tuesday which was a surprise to me!  The restaurant is cozy, nice to visit after a long working day.  The menu is simple and straight f

這間西餐廳開張未夠一年，多次經過門口都見有人在等位，但門前見到的食物餐牌，價錢唔平啊！莫非真的咁好食？今日終於可以一試了。店內有兩位洋人，都是比利時人，一位是大廚，負責煎扒，另一位是待應。因為沒有訂枱，所以我們安排坐bar 枱，可以望住廚師煮，估唔到大約100尺的廚房，可以煮到咁多食物。凱撒沙律$58 有羅馬生菜、青瓜、巴馬臣芝士、麵包粒、流心蛋，看似簡單，但好吃非常。卡邦尼細扁意粉$88味道調得很好吃加拿大厚切豬扒$198配薯條、法式燉菜、干邑黑椒汁豬扒其實比牛扒難煮，這塊豬扒真是有驚喜，肉質鮮嫩多汁，外脆內軟，烹調時間恰到好處，很好吃，超讚……煙燻泡沫湯配三文魚醬多士$38+20很少餐廳用玻璃杯盛熱湯，個人認為，如果用有耳杯則較佳。湯上面打了一層忌廉泡沫，白滑棉密，湯是用甘筍、蕃薯和南瓜打成，味道很夾。而三文魚醬食落比較凍，如果三文魚醬和多士一齊焗，則更佳。Mango Smoothies$48

在網上看到這家店的video. 剛好靠近老友的家所以決定回香港渡假必定一試。 位置的確幾隱蔽。 如果不是看到網上video推介根本不會走進一條車房後街覓食。 服務態度有誠意。 食候感是不枉此行。 首先服務態度有誠意, 食物味道佳, 賣相精緻。 坐bar 台時看到廚師Louis很用心做每一份order. Salmon toast 美味。 肉眼扒口感一流, 炸魚魚肉幾掂, 甜品tiramisu 甜度剛好。 如果要挑的話, 個人覺得柚子凍飲味道比較淡。 有機會返香港會再幫光顧。 keep up the good work and hope to see new additions to menu in next visit.

今天下午想試食評推介的比利時餐廳，剛好遇着紅色暴雨，下午已經天黑，因車已經去到長寧街，即管冒雨下車跑去這間餐廳。已經差不多下午茶的時分，餐廳仍有兩、三枱客，雖然這條街道有很多車房，但這間餐廳的裝修有其格調，望個餐牌，也很放心入去一試，幸好食物有水準，看得出廚師的用心製作，價錢唔貴，加埋靚鬼仔侍應的笑容，很滿意的一個午餐。試過烤雞凱撒沙律，材料豐富，烤雞仍是暖熱有香味; 甜品的濃縮咖啡配雪糕 Affogato La Cafe 味道很好，價錢也只不過$38 ，一定要試！

如果不是一個住在土瓜灣的朋友介紹，絕對找不到這家餐廳，位處非常隱蔽，原來這店在區内已經薄有名氣，我們去到時已經滿客，好彩預早定位，否則有排等。凱撒沙律$58，內涵豐富，除了 羅馬生菜，青瓜，多士粒 （Crouton)，鯷魚乾 （Anchovy），芝士碎，還有一只溫泉蛋，好吃不簡單。龍蝦湯 (cappuccino soup) $68， 滿有驚喜，龍蝦湯上面打了一層忌廉泡沫 ，白滑棉密，有兩件多士伴碟，還配搭了三粒鮮蜆，色香味俱全。海鮮意大利飯 （Seafood Risotto）$98， 配料有烤蝦，鮮蜆， 藍青口 ，意大利飯  Risotto 最講究煙韌有咬口 （Al-dante），即是有點生米的口感，但 ChezLouis 的 Risotto 就在這方面略有不足，但味道確實不錯，而且價錢合理，屬於性價比高的了。招牌蒜蓉忌廉青口煲 $288，這個絕對是ChezLouis 的 招牌菜，青口鮮嫩美味，混和著濃濃的白酒 香草和洋葱，配搭得宜，跟扁身炸薯條同吃，別有一番風味。加拿大厚切豬扒 $198，足足有一吋厚，肉質鮮嫩多汁，而且烹調時間恰到好處，用白蘆筍， 番茄沙沙醬 (Fresh Toma

外父外母就住喺土瓜灣長寧街，以前本來有間好好食嘅越南餐不過最近就執咗了！最近可能土瓜灣開地鐵站啲餐廳轉得好快。。不過依排成日行過見到開咗間西餐廳，仲好似每一晚都有Special Menu。因為行過次次個門口黑板menu 都唔同。好奇望下入餐廳度，仲要好似係外國廚師喺入邊坐鎮，所以搵左晚同外家一家人一齊試吓。其實依間餐廳最出名係青口，牛扒同埋最有驚喜嘅carbonara pasta . 可以咁講其他嘢都係預期中嘅水準，但係依間餐廳既carbonara pasta 簡直係最近嘅代表之作，大家經過開土瓜灣不妨一試！